مـــيــــزان لــدربـيــــل الــخــرازة .. شي رهيب!!!!

[المري]

السلام عليكم ... اخواني الاعزاء..

عصر هذا اليوم جاءني واحد من الربع وخرازته أم دربيل معه وقال تعال شف كيف اوزن الدربيل .؟؟!!!

المهم طلع معه قطعة صغيرة وركبها في رأس السطابة ويوم اني دربلت بالدربيل شفت علامة + مثل اللي

في الدربيل ووزنا الدربيل على العلامة اللي قدامه وعقبها ماشاء الله تبارك الرحمن..

سجلت المعلومات اللي على الميزان وحصلت صورته وهذي هي صورته:

http://di1.shopping.com/images/di/56/76/77/47353933674457596a4b6169477a48362d3251-100x100-0-0.jpg
وهذه صوره العصر اليوم:

http://www.mekshat.com/pix/upload02/images73/mk1168_________.jpg


http://www.mekshat.com/pix/upload02/images73/mk1168______001.jpg


http://www.mekshat.com/pix/upload02/images73/mk1168______002.jpg






الرجاء ممن عند خلفية عن وجود هذا المنتج وين يباع.؟؟؟ يعطينا علم ..


اخوكم - المري

[الجبيلاوي2]

وعليكم السلام ورحمة الله وبركاته

هذ يطويل العمر تلقاه في دبي عند محل اسمه الرمايه او المقناص مقابل ستي سنتر



وقيمته 150 ريال

[ابرق العزاف]

ماشالله هذا اللى عليه العلم الوزن من داخل السبطانه
انا اليوم دخت من صباحية الله اوزن وراح عليه نص الوقت
وهذا مريح جدا 000 ياليت اسمه وهل يباع في المملكه

[المري]

مرحبا بالاخوان..

كلمت رفيق لي بالرياض ودور له الليلة ولا حصله..

وقالو في دبي وكلمت رفيق لي عنده محل في دبي وقال: كانت عندنا وخلصت.. وبنجيب في القريب العاجل.

وسلاامتكم

اخوكم - المري

[القناص-sniper]

منتج جديد وغريب

بس بصراحه الفكره ما خشت مزاجي ابد

معقوله ؟؟!! اوزن دربيل على السبطانه طيب وشلون احدد المسافه !!

فيه بعض الناس توزن الدربيل على مسافة 100 متر وبعض الناس 150 متر

وشلون اقدر احدد المسافة من خلال علامة + الفكره مره صعبه تدخل راسي

احد جربها يا اخوان ويفيدنا بالتفصيل وشلون الوزن الحقيقي ؟؟

[المري]

مرحبا اخوي القناص وحياك الله يالغالي..

صحيح وزناها وعلى طول, رميت فيها وصدت فيها..

اما قولك على مسافة 100 متر و150 متر فماعندي خبر..

وسلامتكم

[2000005]

السلام عليكم
روعه فعلا شي مميز ومبتكر بس ياليت تزودنا وتسأل صاحبك وين جاب الجهاز هذا منه؟؟ فضلا وليس امرا
عندي خرازة والنظر خف عندي وابركب دربيل واكيد ابحتاج الجهاز

[2000005]

اخوي المري.................استكمال لكلامي فضلا فضلا لو حصلت الجهاز احسب حسابي في واحد
وهذا رقمي0505261322
ضروري جدا

[بوخالد الكعبي]

يسلمو على المعلومات الجميله

[هاوي البر]

الجهاز عندي ويباع عند الرماية الي في شارع التخصصي بالرياض
ويجي معه عده كامله يوزن البلجيكي والخرازه وحتى الساكتون
بس تبي الحقيقه لك عليه في الوزن يعني لازم ترمي اول على هدف وتشوف الرميه وين راحت يمين ولا فوق ولا تحت ثم تركب الجهاز وتحرك الدربيل مع علامة الزايد الي في الجهاز تحركه يمين ويسار حتى يضبط معك
الي يقول انه يضبط بدون رمي غير صحيح لان يعطيك وزن صحيح علما بان الجهاز يقولون انه يوزن بدون رمي
لانك تطبق الزايد الي في الجهاز على الزايد الي في الدربيل انا جربتها اكثر من مره ولم تضبط معي وجربها احد الاصحاب ونفس النتيجه طلعت معه
تبون الصراحه الجهاز اعتبره فاشل
وهو عندي وشريته بقيمة 200 ريال وهو يباع عند الرماية بـ 250 ريال
الي يبيه براس ماله بـ 200ريال ترى بياع
او يمر محل الرماية يمكن يلقاه ارخص

[sal7]

الله يبارك بالخرازه اللي خلتنا نشوفك في هذي الخيمه يابو معيض

الجهاز موجود عند الرمايه كما بين أخوي هاوي البر قبل فتره لكن الان مادري عنه
و أيضاً تنبيه أخوي هاوي البر سليم الجهاز غير دقيق يعني هو يعلمك حول الوزنه هذي
لكن ما تكون دقيقه مره ألا بعد التجربه

و لا تقطع خلنا نشوفك

موفق

:)

[المري]

الله يجزاكم خير اخواني الاعزاء ...

وماقصرت وجزاكم الله خير وخاااصة اخوي هاوي البر..

اخوي المشرف .. الله يبارك في عمرك وابشر بالخير ترانا من المتابعين

وجزاكم الله خير على هذه الخيمة الطيبة.


***

اخوي هاوي البر او احد من الاخوان..

طيب وزن الدربيل على الليزر ؟؟ وش رايكم هل هو افضل من هذا؟؟

وسلامتكم

اخوكم - المري

[mrayman]

الله يحيك يالمري انا شريت نوعية الليزر الي يوزن وهي من نوعية بوشنيل لكني ما رأيت فيها الجودة ولقيت هـ النوعية الي تقول عليها ولكن ماجربته للامانة وللحين ابجيب نوعية من Leupold وهي شركة معروفة وابجربه وارد عليكم .

[sal7]

اخوي هاوي البر او احد من الاخوان..

طيب وزن الدربيل على الليزر ؟؟ وش رايكم هل هو افضل من هذا؟؟



راح أجاوب بما عندي من علم لان خبرتي في العباريد قليله مب ذاك الزود
لكن اخونا هاوي البر أكيد راح يفيدنا بأذن الله أكثر
يابو معيض
أفضل طريقه للوزن هي تثبيت الخرازه على الملزمه و على بعد معين (اللي تحتاجه 50 أو 60 متر)
و بعدين تقوم بالرمي على قطعه كرتونيه و بعدها تضبط الميزانيه على محل الرميه في الكرتون

فيه طريقه اخرى وهي في بعض الامتار تتطابق الرمايه على الهدف
لو تازنها على هدف في مسافه معينه تستطيع أن تصيب هدف أبعد أو اقرب
علمني هذي الطريقه واحد من الشباب و نسيتها لكن الطريقه بأذن الله راح تكون عندك في القريب العاجل

و طريقة وزن الخرازه بالليزر ممتازه لكن تبين لي انها تأتي بعد الملزمه في الدقه

[taag1]

الله يحيك يالمري انا شريت نوعية الليزر الي يوزن وهي من نوعية بوشنيل لكني ما رأيت فيها الجودة ولقيت هـ النوعية الي تقول عليها ولكن ماجربته للامانة وللحين ابجيب نوعية من Leupold وهي شركة معروفة وابجربه وارد عليكم .

هذا الكلام الزين ليبولد وبس كل منتجاتهم روعه ولاتفوتكم منتجاتهم المشكله لم تكونمعروفه عندنا الا من وقت قريب .....

[shmalat]

والله ممتاز
ابحاول ادور مثله

[abo sal7]

والله مشكله ها الدرابيل

[أمير الصيد]

يا اخوان الطريقه ربما تكون ناجحه .
ولكن بالليزر افضل واسهل واسرع لكن المشكله إين نجد الليزر ؟؟
المشكله لم نجد ولا اي نوع من انواع الليزر حتى حق الاطفال اللي يباع في البقالات غير موجود ؟؟ مع أنه كان موجود بكثره في السابق.
اللي يخبر لي محل يبيع ليزرات يسوي خير يفيدني على الخاص أو الايميل اذا كان هنا غير مسموح .
لإني تو شاري ساكتون ولا بعد وزنت .
والله يعطيكم العافيه .

[crash.mad]

يعطيك العافية ما فصرت

[أبوقزاز]

يالمري هالولد مهوب غريب على!!! انت من اهل المجمعه؟


http://www.mekshat.com/pix/upload/images22/mk1168_mam1.jpg

[موتي]

الله يعطيك العافية

[أبوعبدلله99]

لا ياخوي اسم المحل الصياااد وانا اتردد له كلم مارحت للإمرات

[abo-lma]

يالربع الجهاز هذا متوفر

وموجود في محلات الرحلات وسره بــ 200 ريال

وحصلته في الطايف

ولكن ماهوب دقيق في الوزن ولاينفع بحكم تجربتي له والله انه خساره

وتراه يجي في شنطه ومعه كم مسمار لوزن جميع البنادق

[تواق]

اخوي ابو معيض

هذا سلمك الله مايوزن الدربيل وهذا خطاء شائع لدينا واولهم اخوك


هذا وضيفته يحفظ لك الوزن من دون ان تعيد الرمي والغثاء بحيث مثلا لو وزنت دربيلك على مائه متر

تجد صليب الدربيل يتقاطع فوق تقاطع الجهاز بخطين او ثلاثه ودونها عندك

ولما توزن دربيلك على 250 متر وتركب الجهاز تجد انه فوق التقاطع بخمس درجات

هنا لما تريد ان تعود الى المائه متر تنزله فوق التقاطع بدرجتين وهاكذا

[المري]

بيض الله وجهيكم

وماقصرت يااخوان

**

تسلم اخوي تواق على هذه المعلومه الجديد

اخوك - المري

[قناص الوعول]

انا مجرب ميزان الدربيل نوعية تاسكو على دربيل زايس ـــــــــــــــــــــــ وزنته لدربيل ممتازة جدا للمسافات القريبه

[سحايب نجد]

الجهاز موجود عندي وهو مثل ماقال اخوي هاوي البر
فاااااااااااشل
اشتريته من الرمابه ب240
وغير دقيق

[.. الشلاحي ..]

مشكور اخي المري على الموضوع
وعندي سوال
وش افضل دربيل للخرازة وسعرة مناسب ولايختلف مع الوقت
والثاني رمي الدربيل في البعد والقرب واحد والا يختلف
فكرة الدربيل في راسي ومتردد

[برنو1990]

موجد عند واحد تعرف عليه هو من اهل عسير
وهدا ايميله
adel0-00@hotmail.com

[رياح الشرق1]

معقوله ما تعرفون الموزن ذا يا رجل هذا له عندي يمكن 10 سنين من الرمايه وهو قديم ومعرووف وتراه يعني حليل رغم انه مو مضبوط

[أبو رداد]

السلام عليكم ورحمة الله وبركاته

لايوجد وازن دوربيل يعطيك وزن 100% ... وظيفته يقرب لك الوزن الصحيح
والباقي عليك ...يجب ان ترمي حتى تصل للدقه 100 %
وهذا الي فالصوره صيني وتقليد لماركة بوشنال
نفس هذا الشكل ماركة بوشنال موجود في دبي وقيمته 750 درهم
(سبق ان وضعناه جائزه لمسابقه وفاز فيها الاخ راعي الجير من الرياض)
والسلام

[هماش]

السلام عليكم
كيف الحال ياخواني
لاحد ينسى ان الدربيل له وزنيه معينه يعني بلمتار
وعامل الطبيعه له دور في تحكم الطلقه
يعني لين ترمي على مسافه معينه وايام مايكن فيها هوى
غير لما ترمي الصيد وعليك هوى
حاول اذا حبيت توزن الدربيل اوزنه وانت مناطح للهوى
ولو جيت ترمي الصيده ارم وانت مناطح الهوى
لا تعترض الصيده برمي علشان ما تخطي
مع الرمي الكثير بلخرازه راح تعرف الكلام هذا يعني راح تغير الوزنيه
بلحسبه يعني بتضربها بفكرك وراح تتوفق بس تئكد من العوامل الطبيعيه
هواء مطر رطوبه كلها لها تئثير في رمي الخرازه
وتقبلوا مروري

[محمد الرويس]

انا لقيه في الرمايه اكيد
ويمكن تلقاه في الهدف

[العياده]

مشكووووووووور

[ابو جنى 2005]

السلام عليكم ورحمة الله وبركاته
مع احترامي لأخووووووي المرررررري
شريناها من الرمايه اللي في التخصصي مع العدة كامله ولا نفعت ورجعت للرمايه وقلت له ما أدت الغرض اذا وزنتها ميه بالميه على الصليب يصير الرمييا اما يمين والا يسار بالعربي ما تنفع ولا احد يشتريها اللي يبي يوزن دربيل لا يتعدى الملزمه
وللمره الثانية تقبل مروري بصدر رحب اخوي المري
اخوك ابو جنى