قصيد اتعب نفسين

[((السنياري))]

البارحه ياحسيـن مركـاي كوعـي
من العشا الين اذن الفجر يا حسيـن
ما غير اسلي خاطـري بالدموعـي
مثل الذي من يقضي الديـن بالديـن
وكل السبب طيري حسين الطبوعـي
النادر اللي شوفتـه تطـرب العيـن
اللـي ليـا منـي نهمتـه فزوعـي
مثل الشجاع الـي نهمـوه القريبيـن
قمـت اتـذكـر تلـتـه لطلـوعـي
بخدن قنصنا فيه حـروة اسبوعيـن
مدري ثمان ايـام معهـن اسبوعـي
لا شك كنهن يا ابن الاجواد يوميـن
وفي تالي المقناص يـوم الربوعـي
اتلى العهد به راح يلـوي الجناحيـن
اقفى وراء خرب ٍ مصقر جزوعـي
متذير ٍ واردفت من عقبـه طيريـن
وسقنا معاهن وسـط خـد منوعـي
اقف ٍ شمال ومبعـدات عـن العيـن
الخرب صامل والنـداوي قطوعـي
وحال الوعر من دونهـم والشعيبيـن
وقفت ادربل ميـر مامـن سنوعـي
وقالوا جهاز الطير ما نسمعـه زيـن
واجهدت رجلي بكل رجم ٍ رفوعـي
ارقى والوح وادبل الصوت صوتيـن
وما قصرو وقـت المنافـع ربوعـي
واخذت في جـو القطامـي نهاريـن
لاشك طيري مـا نـوى للرجوعـي
وانـا بعـد حـدرت يـم البلاديـن
ما كان ودي ان المفـارق فجوعـي
ليتـه موادعنـي سـوات المحبيـن
الله يلـوم الطيـر بعـده يلـوعـي
خلاني اسهـر والمخاليـق ممسيـن
عساه يسلـم مـن يديـن الطموعـي
اللي عن النشـاد يخفـي البراهيـن
والا الرجال الي تعـرف السنوعـي
تلقى على حجله مع السبـق رقميـن
والا عسـاه ابنـاريـات التلـوعـي
ورزقه على الي خالق الناس من طين
ومما جرى يا حسين قلبـي قنوعـي
لو كان عقبه خاطري صاير ٍ شيـن
=========================
http://rekaaz.com/audio/playmaq-563-0.html


للامانه منقول

[alajmi110]

بيض الله وجهك وما قصرت اخوي
هذي من القصايد الي نارً على علم ومن اروع القصايد واجزلها فا الطير
وهذي لشااعر مشعل الحبيني من صقاقير الكويت
وعزاله انها حزينه جداً ها القصيده

[المان العرب]

صح السان شاعر وتسلم يمناك

[((السنياري))]

بيض الله وجهك وما قصرت اخوي
هذي من القصايد الي نارً على علم ومن اروع القصايد واجزلها فا الطير
وهذي لشااعر مشعل الحبيني من صقاقير الكويت
وعزاله انها حزينه جداً ها القصيده


الله الله هذا مشعل الحبيني العازمي

[أبوإبراهيم1]

صح لسانك ولسان الشاعر

[هادي ال عمار]

الله لا يهينك عزا الله انها تدق في الصدر

[صقار البحرين]

الله يطول بعمرك على هذي القصيده وصح السانه على هذي القصيد
وتقبل مروري

[الطبشي]

صح لسان الشاعر والله لا يهينك.......

[فداع]

الله الله مااقول الاابداع وصح لسانك ولسان شاعرهاويشين ضيعت الطير

[أبو فهد العيد]

صح الله لسان ابوحمود ,, وتسلم يمينك,

[alsarm]

صح لسانك وبيض الله وجهك على هالقصيده المتميزه

[جارح العين]

صح لسانك
وبيض الله وجهك

[الرقعي]

ارقي الوح ودبل الصوت صوتين (صح السانك ولسان الشاعر )

[العمدة ابو صالح]

بيض الله وجهك وصح الله لسان الشاعر

[قعقاع التميمي]

بيض الله وجهك وصح ألسان الشاعر

[لعّاب المنايا]

ابيض وجه وصح لسان الشاعر

[وَسَام!]

الله يلوم اللايم!!!!!!
لاهنت!!

[عتيج الصوف]

ومما جرى يا حسين قلبـي قنوعـي ... لو كان عقبه خاطري صاير ٍ شيـن
بيض الله وجهك وصح لسان قايلها

[الهواوي0]

بيض الله وجهك وما قصرت

[قرناس 22]

الله الله تسلم ايدك وصحح لسان شاعرها وللي نقلها

تقبل تحياااااااتي اخوك ابو بندر

[راعي بارود]

بيض الله وجهك على النقل
اما مشعل الحبيني من الشعار اللي تروقني قصايدهم خاصة بالطير
وعليه القاء يعد القصيدة ودك انه ما يوقف

[قرناس ارامكو]

بيض الله وجهك وصح ألسان الشاعر