المساعد الشخصي الرقمي

مشاهدة النسخة كاملة : طير وكري


هوليووود
14/07/2008, 09:59 PM
يا شباب اولا السلام عليكم
انا احب الطيور والصقور ولكن انا عليمي رحت لسوق الصقور بالرياض ولقيت واحد يبيع طير بثلاثة الاف واربعة الاف وكري وشراريكم الوكري زين للصيد ينفع للعليمي والمبتدئ والا لابد شاهين وتعرفون انه غالي والصقر لابد كل يوم ااكله زغاليل حمام على كذا ميزانيته شهريا 500 ريال اهم شي وش رايكم بالوكري لا ويقول انه مدربه ما يحتاج بس لا احد يضحك علي
قلب ذيب
14/07/2008, 10:06 PM
الله يحييك .
الوكري من أكفا الطيور , وبعضها يزيد على الحرار ! اذا كان الطير سليم من الامراض فلاباس ان تاخذه
وهو ( جيب الطيور )بالقوه والتحمل خاصه للمبتدين ------------- وفقك الله .
taag1
14/07/2008, 10:25 PM
وعليكم السلام ورحمة الله وبركاته..
الأنسان مايولد عالم وانا اخوك وكل هالصقاقير اللي انت شاف تعلمو الصقاره من اللي قبلهم يعني اللي بيضحك عليك من ؟؟؟ (بدري عليه)والله الله بمخاواة الصقارين
وانصحك بالفرخ (شيهانه)والا(وكري) ولايتعدى سعره 1200_1500 ريال
هذا اللي عندي ومازود على ابوماجد هومرجعنا وموسوعتنا بالمنتدى من غير قصور بالباقين على حسب علمي والشباب مايقصرون......
هوليووود
14/07/2008, 10:32 PM
الف شكر آخذه مدرب والا اجلس ادربه وانا للاسف ماعندي علم
جارح العين
14/07/2008, 10:49 PM
ماقصرو والوكري زين للمبتدئين اكثر من الشاهين
وترا العلف مو لازم تشتري حي ممكن فري مجمد ارخص واكثر
او تجيبلك ساكتون ام صتمه وتصيد يمام
قلب ذيب
14/07/2008, 11:01 PM
taag1
ما عليك زود وانا أتعلم من الجميع ولاازود عليهم وكل (ن) مرجع بمعلومته الوافيه ومساهماته المفيده .
الله يبقيك هذا من علو اخلاقك .
taag1
14/07/2008, 11:38 PM
ماقصرو والوكري زين للمبتدئين اكثر من الشاهين
وترا العلف مو لازم تشتري حي ممكن فري مجمد ارخص واكثر
او تجيبلك ساكتون ام صتمه وتصيد يمام

كلام سليم100% ويسعدني اشارك الراي
لعّاب المنايا
15/07/2008, 03:15 AM
الربع ماقصروا وانا اخوك

ونصيحتي لك لاتروح السوق وتشتري طير إلا معك صقار وخابر الطيور زين ,,
القطاوي 2008
15/07/2008, 06:09 AM
الله يهنيك بالطير اذا شريتة
وعقبال ما تأكل من صيدة انشالله
تقبل مروري
الطبشي
15/07/2008, 10:59 AM
وسع صدرك .....اشتر وتعلم وخذ العلم من صقار .....ماعاش من شاف نفسه ويضحك عليك.
نواف السبيعي
15/07/2008, 12:39 PM
الله يحييك .
الوكري من أكفا الطيور , وبعضها يزيد على الحرار ! اذا كان الطير سليم من الامراض فلاباس ان تاخذه
وهو ( جيب الطيور )بالقوه والتحمل خاصه للمبتدين ------------- وفقك الله .
كلام صحيح ميه بالميه:good:
والوكري لاصاد ماينسى صيدته ولايتنكر على راعيه.
أبو فهد العيد
15/07/2008, 12:47 PM
الله يحييك .
الوكري من أكفا الطيور , وبعضها يزيد على الحرار ! اذا كان الطير سليم من الامراض فلاباس ان تاخذه
وهو ( جيب الطيور )بالقوه والتحمل خاصه للمبتدين ------------- وفقك الله .


لاتعدى كلام صقار مكشات,,,
KAYD
15/07/2008, 07:16 PM
ما مثل الوكري للمبتدأ وتوكل على الله لكن يفضل يروح معك واحد له خبرته بالصقاره ويفيدك ان شاء الله
والله يوفقك آمين
هوليووود
15/07/2008, 09:21 PM
الف شكر للجميع لكن عندي شي محيرني كيف اعرف انه مدرب واذا مدرب وهديته ممكن يهج مني عشان صوتي متغير عليه والا لابد يتعوود علي