عساس سهيل
06/07/2008, 11:37 PM
همة بالقاف جتني و اشتهيت =ساعة من فوق جيلان النفود
لي كشت و لا طمنت و لا رقيت = آتسلى بالنزول و بالصعود
و اتفكر بالسنين اللي قضيت = يوم انا تميت ثالث بالعقود
راح عمري ماضحكت ان مابكيت = و ان ضحكت اضحك على حظ شرود
و احمد الله رغم هذا و ان شكيت = ادري انه من صبر يلقى سعود
و ادري انه ما مضى بحساب ميت = و الليالي لو تحاول ما تعود
و احمد الله لا سرقت و لا وشيت = و لا نقضت عهودها و الا الوعود
و الصحيح اني على خصمي قسيت = و الردي ماله علينا من قيود
حيث ما للاش عندي ربع صيت =و الجحود معاملينه بالجحود
الردي و اسأل مجرب لو بغيت = كان ودك بالحقايق و الشهود
مثل صبخا لو بذرته ما جنيت = ما شكر لك موقفك مهما تجود
و البشر ما هم سوا كانك دريت = تختلف عند المراجل بالبنود
بينهم رجل ليا منك لفيت = قام بالواجب و حاشاه النقود
ذا وهي تمت بعد ماني قضيت=ساعة من فوق جيلان النفود
الشاعر : فهد العتيق .
لي كشت و لا طمنت و لا رقيت = آتسلى بالنزول و بالصعود
و اتفكر بالسنين اللي قضيت = يوم انا تميت ثالث بالعقود
راح عمري ماضحكت ان مابكيت = و ان ضحكت اضحك على حظ شرود
و احمد الله رغم هذا و ان شكيت = ادري انه من صبر يلقى سعود
و ادري انه ما مضى بحساب ميت = و الليالي لو تحاول ما تعود
و احمد الله لا سرقت و لا وشيت = و لا نقضت عهودها و الا الوعود
و الصحيح اني على خصمي قسيت = و الردي ماله علينا من قيود
حيث ما للاش عندي ربع صيت =و الجحود معاملينه بالجحود
الردي و اسأل مجرب لو بغيت = كان ودك بالحقايق و الشهود
مثل صبخا لو بذرته ما جنيت = ما شكر لك موقفك مهما تجود
و البشر ما هم سوا كانك دريت = تختلف عند المراجل بالبنود
بينهم رجل ليا منك لفيت = قام بالواجب و حاشاه النقود
ذا وهي تمت بعد ماني قضيت=ساعة من فوق جيلان النفود
الشاعر : فهد العتيق .