وش جاب القصيم مع خط مكة ؟؟؟

[القصبي]

السلام عليكم ندخل في الموضوع سيدا
انا قبل اسبوع رايح لمكة وانا ماشي مع خط مكة واتوقع اني تعيدت القويعة طلع لي لوحة مكتوب فيها القصيم غريبة ماصدقت
كم كيلو من خط مكة الى القصيم

[بـــ نجد ـــرق]

هلابك اخوي

القصيم تبعد عن القويعيه حوالي 380 كيلو شمال

وشي طبيعي تلقى لها مخارج على طريق مكه تودي للقصيم

تحيتي لك

[عبدالله الدوسري]

طبيعي الشيء هذا يصير
تلقى الخط يطلع على ساجر بعدين المذنب مثلاً (لأني ما أدري عن الخط بالضبط)
ومثلها إذا طلعت من الرياض مع طريق القصيم بتلقى لوحات فيها شقراء
ونفس الكلام لو تطلع مع طريق صلبوخ
ونفس الكلام لو تطلع مع طريق مكة
والأولين يقولون:
ديرة الحروب كلها دروب :)

[أبوتركي الخالدي]

أخوي القصبي
القصيم له عدة طرق من عند القويعية وهي ليست سريعة لكنها مختصرة نوعا ما

فهناك طريق من وسط القويعية إلى الدوادمي ومن ثم إلى القصيم

كذلك هناك طريق بعد القويعية ب20 ك وهو طريق مزعلة وهو يذهب إلى الدوادمي ثم القصيم

وهو طريق قريب إلى القصب لعله يفيدك

واطريق الثالث ولعله الطريق الذي مررت به ويوجد هناك لوحة وهو بالقرب من الرويضة يمر بنفي ثم القصيم