لاتبخلون بالافاده عن هذا البيت!

[وَسَام!]

خلقت في الدنيا وانا مامعي شي....................... وابروح من الدنيا مامعي شي منها


الحقيقه هذا البيت علق في ذاكرتي من فتره لكن ماادري انا سمعته او قريته
واليوم فكرت فيه وسبحان الله صار له وقع في نفسي عجيب
لما فيه من اختصار الكلام وقوة المعنى الغير محدود واحتمال انني لم انقل البيت
بصيغته الصحيحه
وياليت يااخوان تساعدوني بااجابتي من قائله وبقية القصيده
ومشكورين
انتظر منكم الاجابه


اخوكم وسام

[أبو فهد العيد]

فعلا البيت فيه..بلاغه, واختصار لحياة النسان,, سبحان الله وان من البيان لسحرا
والله ليتني اقدر افيدك,,, لكن الباقين ماهم مقصرين ان شاء الله,,

[وَسَام!]

ابشروبها وصلتني كامله بسالفتها وحبيت تطلعون عليها (واعتذر اذا كان احد سبق ان اوردها قبلي)
قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم


فقال:


سجه مـع الهاجـوس طبيعـة ٍ لـي
طبيعـةٍ بامـوت ماجـزت عنـهـا
أشكي على الخلاق وارفع لـه يـدي
لاكثـرت الأفـكـار يـفـك منـهـا
أما الكرم قد فـاز بـه حاتـم الطـي
حتى الفرس من شان ضيفه طعنهـا
خلوني أكرم في حياتـي وانـا حـي
ولامت مـدري جثتـي مـن دفنهـا
خلقت في الدنيا وانـا مامعـي شـي
وبروح منهـا مامعـي شـي منهـا
مسكين ياللي تحسب الواجـد شـوي
والعافيـه لـو تنشـرى وش ثمنهـا
ياجاهـل الدنيـا تراهـا كمـا الفـي
يامخبل اللـي فـي حياتـه ومنهـا
إن ناحرت لك قامت تـروح وتجـي
مثل الذلـول اللـي طويـلٍ رسنهـا
وإن دبـرت خلتـك طايـح ومرمـي
وكم واحـد ٍ لـه حاجـةٍ ماضمنهـا
لابد مانرحـل عـن المـزح والغـي
ونسكن بيـوتٍ قبلنـا مـن سكنهـا
النفس مثل الغصن عايش على الـري
ولولاه كـل النـاس عافـت وطنهـا
يالله عسى الحسنات تقضي على السي
لاقربـوا للنفـس ذرعــة كفنـهـا

[أبو فهد العيد]

ابشروبها وصلتني كامله بسالفتها وحبيت تطلعون عليها (واعتذر اذا كان احد سبق ان اوردها قبلي)

قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم


فقال:


سجه مـع الهاجـوس طبيعـة ٍ لـي
طبيعـةٍ بامـوت ماجـزت عنـهـا
أشكي على الخلاق وارفع لـه يـدي
لاكثـرت الأفـكـار يـفـك منـهـا
أما الكرم قد فـاز بـه حاتـم الطـي
حتى الفرس من شان ضيفه طعنهـا
خلوني أكرم في حياتـي وانـا حـي
ولامت مـدري جثتـي مـن دفنهـا
خلقت في الدنيا وانـا مامعـي شـي
وبروح منهـا مامعـي شـي منهـا
مسكين ياللي تحسب الواجـد شـوي
والعافيـه لـو تنشـرى وش ثمنهـا
ياجاهـل الدنيـا تراهـا كمـا الفـي
يامخبل اللـي فـي حياتـه ومنهـا
إن ناحرت لك قامت تـروح وتجـي
مثل الذلـول اللـي طويـلٍ رسنهـا
وإن دبـرت خلتـك طايـح ومرمـي
وكم واحـد ٍ لـه حاجـةٍ ماضمنهـا
لابد مانرحـل عـن المـزح والغـي
ونسكن بيـوتٍ قبلنـا مـن سكنهـا
النفس مثل الغصن عايش على الـري
ولولاه كـل النـاس عافـت وطنهـا
يالله عسى الحسنات تقضي على السي

لاقربـوا للنفـس ذرعــة كفنـهـا


صح لسان الشاعر وتسلم يمينك والله على هالاختيار,,, عز الله قصيده كل بيت اجزل من الثاني,,,

[عبدالرحمن الخالدي]

صح لسانك يا وسام ولسان الشاعر / مبارك
عسى عمرك طويل .

[سمين الهرج]

قصيدة جزله وشاعر جزل...وماقصرت ياوسام.

[بيضا القاع]

صح لسانك ولسان الشاعر

[عرين]

قصيدة تستحق البحث عنها بقصتها وبيض الله وجهك اخي وسام ان كفيتنا عناء البحث واوردتها

[MsHcoOoR]

بيض الله وجحهك على القصيده الطيبه والجزله والي فيها معاني كثير
وصح لسانك ولسان الشاعر
ويعلم الله انها دش فيقلبي هذي القصيده
وتستاهل من يبحث عنها وان اخوك
تقبلو مروري

[وَسَام!]

حيا الله جميع الاخوان!
وهذي من قصائد الرجاجيل اللي تبقى في روس الرجال
ماهي اللي تبقى حبر على ورق (صارحيني وطقتها)