تعطلت السيارة في البر او غرزة .. هل لديك قصة او موقف ؟ شاركونا

[نفس السحاب]

السلام عليكم ورحمة الله وبركاته

حي الله اهل المكاشيت والقنص صبحكم الله بالخير جميعاً ... كيف حالك واحوالكم ..

لايخلوا بيننا من احد تعرض لموقف من تعطل سيارته في البر او الغراز او انقلاب لاسمح الله او اي شئ يمنع من تحرك السيارة ....

والكارثة اذا كنت بعيد عن الكشاته اوالخط المزفلت او متواري خلف ضلع او طعس ولا احد يشوفك والاشنع اذا مامعك كنود او اي جهاز اتصال ..

نبي نشوف قصصكم ومواقفكم وكيف تصرفتوا .... نستفيد وتفيدون وبنفس الوقت نستمتع بسوالفك الجميله

[بيضا القاع]

مشكورررررر على الموضوع والفكره الجميله وقصتي الله يسلمك

قبل سنه كنت مع الشايب في المزرعه وكانت عند ددتسن ونحن نمشي بالسياؤه وهي محمله علف لان ما قالت بس تحك وهي تمشي وفجأه نشوف طريق ماء عمق متر والوالد ما شاف وطخ التويار القدام طلعو اما التاير الخلفي على جهة اليسار طاح في حفره واليمين معلق بالهواء ولا في حد قريب والشارع بعيد لان المزرعه في البر ونزل العلف والحفره كلها طين يعني يزحلق الكفر الى الوالد طلعت براسه فكره حط عشب تحت التاير علشان ما يزحلق وحط العلف على جهة اليمين وانا ادفع السياره وهو يدعس ووالحمد الله طلعت السياره بس طعجه خفيه للصدام الخلفي والله على ما اقول شاهد

[نفس السحاب]

ذيب النقيان
الحمدالله على سلامتكم .. وماشاء الله على الوالد ..
الرحلة والطلعات بدون كبار السن ناقصه
شكر لك وحياك الله

[حق الفيتو]

صارت لنا قصة انا وخوي لي

كان موتري دبلة خربان والحالة مزرية
وانا مشتهي البر وخيي كذالك بنروح للثمامه بس نحط تراب بمخاينا ونرجع المهم ما حصلنا الا اكسنت اجار
والله وناخذة ونتجة للثماه وخذ يا تطعيس غرزنا المرة الاولى وطلعناها طبعا الكرات على صفر اصن من القهر

المهم ونطعس يمكن مشينا الساعه ثلالث طعسنا شوي وصلينا الفجر بمحطة خزام وقلنا بنكمل لما تشرق الشمس

وابعدنا عن العالم ونغرز ها التغريزة الغبيرة بس امر الله

المهم ونقعد نحفر ما الموتر دفع امامي وطامن ما نقدر ونمشي رجل لم الشارع ونر ما حولك احد العالم محدن رايق لما والقهر واحد نشرلة ويمر من جنبا ويدخل للنفود ويروح لموترنا وما شاف عندة احد وراح بغينا نصيح من القهر
والمهم قلت خلنا نروح نرتاح بموترنا وبنلقا من يمنا والا ننام لما الظهر وندق على اخويانا المهم انا راحت للسيارة ونمت وخيي كذالك وخويي قام فجأة الا راعي ددسن دق بوري وجاا الله يجزاه خير ونطلع الموتر وكملنا ما تبنا
وشوي الا نشوف راعي الددسن مغرز ودفينا معه وطلع وبعد غرزنا مرة ثانية والي دف معنا سكران والله يا فاقد قلبناها ضحك مو دف

المهم ورحنا لم الديرة <<حسيت انا نطعس بالصمان مو بالقمامه

اوا ما وصلنا يذن الظهر وحنا على عشانا وقلنا مالها الا الهدوج


<<متى نغرز مرة ثانية مشتهي الهدوج ذذ


معذرة كان فية اخطاء لاني اكتب وانا نص جلسة بروح اصلي

[عساس سهيل]

مرة عزمت ادور على بحيرة الكسر بالزلفي من جهة نفود الضويحي عام 1421 هـ وكان الماء منسوبة عالي و لا يمكن السير بالقرب من الماء لان الجال حدوره واجد حتى الجيب لا يستطيع السير عليه فعزمت ادور عليه على الهايلكس الغمارة ال99 و الوقت كان مع اول بداية الاجازة الصيفية بعد صلاة العصر مباشرة و كان الجو حار فحاولت ادور عليه و لا استطعت و حاولت كذا مرة بس ماقدرت نزلت هوا الكفارات الى مقاس الثمانية و لا صار شي ثم طرالي فكرة وهي ان اقوم بتعبئة صندوق السيارة رمل الى مسح الصندوق و كان معي اكريك و ماطور هوا و كنت مستعد و لا تنسون ان النفود اللي بمحاذات الكسر كان عيثة و العيثة ما تخفاكم رمل متحرك و دواحير واجد و سيالة و سيف و طبيعة صعبة و غطاس حتى ما تحصل مكان متواسي يجلس فيه رجال واحد براحة و كانت المسافة بحدود الثلاث كيلو تقريبا و لكن و لله الحمد مشيت و عديت العيثة بدون اي تغريزة واحدة من جنوب الكسر و هي البداية الى شمال الكسر حتى الداحورة وهي النهاية فكانت الفكرة مفيدة للغاية حتى ان الموتر لا يقدر على التفحيط مهما حاولت طبعا بلا شك محاولت التفحيط مع وجود حمل ثقيل مثل الرمل و الكفرات نازلة قد يؤثر على الدفرنس و لكن السير المتأني و الراكد لا يضر و لهذا يفرش الكفر و لا يفحط و يمشي بشكل ثقيل و يطفو على سطح الرمل دون ان يغاص فيه بشرط ان تكون الكفرات لينة و مرنة و اصبحت بعد ذلك استخدمها عند الحاجة اليها حتى على الجيب اذا كان الدبل عطلان ، وقد جربتها مرتين و نجحت على جيب معي تعطل دبله وكان الجو قيظ و نفعت و الحمد لله و شكرا ..

[صياد مبتدئ]

السلام عليكم و رحمة الله و بركاته

مشكور أخوي نفس السحاب على الموضوع الحلو، و لو انه ما يكتمل إلا بقصة صارت معاك :)

أما بالنسبة لي فقد وضعت نفسي في موقف محرج و مضحك أكثر منه خطير

عندي الباثفندر لكن عمري ما جربت اطلع فيه على الرمال،و في يوم كنت زهقان ما مراي شي و أنا افتل مريت جنب شاطئ رملي، قلت يا ولد فرصتك. و طبعا دخلت و أنا ما أدري شي عن تنسم الكفرات و لا أصول السير على الرمال، بس ركب الدبل و امشي :D

المهم و انا بمشي "على مهلي" مريت فوق منطقة مساحتها لا تتجاوز الخمسة متر بخمسة متر، لكن مصيبتها إنها كلها رمل ناعم مرة، و انت أخبر برمل الشواطئ. المهم غرز أول كفر، و أنا من جهلي بديت أدوس بنزين علشان الجيب يطلع :no: و كل ما زودت على البنزين الثانية تحفر بمكانها، و أنا أدوس و الكفرات تحفر حتى صار الجيب قاعد على بطنه على الرمل و الكفرات الأربع اتدور بالهوا. لا و اللي يقهرك إنه ما في بيني و بين الأرض الصلبة إلا ا10 متر أو أقل

المهم بعد طول معاناه في محاولات فاشلة لإخراج الجيب رفعت تلفون على سطحة و قلتله الحقني، و خلال نص ساعة كان واصلني و مطلع الجيب.

طبعا أنا يومها حسيت نفسي بقمة الجهل :p لكن من يومها و أنا مستني فرصة أطلع فيها بالجيب حتى أنتقم من الغراز :hot:

[نفس السحاب]

صارت لنا قصة انا وخوي لي

كان موتري دبلة خربان والحالة مزرية
وانا مشتهي البر وخيي كذالك بنروح للثمامه بس نحط تراب بمخاينا ونرجع المهم ما حصلنا الا اكسنت اجار
والله وناخذة ونتجة للثماه وخذ يا تطعيس غرزنا المرة الاولى وطلعناها طبعا الكرات على صفر اصن من القهر

المهم ونطعس يمكن مشينا الساعه ثلالث طعسنا شوي وصلينا الفجر بمحطة خزام وقلنا بنكمل لما تشرق الشمس

وابعدنا عن العالم ونغرز ها التغريزة الغبيرة بس امر الله

المهم ونقعد نحفر ما الموتر دفع امامي وطامن ما نقدر ونمشي رجل لم الشارع ونر ما حولك احد العالم محدن رايق لما والقهر واحد نشرلة ويمر من جنبا ويدخل للنفود ويروح لموترنا وما شاف عندة احد وراح بغينا نصيح من القهر
والمهم قلت خلنا نروح نرتاح بموترنا وبنلقا من يمنا والا ننام لما الظهر وندق على اخويانا المهم انا راحت للسيارة ونمت وخيي كذالك وخويي قام فجأة الا راعي ددسن دق بوري وجاا الله يجزاه خير ونطلع الموتر وكملنا ما تبنا
وشوي الا نشوف راعي الددسن مغرز ودفينا معه وطلع وبعد غرزنا مرة ثانية والي دف معنا سكران والله يا فاقد قلبناها ضحك مو دف

المهم ورحنا لم الديرة <<حسيت انا نطعس بالصمان مو بالقمامه

اوا ما وصلنا يذن الظهر وحنا على عشانا وقلنا مالها الا الهدوج


<<متى نغرز مرة ثانية مشتهي الهدوج ذذ


معذرة كان فية اخطاء لاني اكتب وانا نص جلسة بروح اصلي

الحمدالله على سلامتكم
والثمامة مليانه لكن لو انكم مبعدين راح يكون وضعكم اصعب
وثانية مرة لاتطلع بسيارات الاجار :no2:
وشكرا على المشاركة

[نفس السحاب]

مرة عزمت ادور على بحيرة الكسر بالزلفي من جهة نفود الضويحي عام 1421 هـ وكان الماء منسوبة عالي و لا يمكن السير بالقرب من الماء لان الجال حدوره واجد حتى الجيب لا يستطيع السير عليه فعزمت ادور عليه على الهايلكس الغمارة ال99 و الوقت كان مع اول بداية الاجازة الصيفية بعد صلاة العصر مباشرة و كان الجو حار فحاولت ادور عليه و لا استطعت و حاولت كذا مرة بس ماقدرت نزلت هوا الكفارات الى مقاس الثمانية و لا صار شي ثم طرالي فكرة وهي ان اقوم بتعبئة صندوق السيارة رمل الى مسح الصندوق و كان معي اكريك و ماطور هوا و كنت مستعد و لا تنسون ان النفود اللي بمحاذات الكسر كان عيثة و العيثة ما تخفاكم رمل متحرك و دواحير واجد و سيالة و سيف و طبيعة صعبة و غطاس حتى ما تحصل مكان متواسي يجلس فيه رجال واحد براحة و كانت المسافة بحدود الثلاث كيلو تقريبا و لكن و لله الحمد مشيت و عديت العيثة بدون اي تغريزة واحدة من جنوب الكسر و هي البداية الى شمال الكسر حتى الداحورة وهي النهاية فكانت الفكرة مفيدة للغاية حتى ان الموتر لا يقدر على التفحيط مهما حاولت طبعا بلا شك محاولت التفحيط مع وجود حمل ثقيل مثل الرمل و الكفرات نازلة قد يؤثر على الدفرنس و لكن السير المتأني و الراكد لا يضر و لهذا يفرش الكفر و لا يفحط و يمشي بشكل ثقيل و يطفو على سطح الرمل دون ان يغاص فيه بشرط ان تكون الكفرات لينة و مرنة و اصبحت بعد ذلك استخدمها عند الحاجة اليها حتى على الجيب اذا كان الدبل عطلان ، وقد جربتها مرتين و نجحت على جيب معي تعطل دبله وكان الجو قيظ و نفعت و الحمد لله و شكرا ..

الحمدالله انها عدت على خير
وانتبه على نفسك ثاني مره ولا تتهور :D
شكرا لمشاركتك الجميله

[نفس السحاب]

السلام عليكم و رحمة الله و بركاته

مشكور أخوي نفس السحاب على الموضوع الحلو، و لو انه ما يكتمل إلا بقصة صارت معاك :)

أما بالنسبة لي فقد وضعت نفسي في موقف محرج و مضحك أكثر منه خطير

عندي الباثفندر لكن عمري ما جربت اطلع فيه على الرمال،و في يوم كنت زهقان ما مراي شي و أنا افتل مريت جنب شاطئ رملي، قلت يا ولد فرصتك. و طبعا دخلت و أنا ما أدري شي عن تنسم الكفرات و لا أصول السير على الرمال، بس ركب الدبل و امشي :D

المهم و انا بمشي "على مهلي" مريت فوق منطقة مساحتها لا تتجاوز الخمسة متر بخمسة متر، لكن مصيبتها إنها كلها رمل ناعم مرة، و انت أخبر برمل الشواطئ. المهم غرز أول كفر، و أنا من جهلي بديت أدوس بنزين علشان الجيب يطلع :no: و كل ما زودت على البنزين الثانية تحفر بمكانها، و أنا أدوس و الكفرات تحفر حتى صار الجيب قاعد على بطنه على الرمل و الكفرات الأربع اتدور بالهوا. لا و اللي يقهرك إنه ما في بيني و بين الأرض الصلبة إلا ا10 متر أو أقل

المهم بعد طول معاناه في محاولات فاشلة لإخراج الجيب رفعت تلفون على سطحة و قلتله الحقني، و خلال نص ساعة كان واصلني و مطلع الجيب.

طبعا أنا يومها حسيت نفسي بقمة الجهل :p لكن من يومها و أنا مستني فرصة أطلع فيها بالجيب حتى أنتقم من الغراز :hot:

ابشر بعزك ان شاء الله

وقصتك راح تكون درس والدعس الكثير يزيد مشكلة الغراز ويصير الموتر متعلق

ومشكور على المشاركة

[حق الفيتو]

الحمدالله على سلامتكم
والثمامة مليانه لكن لو انكم مبعدين راح يكون وضعكم اصعب
وثانية مرة لاتطلع بسيارات الاجار :no2:
وشكرا على المشاركة


:D

حنا بعيد عن الشعب بعد النقطة اول الشتا العالم تجي بالليل بس

:mad:

[القطاوي 2008]

اضغط على الرابط
وانشاء الله ترى وتسمع العجيب
عاد شاركنا ........ لا تنسى
هذا الموضوع كاتبه اخوي صقر البحيرات وانا الخوي في هذه الحادثه
من هنا
http://www.mekshat.com/vb/showthread.php?t=121602

[نفس السحاب]

:D

حنا بعيد عن الشعب بعد النقطة اول الشتا العالم تجي بالليل بس

:mad:
الحمدالله على سلامتكم .. واذا عندك موقف ثاني لاتبخل علينا

[نفس السحاب]

اضغط على الرابط
وانشاء الله ترى وتسمع العجيب
عاد شاركنا ........ لا تنسى
هذا الموضوع كاتبه اخوي صقر البحيرات وانا الخوي في هذه الحادثه
من هنا
http://www.mekshat.com/vb/showthread.php?t=121602

موقف وقصة عجيبه الحمدالله على السلامه

[نفس السحاب]

لاتحرمونا من مشاركاتكم وسوالفكم وخبراتكم

[عآشق الحره]

مره كنت في قمة الطفش والجو حلو عصريه قلت ياولد خلنا نطعس واشغل واخذ خويي ونمشي الكفرات35 والجيب(vxr2001تماتيك) المهم وانا اشغل الدبل الصغير(زر)وهاتك طلوع ونزول وانا اشوف لي ذاك الطعس الي على كيفك وادوس للجيب لماا طلعته بأخره كتم حاولت الف غرز مره ادعس مافيه واندفن واشغل الدبل الكبير مع الهزاز معيي عاد خويي ماعنده اي خبره بالطعوس المهم وانا اطلع ولين الكفرات كلها مندفنه مره وادق على واحد معه شاص بس منتهي ويجيي مابغى يطلع ونربط الجيب معيي يتحرك وش نسوي وادق على واحد ويقول لي انتبه للزر اذا كان الدبل الصغير شغال ترا الدبل الكبير مايشتغل عاد وانا افصل الدبل الصغير وادوس ولين الجيب ينقز برا حفرته انا تهولت
مستغرب واطلع والحمد لله
هذي قصتي

[السنع كله]

مرة رايح اصيد قميري لوحدي (الوحدة شينه )يوم شبه حصلت اللي اتوقعه وقررت الرجوع للاسفلت وبيني وبينه حوالي عشرة كيلو وانا ملتفت يم هكا القميريه الا والسيارة داخله شعيب عرضه يمكن 2 متر وعميق الا والسيارة متوشضه (يعني مسكة حصني في مدعاب) لاتروح قدام ولا ورى (مجرى انغيمش)احاول مرة ومرة افضي ماء التوانكي (السيارة هيلكس 77)واضعها تحت الكفر مافيه فايدة السيارة غرزت وانا عطشت والطيور مع الحرارة تغيرت ريحتها المهم واقفل السيارة واخذ اطويراتي وبندقي 35دينا صتمه ووجه جهة الطريق ومشي ومشي ومشي والخط ينفهق وانا اسرع وهو ينحاش يوم صار الوقت ثنتين الظهر ولي ثلاث ساعات مشي وارقى الردميه وانا آقف واحس الدنيا تدور بي امسك نفسي احس الاسفلت يمشي تحتي الثوب يلصق بظهري العرق يتصبب بين اذاني امسك البندق بيدي اتعنز عليها ليا اطيح التفت يسار الا وسيارة واقفه وكانها من زمان اخفض بصري وكاني قبل انظر الى الاعلا اوهكذا اتصور الا واسمع صوت كانه صوت والدي (جعله في جنات النعيم)احمد ارد يبه يرد الحمدلله وش جابك هنا يبه انت وش جابك هنا مارد ومارديت من هول الموقف وانزل من الردميه وينزل علي اش فيك اركب هاه ايه وش دراكم عني اركب ياولدي وكان هو راكب مع جارنا ابو حمدان (رحمه الله)ركبت في الغمارة الثانية سال ابوي وين موترك موتري شمل عشره كيلو مشو ساكتين وانا ساكت بعد يمكن نصف ساعه بينت سيارتي وصلوها وكان حولها شجره قلت انزلوا قالوا نبي انكمل مشوارنا بعد ماانطلعها قلت والله ماتلمسونها الا بعد القهوة وافل لهم الفرشه واحط التكيات وابوب ماغي يردد الحمدلله ولحظه وهي جاهزه وانزل القدر ابا اطبخ الطيور على رز والله يوم شافوا القدر ويحلفون المهم واتقهوى وياهم وسواليف انت وش جابك وانا اقول انتم وش جابكم ويوم اذن العصر واتصلي وياهم ويسحبونها ويروحون غالهم وانا اروح فالي ونوبة وتوبة والله يارحمة الله بي يوم التقيتهم على غير ميعاد بل ان ابي لم يدر بخروجي قبل الفجر من البيت ويقول الله اللي مرسلنا لك والحمدلله اولا واخرا وظاهرا وباطنا لانحصي ثناءا عليه

[نفس السحاب]

مره كنت في قمة الطفش والجو حلو عصريه قلت ياولد خلنا نطعس واشغل واخذ خويي ونمشي الكفرات35 والجيب(vxr2001تماتيك) المهم وانا اشغل الدبل الصغير(زر)وهاتك طلوع ونزول وانا اشوف لي ذاك الطعس الي على كيفك وادوس للجيب لماا طلعته بأخره كتم حاولت الف غرز مره ادعس مافيه واندفن واشغل الدبل الكبير مع الهزاز معيي عاد خويي ماعنده اي خبره بالطعوس المهم وانا اطلع ولين الكفرات كلها مندفنه مره وادق على واحد معه شاص بس منتهي ويجيي مابغى يطلع ونربط الجيب معيي يتحرك وش نسوي وادق على واحد ويقول لي انتبه للزر اذا كان الدبل الصغير شغال ترا الدبل الكبير مايشتغل عاد وانا افصل الدبل الصغير وادوس ولين الجيب ينقز برا حفرته انا تهولت

مستغرب واطلع والحمد لله

هذي قصتي


اللاند ان شاء الله مايقصر .. والاستفادة من تجارب الاخرين مهمة ومفيدة
شكرا لك على القصة والتجربة التي استفدنا نحن ايضا منها

[نفس السحاب]

مرة رايح اصيد قميري لوحدي (الوحدة شينه )يوم شبه حصلت اللي اتوقعه وقررت الرجوع للاسفلت وبيني وبينه حوالي عشرة كيلو وانا ملتفت يم هكا القميريه الا والسيارة داخله شعيب عرضه يمكن 2 متر وعميق الا والسيارة متوشضه (يعني مسكة حصني في مدعاب) لاتروح قدام ولا ورى (مجرى انغيمش)احاول مرة ومرة افضي ماء التوانكي (السيارة هيلكس 77)واضعها تحت الكفر مافيه فايدة السيارة غرزت وانا عطشت والطيور مع الحرارة تغيرت ريحتها المهم واقفل السيارة واخذ اطويراتي وبندقي 35دينا صتمه ووجه جهة الطريق ومشي ومشي ومشي والخط ينفهق وانا اسرع وهو ينحاش يوم صار الوقت ثنتين الظهر ولي ثلاث ساعات مشي وارقى الردميه وانا آقف واحس الدنيا تدور بي امسك نفسي احس الاسفلت يمشي تحتي الثوب يلصق بظهري العرق يتصبب بين اذاني امسك البندق بيدي اتعنز عليها ليا اطيح التفت يسار الا وسيارة واقفه وكانها من زمان اخفض بصري وكاني قبل انظر الى الاعلا اوهكذا اتصور الا واسمع صوت كانه صوت والدي (جعله في جنات النعيم)احمد ارد يبه يرد الحمدلله وش جابك هنا يبه انت وش جابك هنا مارد ومارديت من هول الموقف وانزل من الردميه وينزل علي اش فيك اركب هاه ايه وش دراكم عني اركب ياولدي وكان هو راكب مع جارنا ابو حمدان (رحمه الله)ركبت في الغمارة الثانية سال ابوي وين موترك موتري شمل عشره كيلو مشو ساكتين وانا ساكت بعد يمكن نصف ساعه بينت سيارتي وصلوها وكان حولها شجره قلت انزلوا قالوا نبي انكمل مشوارنا بعد ماانطلعها قلت والله ماتلمسونها الا بعد القهوة وافل لهم الفرشه واحط التكيات وابوب ماغي يردد الحمدلله ولحظه وهي جاهزه وانزل القدر ابا اطبخ الطيور على رز والله يوم شافوا القدر ويحلفون المهم واتقهوى وياهم وسواليف انت وش جابك وانا اقول انتم وش جابكم ويوم اذن العصر واتصلي وياهم ويسحبونها ويروحون غالهم وانا اروح فالي ونوبة وتوبة والله يارحمة الله بي يوم التقيتهم على غير ميعاد بل ان ابي لم يدر بخروجي قبل الفجر من البيت ويقول الله اللي مرسلنا لك والحمدلله اولا واخرا وظاهرا وباطنا لانحصي ثناءا عليه

الحمدالله الحمدالله الحمد الله على سلامتك
وزاد فضل ابوك عليك اكثر واكثر بهذا الموقف
لاتحرمه من دعواتك الطيبه

شكرا لك على القصة الرائعة

[القطاوي 2008]

مرة رايح اصيد قميري لوحدي (الوحدة شينه )يوم شبه حصلت اللي اتوقعه وقررت الرجوع للاسفلت وبيني وبينه حوالي عشرة كيلو وانا ملتفت يم هكا القميريه الا والسيارة داخله شعيب عرضه يمكن 2 متر وعميق الا والسيارة متوشضه (يعني مسكة حصني في مدعاب) لاتروح قدام ولا ورى (مجرى انغيمش)احاول مرة ومرة افضي ماء التوانكي (السيارة هيلكس 77)واضعها تحت الكفر مافيه فايدة السيارة غرزت وانا عطشت والطيور مع الحرارة تغيرت ريحتها المهم واقفل السيارة واخذ اطويراتي وبندقي 35دينا صتمه ووجه جهة الطريق ومشي ومشي ومشي والخط ينفهق وانا اسرع وهو ينحاش يوم صار الوقت ثنتين الظهر ولي ثلاث ساعات مشي وارقى الردميه وانا آقف واحس الدنيا تدور بي امسك نفسي احس الاسفلت يمشي تحتي الثوب يلصق بظهري العرق يتصبب بين اذاني امسك البندق بيدي اتعنز عليها ليا اطيح التفت يسار الا وسيارة واقفه وكانها من زمان اخفض بصري وكاني قبل انظر الى الاعلا اوهكذا اتصور الا واسمع صوت كانه صوت والدي (جعله في جنات النعيم)احمد ارد يبه يرد الحمدلله وش جابك هنا يبه انت وش جابك هنا مارد ومارديت من هول الموقف وانزل من الردميه وينزل علي اش فيك اركب هاه ايه وش دراكم عني اركب ياولدي وكان هو راكب مع جارنا ابو حمدان (رحمه الله)ركبت في الغمارة الثانية سال ابوي وين موترك موتري شمل عشره كيلو مشو ساكتين وانا ساكت بعد يمكن نصف ساعه بينت سيارتي وصلوها وكان حولها شجره قلت انزلوا قالوا نبي انكمل مشوارنا بعد ماانطلعها قلت والله ماتلمسونها الا بعد القهوة وافل لهم الفرشه واحط التكيات وابوب ماغي يردد الحمدلله ولحظه وهي جاهزه وانزل القدر ابا اطبخ الطيور على رز والله يوم شافوا القدر ويحلفون المهم واتقهوى وياهم وسواليف انت وش جابك وانا اقول انتم وش جابكم ويوم اذن العصر واتصلي وياهم ويسحبونها ويروحون غالهم وانا اروح فالي ونوبة وتوبة والله يارحمة الله بي يوم التقيتهم على غير ميعاد بل ان ابي لم يدر بخروجي قبل الفجر من البيت ويقول الله اللي مرسلنا لك والحمدلله اولا واخرا وظاهرا وباطنا لانحصي ثناءا عليه
الحمدلله على السلامة اولأ
ثانيآ لا تنسى ابوك من الدعاء ( الله ارسلك ابوك سبحان الله )

[نفس السحاب]

الموضوع مازال يحتاج الى تفاعلكم
يرفع لنرى باقي المشاركات

[أبا مجاهد]

طلعت مره بمنطقه اسمها ام السباع قريبه من جده على طريق الليث تجيها طيور وعلوم طيبه

لكن الظريف اني كنت لحالي بسياره فورد كراون فيكتوريا وقدر الله علي وغرزت بعيد عن المدينه وقعدت الى المغرب تقريبا ..

لكن يسرها الله وقابلت راعي باترول عتيبي وانقذني بعد الله ..والمخيف ان المنطقه على اسمها (ام السباع)
جلسنا انا والعتيبي واتقهوينا وسولفنا (كان لحاله بعد) وثمن كلا سرى..

والحمدلله على كل حال وما حل

[نفس السحاب]

طلعت مره بمنطقه اسمها ام السباع قريبه من جده على طريق الليث تجيها طيور وعلوم طيبه

لكن الظريف اني كنت لحالي بسياره فورد كراون فيكتوريا وقدر الله علي وغرزت بعيد عن المدينه وقعدت الى المغرب تقريبا ..

لكن يسرها الله وقابلت راعي باترول عتيبي وانقذني بعد الله ..والمخيف ان المنطقه على اسمها (ام السباع)
جلسنا انا والعتيبي واتقهوينا وسولفنا (كان لحاله بعد) وثمن كلا سرى..

والحمدلله على كل حال وما حل

بيض الله وجهه وماقصر
وعداك الشر ان شاء الله وصيد وافر وطيب

[مشاغب شوي]

الصراحة موضوع حلو وشيق ..

قبل سنتين تقريبا كنت كاشت مع الشباب في الثمامة داخلين واجد بعيد عن خزام

المهم قمنا الصبح و يوم جت الساعة 10 ونص طلعت واخذت واحد من الشباب على اساس اني ابروح للمحطة اجيب اغراض للغداء على موتري ددسن غمارتين 99 .. رحنا وقعدت اتمشى بالطريق لين وصلت المحطة وشريت الاغراض ورجعت .. ادور اخوياي مالقيتهم واقعد ادور بالثمامة من الساعة 11 تقريبا إلى 1 الظهر والمشكلة المكان اللي هم فيه مافيه شبكة .. ومع الدوران ماانتبهت الا وذاك السيف قدامي ومن الخبصة مسكت فرامل (( كنت عليمي وقتها )) ويقعد الموتر على بطنة واحاول فيه مافيه امل يطلع الا بسحب واحاول اتصل على اخوياي لكن ماعندي ولا عندهم شبكة واحاول من طعس للثاني الين لقيت شبكة وابكلمهم ماعنهم شبكة واقول لخويي انزل فيه مخيم حولنا خلنا نروح لهم وننزل ونمشي شوي واتصل ويمسك الخط والمشكلة مااعرف وين انا كلنا ماندل بالثمامة وينقطع الخط وارجع للسيارة .. والحمدلله كان فيه راعي باترول بعيد شوي وااشر له ويجي ويطلع الموتر (( الله يجزاه الف خير )) وادور اخوياي والقاهم بعد عناء .. وصلت لهم تقريبا 2:40 واثري مغرز قريب من عندهم ومن بعدها احفظ الطريق قبل لا ابعد

[نفس السحاب]

الصراحة موضوع حلو وشيق ..

قبل سنتين تقريبا كنت كاشت مع الشباب في الثمامة داخلين واجد بعيد عن خزام

المهم قمنا الصبح و يوم جت الساعة 10 ونص طلعت واخذت واحد من الشباب على اساس اني ابروح للمحطة اجيب اغراض للغداء على موتري ددسن غمارتين 99 .. رحنا وقعدت اتمشى بالطريق لين وصلت المحطة وشريت الاغراض ورجعت .. ادور اخوياي مالقيتهم واقعد ادور بالثمامة من الساعة 11 تقريبا إلى 1 الظهر والمشكلة المكان اللي هم فيه مافيه شبكة .. ومع الدوران ماانتبهت الا وذاك السيف قدامي ومن الخبصة مسكت فرامل (( كنت عليمي وقتها )) ويقعد الموتر على بطنة واحاول فيه مافيه امل يطلع الا بسحب واحاول اتصل على اخوياي لكن ماعندي ولا عندهم شبكة واحاول من طعس للثاني الين لقيت شبكة وابكلمهم ماعنهم شبكة واقول لخويي انزل فيه مخيم حولنا خلنا نروح لهم وننزل ونمشي شوي واتصل ويمسك الخط والمشكلة مااعرف وين انا كلنا ماندل بالثمامة وينقطع الخط وارجع للسيارة .. والحمدلله كان فيه راعي باترول بعيد شوي وااشر له ويجي ويطلع الموتر (( الله يجزاه الف خير )) وادور اخوياي والقاهم بعد عناء .. وصلت لهم تقريبا 2:40 واثري مغرز قريب من عندهم ومن بعدها احفظ الطريق قبل لا ابعد

الحمدالله على السلامه .. وبيض الله وجه راعي الباترول على مثل هالفزعات ..
والحمدالله انها كانت في غراز ولاكانت بشئ ثاني ..
الله يحفظك ..

[سفير الصمان]

قصتي الله يسلمكم في رمضان .....
في عام 1423 تقريبا طلعت الساعه ثلاث العصر زهقان وابي المغرب يجي بسرعه معي جمس 83 بدون دبل وامسك طريق الدائري ما ادري وين اروح المهم ما دريت إلا وانا بالطيران الخاص عند البوابه يوم قال لي العسكري ديور والله واديور ودخلت شوي بالتراب وغرزت وادعس لييييين قال هذا محلي وتعلق الجمس ما اشوف إلا راس الكفر ويجون شباب عددهم حوالي 13 واحد ويدفون ويحفرون معي ويجي جيب vxr كل ما سحب انقطع الواير المهم ويمر من عندنا جيب vxr 2003 امركب ونش قدام ونأشرله راح وخلانا وباقي على الاذان 20 دقيقه أيسنا بصراحه يوم دريت إلا وهذا راعي الجيب رجع لمنا شكله تحسف !! وقف قدام الجمس وشبك الونش ويعطي الله ويطلع واتشكر له ونفسه شينه الله يستر عليه ويجزاه خير وقلت لابو اللي يجي الطيران الخاص وشاكرين حسن قرآئتكم ( صرفه صح )

[صقر البحيرات]

ياليتك تقوم بزيارة موضوعي

من هنا
http://www.mekshat.com/vb/showthread.php?t=121602

[نفس السحاب]

قصتي الله يسلمكم في رمضان .....


في عام 1423 تقريبا طلعت الساعه ثلاث العصر زهقان وابي المغرب يجي بسرعه معي جمس 83 بدون دبل وامسك طريق الدائري ما ادري وين اروح المهم ما دريت إلا وانا بالطيران الخاص عند البوابه يوم قال لي العسكري ديور والله واديور ودخلت شوي بالتراب وغرزت وادعس لييييين قال هذا محلي وتعلق الجمس ما اشوف إلا راس الكفر ويجون شباب عددهم حوالي 13 واحد ويدفون ويحفرون معي ويجي جيب vxr كل ما سحب انقطع الواير المهم ويمر من عندنا جيب vxr 2003 امركب ونش قدام ونأشرله راح وخلانا وباقي على الاذان 20 دقيقه أيسنا بصراحه يوم دريت إلا وهذا راعي الجيب رجع لمنا شكله تحسف !! وقف قدام الجمس وشبك الونش ويعطي الله ويطلع واتشكر له ونفسه شينه الله يستر عليه ويجزاه خير وقلت لابو اللي يجي الطيران الخاص وشاكرين حسن قرآئتكم ( صرفه صح )

راح الزهق عنك بعد الغراز :D
يعطيك العافيــة

[نفس السحاب]

ياليتك تقوم بزيارة موضوعي

من هنا
http://www.mekshat.com/vb/showthread.php?t=121602

سبق وان اطلعت على قصتك ..
جدا عجيبـــــــه والحمدالله على سلامتك

[ابوالعز4800]

تهون اذا كنت في مقطعة يمكن دبر امورك لكن اذا دخلت مصفاة بترول تبي موية للاديتر وجوك حماة الوطن الله يجزاهم خير بالرشاشات وقالولك ولاحركة وخلوك ارهابي وانت تبي موية للاديتر وعيوي يقتنعون وش تسوي والله ياهو يوم بغيت اروح فيه لغوانتنامو بس ربك ستر والحمدلله مشت الامور عقب حب الخشوم والتفتيش الذاتي واللي مهوب ذاتي لا هو وجهه يقولي ليش شايل معك مفك عجل انا مدري وشلون متوظف واشوه جا رفيقي وسحبني الى بر الامان ومشت الامور.

[نفس السحاب]

تهون اذا كنت في مقطعة يمكن دبر امورك لكن اذا دخلت مصفاة بترول تبي موية للاديتر وجوك حماة الوطن الله يجزاهم خير بالرشاشات وقالولك ولاحركة وخلوك ارهابي وانت تبي موية للاديتر وعيوي يقتنعون وش تسوي والله ياهو يوم بغيت اروح فيه لغوانتنامو بس ربك ستر والحمدلله مشت الامور عقب حب الخشوم والتفتيش الذاتي واللي مهوب ذاتي لا هو وجهه يقولي ليش شايل معك مفك عجل انا مدري وشلون متوظف واشوه جا رفيقي وسحبني الى بر الامان ومشت الامور.
الحمدالله على السلامة
والحذر مطلوب وانا اخوك
الله يحفظنا ويحفظ بلادنا من كل سوء

[ابوالعز4800]

والله انك صادق يانفس السحاب بس القصة كوم واعتبر نفسي غلطان ومفك العجل كوم
والله يحمي بلادنا من كل سوء ويعطيك العافية على الموضوع الجميل والمفيد
تقبل تحياتي اخوك ابوالعز.....

[سليمان 10]

عندي موقف حصل لنا مجموعه من الشباب البريين وهو في عام 1418 كنا ارض زهوه شنال المملكه وكان المطر شبه متواصل والربيع منتصف والعراجين كثار والفياض مليئه بالماء وكنا نقنص القطا في النهار والارنب في الليل وكنا في رمضان ولم نفطر ولا يوم واحد ولله الحمد ويوم من الايام قنصنا ارنب في الليل وكانت الفياض مليئه بالماء ومعنا سيارتين نقنص على واحده والاخرى عند الخيمه وعند مرورنا باحد الفياض جذبنا الطين فغرزنا وسقطت السياره على بطنها فنزلنا ورئينا السياره يلزمها سيارة اخرى فتفقنا على الذهاب لنحضر السياره الاخرى ومع حسن الحض ان معنا قارمن اكس ال 12 فوجهنا ه الى الخيمه وقال المسافه 7كيلو فتوكلنا على الله وسرنا على اقدامنا وكان الجو باردا جدا وكانت الساعه العاشره مسائا وكان الليل مضلما وكنا نسير ولانرى شيئا حتى اذا دخلنا فيضه احسسنا بالماء الجامد ثم لانشعر بشي لان اقدامنا تتجمد وسرنا على بركه الله حتى اذا بقي على الخيمه 100 متر ضاع القارمن فاصبحنا ندور حول السياره لعلنا نرى لمعه الزجاج من اثر النجوم والحمد لله وجدنا الخيمه ورجعنا في سيارتنا الى باقي الزملاء فوجدناهم شبعى من النوم فاخرجنا السياره بكل كلفه ثم سقطت مرة اخرى فاخرجناها بعد مخاطره 0 الله يعيد ذيك الايام والامطار والخبر أمين 000

[نفس السحاب]

عندي موقف حصل لنا مجموعه من الشباب البريين وهو في عام 1418 كنا ارض زهوه شنال المملكه وكان المطر شبه متواصل والربيع منتصف والعراجين كثار والفياض مليئه بالماء وكنا نقنص القطا في النهار والارنب في الليل وكنا في رمضان ولم نفطر ولا يوم واحد ولله الحمد ويوم من الايام قنصنا ارنب في الليل وكانت الفياض مليئه بالماء ومعنا سيارتين نقنص على واحده والاخرى عند الخيمه وعند مرورنا باحد الفياض جذبنا الطين فغرزنا وسقطت السياره على بطنها فنزلنا ورئينا السياره يلزمها سيارة اخرى فتفقنا على الذهاب لنحضر السياره الاخرى ومع حسن الحض ان معنا قارمن اكس ال 12 فوجهنا ه الى الخيمه وقال المسافه 7كيلو فتوكلنا على الله وسرنا على اقدامنا وكان الجو باردا جدا وكانت الساعه العاشره مسائا وكان الليل مضلما وكنا نسير ولانرى شيئا حتى اذا دخلنا فيضه احسسنا بالماء الجامد ثم لانشعر بشي لان اقدامنا تتجمد وسرنا على بركه الله حتى اذا بقي على الخيمه 100 متر ضاع القارمن فاصبحنا ندور حول السياره لعلنا نرى لمعه الزجاج من اثر النجوم والحمد لله وجدنا الخيمه ورجعنا في سيارتنا الى باقي الزملاء فوجدناهم شبعى من النوم فاخرجنا السياره بكل كلفه ثم سقطت مرة اخرى فاخرجناها بعد مخاطره 0 الله يعيد ذيك الايام والامطار والخبر أمين 000

الحمدالله على سلاماتكم اخوي سليمان ..
و الرحلات اللي تكون فيها اكثر من سيارة تكون اكثر آمان بعد توفيق الله .. وكذلك جهاز الملاحة ...
الله يحفظ الجميع

[الخا911لدي]

مشكـــــــــــــــوار
جزاك الله خير

[نفس السحاب]

مشكـــــــــــــــوار
جزاك الله خير
حياك الله يالخالــدي

[نفس السحاب]

نطمع بمشاركات الجميع

[اب ابراهيم]

اخوي نفس السحاب

والله ذكرتونا ايام البر قبل الكنود والجوال كنا طالعين للبر مع بعض الزملاء ايام شتاء يعني برررررد

بالليل اخذنا سيارتي ددسن غمارتين وبدينا نجربع وضحك ووناسه ونلاحق هالجرابيع وسامري وهجيني

وفلة حجاج , ولكن فجأه ضعف النور وطفت السياره وعيت تدق سلف مررره لاعاد كلنا ميكانيكيين

حريفين ( امحق ) . قلت للشباب انا اعرف المنطقه من يوم حنا صغار واهلنا يطلعون به اويلااااوه

علشان تسذا ابروح للخيمه واجي انا وواحد من العيال نسحب السياره , قال واحد منهم وكان مثل

اخوي ( ابد ماتروح لحالك لايمكن والا ابي اروح معك ) قلت يالله والباقين قنا لهم لا احد يتحرك

من السياره ورحنا انا وصديقي بإتجاه الشمال لأن خيمتنا فعلا بنفس الجهة وهات مشي وسوالف

بهالظلام والبرد والحمدلله معنا فرا وطرابش وكنادر , وبعد فتره يمكن نص ساعه او اكثر شوي

هبت عاصفه قويه وعجاج ماتشوف ايدك ولكننا ماوقفنا قال لي تدري هالحين وين الطريق قلت

لا والله ما ادل ابد بهالجو واخطأنا اننا استمرينا بالمشي وبدينا نطلع مرتفعات وننزل بين الرمال

ومرة نرقا جبال ولكننا مستمرين بالمشي نفكر بربعنا اللي بالسياره لأن بعضهم عطانا طربوشه

واللي عطانا فروته .

استمرينا بالمشي يمكن اكثر من ساعتين الين انزاحت العاصفه ووقف العجاج , والحمدلله عرفت

الأرض لأني الحمدلله من زمان وانا حياتي اكثرها بالبر وقلت لخويي ترانا درنا واجهنا جنوب

لأن الأرض جهة الجنوب رمليه خفيفه وبعد مسافه شفنا نور من بعيد ورحنا لهم وماقصروا

ودونا لخيمتنا واخذنا سياره ثانيه ورحنا لربعنا والحمدلله لقيناهم ماتحركو من السياره وسحبناها

للخيمه .

المصيبه يوم قام واحد من الزملاء الصبح وهو يحب انه يصلح اي شيء بالسياره بيده الا اذا

كان صعب المهم انه فتح الكبوت ولقا اصابع البطاريه ماهيب مربوطه صح يم ربطهن وشغل

اشتغلت السياره .





هذي قصتنا يا اخوان والحمدلله على سلامتنا ولكن عندي ملاحظات مهمه :

1- الفضل كله لله اولا وآخرا على سلامتنا لأن ماعندنا اي خبره عن الميكانيكا وهذا غلط مفروض كل

واحد يعرف بعض المعلومات عن الميكانيكا والكهرباء

2- ربعنا اللي بالسياره احسن شي سووه انهم ما تعدو السياره ونصيحتي ايضا ان اللي يتعطل وقت

الحر انه يستخدم ماء المساحات والأديتر للضروره

3- لمستخدمي اجهزة تحديد المواقع

احب اقول لهم ان اجهزة التحديد تلغي استخدام العقل والتفكير لأننا نمشي على السهم وبس يعني

نظنا وعقلنا وتفكيرنا كله مركز على شاشة الجهاز .

احب اقول لكم اني ضعت اكثر من مره ولكن القى الطريق ولو بعد مده لأن والدي الله يرحمه

كان يقول لي اذا ركبت مع احد بالبر او بالديره في مكان ماتعرفه انتبه لكل المعالم اللي تمرون

عليها مثلا بالبر ( جبل - شجره كبيره مميزه - حصاة شكلها غريب - اخاديد - اي شي يساعد )

وكانت هذي عادتي واسلوبي ويوم اقول لكم اني عرفت الأرض اننا اتجهنا جنوب لأن الأهل دايم

يطلعون للمنطقه هذي وانا مطبق نصيحة الوالد الله يرحمه , واحب اسأل اي واحد لو خرب جهاز

التحديد وتعطلت السياره وانت متعود بس تناظر هالشاشه وش تسوي . وبالنسبه للمدينه اذا دخلت

مدينه اول مره تجيها او انك قليل تجيها ركز ايضا على المعالم مثل ( حديقه - خزان - مؤسسه

او مصلحة حكوميه - محطة بنزين - )





آسف اخواني للإطاله


ولي عودة ان شاء الله



تحياتي لك اخوي نفس السحاب

[نفس السحاب]

اب ابراهيم قصة وموقف رائع والحمد الله على السلامة
وفعلاً كلامك في محله من ناحية معرفة تضاريس المنطقة ومعرفة اماكن الخروج والدخول
اشكرك على هذه المشاركة التي استفدت منها كثيراً

[اب ابراهيم]

اخوي نفس السحاب

ولك الشكر ايضا على هذه الفكرة وياليت كل الأخوان يشاركون علشان كلنا نستفيد

وهذا موقف ضياع حصل لنا وابذكره علشان فيه فائده للكل اذا سمحت لي .

طلعنا من بريده العصر بسيارة ولد عمي نبي نروح نلحق باقي الشباب اللي راحو قدامنا الصبح وكان ولد عمي

مايدل المكان ولكن موصف له اخوه اللي مشهور بدقة التوصيف ومعرفة طرق البر , المهم وصلنا لمحطه قبل

قبه وكان المفروض اننا نلف يسار قبل المحطه ويكون النفود على يسارنا ونستمر حوالي 36 كيلو ونوصل

مكان الوعد اللي ينتظرنا فيه واحد من الشباب , ويوم لفينا قبل المحطه ماشفنا نفود على اليسار وبدا ولد عمي

يقول وين النفود اللي على اليسار ولكن ماشفنا نفود قلت له وش رايك نرجع وتسأل عمال المحطه يمكن اننا

دخلنا غلط ويمكن المحطه هذي ماهيب اللي قايل لك اخوك عنها ( هو قال ان اخوه موصف له انه من يوم يلف

يسار قبل المحطه يجي النفود واضح ومستمر على اليسار ) .

وحاولت معه انه يسأل عمال المحطه او احد الكشاته ولكنه قال لا مايحتاج اغدينا نمشي قدام ونلقى النفود بعد

شوي وحاولت اكثر من ولكنه رفض وأصر على رايه وطبعا هذا خطأ كبير انك تعاند وتصمم على رايك

واستمرينا نعمج بهالليل ودخلنا بالنفود والمشكله انه صار يمشي قطوع وهو مايدل المنطقه وانا ماقدرت اقول

شي خليته الين مل وداخ من الدوران وبعد ساعه او ساعه ونص من الضياع والمشي بدون دليل وقف وقال

وش رايك قلت له انت تمشي قطوع وانا اشوف انك تمسك اي خط يجي واكيد نبي نلقا الخط ان شاء الله لأننا

ما ابعدنا كثير عن الديره , والحمدلله هالمره وافق انه ياخذ الرأي ويوم شاف ذاك الخط الرملي بدا يمشي معه

وعد يمكن ربع ساعه طلعنا على خط مسفلت ومشينا وشفنا لوحه واثرنا وصلنا قبه .

ورجعنا للمحطه يوم سألنا واحد من الكشاته دلنا على المحطه اللي مفروض ندخل قبله يسار وفعلا يوم دخلنا

قبل المحطه يسار شفنا النفود على يسارنا رفيع وواضح ومستمر ومشينا الين لقينا خوينا اللي يحترينا.

والحمدلله على السلامه.





العبره يا اخوان من الموقف :

1- المفروض الواحد يمشي على حسب الوصف بالتحديد واذا كان مايعرف الوصف او مافهم انه يسأل مره

ومرتين واكثر الين يطبع الوصف بعقله وقلبه .


2- اذا كان معك بالسياره زملاء المفروض انك اذا ضعت تعلمهم وتشاورهم وتاخذ برايهم .


3- مثل ماقلت لكم ان ولد عمي يوم ضاع بدا يمشي قطوع يعني ترك كل الدروب والمفروض انه يمشي مع

احد هالدروب واكيد ان شاء الله يبي يوديه الطريق لقريه او هجره اومدينه او عرب وخاصة اذا كان الدرب

واضح عليه آثار كثيره للسيارات








مرة اخرى آسف للإطاله






اخوي نفس السحاب تقبل مروري

[نفس السحاب]

مشكور اب ابراهيم على هذا الموقف الاخر والفوائد التي ذكرت اخوانك بها

شكرا شكرا جزيلاً امتعتنا واستفدنا