سلة للعفش خلفية

[عاشق البر]

:confused: تكفون ياللي عن احوالي تسالون ....

اللي عنده اي معلومات عن السلة الخلفية اللي تركب على الصدام الخلفي للسيارة لا يبخل علينا ...

تحياتي لكل من مر على هذا الرابط

[سرهيد]

السلام عليكم

انا ما عندي خلفية عنها لاني ما قد ركبتها لكن طال عمرك عندي خلفية عن محل يصلحها في الرياض ومعروفة بجودة عمله وهو المواهب

في الصناعية القديمة بالرياض حول مسجد العويضة

واذا تبي رقم جوال راعي الحل ابشر بسعدك

اخوك

ابو عبدالله

[ابووتركي]

اخوي عاشق البر السلة الخلفية ممتازة تركب على الهوك الخلفي او يتفصل لها قواعد تشبك فيها
هناك عدة انواع متوفرة بس انصحك لاتأخذ من الجاهزة فصل تفصيل احسلك
اخوك مفصل وحدة في الدمام لها طربال وقواعد لجراكل الماء مكلفة حول 1350 ريال بس تستاهل
واحد من الربع خذاله جاهزة بـ750 ريال ويضحك علي انه طلع اشطر مني وسافرنا انا وياه عوايل كلن بموتره وحمل عفشة عليها والعفش الى معه مايجي نص عفش اخوك وطلعنا عن الطريق نبي نتعشى واول مطب وتجاوب السلة حقت رفيقنا انطعجة للأسفل وغدى عشانا حوسه شل وحط (والله ياضحكت عليه):d

اذا تبي ياخوي عاشق نخدمك ولنا الشرف.

[حفيد نجد]

لراغبين السفر اصحاب الجيوب يوجد سلة اغراض الطول145 العرض60 الارتفاع50 ورشة الصقر للحدادة الرياض الصناعية القديمة شارع الاربعين مقابل مطعم النورس جوال0540027466

[عاشق البر]

شكرا لمروركم الكريم وتوضيحاتكم ....

ابوعبدالله اذا ما عليك كلافه تحط رقم الورشة اللي بالصناعية ...

[درعومي]

ابوتركي يعطيك العافيه اقدر اعرف وين سويت السله ابغى اسوي وحده ,
وكذلك يقولون الشباب انها قد تثقل على القير خصوصا في الطلعت؟

وجزاك الله كل خير

[سرهيد]

شكرا لمروركم الكريم وتوضيحاتكم ....

ابوعبدالله اذا ما عليك كلافه تحط رقم الورشة اللي بالصناعية ...


اخوي الكريم عاشق البر

سم طال عمرك هذا رقمه واسمه ابو خالد

0504492550

وهذا رقم الورشة

4461057

وحاضرين باللي نقدر عليه طال عمرك

تقبل احترامي

اخوك

ابو عبدالله

[عاشق تمير]

اخوي عاشق البر السلة الخلفية ممتازة تركب على الهوك الخلفي او يتفصل لها قواعد تشبك فيها
هناك عدة انواع متوفرة بس انصحك لاتأخذ من الجاهزة فصل تفصيل احسلك
اخوك مفصل وحدة في الدمام لها طربال وقواعد لجراكل الماء مكلفة حول 1350 ريال بس تستاهل
واحد من الربع خذاله جاهزة بـ750 ريال ويضحك علي انه طلع اشطر مني وسافرنا انا وياه عوايل كلن بموتره وحمل عفشة عليها والعفش الى معه مايجي نص عفش اخوك وطلعنا عن الطريق نبي نتعشى واول مطب وتجاوب السلة حقت رفيقنا انطعجة للأسفل وغدى عشانا حوسه شل وحط (والله ياضحكت عليه):d

اذا تبي ياخوي عاشق نخدمك ولنا الشرف.
كفى ووفا اخوي وتقبل مروري:good: :good: :good: :good:

[qppd]

ذهب الى محل رفيق الدرب فيالمنطقة الشرقية مدينة الراكة مقابل تموينات فهد فقد اتا من الصين بنوعيات ممتازة من سلال الالمنيو الخفيفة والقوية وسعرها اقل من 1000 ريال

[عا سبيل بر]

ما شاء الله عليكم ما قصرتوا

أبووتركي ما تشوف 1350 كثيرة على سله

وياليت نشوف تقرير عن الفرق بين السله والمقطورة