دعوه لمناقشة ووضع شروط لخيمة بيع وشراء الصقور [الأرشيف]

Turki1

31/08/2007, 03:53 PM

السلام عليكم وحياكم الله جميعا
لاحظت ان الكثير من الاخوة الذين يعرضون صقورهم للبيع لايقومون بتزويد باقي الاعضاء بمعلومات متكامله عن مايرغبون ببيعه مما يجعل المواضيع طويله بسبب الاسئله المتكررة عن المعروض للبيع مما يزيد الحمل على سيرفرالمنتدى ويشتت الجهد والتركيز ومن ثم ينتفي الموضوع المهم وهو بيع السلعه المعروضه.
أقترح ان يتم وضع ضوابط ثابته لمن يرغب ببيع صقرة يجب على الجميع الالتزام بها والا يتم حذف الموضوع ومن هذة الضوابط على سبيل المثال وليس الحصر(ويمكن للجميع اضافه مايرونه ناقصا):

1-مكان الطير(البلد-المدينه).
2-نوع الطير وعمرة ومقاساته، ووزنه(خصوصا للجير).
3-نوع الطرائد التي صادها ومتى (العام-ام ماقبله).وهل صادها مع مالكه الحالي أم السابق.
4-هل الطير راكد على التكيه؟ او على الكف.
5-هل الطير طلاع أو لحاق أم هما معا؟وماهي نسبه لحوقه ان أمكن.
6-هل يلاعب الشلو ويجي عليه؟
7- هل اصيب الطير بمرض سابق وشفي منه.
8-متابعه الموضوع من قبل صاحب الموضوع لان البعض يضع موضوعه ولايتابع ردود الاعضاء أو سوماتهم.
وبالنهايه وهي مهمه جدا : اضافه على الاقل ثلاث صور للطير بدون برقع تبين نحرة وظهرة وكفوفه.
هذا مالدي وياليت تضيفون ماترونه على الموضوع ومن ثم التصويت على قبول الاقتراح أو عدمه،وفي حال قبوله, فيتم وضع هذة الشروط بشكل ثابت في قسم البيع حتى يمكن للجميع الاطلاع عليها قبل عرض مايرغبون ببيعه.
موفقين خير.

عناز

31/08/2007, 06:34 PM

أوافقك الرأي

نواف السبيعي

31/08/2007, 06:42 PM

أوافقك الرأي

وانا مع اخوي (عناز) اوافقك الراي......

راعي الناوي

31/08/2007, 06:47 PM

(نعم) وبيض الله وجهك على الاقتراح الطيب

خيال الصبحا

01/09/2007, 11:02 AM

وعليكم السلام
كلنا نوافق على الراي
ولكن المشكله مايلتزمون بالقوانين
وكونك تحذف الموضوع على شان معلومات
ناقصة اشوف انه ماهو مناسب ، لذلك ان عرضوا المواصفات
كاملة هذا المطلوب وان ماعرضوها هم يتحملون السومات الي تجيهم
وشكرًا

المزروعي

01/09/2007, 12:07 PM

مشكور على الفكره وانا اجيب ب نعم مع اضافة نقطه مهمه اخوي .

من اي بلد ومن اي مزرعه الطير وهل يحمل جواز ام لا . لانه اسم المزرعه يحدد سعر الطير من ناحية الجوده .. والشي الثاني وهو ايضا مهم . في حالة ان الطير في المقيض. ما نوع مقيضه هل هو مربوط ام مفكوك .

وشكرا

ابوحافظ

01/09/2007, 12:41 PM

فكرررررره حلووووه وممتااااااااازه مررررررررررره وانا اوااافقكم الرأي..

فنجون

01/09/2007, 01:12 PM

كلام واقتراح في الروعه ويجب ان ياخذ من قبل المراقبين حتى لا تتم الاطاله في المواضيع

سنجااار

01/09/2007, 01:18 PM

وانا اوافقك الراي واوافق خيال الصبحا

Turki1

01/09/2007, 08:10 PM

حياكم الله جميعا وبيض الله وجيهكم على التفاعل والمشاركه لان ذلك من أساس نجاح أي منتدى.
لي تعقيب على مشاركه اخي/خيال الصبحا

وعليكم السلام
كلنا نوافق على الراي
ولكن المشكله مايلتزمون بالقوانين
وكونك تحذف الموضوع على شان معلومات
ناقصة اشوف انه ماهو مناسب ، لذلك ان عرضوا المواصفات
كاملة هذا المطلوب وان ماعرضوها هم يتحملون السومات الي تجيهم
وشكرًا
الغرض يااخي الكريم هو عدم اطاله المواضيع لثلاث أو اربع صفحات في اسئله كان يمكن تفاديها من البدايه وهذا بالتأكيد يؤثر على طريقه تنظيم قسم البيع والشراء ككل.ومن لايلتزم بقوانين يوافق عليها الاغلبيه فليس هذا مكانه وليقم بعرض سلعته في مكان آخر ,وأود التذكير ان المنتديات تقوم بتنظيم نفسها تدريجيا واضافه ماتراة صالحا لمن يشاركون بها ,ونحن لم نطلب امور شاقه على من يرغب في عرض سلعته ,وفي رأيي ان من هو جاد فسيقوم بوضع جميع المعلومات من البدايه لان هذا من صالحه.

تحيه لك اخي المزروعي ،اضافه قيمه منك,ويعطيك العافيه.
موفقين خير.

elsayad

01/09/2007, 10:40 PM

فعلاً كلام جميل
أوافقك الرأى أخي تركي1

شبراق

02/09/2007, 11:02 AM

كلم سليم والله 100% ليت والله يطبق

أبو رداد

03/09/2007, 08:11 AM

يثبت الموضوع اسبوع
لغرض معرفة راي صقاقير مكشات
,,,,
في حالة الايجاب (موافقة اغلبية الاخوه)
سوف نقوم بالاخذ بهذه الشروط في بيع وشراء الصقور
ونجعل منها شرط للعروض
والسلام

ابو عايد

03/09/2007, 01:23 PM

كلم سليم والله 100%

طارق الحربي

03/09/2007, 01:30 PM

كلام سليم

بيض الله وجهك

الحر جساس

03/09/2007, 09:37 PM

والله كلامك عين الصواب ... انا مستغرب من الاخوان في المنتدى يسومون وهو صوره يعني يمكن فيه مرض او او....الخ لاكن مشكوووووور وعلامك عين الصواب .. وشكرا

خيال الصبحا

04/09/2007, 02:13 PM

الغرض يااخي الكريم هو عدم اطاله المواضيع لثلاث أو اربع صفحات في اسئله كان يمكن تفاديها من البدايه وهذا بالتأكيد يؤثر على طريقه تنظيم قسم البيع والشراء ككل.ومن لايلتزم بقوانين يوافق عليها الاغلبيه فليس هذا مكانه وليقم بعرض سلعته في مكان آخر ,وأود التذكير ان المنتديات تقوم بتنظيم نفسها تدريجيا واضافه ماتراة صالحا لمن يشاركون بها ,ونحن لم نطلب امور شاقه على من يرغب في عرض سلعته ,وفي رأيي ان من هو جاد فسيقوم بوضع جميع المعلومات من البدايه لان هذا من صالحه.
.
الأخ تركي
مادام ابو رداد
جاء فان شاء الله راح
تطبق الشروط ، واسف على
المداخلة السابقة ، وشكرًا

تاجر طيور

05/09/2007, 01:54 PM

هذى الشغل اللي على اصول

نواف بنلي

08/09/2007, 09:04 AM

اوافقك على الراي الطيب بس عندي اقتراح واشوفه ضروري من ناحيتي انا وهو ان يكون متى الطير يقرنس ويصفي تماما من الربطه (المقيض)بأي شهر تقريبا علىشان لايقعون المشترين في هذه المشكله واسألو مجرب لأن في بعض طيور الحرار تتأخر في القرنسه لغاية اخر السنه الميلاديه من طبيعتها وليس مشكله في مربطها (مقيضها)وشكرا

الحر جساس

09/09/2007, 08:54 PM

اوافق الرأي

taag1

09/09/2007, 09:23 PM

كلام سليم 100% ولاهنت مليتها عدل ياتركي واحب اضيف حاجه بسيطه وهي على المشتري وليست على البائع وهي :: يجب على كل عضو او زائر قرائة الموضوع بكامل صفحاته والنظر لجميع السومات قبل اي سؤال للبائع او اضافة اي رد حتى لاتتكرر الأسئله هذا مالدي ولكم تحيتي ,,,,,,
اخوكم //// ابوابراهيم

قصااااف

06/07/2008, 08:08 PM

مساكم الله بالخير جميعا
اختصارا للموضوع:بعد أذن المشرفين طبعا
ارجو وضع مدة(وقت) السومة الطير
يعني: اذا سمت لي طير بقيمة معينه اليوم ولا جا رد من راعي الطير خلال 3 ايام من السومة
ما كون ملزوم بسومتي بعدها الا اذا انا رغبت فيها.

السبب: لان فيه طيور تنسام وتجلس اسابيع ولا ندري هي بيعت والا لا ويجي راعيها بعد فترة ويقول انت سمت بالقيمة الفلانيه- قدك صرفة الفلوس بطيور ثانية او صرفت النظر عن الطير؟؟؟؟؟؟؟؟؟
(وكلمة الرجال راس ماله)
ولاهنتو يالربع واللي عنده اضافة يفيدنا بالموضوع
بعد أذن الادارة :j :D طبعا

اخوكم
قصاااااااااااااااااااااااااااااااف

جارح العين

06/07/2008, 08:44 PM

الله يعطيك العافيه عالتنبيه

عبدالرحمن 211

06/07/2008, 08:45 PM

راي مبروك
وشكراياقصاف

F J

06/07/2008, 09:07 PM

مشكور يا قصاف

وانا ودي اضيف نطقة

ان بعض الاعضاء يسوم وهو ما يدري عن مكان الطير

يعني لو كان الطير بالصومال منت طايلة

فأرجو السؤال عن الموقع قبل السومة
وارجو من البياع يحدد الموقع وهذا شي مهم

نبع الدموع

06/07/2008, 09:18 PM

بعيد الشوح

06/07/2008, 09:49 PM

كلام يا قصااااااااااف بيض الله وجهك وتقبل مروري

الرّمااااي

06/07/2008, 09:51 PM

راي سديد والمفروض

وَسَام!

06/07/2008, 10:25 PM

راي سديد
و المفروض الادارة تحدد معلومات لاي واحد يبي يعرض طيرة و تجبر الي يعرض
الطير عن الاجابة عنها ولا حذف الموضوع مثل
الطول و العرض
و نوع الطير و وصفة
و المكان و اذا به توصيل او لا
و علوم الطير كاملة
و صور توضح كل الطير (المنحر, الظهر, الارضية, البوز)
قد تعنينا و ضربنا مشاوير لطيور معروضة في المنتدى و عقب ما وصلنا ولا
كان الرجال يتكلم عن طير ثاني ماهو الطير المعروض
:good: :good: :good: :good:
وعندي اضافه بسيطه وهي انه عندما يطرح موضوع بيع طير نجد ان هناك مثلا عشرين مشاركه كلها الله يبارك له وواحده فقط لشخص
واحد هو اللي سام اما باقي المشاركات فلافائدة منها لافي البيع ولافي الشراء ولكن اكتساب عدد مشاركات!!!
ومشكور اخوي قصاف على الموضوع !!!!!!!!!!!!!!!

Turki1

06/07/2008, 11:19 PM

السلام عليكم
كنت قد كتبت هذا الموضوع قبل اقل من سنه وتحديدا في( 27-8-2007 )،وهو اقتراح بخصوص طريقه عرض الطيور للبيع. وقد تم عمل استبيان لم يشارك به الكثير ثم حذف الموضوع ولم اجدة في المنتدى.ارى ان الوقت حان بحيث يتم وضع ضوابط للبيع كما سيتم شرحها لاحقا،ومن يرى فائدة في طرحي فليشارك بالموافقه أو المعارضه ولكن لاتكن سلبيا وحاول ان تشارك برأيك فالمنتديات لاتتطور الا بالمشاركه الجماعيه-وفقكم الله.
هذا نص رسالتي لأخي/ابورداد في 27-7-2007
----------------------------------------
المشاركة الأصلية كتبت بواسطة Turki1
السلام عليكم يابورداد
آمل انك بخير وجميع الاهل.
بصفتك صقار اولا وبصفتك مشرفا على منتدى الصيد,فأني لاحظت ان الكثير من الاخوة الذين يعرضون صقورهم للبيع بقسم البيع لايقومون بتزويد باقي الاعضاء بمعلومات متكامله عن مايرغبون ببيعه مما يجعل المواضيع طويله بسبب الاسئله عن المعروض للبيع مما يضيع وقت المتصفح ويشتت الجهد والتركيز.
أقترح ان يتم وضع ضوابط ثابته لمن يرغب ببيع صقرة يجب على الجميع الالتزام بها والا يتم حذف الموضوع ومن هذة الضوابط كمثال وليس حصرا ويمكن للجميع اضافه مايرونه ناقصا:
1-مكان الطير(البلد-المدينه).
2-نوع الطير وعمرة ومقاساته، ووزنه(خصوصا للجير).
3-نوع الطرائد التي صادها ومتى (العام-ام ماقبله )وكيقيه صيدها(تعليق أو بالارض).وهل صادها مع مالكه الحالي أم السابق.
4-هل الطير راكد على التكيه؟ او على الكف.
5-هل الطير طلاع أو لحاق أم هما معا؟
6-هل يلاعب الشلو ويجي عليه؟
7- هل اصيب الطير بمرض سابق وشفي منه.
8-صور للطير(منحرة-ظهرة)
هذا مالدي وياليت تضيف من خبرتك على الموضوع.
----------------------------
ياليت تضيفون يااخوان ماترون.
ادام الله بيننا التواصل على الخير.

فيصل الدشاش

06/07/2008, 11:43 PM

تسسسسسسسلم ياذيب

ولله الاموررر الي ذكرتهاا مهمه

لن الواحد بيششتري طير يعرف وش هو فيه مرض شي

مششششكور يالله فمان الله

أبو رداد

07/07/2008, 12:02 AM

وعليكم السلام ورحمة الله وبركاته
الله يحيك اخوي
موضوعك القديم موجود ...
استفتاء: شروط جديده لبيع وشراء الصقور ... مطلوب راي صقاقير مكشات (http://www.mekshat.com/vb/showthread.php?t=101793) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=101793) 2 (http://www.mekshat.com/vb/showthread.php?t=101793&page=2))
,,,
ولازلت عند كلامي
(مايتفق عليه غالبية الاعضاء يكون ان شاء الله)
ماوضعت أدارة المنتدى
خيمة بيع وشراء الصقور
الا (لخدمة صقاقير مكشات)
,,,
ضعوا شروطكم .... وسوف تكون بمثابة نظام يسري على الجميع
ارجو من جميع الاخوه المشاركه ...
من تجوز له هذه الشروط فليصوت (نعم)
ومن لاتجوز له هذه الشروط فليصوت (لا)
وباب المناقشه مفتوح للجميع بهذا الموضوع
والسلام

سنافي نجد

07/07/2008, 12:06 AM

..

امور مهمه جدا .. الله يعطيك العافيه وما قصرت

..

العمراني

07/07/2008, 12:43 AM

مشكووور الله يجزااك بل الخير

F J

07/07/2008, 12:57 AM

ان اقترح ان ايكون موضوع مثبت كالتالي
نوع الطير:
مقاساته:
وحش ولا تفريخ:
موقعه:
صيده:
عمره:
سومته:
صورته:
أخرى:

يعني لازم ينسخ القائمة هذي بموضوع ويملاها

والقائمةعلى راحة بو رداد

وانا اشوف الموضوع مهم جدا يا بو رداد

يعني يجي واحد يرمي الصورة والرقم ويمشي..ما يصير كذا
هذا شي مهم والله..

ومشكور يا راعي الموضوع ومشكور يا بو رداد على تعوانك

نبع الدموع

07/07/2008, 01:00 AM

اعتقد ان الاغلبية يتفقون على وضع شروط للبيع و الشراء و هالموضوع يتكلم
عن نفس الشئ
http://www.mekshat.com/vb/showthread.php?t=143780

ابو الوسمي

07/07/2008, 01:20 AM

طارق الحربي

07/07/2008, 01:54 AM

كل المشاكل محلوله

الا مشكله اللي يسوم وهو يلعب هذي اللي يبي لها حل

وكذلك بعض الناس يسجل باسمين ويرفع سومة طيره :)

قصااااف

07/07/2008, 02:34 AM

بيض الله وجه الجميع على الأراء والاقتراحات السديده
التى تنفع الجميع وهذا المقصود
(الفائدة العامة)
:good: :good: :good:
اخوكم
قصاااااااااااااااااااااااف

قرناس 22

07/07/2008, 08:06 AM

بيض الله وجهك ياقصااااااااف والله ريك هو عين الصواب

وتقبل تحياااتي اخوك قرناس22

صارووم

07/07/2008, 08:37 AM

كلام سليم .. وأضافات الأخوان كملت الموضوع
مشكور ياقصاف والله يعطيك العافيه

نبع الدموع

07/07/2008, 08:40 AM

بيض الله وجهك ياقصااااااااف ويوجد اضافه بصيطه ارجو من جميع من يسوم طير لزم يعرف ان اذا كان يسوم بهلله او يمزح تراى بذا الفعل يقطع نصيب الى يبي بيع الطير او الشراى الصامل لان لوحض ان يوجد بعض من الاخوان الى يزيد وهو مشاف الطير ولا عرف مقاسه ولا عرف الطير وين من ديره ولوحض ايضن بعض الاخوان يسوم الطير ويعطيه فوق حقه وهو موشراى ونرجو من الجميع المشاركه وتسلم ..... ابو الوسمي
هذي الي مالها حل رغم انها من اكثر المشاكل الي تواجهنا
لو انة ينطلب من الي يسوم يكتب اسمة بالكامل و طريقة
الاتصال فية يمكن تحد من هالمشكلة شوي لاكن في ناس
وجههم مغسول بمرق حتى سمعتة ما تهمة, او ان السوم ما
يكون الا للي لهم مشاركات كثيرة في المنتدى او يوجد من
يضمنة و ان صار منة السيئة يحضر من دخول خيمة البيع و
الشراء, البعض بيقول انها افكار وراعين و انا اشوف الي
يصير بعض الاحيان اقل من انة يصدر عن ورع
و هذا حلال ناس ماهو لعب كل من جاء رفع و نزل على كيفة

اعقاب

07/07/2008, 09:49 AM

وضوع من الاهميه بمكان
تشكر ياصاحب الموضوع
وننتظر المشرفين
وسام
بعض الاخوان يبون يرفعون عدد مشاركاتهم
مش حالك

ناصرأبونواف

07/07/2008, 10:00 AM

أنا لاحظة أن كثيرمن الناس يقومون بوضع طيورهم للبيع وهم لايرغبون ببيعها بحجه أنهم يبغون يشوفون طيورهم كم تجيب ليفتخروعند أصحابهم
تلقاه يقول طيري إنسام بكذا من باب الإفتخار والبعض الأخرتجيه سومه مناسبه ولايبيع
عند رغبة أحد الأخوان في بيع طيره أقترح ما يلي
1/ وضع وصف كامل للطير المراد بيعه مشتمل مقاس الطول والعرض ونوع الطيرولونه وعمره وفعله إن كان صايدونوع الصيد وهل الطير يرتفع وهل يطلب الملواح وهل ينقل العلف هل يكوش على العلف هل هوطلاع
هل هوخالي من الأمراض
2/ يتم حد سعر الطير لأننا ليس بموقع حراج لو وقفة علي السلعه أستلمها
3/ يتم تدعيمنا بصورتين واضحه
والله الموفق

أبو رداد

07/07/2008, 11:05 AM

ان اقترح ان ايكون موضوع مثبت كالتالي
نوع الطير:
مقاساته:
وحش ولا تفريخ:
موقعه:
صيده:
عمره:
سومته:
صورته:
أخرى:

يعني لازم ينسخ القائمة هذي بموضوع ويملاها

فكره طيبه ... وفي انتظار باقي الاخوان وارائهم في الموضوع

وَسَام!

07/07/2008, 11:25 AM

هذا من الموضيع التي اتمناها لما فيها من المصلحه للجميع!
ولا ازيد على الاخ fj الا نقاط بسيطه منها:
* ان الواحد عندما يطرح موضوع عن بيع طير تجد اكثر من عشر مشاركات اما اعجاب بالطير او
الدعاء له ! ومشاركه واحده لشخص جاد ولديه الرغبه في الطير فياليت لو كانت المشاركه في
حدود الموضوع والتي طرح الموضوع لاجلها!
* احياناً يكون هناك خروج عن صلب المشاركه والاخذ والرد في جدال وقد يكون صاحب الموضوع
هو من يبدأ بذلك كما حصل في بعض المواضيع وهذا ينعكس سلبا على مصداقية البائع او الشاري!
هذا مايحضرني الان وبالله التوفيق !
اخوكم وسام

صقار البحرين

07/07/2008, 11:37 AM

الله يعطيكم العافيه وانا اوافقكم الراي

افزعواله

07/07/2008, 11:46 AM

بيض الله وجيه النشامى كلهم هذا موضوع طيب ولا اقدر ازود على مقترحات الاخوه ولكن ابا اقول اللي يكذب اويبي يزود مشاركاته وبس ما عليكم الاتذكرون المقوله اللي تقول (الهديه قدر من يهديها ماهي قدرمن تهدى له
)

ناصر الحمد

07/07/2008, 12:17 PM

الله يعطيك العافيه أخوي قصاف

موضوع صراحة كنا محتاجين له وشكرا

قلب ذيب

07/07/2008, 03:52 PM

صقار قديم

07/07/2008, 08:04 PM

السلام عليكم ورحمة الله ،

* في رايي لا مانع من دخول السماسرة و التجار لعرض طيورهم للبيع و لا يهم اختفاؤهم بعد البيع، لانهم عند ذلك يكونون قد قد قاموا بالمرجو منهم وهو الامر الرئيسي من وجود هذه الخيمة " بيع و شراء الصقور".
* الجديه في العرض و الطلب ، فكما تفضل الاخوه في ردودهم بذكر المداخلات التي تخرج عن الموضوع من مدح ودعاء .
* يتوجب على صاحب الطير اغلاق الموضوع في نهايتة باعلان اتمام عملية البيع حتى لا يبقى الموضوع تحت مداولات وسومات الاعضاء بعد بيعه مثلا.
* عند عرض طير معين للبيع و مزايدة الاعضاء علية نجد احيانا ان صاحب الطير لا يجيب بينما يشارك في مواضيع اخرى ! لا أعرف السبب فقد يكون اساسا غير راغب في البيع أو انه يحب لفت الانظار اليه فقط ! و لا أعرف كيف يمكن تجنب ذلك قد يلزمهم الشر 2في مشاركة قلب الذيب!

تحياتي للجميع

عبدالرحمن 211

07/07/2008, 10:08 PM

شكرا للجميع وشكر خاص لصاحب الفكره

ورجو من الاعضاء حذف الي يتم بيعه من الصقوراوغيرها
ملاحظه نسوم ونتعلق في السومه بدون رد ارجو الرديمكن الله يرزك بغيره بعض الحيان يكون فلوسك على قدك

منور

08/07/2008, 02:07 AM

والله الراي وهذا الصحيح واضيف ان يحط رقم جواله
والطير يعرض وايذا انباع ويبلغ انه انباع ويتشال من المنتدا

ابو الوسمي

08/07/2008, 02:09 AM

[quote=قلب ذيب;1708199]مرحبا بالجميع .
موضوع هام للجميع واود ان أضيف التالي .
1 - يوضع نموذج لابد من تعبئته في حالة رغبة أي عضو في بيع طيره او طيوره .
2 - لابد من وضع الاسم الحقيقي للبائع ورقم جواله .
3 - خاصية البيع لابد ان تكون لأعضاء مكشات ولايسمح للسماسره الدخول والبيع ومن ثم الغياب عن المشاركات واثراء المنتدى !
- - لأن هناك شريطيه يدخلون في الموسم او قبل الربطه يبيعون وينهزمون ولا نرى لهم تواجد في المنتدى وهذه انانيه واضحه لابد من ايقاف ممارسيها !. كما أن أولئك السماسره بهم شي من الخداع والمناوره وعدم الصدق ؟

اناء معاك ياقلب ذيب لكن النقطه رقم 3 شوى قويه لان الى بيترزق الله ماحد يرده يبيع ويشرى لكن اذى غش احد من اعضاء المنتدى سوف نحكم عليه ونشهر به طبعن بعد اذن المشرفين والنقطه رقم2 توفي بلقرض وبعد الناس لهم نضر فى الطير والواحد يشرى عليه والى ما يعرف لطيور اهل الخبره والناس الطيبين كثير كل بيفزع والموضوع مهم جدا وعلى قدوم الطيور نرجو تطبيقه وارجو من الجميع المشاركه...ابو الوسمي

لعّاب المنايا

08/07/2008, 02:52 AM

بيض الله وجيهكم ,,

وفيه أيضا يا اخوان السومه توصل لسعر معين مثلا نقول 7000 ريال من ثالث رد تقريبا ويجيك واحد يفتح على الموضوع ويصكه بسومه 2500 ريال الله لا يعمينا تسوم وانت ماتدري عن السومات وش فيها ليا صار الواحد يشوف الموضوع كامل وشاف صور الطير وعرف السومات وإلا الواحد يبغى بس يزيد مشاركاته وعلى غير سنع وراع الموضوع يدري أنت ياللي سمت إنك ضايعتن طاستك الرياجيل واصلين سومه وتجي انت تنتف ام السومه ,,

وإلا اللي ينزل بيعت طير ويحده ونطلب منه العلوم كامله يجيب ربعها والباقي على الله بس بيشوف طيره هل هو بيوصل الحد اللي يبغاه وإلا لأ وبعدها يزبن ما يدخل إلا عقب شهر والموضوع صار بالصفحه رقم 50 ,,

لابد من التعاون يا اخوان ,,

هذا وبالله التوفيق

العيسمود

08/07/2008, 01:07 PM

طيب يا إخوان إذا أنعرض طير في المنتدى ووصل إلى قيمه معينه عند احد الأعضاء ويأتي بعدها صاحب الطير ويقول وصل السوم كذا برا وإنها زايده النص عن القيمة الأولى
واش رأيكم هل تقبل السومات اللي من خارج المنتدى وإلا السوم محدود على الأعضاء
والاعلى قول ابونواف يبغى يشوف كم يجيب طيره؟؟؟؟
ومشكور اخوي قصاف والله يجزاك خير على الموضوع،،

سعود2003

08/07/2008, 02:45 PM

فكره ممتازه وبيض الله وجهك
لأن الي صاير في اغلب مواضيع البيع او العرض اسئله وراحت صفحتين
اوثلاث كم طوله كم عرضه وين مكانه ....
والقاري ماستفاد .... والعبره في الكيف وليست في الكم

أبو فهد العيد

09/07/2008, 02:32 AM

السلام عليكم,,,
الموضوع جميل ومن زمان ودي يطرح مثل هالموضوع,,,
انا عندي نقطه,,بصراحه انها اغاظتني واغاظت من اعرف في المنتدى. الا وهي,
انه اذا انعرض طير وسامه احد من الاعضاء,, فياليت انه اذا احد بغى الطير....
يسوم زي الناس,,
يعني مثلا يجيك طير مسيوم بثلاث الاف,,ثم يجيك واحد مضيع الجاده ولا يدري وين الله حاطه,,ثم يسوم الطير بعشره الاف,,,,معقوله,,
فمن رايي انه اذااردنا نفرق سومه ..مانفرقها بالف والا الفين,, نفرقها بالميه والخمسين,, كما هو معروف في السوق,, هذا الحق,

ااابوخلف

09/07/2008, 02:48 AM

نبع الدموع

09/07/2008, 02:49 AM

وكرية شريتها بـ 1500 و في المنتدى سيمت بـ 3500
حر شريتة بـ 3500 و في المنتدى سيم بـ 5000
حر شريتة بـ 4000 و سومة واصلة 5000
كلهم على اول سومة اسومها و يجون ناس و يرفعون و في الاخير راعي
الطير يرجع ينجحد من الي يسومون و بكذا كسرت بيعتة و تعلق الرجال
على سومات في الفراغ.

انا لاقي خير من مثل هالناس لاكن الي ما ارضاة لنفسي ما ارضاهـ لغيري.
و مب انا بس الي صارت معي كثير غيري شروا طيور باقل من سوماتها
في المنتدى بسبب سومات ناس ماهم صاملين.

بوموسى

09/07/2008, 02:55 AM

السلام عليكم ورحمة الله وبركاته

حبيت اعقب على كلامك
في بعض الناس ما يعرف يثمن الطير
على سبيل المثال
يعرض طير صايد ويطلع ويلحق وعليه شروط
تلقى يجي واحد ويسوم الطير 3000 ريال على سبيل المثال
يعني في ذمتك هذا واحد يعرف يثمن الطير
وتلقى شخص يجي ويزيد على السوم عشرة الاف
فلاتلوم الشخص اللي زاد لانه يعرف يعطي الطير حقه
وثاني شي اللي يزيد با 100 و200 ريال تظن انه هذا اسعار تغري راعي الطير انه يبيع

واضرب لك مثال حصل لي بالمنتدى
انا عارض في المنتدى ربع جير يعني75% شاهين 25% جير

وكل ما فيه زين

جاء شخص ويسومه 2000 ريال
وجاء اللي بعد وقال ارفعها 2500 ريال
وجاء ثالث وقال 3000 ريال عندي شرط السلامه وتوصيل الى الرياض
وهذي السعر اللي دفعوه سعر جبيله بالخوبه
ماهو سعر جير مجلوب من اروبا
وصدقني انا السعراللي دفعوه ما يجيب سعر شحنه من اروبا
وجاء شخص ورفع السوم الى 8000 ريال يعني فرق عنهم 5000 ريال وصامل
والشخص اللي يرفع السعر اعرف انه يعرف الطير وقيمة وصامل
نهاية الكلام اللي يسوم لازم يعطي الطير حقه او انه لايسوم مش انه يكسر في سلعة الرياجيل

ولك جزيل الشكر

أبو رداد

09/07/2008, 08:54 AM

السلام عليكم ورحمة الله وبركاته
الي عنده ملاحظات يتفضل يضيفها في الموضوع المثبت
دعوه لمناقشة ووضع شروط لخيمة بيع وشراء الصقور (http://www.mekshat.com/vb/showthread.php?t=143809)

أبو طلال-نقوه

09/07/2008, 11:31 AM

الله يعطيكم العافيه و أنا أوافقكم بالرأي في وضع شروط و ضوابط لخيمة البيع و الشراء...

عبدالرحمن ‍

10/07/2008, 11:11 AM

السلام عليكم .. بيض الله وجيهكم كلكم ...

أنا اوافقكم الرأي وبقوه .. وكلام الأخوان وافي .. بس أزيد على كلام الأخوان بكم اقتراح..

الشروط تتطبق على صاحب الموضوع والمشاركين .. صاحب الموضوع يلتزم بالمعلومات اللي يقولها من حجم الطير والفعل والسن و و و ..
والمشارك يلتزم بالكلام اللي يقوله والسومه اللي يضعها .. وأنا ملاحظ أن بعض الطيور تكون سومتها مثلاً 6000 ويجي واحد ويسوم ب1000 .. :confused: وهو مايدري انه بهالسومه ضيع اللي بعده ... باختصار يكون المشارك جاد وملتزم بسومته

وياليت أن الموضوع يتسكر عقب البيعه والسومه تستمر لفتره معينه وبعدين تروح .. يعني مايجي راعي الطير عقب السومه بفتره طويلة ويلزم الشخص بالشراء (مثلاً: واحد عرض طيره للبيع وعقب فترة هوّن ووصل السوم لسعر معين وبعد فترة انقطاع نوى يبيع الطير ويرجع للموضوع ويلزم اخر شخص سام بالشراء) ..

وأقترح اضافة شرط لمواضيع بيع الطيور المفرخة.. أن الشخص البايع يحدد مزرعة الطير

اتمنى اني وضحت الاقتراحات بالشكل المطلوب

تقبلوا مروري

رامى السيد

11/07/2008, 04:37 PM

التنظيم ضرورى فى كل شئ لانه يعبر عن مدى قوة المنتدى وصدق العارضين ويشعر المشترى ببعض الاطمئنان
وانا اقترح ان يكون البيع بكل تفاصيله على العام حمايه للمبتدئين (عدا السعر)
وان توضع المعلومات فى جدول معين تحددة الادارة لا يتم قبوله الااذا استوفى العارض كافه البيانات
واتمنى من الله ان يوفقكم فى ما يحبه ويرضاة

العيسمود

11/07/2008, 05:36 PM

مثل ماقال اخوي سعود 2003

فكره ممتازه وبيض الله وجهك
لأن الي صاير في اغلب مواضيع البيع او العرض اسئله وراحت صفحتين
اوثلاث كم طوله كم عرضه وين مكانه ....
والقاري ماستفاد .... والعبره في الكيف وليست في الكم

U.A.E

12/07/2008, 12:09 AM

السلام عليكم
بو رداد والي يشرط على طيره يكونون الي فالمنتدا شهود والمنتدى نفسه شاهد على البيعه والشروط الي بين البايع والشاري

النـادر

12/07/2008, 12:43 AM

كلام جيد

لكن احيان البعض لايملك اجابات لكل الاسئله التي ذكرت على سبيل المثال

التاريخ الصحي للطير .... نحن نشتري طيور بشرط السلامه ولكن لم نشترط التاريخ المرضي للطير

وقيس على ذلك ..... اختزل الشروط الى المعقول والدراج لدى الناس مثل

شرط الصيد

المقاس

الركاده وشروطها

الصور

ولاتعقدون الامر على الناس والمشتري غير ملزوم الا بعد المعاينه لان المعاينه تفرق فيها اشياء ماتبن مع الصور

مجرد رآى متعقل قليلا

تحياتي

KAYD

13/07/2008, 02:54 AM

صوتنا بنعم وذلك للفائدة وأهم شي صور واضحه للطير
والله يعطيكم العافية على المجهود الرائع

U.A.E

13/07/2008, 02:57 AM

k
نعم
الشروط

Shadw

13/07/2008, 02:59 AM

فرق السومه لا يقل عن 200 ريال او 30 دينار كويتي

أبو رداد

14/07/2008, 11:23 PM

المصوتين 38 ... وباقي للتصويت اسبوع تقريبا
36 يودون وضع شروط
و 2 لا يودون

نبع الدموع

15/07/2008, 07:24 AM

يا رجال يعطيكم العافية في بعد شرط افضل انة ينحط رغم اني
اعرف انة صعب على الاشخاص الي يسكنون في اماكن نائية ولا
مابها مستشفيات طيور و هوا وضع فحص للطير. اوقات تطيح طيور
في المنتدى ماهي سليمة و يشرط سلامتها وش استفيد انا كمشتري
يوم اضرب مشوار 500 ولا الف كيلو و في الاخير الاقي الطير
مريض و يقولي راعية فلوسك عندك و طيري عندي؟ هوا فعلا ما خسر
لاكن حنى الي تعنينا و ضربنا مشاوير و يمكن يصادف ان راعي
الطير عارف بالمرض لاكنة يتامل في الغشيم الي ما يعرف و يتكسب
من وراهـ.

وَسَام!

15/07/2008, 11:40 PM

حبيت اضيف ان الطير اذا طرح للبيع في المنتدى
ان السوم يكون في المنتدى او يوضح من صاحب الطير
لان بعض الطيور تباع بقيمه وفيه ناس ماتوقعوا انها بتباع بهذا
السعر وسوف يزودون ويتفاجؤون بالبيع واحيانا ماندري كم بيع واحتمال انه يباع بسومة شخص ثاني!

صقار شياهين

16/07/2008, 10:56 AM

السلام عليكم ورحمة الله وبركاتة : الصراحة الموضوع هذا مهم جدا والله يعطيكم الف عافية وانا موافق على اقتراحكم الطيب وتقبلوا تحياتي

اعقاب

16/07/2008, 11:32 AM

السلام عليكم ورحمة الله وبركاتة
الموضوع مهم جدا .
واقتراحكم تنم عن اهتمام من اعضاء ومشرفين.
والحقيقه مامن ذيك الاضافات.
ولكن بودي التأكيد على بعض النقاط:
اولا-الجديه من البايع والشاري.
-ذكر البايع الشرط على الطير من عدمه.
-عدم الخروج من الموضوع.
-الدعاء في ظهر الغيب
(اقصد الاضافات اللي ماتفيد الموضوع الواجب تركها ومن اراد ان يدعو للبايع والشاري فأن الله يسمعه).
-الرجاء اقفال ونقل الموضوع عن الطير اللي مبيوع الى الارشيف في حال الاختلاف يرجع اليه.
تقبلوا مروري

قرناس ارامكو

18/07/2008, 01:26 AM

الله يعطيكم العافيه وانا اوافقكم الراي

بوموسى

18/07/2008, 11:02 PM

مرحبا بالجميع .
موضوع هام للجميع واود ان أضيف التالي .
1 - يوضع نموذج لابد من تعبئته في حالة رغبة أي عضو في بيع طيره او طيوره .
2 - لابد من وضع الاسم الحقيقي للبائع ورقم جواله .
3 - خاصية البيع لابد ان تكون لأعضاء مكشات ولايسمح للسماسره الدخول والبيع ومن ثم الغياب عن المشاركات واثراء المنتدى !
- - لأن هناك شريطيه يدخلون في الموسم او قبل الربطه يبيعون وينهزمون ولا نرى لهم تواجد في المنتدى وهذه انانيه واضحه لابد من ايقاف ممارسيها !. كما أن أولئك السماسره بهم شي من الخداع والمناوره وعدم الصدق ؟

اخوي قلب الذيب ماتحس انك في البند رقم 3 جالس تتهم تجار الطيور بالكذب والخداع وعدم الصدق

كلامك كبير ولابد ان الانسان يخص ولا يعم

على فكره تجار الطيور ماهم بحاجه انهم يعرضون سلعتهم بالمنتدى كل شخص له معارفه وعلاقاته فيهم الطيب وفيهم السيء

وتوقع دخولهم مكسب للمنتدى يعني المنتدى المستفيد الاكبر

ولا توجد قوانين تلزم اي عضو انه يتواجد بشكل يومي او اسبوعي او شهري

هذا كل كلامي المنتدى بوابه مفتوحه للجميع

دهمان

22/07/2008, 09:46 PM

مشكورين على هذا الطرح وانا اوافقكم هذا الراي... ونشكر جميع الاعضاء المتعاونين على تطوير هذا المنتدى ..................... وشكرااا

فهد الميموني

22/07/2008, 10:17 PM

نعم اقترح وضع نموذج جاهز يدخل عليه الصقار عبر زر ثم يعباء من قبل بائع الطير ويشترط ان تتعدى مشاركاته (حد معين50 مشاركه مثلاً) ويكون فيه خانات الزاميه يجب تعبئتها مثل البيانات الاساسيه
سن الطير-طوله-عرضه-لونه-فحص المستشفى- طبوع شينه-طبوع زينه-سبق-ملواح-رقم اتصال-ماكره-حباري-كراوين-حمام-ركاده-صورتين(نحر الطير-ظهره)بدون برقع-ملاحظات
واي خيارات ترون اظافتها ويكون بعظها الزامي لايتم عرض الطير بدون ملىء تلك الخيارات وبعضها اختياري
حسب رغبة الصقار إذا حب يضيفها عن الطير ويمكن التعديل عليها فيما بعد من قبل البائع فقط إذا تجددله علوم
وتوه شاريه.
يتم تهميش الموضوع عند البيع.
اخواني الصقاقير والمشرفين هذا اقتراح بسيط يمكن التعديل عليه فيما ترونه والله الموفق .

بوخالد الكعبي

24/07/2008, 09:46 PM

فكره جميله اخوووى

ولكن عندي راي

1/ المصداقيه في علوم الطير و فعله و سنه

2/ ان يكون هناك مشرف من المنتدى يضمن حق الاعضاء في الامور هذه لكي يكون مصدق من قبل الكل

3/ وعدم دخول السماسره او اصدقاء صاحب الطير لرفع السووومه للطير

4/ عدم الانحراج من قبل عارض الطير من اسئله الاعضاااء

وجزاكم الله خير

أبو رداد

27/07/2008, 11:37 PM

السلام عليكم ورحمة الله وبركاته

اسف على التاخير ( كنت في اجازه ) انتهت ولله الحمد
واشكر كل الاخوان الي شاركوا في التصويت
وخصوصا الي اجابوا( بنعم )
http://www.mekshat.com/vb/images/polls/bar2-r.gifhttp://www.mekshat.com/vb/images/polls/bar2.gifhttp://www.mekshat.com/vb/images/polls/bar2-l.gif
-ابو عزام- (http://www.mekshat.com/vb/member.php?u=67683), أبو أمين (http://www.mekshat.com/vb/member.php?u=80854), أبو فهد العيد (http://www.mekshat.com/vb/member.php?u=33257), أبو طلال-نقوه (http://www.mekshat.com/vb/member.php?u=82954), alajmi110 (http://www.mekshat.com/vb/member.php?u=26797), مغــادر (http://www.mekshat.com/vb/member.php?u=5222), لوقه (http://www.mekshat.com/vb/member.php?u=85742), مقناص كلاوة (http://www.mekshat.com/vb/member.php?u=84187), العمراني (http://www.mekshat.com/vb/member.php?u=73124), العيسمود (http://www.mekshat.com/vb/member.php?u=40323), الفرادى (http://www.mekshat.com/vb/member.php?u=32948), الكتبي2008 (http://www.mekshat.com/vb/member.php?u=77141), الكشَات (http://www.mekshat.com/vb/member.php?u=63267), ابو الوسمي (http://www.mekshat.com/vb/member.php?u=31909), ابوفارس 5350 (http://www.mekshat.com/vb/member.php?u=62682), اعقاب (http://www.mekshat.com/vb/member.php?u=5466), افزعواله (http://www.mekshat.com/vb/member.php?u=83297), ذيب النقيان (http://www.mekshat.com/vb/member.php?u=73212), تغبيره وكاله (http://www.mekshat.com/vb/member.php?u=81076), بوموسى (http://www.mekshat.com/vb/member.php?u=27662), بني هاجر (http://www.mekshat.com/vb/member.php?u=86134), F J (http://www.mekshat.com/vb/member.php?u=77924), خصيم الرخايم (http://www.mekshat.com/vb/member.php?u=40112), خشف. (http://www.mekshat.com/vb/member.php?u=63217), KAYD (http://www.mekshat.com/vb/member.php?u=81255), رامى السيد (http://www.mekshat.com/vb/member.php?u=27096), راعي البل 2 (http://www.mekshat.com/vb/member.php?u=85729), صادق الهرجه (http://www.mekshat.com/vb/member.php?u=44516), شبراق (http://www.mekshat.com/vb/member.php?u=29718), سعود2003 (http://www.mekshat.com/vb/member.php?u=84066), شواااش (http://www.mekshat.com/vb/member.php?u=79878), سنافي نجد (http://www.mekshat.com/vb/member.php?u=32852), Shadw (http://www.mekshat.com/vb/member.php?u=54845), Turki1 (http://www.mekshat.com/vb/member.php?u=44377), U.A.E (http://www.mekshat.com/vb/member.php?u=85394), عا سبيل بر (http://www.mekshat.com/vb/member.php?u=84403), عبدالرحمن 211 (http://www.mekshat.com/vb/member.php?u=84074), عبدالرحمن ‍ (http://www.mekshat.com/vb/member.php?u=69966), عــــجــــاج (http://www.mekshat.com/vb/member.php?u=33968), نايف الخالدي (http://www.mekshat.com/vb/member.php?u=15179), نبع الدموع (http://www.mekshat.com/vb/member.php?u=65673), وَسَام! (http://www.mekshat.com/vb/member.php?u=77173), قرناس ارامكو (http://www.mekshat.com/vb/member.php?u=77172), قصااااف (http://www.mekshat.com/vb/member.php?u=68863)
وان شاء الله خلال هليومين الجايه
احاول اخرج بشروط تلبي رغبة جميع الاخوان
وتتماشى مع اهداف المنتدى
والسلام

خيال الصبحا

28/07/2008, 01:47 PM

السلام عليكم
الاخوة الاعزاء
يعطيكم العافية
وانا عندي راي غريب
شوي ولكن باذن الله يفيد وهو
لو منع الي مشاركاته اقل من 100
من الدخول لخيمة البيع والشراء(أو يسمح
له بالدخول ولكن يمنع من الرد)لإنه يجيك واحد
مشاركاته 7 ويفرق السوم ويزاود واذا تمموا له البيعه
ماعاد شافوه ، ولكن لو سمح لهم بالفرجة فقط دون الرد وان
كان لهم شف بالطير يكلمون راعي الطير على جواله ، هذا رايي ، وشكرًا

خيال الصبحا

31/07/2008, 11:18 PM

اقتراح جديد
ان اي عضو يكسر
السومة(مثل طير مسيوم
ب6000ويرجع يسومه ب5000
مثلاً)يتم شخطه بتوقيف 10 ايام وان عادها
لكم حرية الخيار(بغض النظر هل كان قصده والا
ماكان قصده والا ماانتبه والا ماقرى السومات....الخ على
شان المرة الثانية ينتبه ويتثبت قبل يسوم)وشكرًا

أبو رداد

06/08/2008, 12:09 AM

السلام عليكم ورحمة الله وبركاته

الشروط
1 / ان تكون العروض شخصيه , غير تجاريه
(العروض التجاريه للمزارع والمحلات تخضع لموافقة الاداره)

2 / البيع والشراء في هذه الخيمه محصور في الصقور ومستلزماتها
(صقور , جهاز تعقب صقور , برقع , كف , وكر.... وماشابه)

3/ موقع مكشات غير مسؤول عن البضاعه المعروضه في هذه الخيمه
( المسؤوليه تقع على البائع والشاري)

4 / بناءا على رغبة اعضاء الخيمه
تقرر فرض الاجابه على هذه الفقرات

(فقرات اجباريه)

نوع الطير وعمره و(قياسه او وزنه) :
مكان الطير (المنطقه / المدينه) :
الحاله الصحيه للطير :
علوم الطير ؟؟ (للقرانيس البيتيه)
هل صاد الطير الحباري والكروان ؟؟
هل الطير طلاع ؟؟
هل الطير راكد على التكايه ؟؟
هل الطير يمسح على التلواح او يلاعب الشلو(خالي ) ؟؟

هل توجد في الطيرعيوب (الارتفاع ,الكوشه , نقل العلف) ؟؟

ملاحظات اخرى :

صورة للطير:

ومن لايلتزم بهذه الفقرات سوف يغلق موضوعه بدون سابق انذار
ولايفتح الموضوع الا بعد مراسلة المشرف والاجابه على جميع الفرات
الطريقه الصحيحه :
تظليل جميع الفقرات ونسخها ومن ثم لصقها في الموضوع الجديد الذي تود عرض طيرك للبيع فيه

والسلام
,,,,,
الموضوع لازال تحت الدراسه
وبالامكان اضافة او الغاء فقرات للشروط
اذا كانت تصب في صالح اعضاء هذه الخيمه

وماهو رايكم بالغاء طريقة البيع بالسوم في المنتدى
والي وده يبيع طير يحده بالقيمه الي يرغب
؟؟؟

لان اغلب المشاكل الي تصير بسبب السوم
(مجرد راي)

شيخ الشرقية

06/08/2008, 12:14 AM

وعليكم السلام ورحمة الله وبركاته

أنا أشوف الشروط زينة والله يوفق المنتدى للأفضل

تقبل مروري يالطيب

ابوغلاب

06/08/2008, 12:18 AM

شروطكم طيبه والله يثيبكم

أبو أمين

06/08/2008, 12:20 AM

وعليكم السلام ورحمة الله وبركاته كلامك حكم ومشكور على الموضوع لكن اخالفك في موضوع السوم لأن الي يبي يخش الموضوع لازم يشوووووف السومات عشان اذا اعجبه الطير يساوم عليه بدال مايسوم سومه والطير جايب اعلى منها ومشكوووووووور

الطبشي

06/08/2008, 12:27 AM

هذي الشروط الي ماعليها كلام ... والله لايهينك............

F J

06/08/2008, 12:40 AM

جزاك الله خير يا ابو رداد

Turki1

06/08/2008, 12:48 AM

بارك الله فيك يابورداد،بدايه طيبه باذن الله،وسيكون هناك عبء على المشرفين ربما في المرحله المقبله فاسال الله ان يعينكم. ونأمل من الاخوة الالتزام بما فيه الخير للجميع.
من ناحيه السوم،فهو من الاشياء الطيبه في البيع والشراء بشرط ان لايغبن المسلم اخاة المسلم ،وياحبذا ان الاخوة يقدرون سلعه اخوانهم وان لايسوموا الا بعد التأكد من قراءة الموضوع كاملا ومشاهدة آخر سومه.
وفي رأيي ان اغلب المشاكل في السوم تنحصر في نقطتين:
1-كسر سعر من يعرض طيرة بوضع سعر غير منطقي على الاطلاق .
2-السومه بسعر أقل من آخر سومه.
أسأل الله التوفيق للجميع.

KAYD

06/08/2008, 01:11 AM

السلام عليكم ورحمة الله وبركاته
الله يعطيك العافية يأبورداد ويعينك ويوفقك وهذي الشروط الي نبيها
لكن من ناحية السوم فأنا أؤيد كلام أخوي Turki1 (http://www.mekshat.com/vb/member.php?u=44377)

من ناحيه السوم،فهو من الاشياء الطيبه في البيع والشراء بشرط ان لايغبن المسلم اخاة المسلم ،وياحبذا ان الاخوة يقدرون سلعه اخوانهم وان لايسوموا الا بعد التأكد من قراءة الموضوع كاملا ومشاهدة آخر سومه.
وفي رأيي ان اغلب المشاكل في السوم تنحصر في نقطتين:
1-كسر سعر من يعرض طيرة بوضع سعر غير منطقي على الاطلاق .
2-السومه بسعر أقل من آخر سومه.
أسأل الله التوفيق للجميع.

تحياتي
كايد

سلطان 1

06/08/2008, 01:19 AM

ابو رداد لا هنت كل الشروط ما عليها غبار 0
بس السوم لا بد منه 0 ولا فيه شى0 الا 0 احسن لراعى الطير حتى لو بيعرضه برا المنتدا فاهو بيقلد على السومه اللى فى المنتدا وكذا
هو الكسبان بهالسومه0
وفيه شى مهم يابو رداد 0 وهو ان الشخص اللى يعرض طيره للبيع لازم ما يعرض رقمه الا بعد ان يتفق مع اى شخص فى الخيمه على البيعه بعد كذا ممكن انه يعرض رقمه على اساس يكلمه الشراى ويخلص معه 0
لانه اذا عرض رقمه على طول بتحصل الشباب يساومون على الشاشه ويحترونه يرد 0 وتلقا واحد كلمه وخلص معه والشباب على السومات 0

بعدين يرد الطير انباع 0

هذا مجرد راى

محمد الفهيد

06/08/2008, 01:27 AM

الله يعطيك العافيه يابو رداد
فكره ممتازه انه ينسخ الكلام وايحط عليه البيانات
وبالنسبه للسومه لازم تكون مفتوحه
الي يبي ايحد طيره ايحده والي بيحطه على السوم ايحطه
البيع أخذ وعطى واذا صار النصيب صار

الله يعطيك العافيه على سعيك الدائم للرقي الخيمه وشكرا.

جارح العين

06/08/2008, 03:01 AM

الله يعطيك العافيه يابو رداد

قلب شاهين

06/08/2008, 04:02 AM

يعطيك العافية يابو رداد على الموضوع والكلام الجميل ،،

وهذا الكلام الصح لأن آنا شخصيا آعصب وآنقهر اذا دخلت قسم البيع والشراء ؟؟ تسألني ليه ؟؟

مثلا :

يجيك واحد يبي يبيع طير وانا اشوف صورة الطير وعجبني الطير وآسوم الطير وبعدين مآ أشوف صاحب الموضوع ولا يرد علي !!!!!

أو اني اطلع صورة للطير ويقول اذا تبيه تعال شفه الطير بالرياض وآنا بالدمام يعني بالله بروح الرياض على شان اشوف والطير وآرجع !!!!!

آو تكون مشاكل بالسوم وتوصل للهواش وهذا يحصل كثير في مواضيع البيع !!!!

يعني بآختصار كثير مشاكل تحصل والسبه طريقة البيع غلط ،،

وآنت الحين ريحتنا وبارك الله فيك ،

وياليت لو يكون مثل ماذكرت الآتزاااااااام ،،

والسموحه طولت عليك ،،

هذا الي عندي وسلامتكم ،،

تحياتي / قلب شاهين ،،

خالد الحبابي

06/08/2008, 04:36 AM

تحياتي لك يا بو رداد... كلام سليم مليون في الميه وبالنسبه للسوم انا رايي الشخصي ان يكون راعي الطير حاط سعر معين في باله ويعرض الطير مع السعر المطلوب يعني ماله داعي للسوم

AL MSAFER

06/08/2008, 04:47 AM

:good: كلام سليم

قنيص غبر

06/08/2008, 07:32 AM

كلام مايخرش الميه :)

أبو رداد

06/08/2008, 08:21 AM

الله يحي الجميع
تم دمج المواضيع المشابه بهذا الموضوع
حتى تتضح الصوره اكثر للاخوه الذين يعرضون صقورهم للبيع
ولايعتبون علينا

نبع الدموع

06/08/2008, 08:34 AM

يعطيك الف عافية اخوي ابو رداد و في نقطة صغيرة
يا ليت يكون التوصيل و عدم التوصيل خارج السومة
يعني الي يسوم يسوم الطير من مجلس راعية لان نقل
الطير يفرق بالسوم يعني اسوم طير في مكة بـ 1500
و يجي واحد من ايران يسوم الطير ب 1900 مع التوصيل
و التوصيل بـ 1000 يعني انحسبت علية سومة و
الحقيقة ان الطير نزل لاكثر من حقة و اخذ اكثر من حقة
بالنسبة للي ما يبون توصيل

طمران

06/08/2008, 09:25 AM

لاحظ عدد من الاخوان وعقب واقترح عدد منهم مشكورين في كثير من المناسبات بمواضيع البيع والشراء وكيفية تنظيمها وللاسف الى الآن تجد :

موضوع دون بيانات كامله ( سن ، مقاسات ،...... ) .
يوجد طير للبيع وشكراً .
انزل الصورة بعدين ( انسى الموضوع ) !
ادراج الموضوع و عدم الرد على استفسارات الاعضاء مما يؤدي الى التشكيك بالمصداقية من البائع .
ملاحظات وانتقادات من بعض الاعضاء وان كان الهدف منها تبيين السلعه الا انها لاتعرض بالشكل المطلوب ولا تخدم الهدف الذي يجمع الاعضاء .اقترح ان كان بالامكان فلترة مشاراكات البيع والشراء للظهور بشي مفيد ومصداقية عالية تخدم هدف المنتدى والاعضاء .

شبراق

06/08/2008, 11:32 AM

صدقت والله ان خيمة البيع والمشترى يبيلها تنظيم وترتيب من قبل المشرفين يعني الواحد اذا بغا ينزل موضوع المفروض قبل ماينزل الموضوع يطلع شروط على البائع قبل العرض ولا ينزل العرض الا اذا استوفت الشروط مثل :
1- الصوره .
2 - العمر .
3 - المقاس .
4 - الفعل .
5 - الهاتف .
وكيد فيه شروط ناسيهن لكن هذا مثال

حتى تكون هناك مصداقيه في البيع والمشترى

بوخالد الكعبي

06/08/2008, 12:21 PM

جزاك الله خير على الشروط الجميله --- والله الموفق

جارح العين

06/08/2008, 01:45 PM

وصدقت والله
الله يعطيك العافيه

أبو أمين

06/08/2008, 01:55 PM

الله يعطيك العافية

بن عويان

06/08/2008, 01:55 PM

والله بيكون احسن
تسلم يا طمران والله انك صدقت

@قرناص@

06/08/2008, 02:02 PM

مشكور,,

موضوع جيد والرجاء الانتبآهـ,,

وشكـ ـ ـرآ

كشات قطر

06/08/2008, 02:10 PM

السلام عليكم
عين الصواب ياطمران الله يطمرك بالجنه قل آمين

حب العيون

07/08/2008, 01:12 AM

:good: احسنت اخي الكريم كلك نظر

جارح العين

09/08/2008, 01:23 AM

الله يرزق انشاااء الله
ويمكن الرجال عنده عذر ولا شي
والله يكتب الي به خير

لعّاب المنايا

09/08/2008, 01:24 AM

الله يكون بعونك اخوي ,,

انا من رايي إنه يكون فيه يخيمة البيع والشراء مثل مانقول شيخ معارض السيارات نقول شيخ الصقاقير
أي عملية بيع وشراء تكون عن طريقه يعني ينزل الموضوع وتشوف السومه وخلاص لا صار فيه اتفاق
على السومه تكون عملية البيع والشراء عن طريق شيخ الصقاقير يحددله مهله مادفع او ماباع يروح اطير للي بعده وهذا رزق مسلمين موب إني اعطي سومه وأمشي وقطع ارزاق ,,,

نتمنى من المشرفين متابعة الموضوع لما فيه من المصلحه العامه ,,

بوخالد الكعبي

09/08/2008, 01:47 AM

الشكوى لغير الله مذله

اخى العزيز هذا عيب الرجاجيل اللى ماتوفي بكلامها

وانا مثلك تعرضت لموقف مماثل

بوموسى

09/08/2008, 02:00 AM

وسع الخاطر يا بو وضحى و لاتشد اعصاب

الدعوى ما تستحق كل هذا الغضب

وهذي النوعيه من الناس اعرفها زين والله لو يسوم بريال وتقول له نصيبك يرجف ويتردد

كان الاداره ودها تعين شخص بين البايع والمشتري ارشح نفسي ولا يهون الجميع

والله ولي التوفيق

أبو فهد العيد

09/08/2008, 02:05 AM

السلام عليكم,,,
طول بالك يااخو وضحه,,
وتعذر للرجال,,
يمكن انه مسافر ,,او مافتح الجهاز,,, او شرى طير ثاني,,
دور له عذر.. وانا ماادري وش اللي صار,,لكن احلم,,واصبر ..وركد اعصابك,,

خالد الحبابي

09/08/2008, 02:46 AM

حسافه الظن الطيب في بعض الرجال

انا قت اقترحت قبل السومه في الانترنت ما وراها فايده لانه الرجال لو سام في ويهك بيستحي وبيدفع وبيكون قد كلامه لكن على النت مستحيل لازم بيلف وبيدور انا اقترح للي بيعرض طيره يحط السعر اللي طالبه في الطير واللي له شي بيشتري

عالعموم هذا مجرد اقتراح والله يوفقك يا اخو وضحه ويوفق الجميع

abu naif

09/08/2008, 02:59 AM

اضم صوتي لاخي خالد الحبابي فعلاً اقتراح وجيه حد سلعتك واصامل فاوض على البيعة

ناصر الحمد

09/08/2008, 12:14 PM

السلام عليكم ورحمة الله وبركاته

مساكم الله بالخير جميعا

يالربع أنا أضم صوتي لاخوي لعاب المنايا بأنه يكون فيه شيخ صقاقير

وأنا مره كنت حاضر أحد السومات وصل الطير 6500 وكان حد الطير مايتعدا 7500 الى واحد يرد ويحط سومه مفاجئه 16000 ويرد عليه واحد من الأعضاء وقاله أنت صامل قاله برد ثاني ماقد شفت أحد سام وفرك

بالله عليكم وشرايكم فيه

ماهو عيب عليك

عيد القريفه

10/08/2008, 02:12 AM

ماعليه كلام الله يستر عليه ممكن اعرف السوم كم وصل

ناصر الحمد

10/08/2008, 05:07 AM

بيض الله وجهك يالغالي أنا أؤيد فكرة الشروط

صياد الكراوين

12/08/2008, 04:43 AM

اوافقكم الرأي جميعن واتمنى للجميع التوفيق وتقبلوا مروري

احمدالصالح

19/08/2008, 01:47 PM

عز الله انك جبتها.... وماقصرت ياعزيزي

قطراوي

27/08/2008, 04:09 AM

يالربع جعلكم تسلمون انتوا ماتقصرون
بس بالنسبة لاسوام الطيور اشوف انكم ماتعطونها حقها (ليس الجميع)
والله واعلم
كذا طير اشوفه طيب جدا جدا ويسام بقيمة قليله
عشان كذا ناااااااس واااااااجد اهل طيور ويبيعون اقول لهم تعالوا مكشات فيه طيور
اللي يبون يبيعون يقولون لا منتدى مكشات يكسرون اسعار الطيور
مايعطونها حقها
مع العلم؛؛؛؛؛ لا احد بايع الا بالقيمه اللي ترضيه بس ماهي بعدله يكسب المنتدى سمعه ماهي بطيبه
مع اني اشوف بعض الطيور طيب وسومته من الشباب رديه (ما اخص احد بكلامي) وابغي اسومه بس استحي من راعيه
لاني عارف ان هاذي ماهي بقيمته
هذا للتنويه فقط؛؛؛؛؛؛؛وارجوا ما احد يزعل من كلامي

معا من اجل مكشات افضل

بني هاجر

27/08/2008, 04:28 AM

مشكور أخوي قطراوي كلامك صحيح

المان العرب

27/08/2008, 04:50 AM

عزالله هاذا كلام وبيض الله وجهك

راعي هداد

27/08/2008, 06:39 AM

..@القناص@..

27/08/2008, 07:37 AM

كلام سليم ..,,
والله يجزاك خير .. ويوفقك ,,

قطراوي

28/08/2008, 07:45 AM

مرحبا اخواني الاعضاء
الله لايهينكم وماعليكم زود

والموضوع وضع لثلاثه اغراض فقط
1-سمعة المنتدى
2-مراعاة لشعور اصحاب الطيور اللي يعرضونها
3-على شان نعطي الطيور حقها ويصير المنتدى سوق صح

دمتم بود
والله يجعلني على حسن ظنكم
الله يوفقكم

بوخالد الكعبي

28/08/2008, 08:46 AM

عداك العيب اخوي قطراوي و فعلا هذا الي صاير طيور مشروطة و يجيك واحد مدرعم
و يسوم بـ 1500 او 2000 الي ما يعرف قيمة الطير لا يسوم او ينتظر سومات الرجال
و يزود عليهم اذا انة صامل لاكن البلاء بالي يعرف قيمة الطير و يبخسة.

في هذا صدقت اللى يعرف الطير بيعرف يعطيه قيمه طيبه

مرحبا اخواني الاعضاء
الله لايهينكم وماعليكم زود

والموضوع وضع لثلاثه اغراض فقط
1-سمعة المنتدى
2-مراعاة لشعور اصحاب الطيور اللي يعرضونها
3-على شان نعطي الطيور حقها ويصير المنتدى سوق صح

دمتم بود
والله يجعلني على حسن ظنكم
الله يوفقكم

جزاك الله خير ياقطراوي