فزعتكم يالذيابه بمعنى المقهور

[بن داود]

هلابكم والله



وش المقهور يالربع


لاهنتم

[نايف الذيب]

هلابك اخوي
ايكو

المقهور هو الحيران والركبي


اذا اعزلوها عن الابل في المفلاء يسمونها المقهور

ياليت المعلومه وصلت واضحه

[هـدد]

مساء الخير جميعا
المقهور هو المردود إقهرألشئ أي رده أو أمنعه

[المسااااافر]

هلابك اخوي
ايكو

المقهور هو الحيران والركبي


اذا اعزلوها عن الابل في المفلاء يسمونها المقهور

ياليت المعلومه وصلت واضحه
كلام الذيب صحيح ...

[سلطان 1]

المقهور هو عزل الحيران عن امهاتها مع الرحول او الركبى 0 علشان يزين طبع البل واذا فلت البل تصير عيونها على المقهور من حيث ما وجه انصفقت يمه 0
يعنى مثل الدركسون ههههههههههه يوجها الراعى من حيث يبى

[محمد الصرير]

كفوا ووفوا الشباب الله يعطيهم العافية ، مابقى شي ازيده حسب معلوماتي . ودمتم سالمين

[ابوحماد]

عطوك العلم الصحيح

[بن داود]

لاهنتم يالذيابه

بس ردت البل على المقهور وش لون ترد البل على المقهور

[رخصة عمومي]

الله يكفينا وياك شر القهر

[عاشق1]

يعني توجها يمها تردها

[نايف الذيب]

اخوي ايكو


الابل مايحتاج تردها علي المقهور هي اللي تتبعه

يعني لو الابل تشمل وانت تروح جنوب بمقهورها جنبة معك

يعني وراك وراك ماتفارق المقهور

[العريني1]

اخوي ايكو


الابل مايحتاج تردها علي المقهور هي اللي تتبعه

يعني لو الابل تشمل وانت تروح جنوب بمقهورها جنبة معك

يعني وراك وراك ماتفارق المقهور

الرجال عطاك العلم

[بن داود]

الله يعطيكم العافيه

يعني بالمختصر

البعير الحيران يعني وشو

والبعير ليه يعزلونه

لاهنتم جميع

[نايف الذيب]

هههههههههههههههههههههههههه

هههههههههههههههههههههههه


ايكوم هالحين تسالنا عن المقهور ولا تعرف البعير ولا الحيران


اقول يبيلك قعده بريه عشان اعلمك الامور كلها

ههههههههه

[بن داود]

اسلم

وعلى يدك

يالله ابدى

[نايف الذيب]

هلابك

انت تامر بس وانا مستعد اعطيك

كل اللي تبي

[winchester]

:D

الحيران : صغار الابل قبل أن تفطم من الحليب وأذا فطمة من الحليب تسمى مفرود

البعير : يعني الابل وهو حيوان لـه أربعة أرجل ويأتي باللون الابيض ويسمى الاوضح والاسود يسمى مجهم والبني ويسمى أحمر والاشهب ويسمى الاشعل ويأتي لـه سنام أو سنامين وتسمى الانثنى ناقه والذكر جمل
والذكر الصغير يسمى قعود والانثى الصغيره تسمى بكره

وش تبغى بعد



معلومات أخرى :
1. الجمل يحقد ولا ينسى .
2. حليـب الابل صحي ومفيد وقليل الكريسترول ولايوجد فيـه دهون مشبعه.
3. لحمه قليل الكريسترول وصحي.
4. بول الابل علاج لكثير من الامراض مثل مرض الكبد ومفيد لشعر.



دمـت بود

[بن داود]

عز الله ابيض وجه وماتقصر

بس نرجع لموضوعنا رده البل على المقهور وشي

[اول الوسم]

السلام عليكم

اي والله علمووك الشباب ماقصروووا

[لبا كبدش]

الحيران الاطفال الابل الصغار بتاعت البل الكبار يعني الماما والمقهور هو الذي يركب عليه لكي تتبعه الحيران والام معزوله عنهاا في شبك او في مفلاها ومن شماء يدوهلهاا صاحب المقهور يدوه يعني ينادي ومن ثم تجتمع عند المقهور وعند اعيالهاا ثم سواجرهاا ويسلم عليهاا من القطااعه هههههههههههههههه وسلم":)

[بن داود]

الحيران الاطفال الابل الصغار بتاعت البل الكبار يعني الماما والمقهور هو الذي يركب عليه لكي تتبعه الحيران والام معزوله عنهاا في شبك او في مفلاها ومن شماء يدوهلهاا صاحب المقهور يدوه يعني ينادي ومن ثم تجتمع عند المقهور وعند اعيالهاا ثم سواجرهاا ويسلم عليهاا من القطااعه هههههههههههههههه وسلم":)

ياخي انت ظريف

وانت تمشي تتنثر الظرافه حقتك بالشارع


هل كلام ذا تقوله لبزران

ماما وبتاعت والاطفال مسير على مصر

شاكر لكل من رد باحترام وبياض وجيه

[أبو أمين]

ياخي انت ظريف

وانت تمشي تتنثر الظرافه حقتك بالشارع


هل كلام ذا تقوله لبزران

ماما وبتاعت والاطفال مسير على مصر

شاكر لكل من رد باحترام وبياض وجيه

:no2: ذلحين الرجال قاعد يساعدك وترد عليه كذا يخي احمد ربك انه رد عليك المقهور وعدت لكن البعير والحوار ماتعرفهم الشره عليه انه رد علييك وجابها بأسلوب مرح عشان تفهم

[بن داود]

:no2: ذلحين الرجال قاعد يساعدك وترد عليه كذا يخي احمد ربك انه رد عليك المقهور وعدت لكن البعير والحوار ماتعرفهم الشره عليه انه رد علييك وجابها بأسلوب مرح عشان تفهم

رده به استهبال ودلاخه ولاهو مرح ان جابها تسذا

[ذيب زلفاوي]

انا كنت اتسائل وش المقهور؟
لكن رجاجيل مكشات عطونا العلم الطيب

[لبا كبدش]

اللله يهديك يا ايكو ضلمتني في ردك لي

[عبدالرحمن 1]

ماطبها كود ابرق الريش ومطير=ماطبها الشاوي مربي طليه
يرعونها بمراوزات المقاهير=وجنوبها من كل صوب محميه