وزن الطير [الأرشيف] - منتديات مكشات

مشاهدة النسخة كاملة : وزن الطير

سعود2003

09/07/2008, 08:27 AM

الموضوع باختصار
ماهي الحسابات الصحيحه او القاعده اللي استخرج على ضوئها
وزن الطير المناسب وقت الهدد لأن كل طير له وزن حسب الطول والعرض؟

لأننا نسمع دائما تحديد ارقام دقيقه في الوزن خاصة في الجير والشياهن.
بالنسبه لي والله ماعرف الميزان اعرف ان الطير صنيع اقصر عليه العلف وادعيه
لين اشوف ان الطير جاهز ...

الهدف الأساسي من الموضوع ان تعم الفائده للجمع

محمد الفهيد

09/07/2008, 09:35 AM

والله اخوي تختلف من طير الا طير

يعني فيه طيور اذا كانت صنيع ماتهد وايقل طيارها ، وفيه طيور قليله وانا كان عندي واحد قد مايزيد وزنه كثر مايعطيك جناح وطيار الا درجه سموه الطبل من متن الطير
طبعا اذا ماكانت فيه شحمه

اذا قل وزن الطير يلعب فيه الهوى ومايرتفع احسن
واذا زاد بشكل عام ايقل طيرانه لازم توازن له
كيف ؟؟؟؟؟

وقت الدعو اول مايظهر من الربطه بيكون الطير صنيع طبعا تقصر عليه شوي لين ماترجع لياقته ومن عقبها ترفعه لين اتحس ان وزنه صار مناسب لطياره وسرعته وترفعه شوي قبل المقناص بأسبوعين اقل شي عشان في المقناص بتقصر على الطير وعشان مايتعب عليك اذا كنت تبيه يستهد

تحياتي لك وانشالله اكون افدتك

أبو طلال-نقوه

09/07/2008, 10:53 AM

السلام عليكم,
مشكور عالموضوع الممتاز و أتمنى أن يفيدونا الإخوان....

عتيج الصوف

09/07/2008, 11:55 AM

السلام عليكم .... انا اقول من القول الى يقول ,,, عيونك ميزانك

وَسَام!

09/07/2008, 12:07 PM

الطيور ماهي سوى فيه طير لازم تنقص من عدته شوي ويهد زين وبعضهن
لازم تنزل منها واجد واطيبهن ماتفرق معه شتنذره وهده بكامل عدته وبعضهن
مايحتاج حتى الشناذره!
نهاية الكلام وزبدته كل صقار يعرف نفسية طيره!
لاهنت!

قلب ذيب

09/07/2008, 01:55 PM

هلا بالجميع .
ليس كل صقار يعرف عدة طيره ! لأن هناك من يجور على الطير ويضعفه ( والله لاقرص عليك ) الى أن ينقض ويهزل ويبحل بالصيد . وهناك من يداري الطير ويزود له في العلف ( تستاهل من يزيد عشاك ) فيفسق الطير ولايهد على الصيده !!
الطير له ميزان وكل نوع من الطيور له حساباته الخاصه خاصه الشاهين والجير ) ويفترض ان يشنذر القرناس خاصه الكبير في السن واللي أصله خلوي . لأن الشناذره تزيل شحمة جدار الفرسه وتزين نفس الطير , وتؤدي الى قدرة الصقار على رفع وتنزيل عدة الطير بندون تجويعه الى درجة الهزل .
ومن المفروض شنذرة الطير بعد نقله من الربطه وترييحه لفتره ومن ثم دعوه ورفع عدته قبل توجيبه للمقناص , وعندما يجرد الطير في الصيد فلا داعي عند ذلك انزال عدته الاماندر من الطيور لأنه يطير كل يوم ويصيد وليافته عاليه , ويتم تحديد وزن الطير حسب حجمه ونوعه , وبعض طيور الجير كلما ترفع عدته صاد أكثر .

شبراق

09/07/2008, 02:03 PM

والله ياخوي الطيور تختلاف والصقاره يختلفون كلن له نظره انا صراحه ما اييد الي يناظر بعينه الطير له وزنه محدده اذا زاد عنه فسق وذا نقص ماطرد ولا ارتفع الميزان هو علاج هذه المشكله انا اتكلم عن اغلب الطيور بغض النظر عن الطيور الي تهد صنيعه (هداد) يعني بالاصح متى تالقاء حبارى تهد عليه وذا لقيته وصار طيرك صنيع وجنب وش تبي تسوي وانت بالمقناص ولا تدري وش وزن طيرك وياكثره تحصل وذا وزن طيره لقاه زايد خمسين جرام او 100 جرام .
انا من رائي ان الميزان يكون معك شبه يومي وخاصه اذا جيت تقنص

خشف.

09/07/2008, 02:27 PM

ما قصرو الاعضاء وان شاء الله يفيدونك اكثر

فداع

09/07/2008, 03:28 PM

السلام عليكم الميزان مهودليل فيه طيور نفس المقاس وتختلف في الوزن فيه طيورروزتهاثقيله من جل عضمها وصنعة الطيرتبين من مجسه ونفسيت الطير والميزان لتفريخ مهوللصايل

جارح العين

09/07/2008, 04:02 PM

ماقصرو الاخوان

سعود2003

09/07/2008, 04:57 PM

االأخوه
محمد الفهيد : مشاركه تشكر عليها
عتيق الصوف : وانا اطبق نفس النظريه لكن المعرفه لا تنتهي عند حد معين وودنا نستفيد من الجديد
وسام :معلومات مفيده والهدف ان تعم الفائده على اعضاء المنتدى تشكر عليها
قلب ديب : ماقصرت والي ابي أوصل له كم غرام بالضبط مثل طير طوله 16في16يقوللك لازم يكون
وزنه 800غرام مثلا على اي اساس طلع الحسبه او الوزن
شبراق : لاصار الميزان معي وعندي ثلاث طيور تختلف مقاساتها من 14الى17الى18 من الشاهين
الى الحر الى الجير كيف تحسب وزن كل واحد
خشف : حياك الله وارجو ان تعم الفائده
فداع :مشاركه تشكر عليها
جارح العين : الله لايهينك وياهم

صقار البحرين

09/07/2008, 05:50 PM

والله بانسبه لي اشوف الميزان ضروري والشباب ماقصرو بالمعلومات وتقبل مروري

همام5

09/07/2008, 07:19 PM