أستفسار بسيط الله لايهينكم

[شيخ الشرقية]

السلام عليكم ورحمة الله وبركاته

كيف حال الربع ؟ أن شاء الله بخير

يا جماعة الخير عندي أستفسار ؟

واحد من الجماعة عنده طيور في البحرين والأمارات وحاب يدخلهم السعودية فايبغا يعرف كيف

الطريقة لدخولها وهل عادي عن طريق المنافذ الحدودية البرية قصدي

ولا لازم من المطار

وياليت تذكرون الطريقة بالتفصيل يالطيبين

وتقريبا أغلبها وحوش

وشاكر لكم مقدما:good:

[نبع الدموع]

و الله ياخوي سؤال حساس هههههههههههه
وحوش للاسف مافي طريقة شرعية تدخل معها خصوصا من الامارات
لاكن الجير اوراقة تفرضة على اي جمارك و الدخول يكون عن مطار
طريق مطار الملك خالد بالرياض اذا كان جاي من الامارات و اذا انة جاي
من البحرين و اوراقة معة تقدر تدخلة عن طريق الجسر ما عندك مشكلة

هذا الي عندي

[العمراني]

وانا والله ابي اعرف كيف فيدونا جزاكم الله خير

[قلب ذيب]

جميع انواع الطيور تدخل المملكه عن طريق مطار الملك خالد بالرياض .( لوجود جهاز فحص الطيور به ) ربما يوضع ذلك الجهاز الفاحص في بعض المداخل .حسب ماأفادونا سابقا !!
بالشروط التاليه .
1 - الاتصال بهيئة البيئه في الرياض والحصول منهم على تموذج أدخال صقور .
2 - ضرورة تقديم شهادة المنشأ لكل طير وبلده القادم منها .
3 - شهاده صحية ( خلوه من الامراض )
بعد تعبئة النماذج وتقديم الاوراق المطلوبه يصدرون لك أذن دخول .
اذا كانت طيورك كثيره فمن الافضل ادخالها بأسم متنفذ ! وبعد ان يختار منها ما سصلح له تتصرف في الباقي .----------- والله يوفقك .

[وَسَام!]

جميع انواع الطيور تدخل المملكه عن طريق مطار الملك خالد بالرياض .( لوجود جهاز فحص الطيور به ) ربما يوضع ذلك الجهاز الفاحص في بعض المداخل .حسب ماأفادونا سابقا !!
بالشروط التاليه .
1 - الاتصال بهيئة البيئه في الرياض والحصول منهم على تموذج أدخال صقور .
2 - ضرورة تقديم شهادة المنشأ لكل طير وبلده القادم منها .
3 - شهاده صحية ( خلوه من الامراض )
بعد تعبئة النماذج وتقديم الاوراق المطلوبه يصدرون لك أذن دخول .
اذا كانت طيورك كثيره فمن الافضل ادخالها بأسم متنفذ ! وبعد ان يختار منها ما سصلح له تتصرف في الباقي .----------- والله يوفقك .
هذا العلم المضبوط!

[لعّاب المنايا]

بس بالنسبه للفقره رقم واحد من كلام أخوي قلب ذيب أيضا أضيف لاتقرب أي منفذ إلا بعد ماتجيب الإذن لإنه أحيانا الإذن يطول وطيورك بالمطار تقشر بصل تتناوب عليها انت وربعك لان المحجر الصحي مالها الا يفحص عليها علف وغيره ماله دخل لإن بتحصل عندهم حول 100 طير أقل شي والمحجر عليه يفحص بس ,,


يعني قبل لا تجي الطيور خلص إجراءات الإذن كامله وبعدها رح للمطار وقلهم هذي اوراقي وإذا قالوا لك خلاص اوراقك مكتمله بعدها رح جب طيورك ,, بس يفحصونها وتدخل ,,

[الطبشي]

انشاء الله ان الربع افادوك 000

[شيخ الشرقية]

لاهنتو يالطيبين على الردود ما قصرتو والله

وهل نفس العملية أذا الواحد يبغا يطلع طيره من السعودية ألى البحرين وقطر نفس العملية ولا تختلف

[همس الرعد]

هلا بك يا شيخ الشرقيه

اذا الطيور وحوش مالي علم بطريقه تدخيلها

واذا هي تفريخ

تقدر تدخلها عبر تقديم طلب ل حماية الحياة الفطريه بالرياض

وهذا رقمهم وتقدر تكلمهم وتستفسر

014418700
014410797