راعي بيشة يطلبكم يا هل الرياض

[راعي بيشة]

راعي بيشة


رايح الرياض


يتمشى


ووده يزور بعض الأسواق الشعبيه


مثل سوق الزل سوق الديرة أوالمعيقلية


والحقيقة


أنا أطلب إخواني هل الرياض


يدلوني وين أروح بالرياض


وش أزور من الأسواق


وش تنصحوني به


أنا ما اعرف الرياض


الحقيقة ودي بزيارة الشايب اللي يذكر في سوق الزل يمكن نصيد عنده دربيل والا شي طيب


ودي أزور الغرابي لشراء بعض حاجيات سيارتي الباترول كفرات جنوط باترول ودي بعد بشراء صدام عدة وودي بورشة تركب لس ماطور هوا وتثبته وشغل مثل شغل ( قرم ) في باتروله


ودي أروح محلات تزين لي بالرياض


فدلوني الله يدلكم دروب العز

[كاشت في صمان]

عزيزي راعي بيشة بصفتي واحد من سكان الرياض أهدى اليك هذا الرابط ويوجد فيه كل ماتحتاجه من فنادق وشقق مفروشة ومطاعم وأسواق وملاهي وجميع المراكز الجيدة القديمة منها والجديدة ولكن للاسف لايوجد احداثيات لها

والرابط هو : أرعص هنا (http://www.arriyadh.com)

و بصفتي واحد من سكان الرياض أبي أحذرك من شى واحد أبعد عن طريق الملك فهد العليا لاتدخله بعد الساعة 8ص
نصيحة أخوية اذا ضعت لاتتصل على ربعك يلي في الرياض وقف على جنب وأسئل أول تاكسي تشوفه واذا شفت باص خط البلدة لا تمشى وراه ولاتخليه على يسارك تراهم مهابيل اذا شاف زبون يسقط عليك واذا صدمك يطلع معه عجرة أو مشعاب ويقولك أنت أعمى ماتشوف.

[ابولولو]

اخوي راعي بيشه حياك ربي بالرياض وجيت برجلينك للزحمه والغثاء احسن شي تاخذ خريطه الفارسي باي مكتبه رخيصه والا خله علي حسابي ههههه اتخشمر معك علي قول اهل الشرقيه الرياض كل شي فيه بس وسع صدرك شوي وكل طلباتك موجوده هذا رقمي حنا بخدمت الناس الطيبين امثالك ولا يهنون الاعضاء المميزين0505520333ابولولو

[كاشخ 24 ساعه]

متى بتجي ؟؟؟

واذا جيت عطنى تلفون وابشر بعزك في اي شي تبيه


رقمى أرسلته لك على الخاص

[المشراق]

أخي الكريم النشاما ما قصرو معك بيض الله وجيههم بس لاتنسى تزور ساكو ( شارع التخصصي ) وسوق الخيام (في البطحا ) قريب من الغرابي اكثر ادوات الرحلات موجودة فيه وسعر مناسب وإن إحتجت شيء راسلني على الخاص وحياك الله في ( الزحمة ) أقصد الرياض .

[راعي بيشة]

بيض الله وجيهكم جميع

خابركم والله يالمكشاتية

اللي ما تحوشه ايديكم ما هوب راس مال

المشراق هذ اللي أبيه مثل هذي المحلات اللي أنشد عنها

وجملتوا جميعاً والله أخجلتوني

[escape_man]

اخيو راعي بيشة

ترا لي حق عليك حكم اني اقدرك واحترمك .. زيارتك لي لابد ان تدرج بقائمة الرحلة

ورقي عندك على الخاص

[راعي بيشة]

بن غييثات

شوفتك نوماس

ورحم الله والديك

والحقيقة ودي أبلغ الجميع ما كتبت هذا الموضوع إلا كي يدلوني هل الرياض عن الأماكن اللي تستحق الزيارة وعفاكم

طبعاً زيارتي لكم شرف ، وإن شاء الله إني أشوفكم

بس حتى لا يسئ البعض فهم هذه المشاركة منّي القصد منها والله تعلموني وين أروح

أحب الأسواق الشعبية كسوق الزل والديرة ودمتم ذخر لنا في هذا الصرح الغالي