انواع الصقور..

[ولد المقدام]

السلام عليكم ..

صباحكم / مساكم خير

حبيت أسأل كل واحد فيكم عن صقؤه المفضل انا مثلا احب الشاهين ..

ابي كل واحد منكم يقولنا وش النوع المفضل عنده من الصقور..

مع كل ودي واحترامي ..

[مدماك]

هلا أخوي انا أفضل الشياهين ((سبق-جساره-على اي شي تبي-لو الحبارى فوق منقطه بالسماء هد هد وابشربها)) ...............شاهينتي هاده على خاظور من كبره هديت عليها وطرحته....................مدماك

[جارح العين]

انا افضل الشاهين الاني اشوفه هو الانسب لديارنا والصيد الموجود
ويطربك بالهدد
ومشكور عالموجوع

[الطبشي]

السلام .......انا افضل اي طير اهم شي السبق والصمله ...

[صقار البحرين]

والله انا افضل الحر الطيب بالاخص اذا كان يطلع ويلحق ويفكك من نواحي كثيره والحر اهدده اونس واشرح من الطيور الباقيه ولا قصور في الطيور الباقيه كيفي زين ههههههههههههه وتقبل مروري

[بعيد الشوح]

والله انا احب الحر وانقله كل سنه لكن ميولي في السنوات ذي اللى الشيهانه البحريه الفرخ لسبب واحد قل الحباراء في المملكه واذا لقيت الحباراى تبي تذوق لحمتها غصب عن اللى مايرضاء وتقبل مروري

[شواااش]

يقول راكان بن حثلين :

ام اشقرن ياشيخ مثلك وحلياك ^^ قطاع لاجا الجو ماهوب ياوي


ولا اسمر جعل المنايا تعداك ^^ شاهين يخلي داغر الخرب هاوي


عليك والله باللي لامن نقلته خذيتلك اسبوعين وانت تركده عقب وحاشيه المربط وعقب الشناذره .. واترك الخضران اللي لا جات المربعانيه وهو على التكايه تعينه عافر وراقد ولاطلعته وانت مشرف فوق ظهره عنفش ويدور دفا الغماره

:)

[رامى السيد]

الحر فى المقدمه ياتى بعدة الشاهين لانه الاصل

[ولد المقدام]

مشكورين على ردكم على موجوعي:D بس الشيهان الاول

:good2:

[العيسمود]

وعليكم السلام
الشياهين بارك الله فيك

[لعّاب المنايا]

الحر ياخوي يا طيبه ويازينه وعسى الله يرزقك ويرزقنا من اطيبها إن شاء الله

[القطاوي 2008]

الشاهين وبس ولا قصور الطيور الباقية

[فارس 74]

من ذاق لذات الهدد فالشياهين - ماعاد يملا عينه اجمل نداوي