الحذر ثم الحذر ثم الحذر عند بيع السيارة

[راعي المقانيص]

اخواني الافاضل


السلام عليكم ورحمة الله وبركاته


في خلال شهر فقط تمرمطت مرمطه ليس لها اول ولا أخر بسبب بيع سياره


وللاسف اذا مامعك واسطه وقويه والا ماراح تاخذ حقك


مالكم بالطويله اجيب لكم


السالفه الاولى


قبل فتره اشتريت سيارة وجيت استلم السيارة قالوا لي الوكاله عليك قسائم بمبلغ وقدرة 1900 الف وتسعمائه ريال سددها وتعال


انبهرت انبهار غير طبيعي لاني راعي سرعه ولا دوران ولا قطع اشارات ! !


راجعت المرور وكانت الصدمه العظمي


استفسرت عن القسائم وقال لي العسكري القسائم مسجله على السياره وليس عليك


قلت انا معي سيارة تتبع للشركة التي اعمل فيها والسيارة ماهي باسمي


قال فيه سيارة باسمك نوع جمس ونيت موديل 87


قلت ياخي بايعه من زمان انا من عام 1417 هـ


قال هل معك اثبات انك بايع السيارة ؟ ؟ ؟


قلت لا والله الاثبات راح ولكني بعته في معرض الهويمل بمعارض النسيم بالرياض


قال السيارة لازالت باسمك والمخالفات ( تظليل - وقوف خاطئ - عكس سيد - سرعة - تجاوز غير نظامي )
ونصحني العسكري وقال احمد ربك انها وقفت على القسائم ولاسوا بها مصيبه كبيره وتطيح على راسك


وبسرعة البرق رحت لمعارض النسيم وعلى معرض الهويمل وانصدمت ان المعرض تم تغيير اسمه واسئل شخص من الجنسيه السودانيه يعمل بالمعرض وقلت هذا مو معرض الهويمل ؟ ؟ ؟


قال نعم صحيح كان معرض الهويمل ولكن الرجال توفي الله يرحمه من اربع سنوات تقريبا


واسئله عن الدفاتر والاوراق والاثباتات لنقل الملكيه


فقال لي بكل برود الرجال راح وراحت اوراقه معه الله يرحمه


وقعدت اعد الساعه والدقيقه الى ان اصبح الصبح واذهب الى شرطة النسيم وابلغ عن المشكله وقلت انا لا اريد اي مبلغ مالي ولكن اريد ان تنقل السيارة باسم المشتري


وانصدم بان مساعد مدير شرطة النسيم يقول لي سوف احولك لوحدة المعارض لكي يربون اشكالك انت والشريطيه ! ! !


ودار نقاش بيني وبينه طويل وعريض لاثبات اني ليس لي اي باع في البيع والمشترى بالسيارات واقسم برب العالمين انني لست شريطي ولا اتاجر بالسيارات ومع ذلك لازال هناك إهانة لمن يطالب بحقه وللاسف الشديد


راجعت حساباتي ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا


ذهبت الى الواسطه وابلغته بكل القصه وفي خلال دقائق قام بعمل اللازم وقال سوف اتصل عليك باذن الله


في خلال اربع ايام اتصل علي الشخص وطلب مني الحضور وعندما حضرت كانت المصيبه


المصيبه اخواني بسبب شريطي اسئل المولى عز وجل بان يجعل كل فلس دفعته عنه ان يكون حرام في بطنه وبطن عياله وان يضيق عليه رب العالمين عيشته وحياته


لقد تبايع السيارة 6 اشخاص شريطيه وهي باسمي وتخيل السيارة بعتها من عام 1417 هـ ونحن الان عام 1429 هـ


12 سنه والسيارة باسمي ومادريت عنها وكنت حاط ثقتي بالمعرض ان السيارة خلاص ماراح تطلع الا وهي منقوله ولكن لازال هناك تحايل على النظام ( من أمن العقوبه أساء الأدب )


السالفه الثانية


بعت سيارة نوع فورد كراون فكتوريا بمبلغ 25000 خمسه وعشرون الف ريال وايضا في معارض النسيم


اشترى مني السيارة شريطي الله لايوفقه دنيا وأخره وماكان عندي علم انه شريطي لاني اجهل اشكالهم


ورجال شكله حبيب وطيب المهم جرب السيارة وحط لي فيها من العيوب الشي العجيب لحد انا بنفسي كرهت سيارتي


اتفقنا على 25000 وهي كانت مسيومه 26500 وجينا للمعرض وقال الحين معي خمسة الاف ريال ابي اعطيك اياها وبكره تمرني العصر واكمل لك الباقي لحد ما اسحبها من البنك
اخذت ورقه بالكلام هذا وبنفس الوقت كنت حذر ولا وقعت على مبايعة السيارة
جاء بكره ودور الرجال والا والله يقولون ماجاء
وبعد بكره ونفس الشي
المهم خمس ايام عيفني عمري وفيه مصري يشتغل معهم حن علي ورحمني وقال اسمع عارف متى تجيك فلوسك ؟ ؟ ؟


قلت متى ؟ ؟ ؟


قال اذا باع السيارة بمكسب هذاك الوقت فكر يجيب لك فلوسك وهو اساسا مايشتغل بالمعرض بس انه شريطي يروح ويجي ........ الخ


والمصيبه سيارتي اشوفها واقول خلاص هذي فلوسكم ورجعوها مابي ابيع قالوا لا الموضوع انتهى انت اتفقت مع الرجال بالبيع والسيارة ماهي ملكك


المهم


رحت لشرطة النسيم


اعطوني ورقه بحضور الشخص ورحت المعرض اسلم لهم الورقة وانصدمت ان راعي المعرض يقول هذا مانعرفه ولا هو عندنا تبيه رح دوره في بيته


رجعت للقسم


وبلغتهم بالي صار وقال تعرف بيته والا عمله ؟ ؟ ؟


قلت لا


قال نسوي عليه بلاغ ومتى مامسكناه نتصل عليك


طيب هذا معرضه موجود وسيارتي عندهم ! ! !


بكل برود يرد علي الضابط ويقول ماحنا ملزومين نطلع علشان شخص ماندري وينه


راجعت حساباتي مره ثانية ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا


ذهبت الى الواسطه وابلغته بكل القصه وقال تمرني الصباح وباذن الله تنتهي الامور


مريته الصباح وطلعنا المعرض ووجدنا الكاتب وطلب منه ان يتصل بصاحب المعرض والحضور حالا وفعلا في خلال قرابة ساعة حضر صاحب المعرض وخير بان يدفع باقي المبلغ او باسترداد الخمسة الاف واخذ السيارة ؟ ؟ ؟


وقام بكل وقاحه ووصاخه بالاتصال على الشخص الذي اشترى مني السيارة وقال بهذا المنطق وربي يشهد ( انت تبي تجي تدفع حق الموتر والمصيبه الي بليتنا فيها والا ناخذ فلوسك ونعطي الرجال سيارته )


اقسم برب العالمين يا اخوان بان هذا ماحصل


وين الي يقول انا ماعرفه ولا يشتغل عندي ؟ ؟ ؟


المهم هذاك الظاهر قام يخربط ويسوي ويفعل وقام صاحب المعرض واقفل الجوال بوجهه ودخلنا مكتبه وقام بتحرير شيك بالمبلغ المتبقي ولكن لايلدغ مسلم من جحر مرتين


طلبنا المبلغ كاش لكي لانعيد الكره ومشاكل وشكاوي علشان شيك بدون رصيد


قام يحلف ويقسم انت ياصاحب المعرض ان ماعندي في المعرض وانها كلها في البنك ............. الخ


قلنا ماهي مشكله معنا سياره مكيفه ومن اروع مايكون الحين مشوار عشر دقائق للبنك واسحب المبلغ وسلمنا اياه ورحنا وانهينا الاجراءات وكله للاسف بقوة النظام ولكن لازم واسطه


اخواني من قصتي هذه اخذت درس عظيم وقوي جدًا ويجب أن نتنبه لحاجتين مهمه جدًا

1- عند بيع السيارة لاتنسى أن تحتفظ بورقة المبايعه وبشرط ان تكون مختومه من المعرض وتأكد من أسم المعرض

2- احذر ان تغادر المعرض ولم تستلم مبلغك كامل لكي لاتذهب في مرمطه وتعيفك حقك ويمكن تتنازل عن نصه بس علشان ترتاح من الروحه والجيه اذا كنت ماتملك واسطه


اسف على الاطاله ولكن حبيت اني انبهكم اخواني الافاضل من اللعب والتلاعب من قبل الشريطيه الذي الله اعلم بنياتهم ومايقترفونه من كذب وحلف على كذب وتحايل على المسلمين

[جبل راف]

وعليكم السلام ورحمة الله وبركاته

اما من سنة 1417 والسيارة باسمك لاحول ولاقوة الا بالله
ياخوي فيه ناس ماتخاف الله ؟؟؟ معقولة مايفكرون بالحساب والحلال والحرام ؟؟

وبعض الشريطية الله يكفينا شرهم تلقاه غلس ومايرد عليك ويبخس سيارتك بأقل الاسعار حتى لوكانت جديدة
الله لايوفق الحرامية
وقصتك يستفيد منها الجميع والتي تبين جشع بعض الشريطية

[مساير الليل]

آخي الغالي حسبي الله على من ضلمك


والجمس بلغ أنه مسروق وارتح والله يعينك


أحد ربعي باع ددسن وبعد سنتين أتصل عليه مستشفى أهلي في حي النسيم وقال ياخوي تعال أبعد سيارتك عن باب المستشفى لها أكثر من شهرين واقفه وبعد الأخذ والعطى تبين أنه الددسن ألي بايعه قبل سنتين لم يتم نقله بأسم المشتري وجالس على أسم خويي

المهم خوينا راح وبلغ الشرطه أنه مسروووق

[(سكود)]

طيب لازم تدور لسيارتك الي باقي بسمك وتخلي مسؤليتك عنها يمكن يسوى فيها جريمه وبعدين تجيب لنفسك كارثه اشتك المعرض لين يطلع اوراق المبايعه ولاخذرقمها بموجب القسايم الي سددت وعمم عنها في المرور
لين يشوفون منهي معه ولوتبحث انت عنها بنفسك ولا تجيب لك ورطه

[مسامرالليل]

صراحه سالفتك سالفه , وزين طرحت الموضوع على اخوانك المكشاتيه لاخذ العبره والفائده من هذه المعاناه والصوره القاتمه لبعض اهل السوق , وليكون الواحد منا كيس فطن فى مثل هذه الامور وغيرها
واخذ المشوره من اهل الراى ولاخاب من استشار ’ وحتى لايتورط الواحد مع القشران اللى مايخافون الله

[طيرالحمــــاد]

لاحول ولاقوة الابالله

الشر............يطيه

[الزعـبي]

الصراحه انك تبهذلت بهذله غير طبيعيه لكن كل طقه بتعلومه ..

[العيسمود]

على قول العسكري احمد ربك اللي جات على قسايم
الله يعوضك خير وانا خوك ويحاسب من ظلمك
اما الواسطه شئ ولابد منه في وقتنا الراهن

[راعي المقانيص]

اخواني الاكارم

بيض الله وجيهكم ورحم الله والديكم واعجز عن تقديم شكري وتقديري لكم لتفاعلكم مع الموضوع

اما بخصوص الابلاغ عن السيارة انها مسروقة والله راودتني الفكره ولكن فكرت في الحلال والحرام والحمدلله ربي اعانني عليه

وبخصوص التشييك على السيارات لو فيه شي باسمي الحمدلله مافيه شي والجمس نقلناه باسم الشخص الي لقيناه معه وهو اخر شريطي شراه وتحمل كل تكاليف النقل والتجديد والفحص

واحمد الله العلي القدير انها وقفت الى هنا ولحقنا الموضوع ولا صار شي اكبر وتضيع اعمارنا بحاجات مالنا فيها ولله الحمد

وماطرحي هذا والله الا للفائده واخذ الحيطه والحذر

[الضرغام11]

الحمد لله على كل حال وعلى قولتهم الدنيا دروس واللي يتعامل مع بعض شريطية المعارض يجد الخيانة والغدر..

لكن أذكر ان فيه رقم ترسل عليه رسالة يعطيك معلومات عن السيارة وهل هي مازالت باسمك ولا لا..

ممكن أحد يفيدنا اذا يذكره..

[راعي المقانيص]

صدقت اخوي ضرغام وانا شفت عرضهم في معرض جايتكس 2008 وان شاء الله راح احاول بقدر الامكان اجيب معلوماته واذا سبقني احد الاخوان هنا باعطائنا معلوماته قبلي فجزاه الله كل خير

[ابوشجاع911]

والله وانا اخوك كلنا كذا ويصير لنا نفس المواقف لكن الاكيد ان الانسان ياخذ من الحياة دروس
وانا وجهة نظري فهي ان المسئول الاول والاخير هو المرور فمرورنا وشرطتنا ونظامنا الامني للاسف لازال يتلاعب فيه ناس اقل مايقال عنهم انهم عديمي الضمير والذمة والمسئولية
واتحداك تسال اي مواطن ((ماهي الاجراءات الصحيحة لبيع السيارة)) ويجيبك بشكل صحيح؟؟
فمن المسئول عن عدم وضوح الاجراءات والانظمة؟؟
الشئ الاخر الشرطة يقولون مانقدر نتعامل مع واحد ماندري وينه ياخي !!! قمة التخلف
ياخي انا ما ابي الا سيارتي المحتجزة في المعرض بغير وجه حق؟! وبيعه بدون ثمن كانها لم تكن

اهم درس من مثل هذه المواقف هو ؟ لاتبيع سيارتك ولاتترك مفتاحها الا بعد ان تستلم قيمتها كاملة عدا ونقدا في نفس اليوم واشترط ذلك عند الاتفاق على البيع واللي ماهو حاضر اليوم يعوضك الله خيرا منه
ويهون على الواحد يخسر الف او الفين ويستلم حقه كاش ولا يقعد يطارد ورا عديمي الضمير ويترجاهم في حلاله

[ابوغلاب]

اخوانى تكفون انا بعت سيارة قبل 5 شهور تكفون كيف اتاكد انها نقلت بإسم صاحبها الجديد وابي اعرف كم سيارة مسجله بإسمي تكفون والله بديت اوسوس

[escape_man]

راعي المقناص

ودي انك على سالفة الموتر الاول بلغت عن فقدانه او سرقته علشان تربيهم مضبوط

ولاجاك تصدق به عنك وعن والديك ولا طالبهم بقيمة القسايم

[سيف الظفير]

حسبى الله ونعم الوكيل


الشريطية هم من خرب السوق وخرب التعاملات المالية في سوق السيارات لأنهم جهال ونصابين وذلك تراه جلياًً في وجوههم المسودة من كثرة الحلف بالله كذباًً وكثرة الاحتيال على المسلمين .


نفس المشكلة حصلت مع خالي :

باع له جيب فكسار 2003 ولم ينقل بأسمة


الى ان اتصل عليه ضابط عتيبي وقال له /

يا اخوي بني عمك وأخوانك مسوين البلاوي بسيارتك من مخالفات وتحرشاااات ببنات الحمايل و و و و

الى ان قال ان السيارة واللي فيها تم القبض عليهم في عند الحدود العراقية .


وصارت قصة طوويلة عرضة ولم تحل الا بواااااااسطة من الوزن الثقيـــــــــل


واتضح اخيراًً ان السبب هو من راعي المعرض (الله لايوفقه) لم ينقل السيارة بأسم المشتري كون المشتري من ابناء عمومته.



طبعاً الشرطة وطلب ورقة المبايعة ووجدت هذه الورقة بعد عناء طويل في البحث في المعرض لمدة طويلة بين الاوراق القديمة العفنه.


وعلى مقوله احد الاعضاء

يقول شف وجيههم ذابحهم الفقر بسبب عمليات النصب اليومية لمدة عشرات السنين

مع العلم بأن معارضهم فيها من السيارات التى تصل اسعارها الى الملايين .


ولكن الله لايضيع حق مسلم مظلووووووم

[البرق 99]

السلام عليكم ورحمة الله
اخوي ما جبت شي جديد هذا كلنا نعرفه واحمد ربك ان عندك واسطه غيرك مسكين ما عنده واسطه
المصيبه الي اعظم طلعت سالفة الرشوه وعلن
الحمد لله الي ربي رجعك لك حقك
لاحول ولا قوة الا بالله

[عبدالله الحصيّن]

الله المستعان بس ..

[ابو حسان الجنوبي]

حسبي الله ونعم الوكيل

اقسم لك بالله ياخي اني بايع سلعه من تقريباً سنه ونصف ولوحاتها واستمارتها معي واني اشوفها قدامي بلوحات جديده ولا عند ابو الشباب مشاكل

لكن حسبنا الله ونعم الوكيل

وبلغت واحد من الشباب يعمل بالمرور قال اسهل حل تبلغ ان السياره مسروقه وكلها سته شهور وتسقط من الجهاز وتخلي مسؤليتك
لكن ما نقول إلا انا في زمن ما نعرف من يديرنا فيه حسبنا الله على كل متحايل على النظام

[((( الحر)))]

مرحبا فيك اخوي راعي المقانيص

اولا.. اسمحلي لو حطيت اللوم 100% عليك .... ولا على اي شخص لا في المعارض او في الشرطه اي لوم لانك انت من اهمل اوراقك ووثقت باشخاص لا تعرفهم..

ثانيا .. اجحفت كثير في قولك (اذا مامعك واسطه وقويه والا ماراح تاخذ حقك)
يالغالي حقك انت الي اهملته وضيعته .. بعد كذ تحط اللوم على الناس الاخرين لانهم لم يساعدوك.. وهذا مناف لنهج الشريعة التي تقول ( المؤمن كيس فطن)

ثالثا .. نحن السعودين عموما يغلب علينا الطيبه والثقه الزائده في جميع الناس .. وهذا مخالف لنهج الشريعه التي يقول .. (اعقلها وتوكل)..

لولا طيبتنا وثقتنا الزائده لم تجدالجميع خسر في المساهمات العقاريه
لولا طيبتنا وثقتنا الزائده ماخسر الملايين في مساهمات سواء .. التي كان واضح جدا اللعب فيها..
لولا ثقتنا وطيبتنا الزائده ماخسر ملايين الملايين في لعبة الاسهم .. وحطو اللوم على الدولة لماذ لا تتدخل وتعطينا حقوقنا ...ياخي انت من ضيع اموالك فكيف تطلب من الاخرين ردها اليك.. وللاسف لازالوا يلعبون على الناس فيها بقولهم سوف يعود المؤشر الى 20000الف.. سبحان الله طيبه مركبه...وهذا مخالف لنهج الشريعة التي تقول ... لا يلدغ المؤمن من جحر مرتين .. الله يخلف علينا نلدغ سبعبن مره.. والا نتوب..

واخير .. ارجو من الجميع ان لا تاخذهم الثقة الزائدة في اي شخص مهما كان..

لك الشكر اخوي راعي المقانيص على هذا الموضوع الاكثر من هام والله يحفظك ويحفظ الجميع من كل سوء ومكروه

لك وافر تحياتي ... اخوك .. الحر

[حيمور]

نسيت الوصاه الثالثه ان يكون عندك واسطه للطوارىء ههههههههههههه
يا إخوان انا من بلد عربي كيفية بيع السياره كالتالي تروح انت والمشتري (بعد الاتفاق على المبلغ ومعاينة السياره) الى المرور تسجل معامله الكتبرونيا ما تاخذ 5 دقايق ثم ينادي الضابط (ويسمى كاتب العدل) تروح انت والمشتري ويسأل الضابط المشتري شفت السياره وشريت يقول نعم يسأل البائع قبضت فلوسك يقول نعم ويتمم عملية البيع وينتهي كل شيء بنفس اللحظه وهذا يروح بسيارته وهذا يروح بدراهمه

[العمدة ابو صالح]

السلام عليكم



اقول احمد ربك انه وصلت على القسايم انا واعوذ من كلمه انا بعت سياره فكسار على واحد واتفقت انا وصاحب المعرض ان لاتخرج السياره الا اذا كانت منقوله ابو الشباب اخرج السياره بدون نقل مضت المده بحدود 7 اشهر وانا في احد شوارع الرياض فيه تفتيش طلب العسكري البطاقه ولما قراء الاسم قام أنقض علي تخيل الاسد ينقض على الفريسه ولما قلت له وش السالفه قال ماتدري وانت سبب البلاوي وتضاهر انك بري والله اتكي اسبوع عندهم سوال وجواب تعرف فلان وفلان وعلاقتك بفلان ومن هالقبيل واتضح في لاخير ومع الواسطه القووووووووووويه ان الموضوع ان الذي اشتراء السياره كان يقوم بنقل اوراق الارهابين على السياره لانه ليست بأسمه وباعه على غيره ليدخله في الموضوع ويبعد التهمه عنه وهو يطلع من الموم بلا حمص واثبتت البراءه بورقه المبايعه ومع العلم اني كاتب في ورقه السياره لاتخرج من المعرض الا بعد النقل وغرم صاحب المعرض 10 الاف ريال على المخالفه واقسمه بعد الحادثه اني انا نقل المولكيه وريح الشراي وهذي السالفه ارجواء ان تكون عبره لغيري ون المثل الؤمن لايلدغ من جحره مرتين

[escape_man]

انا عندي اوراق ثبوت البيع لجميع سياراتي الي بعتها وكان اولها جيب عشة قبل 12سنة

[ذيب طي]

حـــســـبي الله و نـــــعـــــــم الوكـــــــــــــــــــــــــــــيل

[الذيب المغترب]

حسبنا الله ونعم الوكيل الشريطية يخوفو ....ودك الواحد اذا باع واشترى يجيب معه اربع شهود ...واربع شهود يقصو رقبة ..اجل اتمرمط بالمرور والشرطة على حسايهم اربعة شهوووود اصرف شرعا وعقلا ونظاما

[راعي المقانيص]

مرحبا فيك اخوي راعي المقانيص

اولا.. اسمحلي لو حطيت اللوم 100% عليك .... ولا على اي شخص لا في المعارض او في الشرطه اي لوم لانك انت من اهمل اوراقك ووثقت باشخاص لا تعرفهم..


حياك الله اخوي الغالي الحر

انا تفق معك بالنقطه هذي ان فيني اهمال وضيعت اوراق المبايعه وهذا للاسف طبع فينا سيئ ولكن لعلها درس استفدت منه وافدتك اخواني فيه



ثانيا .. اجحفت كثير في قولك (اذا مامعك واسطه وقويه والا ماراح تاخذ حقك)
يالغالي حقك انت الي اهملته وضيعته .. بعد كذ تحط اللوم على الناس الاخرين لانهم لم يساعدوك.. وهذا مناف لنهج الشريعة التي تقول ( المؤمن كيس فطن)


اخي الكريم هنا اختلف معك

امورنا الان لاتمشي الا بوجود الواسطه مهما كانت معاملتك سواء نظامية او غير نظامية

فلولا الله ثم الواسطه ومع ذلك فان واسطتي بقوة النظام ولم تخرج عن النظام نهائيا بحكم القوانين والانظمه المتبعة في الدوله اخذت حقي وافي وكافي

النقطه الثانية

النظام يلزم صاحب المعرض بعدم إخراج السيارة من المعرض إلا بعد نقل ملكيتها وهنا صاحب المعرض اخترق النظام ولم يلتزم به فكيف تحملني انا او غيري هذا الخطأ وعندما اطالب تقولي لي لاترمي اللوم على غيرك أخي الفاضل .

اقدم لك شكري وتقديري اخي الحر على إبداء رايك وطرحك للمناقشه الهادفه وأعتذر منك إذا بدر مني أي غلط غير مقصود وتقبل فائق إحترامي وتقديري

[راعي المقانيص]

اخوانى تكفون انا بعت سيارة قبل 5 شهور تكفون كيف اتاكد انها نقلت بإسم صاحبها الجديد وابي اعرف كم سيارة مسجله بإسمي تكفون والله بديت اوسوس


اخي الكريم البتار لا توسوس ولا شي وانا اخوك

شف لك يوم فاضي ورايق على الصبح ورح لاي فرع من فروع المرور وخذ معك صورة لبطاقة الاحوال واطلب برنت عن السيارات الي باسمك

وتاخذ البرنت وانت واقف ياغالي

وان شاء الله مافيه الا كل خير

[العرندس909]

ليش مايكون فيه مركز معلومات
أتصل عليهم ويفيدونني بالسيارات المسجلة بإسمي؟؟
نفس طريقة الجوال ترسل لهم رسالة ثم يردون عليك برسالة فيها جميع الأرقام المسجلة بإسمك

[ابن بدران]

الحمد لله اللي خارجك من هالمشاكل اخوي راعي المقانيص

وكل دقة بتعلومه على ماقالوا

لكن لو الله حاطني مكانك والله لا ابلغ على السيارة انها مسروقة

واخذها من عين هالشريطي واحرج عليها قدامه ثم اتصدق

بقيمتها على حدا الجمعيات الخيرية

خله يتربى هو والخمة اللي على شكله لا كثرهم الله

[الضرغام11]

اخواني أبشركم لقيت الرقم اللي ترسل له الرسالة ويعطيك اذا كانت السيارة مازالت باسمك ولا لا..

الرقم هو 88905
ما عليك الا انك تكتب رقم الهوية بسطر واللوحة بسطروترسله للرقم الموضح أعلاه وتجيك الرسالة على طول هل رقم الهوية مطابق للوحة ولا غير مطابق يعني هي باسمك ولا لا..



وهذا رقم للفائدة يذكر لك اذا كان فيه مخافات مسجلة عليك هو 88993
اكتب رقم الهوية وارسل على طووول..

أتمنى اني أفدتكم أخوكم الضرغام11

[العيسمود]

بيض الله وجهك والله يرحم والديك
وجزاك الله خير يالضرغام11

[gsb]

مشكلة التساهل في تطبيق الأنظمة

المفروظ المرور الجهات المسؤولة في الدولة يقومون بحملات تفتيشية في المعارض وهل سجلت أوراق المبايعة في المرور.... .

[راعي المقانيص]

اخواني أبشركم لقيت الرقم اللي ترسل له الرسالة ويعطيك اذا كانت السيارة مازالت باسمك ولا لا..

الرقم هو 88905
ما عليك الا انك تكتب رقم الهوية بسطر واللوحة بسطروترسله للرقم الموضح أعلاه وتجيك الرسالة على طول هل رقم الهوية مطابق للوحة ولا غير مطابق يعني هي باسمك ولا لا..



وهذا رقم للفائدة يذكر لك اذا كان فيه مخافات مسجلة عليك هو 88993
اكتب رقم الهوية وارسل على طووول..

أتمنى اني أفدتكم أخوكم الضرغام11


بيض الله وجهك ورحم الله والديك ياغالي وجعلها الله في ميزان حسناتك يارب

[الضاري]

الحمد لله على السلامه أخوي
والحمدلله اللي ماجت في مصيبه أكبر من كذا

[شبراق]

لا حولا ولا قوة الا بالله العلي العضيم

انا لله وإنا اليه راجعون حسبي الله عليهم شريطيه لكن وين يبي يروحون

[بـدر]

الوقت تغير وانتبهو يا اخوان ترى البلاوي كثيرة


والقانون لا يحمي المغفلين

ولا يضر ان الواحد يشيك على اسمه بالمرور والسيارات المسجله باسمه لكي يتلافى المشاكل قبل ان تحدث

[ابو صقر992]

لاحول ولاقوه الابالله حسبي الله على هالحراميه 00

[الخيال2006]

يارجال معظم الشريطيه حراميه ونصابين . يارجال اذا اردت تبيع سياره وصلوها لمبلغ متفقين عليه وتركوك والله ماتنباع سيارتك الا بسومتهم. الا ماندر...
الله يسلط على كل كذاب منهم

[ولد وايل]

سؤال هل يوجد شريطي يخااااااااااااااااااف الله

[النمرالتميمي]

الحمد لله على كل حال
والوقت هذا ما ودك تثق بأي شخص

وبالنسبه للموتر اللي من عام 1417 ما نقل الاستمارة (زين انها جت على القسايم ما جت على ارهاب وما ادراك ما الارهاب ) الله يستر على الجميع

والمثل يقول كل صفعه ابتعلوم

تحيتي لكـ

[نيشان نجد]

الله يعطيك العافيه على التنبيه

[winchester]

سؤال هل يوجد شريطي يخااااااااااااااااااف الله

الدنيـا فيها خير بأذن الله وأصـابعك ماهـن سوا

دمـتم بود

[ابرق العزاف]

يجي منهم اكثر اخوي

[راعي المقانيص]

بيض الله وجيهكم ورحم الله والديكم على تشريفكم الموضوع والردود التي تثلج الصدر

ويا اخوان مافيه شريطي يخاف رب العالمين ويبي يدخل في كذب ونصب واحتيال ويعيب في موترك وفيه ومافيه

ومن الاساليب القذره التي يتبعها الشريطيه هي :-

بعد ماتكون صاف في السرا يجيك لارحم الله هالوجه ويزود على اخر سومه وقف عليها الموتر ويطلعك من السرا للتجربه وبعدين يوقف ويقول الكلام المعهود ( قل لا اله الا الله - الموتر خربان تربان - الي سامه منك ماهوب صامل يبي يعلق الموتر ويمشي - انا عندي موتر اخو موترك وانضف منه ماوصل سعره مثل موترك ) .............. الخ

اسئل المولى عز وجل بان يبيدهم ويقطع بذرهم ان كان فيهم شر على المسلمين وان يجعل كل قرش دخل بمخابيهم حرام ان يجعله بلاء عليهم وعلى عيالهم

[حق الفيتو]

سؤال هل يوجد شريطي يخااااااااااااااااااف الله

كان ابو واحد من اخوياي شريطي قعد فترة بعد التقاعد شريطي يقول ما تقدر تعيش الا بسرقة او كذب وتركها

[بيضا القاع]

واسطتك هي ربك لا تحسف ان ما عندك واسطه الله هو اكبر واسطه بس دعاء وخلاص ان شاء الله ربي يفرجها


مشكوررررررررر على التنبيه والله يعطيك العافيه

[ذيب صعافيق]

:no2: 1=احذر من عيال الشريطية الي يقفون بالطرق المؤديه الى المعارض كأنهم كلاب الهمل 2=يجب على الواحد منا ان يكون له عميل معرض يثق فيه وتكون جميع معاملاته عن طريقه واذا بعت سياره اشترط ان تكون عن طريق هذا المعرض حتى تحفض حقك00000

[ابوشجاع911]

الوقت تغير وانتبهو يا اخوان ترى البلاوي كثيرة


والقانون لا يحمي المغفلين

ولا يضر ان الواحد يشيك على اسمه بالمرور والسيارات المسجله باسمه لكي يتلافى المشاكل قبل ان تحدث

وهل فيه طريقة الواحد يشيك على اسمه
ياليتهم يتيحون هالخدمة على موقعهم على الانترنت
http://rt.gov.sa/index.php

[اول 111]

مشكوووووووووووووووووووووووووووووور

[أبوسليم]

]الحمد لله اللي خارجك من هالمشاكل اخوي راعي المقانيص

وكل دقة بتعلومه على ماقالوا

لكن لو الله حاطني مكانك والله لا ابلغ على السيارة انها مسروقة

واخذها من عين هالشريطي واحرج عليها قدامه ثم اتصدق

بقيمتها على حدا الجمعيات الخيرية

خله يتربى هو والخمة اللي على شكله لا كثرهم الله]
تعجبنى الله يحفظك

[أبوسليم]

اخواني أبشركم لقيت الرقم اللي ترسل له الرسالة ويعطيك اذا كانت السيارة مازالت باسمك ولا لا..

الرقم هو 88905
ما عليك الا انك تكتب رقم الهوية بسطر واللوحة بسطروترسله للرقم الموضح أعلاه وتجيك الرسالة على طول هل رقم الهوية مطابق للوحة ولا غير مطابق يعني هي باسمك ولا لا..



وهذا رقم للفائدة يذكر لك اذا كان فيه مخافات مسجلة عليك هو 88993
اكتب رقم الهوية وارسل على طووول..

أتمنى اني أفدتكم أخوكم الضرغام11

لكن كيف اتذكر ارقام اللوحات القديمة والسيارات القديمه ما فيه طريقه زي الجوال يعطوني السيارات اللي عل اسمي كلها

[أبوسليم]

الوقت تغير وانتبهو يا اخوان ترى البلاوي كثيرة


والقانون لا يحمي المغفلين

ولا يضر ان الواحد يشيك على اسمه بالمرور والسيارات المسجله باسمه لكي يتلافى المشاكل قبل ان تحدث




أما القانون لايحمي المغفلين:confused:
أجل يحمي من:)
لكن شرعنا اول من يحمي المغفلين
على كل حال استودعنا الله انفسنا وجميع المسلمين من المفسدين

[راعي المقانيص]

اشكر لكم اخواني مروركم وتشريفكم الموضوع

[الفي]

المشكله هالمعارض الي تسلم السياره قبل نقل الملكيك !!!!!!!!!!!!!
ومشكووووووووووووووووووووووووور

[علي101]

اللهم اكفنا شر من به شر

[الكونترولCONTROL]

أنا أشوف ان اللي يحط ثقته في معرض أو في شخص
يعمل بين المعارض بأنه مثل اللي يخلي سيارته شغالة و يتركها في الشارع !!!
=======================================
أذكر بعت سيارة في معارض بريدة على راعي معرض ..... كتبت المبايعة ..... و أخذت فلوسي ... قال لي راعي المعرض : ودي أتركها باسمك حتى ما تخسرني ....
قلت له طيب ما عندي مشكلة ....!! لكن تتركها في هذا المكان !! و حددت له موقف في المعرض
واضح جدا من خارج المعرض !! و قلت له :
إن يحجب رؤية سيارتي من الخارج أي شيء ... أو أمر ما أشوف سيارتي ثم اتصل على المرور
و القاها ما زالت باسمي ..... فسأقطع ورقة المبايعة و أبلغ عن سرقة سيارتي فورا !!!!! و ما عندي مزح بهالأمور !!
----
طبعا وكلت واحد اعرفه شغله قريب من المعارض يراقب سيارتي !!
3 أيام موجودة .... اليوم الرابع قال لي : سيارتك ما هيب في المعرض ....
و شيكت عند المرور بالتلفون ..... لقيتها منقولة .... و لم أكتف بذلك .... بل شيكت بعد ذلك ب 3 أيام
و تأكدت .... ثم راجعت المرور في شغلة ثانية بعدها باسبوع و تأكدت من أنه لا توجد سيارات باسمي غير
التي في يدي تلك الساعة !! ثم شيكت بعد كم شهر !!!! لأن الوضع من جد يخوف و يخلي الواحد يوسوس !!! ناس ما تخاف الله و مستعدين يورطونك في الوف الريالات و المصايب و الجنايات من أجل كسب 300 ريال !!! هذا 90 % منهم
و مع ذلك : كنت نادما على فعلي !!!! و الى الآن أقول في نفسي : لماذا أسمح بذلك !!! الكرم له مجالاته !! و له أهله !!

[القطاوي 2008]

لاحول ولاقوة الابالله
عزالله انك تكسفت ياراعي المقانيص

[أبو مسفر]

ما شاء الله عليك أنت تراجع حساباتك ووجدت انك غلطان مائه بالمائه كونك تملك واسطه وتذهب لكي تراجع معاملتك نظاميًا
لكن اللي ماله واسطة وش يسوي مع هالحرامية ؟؟

سبحان الله هم مالهم عيال مالهم اهل ما يخافون الله من العقوبة ؟؟

[أبو مسفر]

فيه طريقة تقدر تنكب المشتري المطول اللي ما نقل الاستمارة باسمه أو ما عطاك باقي دراهمك انك تروح للمرور وتسقط الاستمارة اللي باسمك وعلى طول تعتبر السيارة تشليح حتى لو انها توها ظاهرة من الوكالة

اذكر مر بعت سيارة وعندنا المرور يبي اثبات سكن عن طريق فاتورة كهرب او تلفون ثابت باسم المشتري لان ما عندنا فحص لان يجي ناس من خارج المنطقة ينقلون الملكية ويفتكون من الفحص ..
المهم الرجال اللي شراء السيارة اعرفه لكنه هملة بارد وكل يوم اكلمه يعطيني فاتورة ويماطل ورحت للمرور وقالوا تبينا نسقط الاستمارة من اسمك .... فكرت اسويها لكني رحمت الرجال

واروح للسوداني اللي يشتغل في المعرض قال جب فاتورة باسمك انت وندبرها وفعلاً جبت الفاتورة ونقلوا الاستمارة باسم الرجال واخذها واخليها في بوكي حول السنة ونصف وطوفت وهي معي وقلت راعي الحاجة يدورها ويوم مليت منها رحت للمعرض واعطيهم اياها قالوا لي ووينك الرجال له شهر يتردد علينا يدورها .

[عابر القارات 2000]

احمد ربك انا اخوك على انها كذا
والسياره اذا بعتها تاكد انها تنقل بإسم المشتري قبل تطلع من المعارض

[pathfinder3.5]

انا لله ..


بعض الناس ماعنده ذمة ..

[اول الوسم]

السلام عليكم
اخي العزيز راعي المقانيص الله لايفوقهم بالتوفيق المبارك .... هذي والله مصايب ومشاكل
والله يااخي العزيز حنا عندنا بالكويت غير هالشي اللي سمعت مايطلع الواحد الا مستلم فلووووسه كامله او ان المشتري يحولها على البنك غير هذا مافيه ابد وتنقل الملكيه مباشره بنفس اللحظه وكان الله غفورا رحيما

تقبل مروري

[هـدد]

الحمد لله على السلامة
شكلك طيب بلحيل بس ترى الزمن تغير
وأنا أخوك اليوم خذ حقك وعطن حقي حتى لو مع أخوك من امك وابوك :no2: الحق مايزعل:no2:

[ابوالنادر]

كلنا ذاك الرجل انا حصلي مثل كذا في النسيم
والحمدلله انها جت على كذا

[راعي المقانيص]

اشكر لكم تشريفكم ومروركم الكريم اخواني الافاضل

واسئل الله تعالى بان يكفينا شر كل من فيه شر يارب

[الدبل الثقيل]

جزاك الله خير .... الله ينجيك يوم العرض..

[راعي المقانيص]

جزاك الله خير .... الله ينجيك يوم العرض..


الله ينجينا وياك ياغالي وشرفني مرورك اخي الكريم

[قناص حقل]

اخواني الافاضل



السلام عليكم ورحمة الله وبركاته


في خلال شهر فقط تمرمطت مرمطه ليس لها اول ولا أخر بسبب بيع سياره


وللاسف اذا مامعك واسطه وقويه والا ماراح تاخذ حقك


مالكم بالطويله اجيب لكم


السالفه الاولى


قبل فتره اشتريت سيارة وجيت استلم السيارة قالوا لي الوكاله عليك قسائم بمبلغ وقدرة 1900 الف وتسعمائه ريال سددها وتعال


انبهرت انبهار غير طبيعي لاني راعي سرعه ولا دوران ولا قطع اشارات ! !


راجعت المرور وكانت الصدمه العظمي


استفسرت عن القسائم وقال لي العسكري القسائم مسجله على السياره وليس عليك


قلت انا معي سيارة تتبع للشركة التي اعمل فيها والسيارة ماهي باسمي


قال فيه سيارة باسمك نوع جمس ونيت موديل 87


قلت ياخي بايعه من زمان انا من عام 1417 هـ


قال هل معك اثبات انك بايع السيارة ؟ ؟ ؟


قلت لا والله الاثبات راح ولكني بعته في معرض الهويمل بمعارض النسيم بالرياض


قال السيارة لازالت باسمك والمخالفات ( تظليل - وقوف خاطئ - عكس سيد - سرعة - تجاوز غير نظامي )
ونصحني العسكري وقال احمد ربك انها وقفت على القسائم ولاسوا بها مصيبه كبيره وتطيح على راسك


وبسرعة البرق رحت لمعارض النسيم وعلى معرض الهويمل وانصدمت ان المعرض تم تغيير اسمه واسئل شخص من الجنسيه السودانيه يعمل بالمعرض وقلت هذا مو معرض الهويمل ؟ ؟ ؟


قال نعم صحيح كان معرض الهويمل ولكن الرجال توفي الله يرحمه من اربع سنوات تقريبا


واسئله عن الدفاتر والاوراق والاثباتات لنقل الملكيه


فقال لي بكل برود الرجال راح وراحت اوراقه معه الله يرحمه


وقعدت اعد الساعه والدقيقه الى ان اصبح الصبح واذهب الى شرطة النسيم وابلغ عن المشكله وقلت انا لا اريد اي مبلغ مالي ولكن اريد ان تنقل السيارة باسم المشتري


وانصدم بان مساعد مدير شرطة النسيم يقول لي سوف احولك لوحدة المعارض لكي يربون اشكالك انت والشريطيه ! ! !


ودار نقاش بيني وبينه طويل وعريض لاثبات اني ليس لي اي باع في البيع والمشترى بالسيارات واقسم برب العالمين انني لست شريطي ولا اتاجر بالسيارات ومع ذلك لازال هناك إهانة لمن يطالب بحقه وللاسف الشديد


راجعت حساباتي ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا


ذهبت الى الواسطه وابلغته بكل القصه وفي خلال دقائق قام بعمل اللازم وقال سوف اتصل عليك باذن الله


في خلال اربع ايام اتصل علي الشخص وطلب مني الحضور وعندما حضرت كانت المصيبه


المصيبه اخواني بسبب شريطي اسئل المولى عز وجل بان يجعل كل فلس دفعته عنه ان يكون حرام في بطنه وبطن عياله وان يضيق عليه رب العالمين عيشته وحياته


لقد تبايع السيارة 6 اشخاص شريطيه وهي باسمي وتخيل السيارة بعتها من عام 1417 هـ ونحن الان عام 1429 هـ


12 سنه والسيارة باسمي ومادريت عنها وكنت حاط ثقتي بالمعرض ان السيارة خلاص ماراح تطلع الا وهي منقوله ولكن لازال هناك تحايل على النظام ( من أمن العقوبه أساء الأدب )


السالفه الثانية


بعت سيارة نوع فورد كراون فكتوريا بمبلغ 25000 خمسه وعشرون الف ريال وايضا في معارض النسيم


اشترى مني السيارة شريطي الله لايوفقه دنيا وأخره وماكان عندي علم انه شريطي لاني اجهل اشكالهم


ورجال شكله حبيب وطيب المهم جرب السيارة وحط لي فيها من العيوب الشي العجيب لحد انا بنفسي كرهت سيارتي


اتفقنا على 25000 وهي كانت مسيومه 26500 وجينا للمعرض وقال الحين معي خمسة الاف ريال ابي اعطيك اياها وبكره تمرني العصر واكمل لك الباقي لحد ما اسحبها من البنك
اخذت ورقه بالكلام هذا وبنفس الوقت كنت حذر ولا وقعت على مبايعة السيارة
جاء بكره ودور الرجال والا والله يقولون ماجاء
وبعد بكره ونفس الشي
المهم خمس ايام عيفني عمري وفيه مصري يشتغل معهم حن علي ورحمني وقال اسمع عارف متى تجيك فلوسك ؟ ؟ ؟


قلت متى ؟ ؟ ؟


قال اذا باع السيارة بمكسب هذاك الوقت فكر يجيب لك فلوسك وهو اساسا مايشتغل بالمعرض بس انه شريطي يروح ويجي ........ الخ


والمصيبه سيارتي اشوفها واقول خلاص هذي فلوسكم ورجعوها مابي ابيع قالوا لا الموضوع انتهى انت اتفقت مع الرجال بالبيع والسيارة ماهي ملكك


المهم


رحت لشرطة النسيم


اعطوني ورقه بحضور الشخص ورحت المعرض اسلم لهم الورقة وانصدمت ان راعي المعرض يقول هذا مانعرفه ولا هو عندنا تبيه رح دوره في بيته


رجعت للقسم


وبلغتهم بالي صار وقال تعرف بيته والا عمله ؟ ؟ ؟


قلت لا


قال نسوي عليه بلاغ ومتى مامسكناه نتصل عليك


طيب هذا معرضه موجود وسيارتي عندهم ! ! !


بكل برود يرد علي الضابط ويقول ماحنا ملزومين نطلع علشان شخص ماندري وينه


راجعت حساباتي مره ثانية ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا


ذهبت الى الواسطه وابلغته بكل القصه وقال تمرني الصباح وباذن الله تنتهي الامور


مريته الصباح وطلعنا المعرض ووجدنا الكاتب وطلب منه ان يتصل بصاحب المعرض والحضور حالا وفعلا في خلال قرابة ساعة حضر صاحب المعرض وخير بان يدفع باقي المبلغ او باسترداد الخمسة الاف واخذ السيارة ؟ ؟ ؟


وقام بكل وقاحه ووصاخه بالاتصال على الشخص الذي اشترى مني السيارة وقال بهذا المنطق وربي يشهد ( انت تبي تجي تدفع حق الموتر والمصيبه الي بليتنا فيها والا ناخذ فلوسك ونعطي الرجال سيارته )


اقسم برب العالمين يا اخوان بان هذا ماحصل


وين الي يقول انا ماعرفه ولا يشتغل عندي ؟ ؟ ؟


المهم هذاك الظاهر قام يخربط ويسوي ويفعل وقام صاحب المعرض واقفل الجوال بوجهه ودخلنا مكتبه وقام بتحرير شيك بالمبلغ المتبقي ولكن لايلدغ مسلم من جحر مرتين


طلبنا المبلغ كاش لكي لانعيد الكره ومشاكل وشكاوي علشان شيك بدون رصيد


قام يحلف ويقسم انت ياصاحب المعرض ان ماعندي في المعرض وانها كلها في البنك ............. الخ


قلنا ماهي مشكله معنا سياره مكيفه ومن اروع مايكون الحين مشوار عشر دقائق للبنك واسحب المبلغ وسلمنا اياه ورحنا وانهينا الاجراءات وكله للاسف بقوة النظام ولكن لازم واسطه


اخواني من قصتي هذه اخذت درس عظيم وقوي جدًا ويجب أن نتنبه لحاجتين مهمه جدًا


1- عند بيع السيارة لاتنسى أن تحتفظ بورقة المبايعه وبشرط ان تكون مختومه من المعرض وتأكد من أسم المعرض


2- احذر ان تغادر المعرض ولم تستلم مبلغك كامل لكي لاتذهب في مرمطه وتعيفك حقك ويمكن تتنازل عن نصه بس علشان ترتاح من الروحه والجيه اذا كنت ماتملك واسطه



اسف على الاطاله ولكن حبيت اني انبهكم اخواني الافاضل من اللعب والتلاعب من قبل الشريطيه الذي الله اعلم بنياتهم ومايقترفونه من كذب وحلف على كذب وتحايل على المسلمين

الله يعينك
انا بالنسبه لي راح اسوي شي واحد وراح تضمن المخالفات الي دفعتها
راح ابلغ على السيارة
واقول انها مسروقه وهذيك الساعه راح يجيبوها ويدقوا على اجي واستلم السيارة واتفاهم انا وراعيها خارج الشرطه
ياما يدفع لي حق المخالفات ولا ابيع السيارة واسدد المخالفات

[قايد الـريم]

ما نقول الا لا حول ولا قوة الا بالله

[طارق الحربي]

الموضوع انتهى وحمد لله انك افتكيت وانتهيت

بس اللي اعرفه ماتوقع على اي شي الى ان تستلم المبلغ او الشيك بالبيع

وقبل كل شي اذا بعت الرجال شفويا تاخذ عربون 500 ريال مايرجع له ابدا وهذا الكلام من شيخ المعارض بنفسه الا اذا وجد عيب في المكينه او القير والدفرنس فقط اما البدي فليس عليه ضمان

والمفروض يوم انك دريت عن الجمس رحت وبلغت انه مسروق وخلهم يجيبونه ومرمط اللي شراه منك عشان يتوب


على العموم الحمد لله على كل حال

[دله وفنجال]

السلام عليكم...

اللحمد لله على السلامة يالذيب وان الامور تم حلها ...

اخوي الغالي احب انبة الشباب اللشغلة ثانية من النصب والي للأسف منتشر حتى بين الشباب هداهم الله وهي فصل العداد وخاصة عدادات الجيوب التايوتا بدون استثناء والهايلوكسات .وأذا قلتله هذا ممشا الموتر قام يحلف ويقسم انه ممشاه...

ما أقول الا الله المستعان الذمة الوقت هذا الله يخلف بلمخبات ...
لاه وغير الي يترصدولك بمداخل السوق هذولا مايخافون الله ماسمعو انه حرام تلقي الركبان ...

ايه ياراعي المقانيص وشترجي من الشرطة والمرور لاصارو هم الشريطية الي بسوق يعني حاميها حراميها واذا بغيت تشتكي مالقيتلك قبيل ...يايصير الي مشتكي عليه خويهم ياشريك واحدً منهم ...

المهم يالخوان اذا بغا الواحد منكم يبيع لايعطي راعي المعرض الاستمارة والاراق الثبوتية الي تخصة الا بعد مايستلم الدراهم ويتأكد بعد يوم من أستلامة الدراهم ان السيارة نقلت ملكيته وياخذ صورة من الاستمارة بعد نقل الملكية الصاحبة الجديد...

الدنيا ماتنومن وعيال الحرام للاسف كثرو الايام ...

[راعي المقانيص]

اشكر لكم تشريفكم ومروكم على الموضوع وإبداء أرائكم وأقتراحاتكم سائل المولى عز وجل بان يكفينا واياكم شر كل من فيه شر

[زعيم الشوق]

الف شكر عزيزي راعي المقانيص موضوع هام جداً

لكن السؤال الي يسدح نفسوه مافيه طريقة من خللها

تعرف كم سياره بسمك حتى تستطع تفادي مثل هالمواقف

القشرى ودمتم بحفظ الله ورعايته


زعيم الشوق

[سنا البرق]

حسبي الله عليهم
أخوي راعي المقانيص
بإختصار صارت لي نفس القصه
والله ثم الله إني ماأبيع لشريطي
وتبهذلت حول السنه ولاعندي واسطه حتى دخلت على أمارة الرياض وشرحت ماصار من سالفه بالرغم أن الشريطي يقول ماني شريطي وأبخسو حقي فيها وفوق هذا بعت
الله لايوفقهم ويقطع رزق كل من كذب على مسلم
تراني مازلت أعاني من نفس القصه إلى هذا اليوم الخميس بتاريخ 21-7-1429 هـ
دورت ورقة المبايعه مالقيتها والله يعيني

[راعي المقانيص]

الف شكر عزيزي راعي المقانيص موضوع هام جداً

لكن السؤال الي يسدح نفسوه مافيه طريقة من خللها

تعرف كم سياره بسمك حتى تستطع تفادي مثل هالمواقف

القشرى ودمتم بحفظ الله ورعايته

زعيم الشوق



العفو ياغالي وهذا واجب بيننا كا أخوان

وبخصوص اذا تبي تعرف كم سيارة باسمك تقدر تروح لاي فرع للمرور وتاخذ معك صورة بطاقتك الشخصيه وتطلب برنت عن السيارات الي باسمك وعلى طول يطلعونه لك وانت واقف

[راعي المقانيص]

حسبي الله عليهم
أخوي راعي المقانيص
بإختصار صارت لي نفس القصه
والله ثم الله إني ماأبيع لشريطي
وتبهذلت حول السنه ولاعندي واسطه حتى دخلت على أمارة الرياض وشرحت ماصار من سالفه بالرغم أن الشريطي يقول ماني شريطي وأبخسو حقي فيها وفوق هذا بعت
الله لايوفقهم ويقطع رزق كل من كذب على مسلم
تراني مازلت أعاني من نفس القصه إلى هذا اليوم الخميس بتاريخ 21-7-1429 هـ
دورت ورقة المبايعه مالقيتها والله يعيني

اسئل الله تعالى بان يجيرك في مصيبتك وان ياخذ لك حقك وان يوريك عجائب قدرته في هالظالم عاجل غير أجل

عليك بالدعاء ياغالي وتحسب على حيوانات العصر من الشريطيه الي ماتخاف الله الله لايرحمهم ولايرزقهم ويجعل حياتهم من دبور الى دبور يارب

[وادي غران]

بالنسبة لي شريحة جوالي موبايلي وأرسلت على الرقم 88905 ورفض يرسلها

يبدو أن الرقم خاص بعملاء الجوال فقط

مشكور أخوي وما قصرت

[وادي غران]

بيض الله وجهك أخي راعي المقانيص .. ولا ننسى أخينا الضرغام وفقه الله

والله الحذر هذي الأيام واجب لأن الغش استفحل.

[المتجول1974]

الاخوان اللي يسألون عن الرقم
الرقم اذا بتستفسر عن المخالفات وعن اي شيء يخص المرور هو
ارسل رقم الخدمة المطلوبه الى 888995
51 للاستعلام عن القائد الفعلي للمركبه
52 للاستعلام عن تفاصيل تأمين المركبة
53 للاستعلام عن ملكية المركبة
54 للاستعلام عن الرصيد المالي لدى المرور { من كثر فلوسنا ندفع مقدم للمرور}
56 للاستعلام عن المخالفات المرورية وبمكن الاتصال على 989 او 898 مضيع اي رقم فيها
58 للاستعلام عن تفاصيل مخالفة مرورية
59 للاستعلام هن آخر 5 مخالفات مرورية غير مسددة
ويمكن ارسال رساله فارغة الى نفس الرقم ويعطيك التفاصيل اللي فوق
كما يمكن تحميل برنامج خدمات اشعار على الرابط http://odb.ishaar.com.sa
وفي الختام دعواتكم لي والله يحفظكم ويرعاكم ويسدد على الخير خطاكم

[رفيق العرب]

الله يصلح الحال والاحوال
...........................
الحلال ما يضيع
...........................

[AHMED989]

مشكور يالمتجول

وبيّض الله وجهك وما قصرت .

[بربنجي]

وانصدم بان مساعد مدير شرطة النسيم يقول لي سوف احولك لوحدة المعارض لكي يربون اشكالك انت والشريطيه ! ! !



خسارة الرتبة الي عليه والمكان الي هو فيه
كانك داخل بيت ابوه

[كنز المشاعر]

توضيح حتى لا تتهم الاخرين ............


معارض النسيم تتبع لشرطة المنااااااااااااار وليس النسيم

يعني لا تتهم ضباطها وافرادها بشي لم يحدث أصلا ...

علماً بأن قضايا السيارات ونقل ملكياتها تعالج من قبل وحدة المعارض بالمرور وفي حالة ثبوتية امر جنائي تحال للشرطة وفي حلالة ثبوتيه امر حقوقي تحال للمحكمة

[المهراجا]

المشكله ان الشريطيه عسكر او بداية الشريطيه كانوا عسكر وربو الشريطيه الجدد على افعالهم الشينه وحتى الاجانب الشريطيه ما يخافون لان وراهم عسكر والمعارض كلها لعساكر متقاعدين او فاصلين لانهم حصلوا الملايين من الحرام حسبي الله على هالبلد اللي يرضى يسمى اسلامي .. تجد اولاد الشريطي يشتغلون في المرور والا الشرطه لو بجندي عشان يصير ملياردير مهو مليونير .. رغم ما هو بحاجه حتى اللي بحاجه حرموه الوظيفه..
والفساد مستمر ..
يا عيني على حماية النزاهههههههههههههههههههه مكافحة الفساد .. اليوم حطو شروط تعطل عملهم بالمره .. بلدنا فاسد للنخاع والمطاوعه بينهم هواش على اللي يوصل ويقرب لولي الامر اكثر

حسبي الله ونعم الووكيل ..

[هوايتي مكشات]

الله يعينك مشاكل ياغالي