----- هل طلعة سهيل تؤثر على ريشة الطير ؟

[قلب ذيب]

أسعد الله أوقاتكم بكل خير .
- - طبعا ظهور نجم سهيل عده ريض , تونا في بداية نجوم القيض , لكن عندي سؤال للصقاقير , خاصه اللي يقيضون طيورهم بعيدا عن المكيفات .
س - هل ظهور نجم سهيل المعروف بانسلاخ القيض ودخول الصفري , ونشوء نو بكاير الوسمي يؤثر على الطير فيمنحه دفعه قويه لاستكمال ريشه , وهل لاحظ أحد منكم ذلك ؟

[أبوإبراهيم1]

نعم فـــــــــــي إعتقادي ماقلت
والدليل كثرة وسرعة تبديل النجير
الله يلحقنا خير
تحياتي لك

[صقار البحرين]

قلب ذيب الله يمسيك بالخير اتمنى الشباب يفيدونك ويفيدونا معاك وتقبل مروري

[لعّاب المنايا]

حياك اخوي وكلامك سليم لادخل سهيل وهب البراد
مايحتاج بالنسبه لأغلب الطيور خلاص بدت تصفي الريش
وتبدأ بتصريف علفها اسرع من اول المقيض وكان بقى شي من الريش
فهو قليل ومع دخول سهيل تتخلص من باقي الريش كله
حسب معلوماتي والله اعلم

[قلب ذيب]

ابوابراهيم 1. شكرا لمداخلتك , نعم الطير في ظهور سهيل يبرد عليه الوقت وسهيل له مؤثرات كثيره على الما والعود وكذلك الطير .
صقار البحرين . الله يحييك وان شاء الله نجد معلومات دسمه من الجميع .
لعّاب المنايا . قعلا تأثير نجم سهيل يبان في مدى تغيير الطير لريشه .
شكرا لتواصلكم .

[سلطان 1]

ارحب يا قلب الذيب 0
بعدين ياخوى سهيل يئثر فى كل شى 0 اول ما يشوف سهيل الارض قبل شوف العين 0
لاحض ان احيانا الله اذا بقى على ضهور سهل اسبوع او اكثر الاشجار من جهه الجنوب تحصلها خضرا بينما جهاتها الثانيه تحصل لونها ما هيب خضرا
وغير كذا لاحض الشاهين متى تبدا بالحذف على قبول سهيل 0
وترد البيار بالماء بعد 0
معنى كلامى ان سهيل له تاثير قوى على غسله الطير 0
تقبل مرورى 0

[طارق الحربي]

احرص على مواضيعك يابو ماجد ولا يهونون البقيه


مناقشات رائعه

الله يوفقك تابع

[وَسَام!]

والله يابو ماجد طلعة سهيل تأثيرها علي قبل الطير ههههههه
واخوي راعي فاروق كفى ووفا!
وترى طير الرجال انباع للرجال اللي قلت لك!
لاعدمناك يابو ماجد!!!

[قلب ذيب]

راعي فاروق .
طارق الحربي
وسام ! .
اثمن مروركم ومداخلاتكم الايجابيه .
( الطير راح ! اعرفهم زين الجماعه مايجون سلعه ويخلونها , الله يبارك للبايع والشاري ) لوخلاه شهرين كان جاب له دبل ! في ظل منع دخول الوحش .

[فيصل الدشاش]

عليكم السلام عليكم

ياهلالالالالالا بقلب الذيب

اتمناا من كل قلبي ياذيب

انتهم يساعدووونك الاخوان

فمااااان الله

[الرقعي]

في اعتقادي ان ظهور نجم سهيل له تاثير علي قرنسة الطير وكذللك نفسية الصقار وهي الاهم

[قلب ذيب]

فيصل الدشاش : الله يحييك انا لاأطلب المساعده بقدر ماأطلب المشاركه الفعاله شكرا لمرورك .
الرقعي : ارحب كلامك في محله يشرفني مرورك .
عندي ملاحظه على توقيعك , فيه شطر بيت يمكنك نسيت حرف ( بيض الدواغر ) هلا وغلا .

[طيرالحمــــاد]

ظهور نجــمـ سهيل
راعي الطيريقرنس قبل طيره يجهز الموتر والاغراض كلها

الشياهين العاصيه بالقرناس تذب مع طلوع سهيل
وهذا دليل على ان سهيل له دور كبير بالقرناس حيث يتغير الجو ويبدا الجو يبرد

[وقاااااد]

الجماعه ماقصرو كفو اوفو
وانت يابو ماجد ابخص منا في هالأمور
وانا متأكد انك طارح الموضوع فقط للفائده ;)
حبيت اضيف معلومه على كلام الجماعه
وهي كثره امراض الطيور بعد مايطلع سهيل
وهي فتره يجب الحرص على الطير اكثر من وقت مضى
تقبل مروري
مغليك / وقاااااااد