المساعد الشخصي الرقمي

مشاهدة النسخة كاملة : مساعده قاعد ادور قصيده....!!


واحد مغرز
14/07/2008, 12:12 PM
السلام عليكم


شلونكم؟؟

شباب ابي قصيده شفتها على التلفزيون تقول طبعا مقطع شفت((غزانا الغرب بالانترنت))هذا اللي اذكر هي عن البر و الكشتات

و يقول نسوا حياة الباديه اذا ماني غلطان

وشكرا

:)
أبو فهد العيد
14/07/2008, 12:30 PM
عرفتها ........ وابشر بها.. بس يبيلي اكتبها اصبر علي شوي
واحد مغرز
14/07/2008, 09:43 PM
جزاك الله خير مقدما

وياليت تكون صوت او فيديو بعد

ومشكور مقدما
واحد مغرز
15/07/2008, 10:29 PM
اخوي ابو فهد العيد وينها؟؟
أبو فهد العيد
16/07/2008, 01:06 AM
السلام عليكم ورحمة الله وبركاته,,,,
اعذرني على التاخير,, لكني كنت ابحث عنها بمقطع فديو ,, ولقيتها, بس اني ماعرفت انزلها,,
وكتبتها لك,,
وابحاول انزلها مقطع فيديو’’
.ان شاء الله
.عساها تصير هي اللي انت تقصدها





سلام الله على البدوان كله *** يجيهم كل واحد في محله
سلام خالطه مسك(ن) وعنبر *** وكل اطياب هذا الوقت كله
عن البدوان دونت القصيده *** لعل الفكر يسعفني لعله
وانا بكتب عن البدوان موجز *** واخبر كل جهال وادله
على البدوان ذكر الله واكبر *** هل النخوات والشيمات والله
واما الطيب لاجاهم يوقف *** شهادة حق وكل(ن) شاهد(ن) له
يكفي البيت لاجيته تلاقي *** تراحيب وفنجال(ن) ودله
بيوت مالها بيبان خلقه *** يجيها الضيف مايشتك لله
رجال(ن) ماغزتهم كل حضاره *** بانترنت وجوال ومجله
ولا بالدش وارسال(ن) فضائي *** غزونا الغرب وكل(ن) في محله
حياة البدو لو انه صعيبه *** تلاقيهم على ونسه وفله
يقوم الصبح قبل النور بدري *** يبهر دلته ثم(ن) يزله
وطول الوقت يمشي مع نياقه *** هواها دايم صاير هوا له
والى جا الليل شب النار يرقب *** نجوم(ن) بالسما دايم مطله
واهل المدن ماننسى حقوقه *** رجال ونعم مابه نقص لله
تلاقي العلم فيهم والتطور *** وكل(ن) ينظر بعينه تدله
وقبل الختم صلى الله وسلم *** على محمد عدد بالمزن هله
واحد مغرز
16/07/2008, 02:30 AM
تسلم

مشكووووووووور

جزاك الله خير

اخوي دزلي الرابط على الخاص وريح عمرك ما ابي اكلف عليك

:)
جرير
16/07/2008, 10:36 AM
ماقصر ابو فهد فحط وجابها جزاه الله خير
وهي تراها من شريط موجود بالتسجيلات اسمه
2طش
للمنشد عيد سعود اشتره فيه قصائد اخري تعجبك
لك التحيه
واحد مغرز
16/07/2008, 01:06 PM
لكم جزيك الشكر و الامتنان يا المكشاتيه