مشاهدة النسخة كاملة : أبي ورشة ممتازة بالشرقية لجيب لكزس Lx 470
najazy
05/07/2008, 09:24 AM
السلام عليكم ورحمة الله وبركاته
يا أخوان الموضوع بشكل سريع لأني مستعجل
أنا بالشرقية ومعي جيب لكزس Lx470 2005 وغرزت تغريزة قويه على البحر إلين حب بطنه الأرض وحطيته بالثقيل وشديت عليه وعيا يطلع إلا بسحب المهم وأنا راجع بدا يخر زيت أحمر ووقفته عند بنشري وقالي إن الصوفة اللي بين القير والمكينة تهرب والجيب موقف الحين وودي تدلونني على أفضل ميكانيكي لجيب اللكزس بالشرقية عشان ما أضطر إني أوديه للرياض بسطحة
للمعلومية مافيه فرع للبازعي بالشرقية وعبداللطيف جميل مافي أمل أوديه لمه
ويامال الجنة
najazy
05/07/2008, 11:50 AM
فيه واحد من الشباب بلغني عن ورشة البرجس فيها ميكانيكي إسمه أبو رامي
يمدح شغلة فنان ومخلص
وبالمقابل خويي مايمدح تراي ستار
وش رايكم فيه أحد يعرف أبو رامي
شامخ ألهيلا
05/07/2008, 12:02 PM
وانا اخووك ترا الشغله بسيطه وماتااخذ ساعه اشتر الصوهه وتركيبها بسيط ودوورك فلبيني او روشه مشهورة عندكم لان هالشغله مايبي لها تخصص
الكل يركبها
ابوعقل
05/07/2008, 12:06 PM
فيه ورشة صبيا متخصصين بالتايوتا والنيسان
مرهم واسأل عن ابو خالد
طحنون
05/07/2008, 12:42 PM
ارشح ورشه صبيا لاكن اذا عنده زحمه مري اي ورشه شفلك فلبيني زين
ولا تمر ورشه فيها يماني اوباكستاني او مصري او سوري
دورعلى الهندي والفلبيني وبس
najazy
05/07/2008, 02:22 PM
الله يجزاكم الجنه ووالديكم
لكن ورشة صبيا وش العمال اللي به
وهل أحد منكم مجربه إذا نعم وش زينت عندهم
ولا عليكم أمر الله لايهينكم.
مدمن فتك
05/07/2008, 02:22 PM
ابو رامي فلسطيني وشغله حليل وتخصصه امريكي ولاهوب طماع
ناوي نيه
05/07/2008, 03:16 PM
طيب بدلك على ورشة الثقه مختصين في الجيوب
رح للخضريه الي في الدمام در هيناك واسئلهم الي يشتغل اسمه راشد اليماني
ابوعقل
05/07/2008, 07:31 PM
وهل أحد منكم مجربه إذا نعم وش زينت عندهم
خويي معه هدد 2007
يتعامل معهم صار عنده مره تهريب زيت
بقير الدبل وداه عندهم وغيرو الصوف
شغلهم ممتاز
ومره وداه كان يطلع عنده صوت طقه بالمكينه
ويوم شيكوه طلع كرسي المكينه خربان
هذا اللي اذكره وانا مانصحتك فيهم الا ابيلك الخير
لأن شغلهم بموتر خويي ممتاز
وانت بكيفك وده اللي تبي
والعماله اللي عنده باكستان و هنود وسودانيين
najazy
06/07/2008, 09:46 AM
الله يجزاكم خير
والله ماقصرتوا لكن ماش عجزت أجزم على الورش ووديته للوكاله
مير الله يسهل ويجعلهم سبب لتصليحة
ويامال الجنة
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir