طامع في رايكم ونصايحكم يا النشاما الله لايهينكم

[مطوع الوحش]

اخواني الصقاقير سلام كلا بأسمه

وعساكم على القوه ان شاء الله

وشهي علومكم وعلوم طيوركم مع ها الحر الله يعينا ويعينكم عليه وطيورنا بعد الله يعينها عليه

والحمدلله على ماكتب الله.

وبعد اذنكم انا عندي سؤال للنشما وياليت اللي عنده جواب او خلفيه يفيدني الله لايهينه

وسؤالي : انا عندي شيهانه بحريه فرخ في المربط والى الان ماحذفت شي ؟

وابي منكم الراي والنصيحه يا اهل الخبره

وفي الختام ما اقول غير الله يسهل لكل صقار في قرناس طيوره ولايعوق عليه بشر قادر ياكريم

اخوكم ومحبكم في الله

مطوع الوحش

[عتيج الصوف]

انشاء الله يفيدونك الربع

[فارس 74]

هلا والله ياخوي والله انشالله يلحقنا وياك خير وتصيد فيها انشالله

وبالنسبه للشاهين البحري وخصوص الفروخ نادر او قليل منها اللي حذف ريش في هالوقت يعني شيهانتك وضعها طبيعي وانشالله راح تبدا تحذف ريشها من اخر الشهر الجاي او مع سهيل

خلها لين يبقا فيها ثلاث بثلاث او اربع في اربع وانقلها وادعها واقنص فيها
تراها فالطبيعيه هذا شكلها شف الطواريح لا طرحوا القرانيس وقت الطراحه يلقونها مرقعه في ثلاث في ثلاث او اربع في اربع ويقنص فيها عادي بس لازم تنتبه لريشها وتحافظ عليه

اتمني اكون فدتك بشي

[سلطان 1]

مطوع الوحش تبى رايى ان الله احيانا مع دخول شهر 8 عربى 0
رصها بالكورس وعندك كورس فارس الحبوب الخضر الفاااااااااتحه 0
وبتهل ان شاء الله 0
شى مجرب ولا له اضرار 0
هذا من تجربه من سنين 0
تقبل مرورى 0

[لعّاب المنايا]

أنا من رأيي خلها على فالها وانا أخوك
وإذا جاء الوقت شف لك من هالفروخ الطيبه والزينه وكل موسم خذ لك فرخه كانك من النوع اللي عجل ,,

والله اللي يكتب لك اللي فيه الخير

[شواااش]

اخي مطوعى الوحش .. اللي اعرفه عن فروخ الشواهين انها تتاخر في حذف الريش وشي طبيعي وقليل اللي يحذف مع الحرار .. وعلى كثر الشواهين اللي نقلها اقنص بها لو انها ماقرنست وعادي ولا في خوف الا على الموس لاصار ماكمل .. وسلامتك

[صقار البحرين]

اخوي مطوع الوحش الله يمسيك بالخير اما الشاهين البحري من المعروف انه مايحذف الا متاخر وبعضها يحذف ثنتين من كل صوب وبعدها يوقف ولكن فيه طريقه لها ومن فضل الله انجحت مع اغلبيت الطيور وليس كل الشواهين والتوفيق من الله والطريقه هي تاريخ 20 من 7 انجليزي عطها كروس وان شاء الله انها بتحذف وهذا معرف انه الشاهين يكون امهيه اكثر في هذا الوقت للتبديل الريش وبعض الشواهين يصفي خلال اربع شهور لنه اهيل الريش والفيتامينات لها دور طيب في صحة الطير اثناء المقيض خص الشاهين ......

وسلامتك

[سنافي نجد]

..



حياك الله اخوي .. تراك طحت بمنتديات مكشات .. وابشرك الشباب ما قصروا ولا راح يقصرون .. ولاهو بغريبه منهم



وحياك الله بين اخوانك




..

[كاشخ 24 ساعه]

مطوع الوحش تبى رايى ان الله احيانا مع دخول شهر 8 عربى 0

رصها بالكورس وعندك كورس فارس الحبوب الخضر الفاااااااااتحه 0
وبتهل ان شاء الله 0
شى مجرب ولا له اضرار 0
هذا من تجربه من سنين 0

تقبل مرورى 0



:good: :good: :good:

[بعيد الشوح]

والله وانا اخوك الشباب ماقصرو لكن يمكن المدهمه منديه ودها لمستشفا الطيور يدقون المدهنه لك وبتحذف اذا كان البلا من المدهنه وهو شي طبيعي الشياهين ماتحذف اللى اذا طلع سهيل والشي ذا معروف ومجرب ولك كل التقدير والاحترام وتقبل مروري

[أبو طلال-نقوه]

السلام عليكم,
أخوي الله يعينك و يعينا أجمعين إن شاء الله...
وبالنسبه للشيهانه في كورس فيتامينات عند البيطري توضع في ماء الطير تساعده على حذف الريش و مثل ما قال أخوي صقار البحرين من 20/7 ميلادي تبدء الكورس والله يعطيه و يعطيك الصحه والعافيه....

[الرقعي]

هذا طبع الشواهين خاص البحريات الله يعينك

[حمدان؟]

ماقصروااااااااا النشامااااااا....

[مطوع الوحش]

بيض الله وجيهكم يا اخوان والله لايخليني منكم ان شاء الله

وشاكر ومقدر لكم والله يا اخوان على النصائح الي قدمتموها

وعسى فالكم طيب ان شاء الله

[رامى السيد]

ما تستعجل يا اخى هذة طبيعه الشواهين تتاخر وهذا فرخ يعنى ما تقلق واتاكد من مدهنه الطير ولا تتسرع فى اعطائه كور س اتركه بطبيعته ونوع له الطعام
والفيتامينات وانشاء الله يبارك لك فيه ويرزقك الخير

[الطبشي]

مطوع الوحش تبى رايى ان الله احيانا مع دخول شهر 8 عربى 0

رصها بالكورس وعندك كورس فارس الحبوب الخضر الفاااااااااتحه 0
وبتهل ان شاء الله 0
شى مجرب ولا له اضرار 0
هذا من تجربه من سنين 0

تقبل مرورى 0

كلام سليم والله يبا ركلك فبها