حرارة الباثفندر ؟؟؟؟؟؟؟؟

[رحال 999]

صباح ومساء الخير يالمكشاتية



اخوكم عندة باثفندر وتوصل حرارتة الربع حتى لوكان ماسك خط طويل هل الحرارة هذي طبيعية ام لا

[موادع الشرقيه]

اتوقع انه عادي

توصل عندي وانا ماسك الخط للنص
والحمد لله ماشفت اي تغيرات في السياره :good:

[أبوسعود2008]

مادام الحرارة ما تتعدى النصف فالأمر طبيعي لو ارتفع شئ بسيط لا يضر

[رحال 999]

شاكر ومقدر مرورك اخوي موادع الشرقية كذلك اخوي ابو سعود 2008
لآهنتو يالنشامى

[الساهر2003]

النص توصل اذا الموتر شاد عليه في تطعيس ومراقى كايد وطلعات كايدة جدا
اخوي اي باث يوصل لنص وانت تمشي 140 على الطرق السريعة مثل طريق الشرقية وطريق الطايف فهذا امر غير طبيعي وكلام الوكالة غلط الطبيعي بين الربع والثلث وتوصل حول النص في حالات نادره مثل التطعيس والكفرات مليانه هواء او مراقى شديد فقط
تاكد من اديتر سيارتك واذا استمرة الحرارة على النص فيسبب مشاكل حتى على المدى البعيد

[همّام]

أنا معي باث 2003
ولا عمر الحرارة تغيرت عن الربع إلى الثلث ،، إلا حال التطعيس والكفر مليان بالصيف
لكن قبل فترة بسيطة ، تفاجأت بها على الإتش فجأة ،، وبعدها صارت تعود المسألة كل فترة ترتفع ، وأشوف الراديتر ناقص وأعبيه وتبرد،، مع أني لا أرى أي تهريب للماء ،،
لا أدري هل الخلل في البلف أو المروحة أو التماتيك ، أو طرمبة الماء ..
اللي عنده نفس المشكلة يشاركنا الهم وإيجاد الحل . مع الشكر للجميع