وش مقبره والوصف مافيه تزييف..ولاني من اللي ممتهن للطنايز..(((صاحب الحل:الشيخ مسكين)))

[ابو ماجد 2]

السلام عليكم ورحمة الله وبركاته


لاوالله الا شيف بالعين ماعيف=وضعٍ لراعي العقل ماهو بجايز
وش مقبره والوصف مافيه تزييف=ولا ني من اللي شغلته بالطنايز
في وسطها شفت الجنايز مهاديف=اظهورهن حدبٍ سوات العجايز
فيهن سواد الوجه من عرض ماشيف=جنايزٍ فوق الجنايز جنايز



تحيتي للجميع

[nomas2002]

صح لسانك اخوي
وش رايك بالتشليح

[ابو ماجد 2]

اخوي نوماس
صح بدنك يالغالي
والرمعه مالك لوى
انتظر مرماعك القادم
تحيتي لك وتقديري

[يوسف الخليفة1]

صح لسانك أخي أبو ماجد وما رأيك بحلبي رصاص البندقية وشكرا لك

[فهد الهلالي]

صح اللسانك يابو ماجد (لغز وافي منك يا وافي)0000 رمعه 00
بدايه تفكير
ويش رائيك يشوايه الدجاج اوالشورما

[ابو ماجد 2]

صح لسانك أخي أبو ماجد وما رأيك بحلبي رصاص البندقية وشكرا لك



ابو عبدالله
تشرفت بمرورك يالغالي والرمعه مالك لوى
تحيتي لك

[ابو ماجد 2]

صح اللسانك يابو ماجد (لغز وافي منك يا وافي)0000 رمعه 00

بدايه تفكير

ويش رائيك يشوايه الدجاج اوالشورما



مبدعنا الغالي
هلا بك مليون والوفاء انتم اهله
الشوايه مالك لوى يالغلا
ولاتنسى البيت الاول
تحيتي لك وتقديري

[فهد الهلالي]

ابو ماجد رمعه0000 يابعدي ويش رائشك بالصيد اكثر من الازم حتي يخيس ويرمى
مثل مره شفت ضبان مرميات على على سدره خايسات
كذلك صوره اكثر من ثلاثه الاف ضب

[ابو ماجد 2]

اخوي الشيخ مسكين
مالك لوى يالغلا
انتظر رمعتك التاليه
تحيتي لك وتقديري

[فهد الهلالي]

ابو ماجد رمعه والله ماودي اقوله بس تدور بخاطري ويش رائيك بالطفايه والسجاير الله يكرمك ويكرم الحاضرين

[ابو ماجد 2]

الله. الله. اخوي الشيخ مسكين
نعم هي طفاية الزقاير حمانا الله واياكم من سموم التدخين
والزقاره يطغيها المدخن بنفس الفايه ويكون بهالحاله عاليها منحني كذالك يكون وجهها اسود
بيض الله وجهك يااستاذنا الكبير