------- شاهين الستين ------ [الأرشيف]

قلب ذيب

13/07/2008, 11:03 PM

أسعد الله اوقاتكم بكل خير .
شاهين الستين . والمقصود هو فرخ الشاهين الذي يهد من العش في ستين سهيل , اي بعد ظهور سهيل بستين ليل
وهو أجود الشواهين واشجعها .
وقد لاحظت في قديم الزمان وقبل ظهور ( طيور الجير ) لاحظت احد الشياب من الشيوخ لايشتري الشاهين الابعد ظهور سهيل ب60 يوم !! وذهبت الى مجلسه وطرحت عليه السؤال : يقولون الباعه والطواريح انك ماتشتري الشاهين الابعد ظهور سهيل ب60 ليل واكثر شوي ؟
ابتسم رحمة الله عليه وقال ياولدي في الستين من سهيل تهد اشجع الشواهين واطيبها حيث تغادر العشوش من غير رجعه !! لذلك فشاهين الستين هو أفضل الشواهين .
- - اين شواهين الستين الان ؟ وهل يعمل الصقار حسابه لذلك ؟ الزمن تغير والطير تغير والصقار تغير , والشاهين منع تداوله !! وهذه سنة الحياه , لكن يبقى كل قديم له اسسه ودعائمه ومكانته الضاربه في التاريخ .

حر الشمال

13/07/2008, 11:06 PM

ماشاءا الله ياخوي موضوع رائع

الله لايهينك ان شاء الله

لعّاب المنايا

13/07/2008, 11:08 PM

لكن يبقى كل قديم له اسسه ودعائمه ومكانته الضاربه في التاريخ .

الله وأكبر عليك يابو ماجد درر والله درر ياعودنا بيض الله وجهك ,,:good:
وعسى الله يرزقنا وإياك شاهين الستين ,,

وفعلا الزمن تغير والطير تغير والصقار تغير ,,

دمت بأحسن حال يابو ماجد ,,

ابو الأيهم

13/07/2008, 11:09 PM

اي والله يبو ماجد

الزمن تغير
والطير تغير
والصقاره تغيرت

صح لساانك
عز الله انك بوحت ما في قلبي

لا هنت يا غالي

العمراني

13/07/2008, 11:11 PM

كلامه صحيح لاكن وش تسوي بلي يعشش جنب الماكره يحتر الفروخ الله يكفنا شر بعض بشر من هل النوع
مشكوور تقبل مروور اخووك

أبوتركي

13/07/2008, 11:13 PM

تسلم يابوماجد على المعلومات القيييييمة ,,,

خيال الصبحا

13/07/2008, 11:15 PM

يعطيك العافية يابو ماجد
كلامك جميل وقيم ، أحرص دائمًا
على قرأت مواضيعك ، وأعتبرك مصدر
موثوق في الصقارة ، وأخذ بكلامك في الأشياء
التي يختلفون بها الصقاقير(بيض الله وجهك)وشكرًا

قرناس ارامكو

13/07/2008, 11:29 PM

ماشاءا الله ياخوي /قلب ذيب، موضوع رائع

الزعـبي

14/07/2008, 12:34 AM

كلامك صحيح ونفس الكلام بالنسبه لفروخ الجبليات الي تطرح في السعوديه هالايام نادر منها الي يصيد الكروان فصيل اما فروخ التبوع البحريات الي تعبر 99 % منها يهد فصيل على الكروان..

ابرق العزاف

14/07/2008, 12:56 AM

مشكور وحياك والزمن تغير

Turki1

14/07/2008, 01:33 AM

بارك الله فيك ابوماجد وزادك علما.
العلم المسجل لايضيع،اعجبني استفسارك من الشايب وان الموضوع لم يمر عليك بدون تساؤل أواستفسار.
دمت والجميع بخير باذن الله.

نايف الخالدي

14/07/2008, 03:39 AM

يعطيك الف عافيه على الموضوع
المفيد للجميع
وتسلم يمينك

عاشق 77

14/07/2008, 04:44 AM

قلب ذيب الله لايهينك على الموضوع
الشيبان أول لهم خبرتهم ولهم تجاربهم
لأن الصيد واجد ولو ما ياخذ فرخ الشاهين ألا شهر 1 أنجليزي ماعنده مشكله هاد هاد
لاكن الحين الوقت تغير والناس كثرو أذا سمع فرخ شاهين مطروح كلن دق سلفه من عنده
فالوقت تغير والله يصبرنا كثر العالم
ولاهنت ياقلب ذيب

العيسمود

14/07/2008, 06:53 AM

بيض الله وجهك وجزاك الله الف خير على هالموضوع المتميز
تقبل مروري،،،

قنيص غبر

14/07/2008, 07:03 AM

تسلم يا ابوماجد ... موضوع ماكنت اعرفه لكن بفضل مجهودك وحبك للاخوان ومشاركتهم بمعلومات قيمة مثل هذي تتحفنا بكل ماهو شيق ...

لكل عندي استفسار !!!!

هل يوجد حرار الستين !! يعني هل تنطبق هالمعلومه على الحرار ام لا ! والسبب . مجرد استفسار يدور في بالي .. وشكرا

سنجااار

14/07/2008, 08:25 AM

كلام من ذهب مشكور على المعلومه الجديده علي
تقبل تحياتي

شبراق

14/07/2008, 08:44 AM

جزاك الله خير يابو ماجد معلومه جديده والله تسلم

أبوإبراهيم1

14/07/2008, 08:49 AM

الله يرحم زمان أول
الشبابيط طرحة وتداولة بين ظعاف النفوس وبسبب ذلك إنقطعة المواكر المعروفة والصقاقير ادرى بهذا الكلام كذلك اللزيز والمحقور ( فيا للأسف )

وَسَام!

14/07/2008, 09:07 AM

لاهنت ياقلب ذيب !
وتقبل مرررررررروري؟؟؟

الطبشي

14/07/2008, 09:08 AM

الله لايهينك على الموضوع الطيب ...

عا سبيل بر

14/07/2008, 09:21 AM

جزاك الله خير

ومعلومة جديدة الله يعطيك عليها العافية

وتقبل مروري،،،

طلق الصيد

14/07/2008, 10:03 AM

بيض الله وجهك ياقلب ذيب ، دائما مواضيعك رائعه،،

نبع الدموع

14/07/2008, 11:04 AM

دام شبط الجبلي 11*11 و 12*12 صارت بالالاف و صار لها سوق
لا تستبعد اي شئ بهذا الزمن. رحم الله والدينك و ابيض وجة يابو ماجد.

لا هنت

taag1

14/07/2008, 11:16 AM

يامرحبا بك ابوماجد ماشاء الله تبارك الله على هالمعلومات منكم نستفيد ....

محمد الفهيد

14/07/2008, 11:20 AM

الله يعطيك العافيه يابوماجد

مالله عطاني رغبه في الشاهين رغم انه طير طيب
بس على حد علمي انه أكبر قياس للشواهين الي تطرح آخر الوقت
والله اعلم بالمعلومه

تحياتي لك والله يرزقك طرح الستين

قلب ذيب

14/07/2008, 01:22 PM

(الزمن ماتغير بس اهل الزمن ويلاه متغيرين )
ارحب كل باسمه واثني على ردودكم الاخويه الصادقه , بارك الله فيكم ونفعنا وياكم بالمعلومه الصادقه والطرح الهادف وجمعنا على محبة الله عز وجل . وبارك الله في هذا المنتدى وجعله وسيلة خير واناء معرفه ننهل بكل مايطرح به من معلومه صادقه وتواصل اخوي صادق .
قنيص اغبر .
-----هل يوجد حرار الستين !! يعني هل تنطبق هالمعلومه على الحرار ام لا ! والسبب . مجرد استفسار يدور في بالي .. وشكرا
لم اسمع بحر له مهد في ظهور سهيل لايوجد ستيني حر او اربعيني او ماالى ذلك , والسبب ان الحر يتأخر ويتقدم في التفقيس . اما الشاهين فهو منتظم في التفقيس والمغادره من العش في ماضي الزمان ! يمكن تغير مع تغير طبقة الاوزون ومناخ الكره الارضيه , وهناك مؤثرات مناخيه ربما غيرت هدادالطيور حتى شاهين 60 -------والله اعلم .

برشومى

14/07/2008, 01:38 PM

بعد التحية

بيض اللة وجهك يابو ماجد " صقار العرب " دائماً مواضيعك مميزة ومرجع لكل صقارى مكشات ،،،

هذا وتقبل تحيـــــــــــــاتى ،،،،،

أبو فهد العيد

14/07/2008, 01:46 PM

ماشاء الله عليك ياقلب ذيب,,,,
انعشتنا بهالموضوع,,الله يعطيك العافيه,
لنا فتره ماجت مثل هالماضيع الله يبارك فيك

حمر صافي

14/07/2008, 02:03 PM

السلام عليكم بيض الله وجهك ويعطيك العافيه
موضوع في منتهى الروعه

مغــادر

14/07/2008, 06:53 PM

بيض الله وجهك يا قلب ذيب على الموضوع الي استفدنا منه ومشكور,,,

المري

14/07/2008, 07:20 PM

مرحبا بالنشامى وحياكم الله ..

موضوع جميل ورائع واكثر من رائع.

بس الفروخ عندنا تطرح شهر عشرة انجليزي عينى لها خمس اشهر من يوم طارت..

ولو قلنا ان الفرخ يطرح اول طلوع اسهيل يعنى له 3 اشهور من يوم طار من العش تقريبا او اكثر

فهذه الشهور الثلاث كفاية ان يصيد الفرخ ويطير مافيه الكفاية.

بخصوص ان يغادر العش فهو يغادر من بدري ..

هذي وجهة نظري... وتسلم يابو ماجد

اخوكم - المري

صقر الرحيبة

14/07/2008, 07:39 PM

مشكور على المعلومة المميزة

مواضيعك نادرة يبو ماجد

وهذا يعكس خبرتك وباعك الطويل مع الصقارة

جزاك الله خير

قلب ذيب

14/07/2008, 10:01 PM

مرحبا بالجميع .
ابومعيض. . . الله حيه . وين هالغيبه !!
المقصود ( الشاهين اللي يطرح بعد ظهور سهيل ب60 ليل )واذا كان سهيل يظهر في 16/اغسطس فمعناه ان ستين ليل تم في 15 اكتوبر ) وهو موعد طرح الطيور , هناك شياهين تطرح فبل 60 سهيل وبعدها لكن المرحوم الشيخ / احمد بن جاسم ال ثاني المعروف براعي (خد لوقه ) شمال غرب رفحا هو من افادني بذلك .
وقد خيم المرحوم في خد لوقه لمدة ثلاثين سنه من كل موسم مقناص الى ان توفاه الله .

المري

14/07/2008, 10:03 PM

بيض الله وجهك يابو ماجد وصح الله السانك..

والله يرحم الشيخ أحمد بن جاسم ال ثاني..

جفاف الحصى

17/07/2008, 07:36 AM

معلومة جديدة تشكر عليها يا قلب ذيب

زناد1

17/07/2008, 08:22 AM

الله يجزاك خير على المعلومه الطيبه وهاذي فايده جديده لي وبيض الله وجهك

أبو رداد

17/07/2008, 10:07 AM

موضوع طيب
سلمت ايدك يابوماجد
بصراحه انا سمعت بهالمصطلحات عند صقاقير شيبان من اهل الامارات
(شاهين ثلاثيني وستيني وتسعيني)
ويقصدون به (وقت طرح الشاهين) بعد ظهور سهيل
ودائما تكون الشواهين الي تطرح باخر الوقت اكبر واشرس من شواهين اول الوقت ونسميه (شاهين اخيري)
وفعلا التقسيم صحيح ودقيق واكثر من يلمس هالشي هم تجار الصقور
لكن المشكله لو ردت الستيني او التسعيني
يريد لك صبر هههههههههههه

صقار البحرين

17/07/2008, 08:44 PM

الله لا يهينك يابوماجد

القرناس المهاجر

17/07/2008, 08:59 PM

انا اشهد ان طيور امجيرمه كل ابوها ستينية :D :D سلمت اخي قلب ذيب

قلب ذيب

17/07/2008, 09:51 PM

جفاف الحصى - الله يحييك
ابورداد - صيح ماذكرت , ولكن وينها !
صقار البحرين ----- شكرا لمرورك الطيب .
القرناس المهاجر - نعم شياهين مجيرمه من اجود الشياهين و واذكر اشتريت واحد حجمه 15 ونصف تقريبا , وعلمته على وحده في الصمان وبعد ذلك توجهنا العراق أعتقد 1998 وصاد صيد زين وكنت مسميه ( حنيش ) وبعد المنكاف عطيته واحد من الجماعه من قطر .