ابي رايكم في الموضوع

[زناد1]

السلم عليكم ورحمة الله وبركاته
صبحكم الله بالخير الحقيقه يااخواني هذه اول مشاركه لي واتمنا ان تحوز علا رضاكم
الموضوع
قبل ثلاث سنوات في الكويت شهر11 لقينا طير وحش وطرحناه بصعوبه ولقينا فيه سبوق قديمه وفيه حجل وقالولنا صقاقيرالطير لكم وراعيه ماله حق لان الطير مقرنس خلا واذا يبي ياخذه يشتريه منكم شراء وحش طبعا ماقتنعنا وخفنا من الحرام والحلال دقينا على الرجال وبشرناه بطيره وطلع من حفر الباطن وضايع منه شهر 3 على كروان وجاء الرجال الكويت واخذ طيره وحاول انه يعطينا قضابه على الطير ولاكن رفضنا وقلناله حنا صقاقير ونعرف فرحة الصقار بطيره وراح ابن الحلال وجاب خاروفين ونزلهن على بيت صاحبنا الي عنده الطير ومشا; المهم ان الصقاقير الي قالولنا الطير لكم صقاقير كبار ومنهم فيي السعوديه وابي رايكم يالربع هل الي سويناه صح لان الى حد الآن يقولن الطير لكم واسمحولي على الاطالههههههههه>

[المان العرب]

مرحبابك اخوي زناد 1
صور ماطلعت طال عمرك

[زناد1]

مرحبابك اكثر اخوي المان العرب انا اول مره اكتب في المنتديات واسمحلي

[المان العرب]

صبحك الله بلخير اخوي زناد
ايه نعم الله يحيك طير لكم ولا له اعتراض راعيه اول دار عليه الحول وقرنس خلا طير لكم 100%
تقبل مروري

[مبارك 1]

انا ماقول الا

بيض الله وجيهكم

[صارووم]

الطير لك طبعاً مدامه مقرنس خلا .. ولكن صعبه تاخذه من الرجال بعد ماعطيته
أنتم فعلكم طيب ولايستغرب الطيب من أهله .. ومعروفكم فى الرجال كبير .. ويعوضكم الله خير منه .
لاتحسف على شي راح ويكفي كسب الجميله

[القطاوي 2008]

كفو والله يالنشاما والطيب ماهو غريب عليكم

[ابوشجاع911]

لا بالله علمكم غانم والطير بداله الف طير وحش

[زناد1]

الطير لك طبعاً مدامه مقرنس خلا .. ولكن صعبه تاخذه من الرجال بعد ماعطيته

أنتم فعلكم طيب ولايستغرب الطيب من أهله .. ومعروفكم فى الرجال كبير .. ويعوضكم الله خير منه .

لاتحسف على شي راح ويكفي كسب الجميله

الله يعطيك العافيه اخوي صارررم ولايهونون الربع
انا والله ماني متحسف العلم الغانم هو مطلبنا وهذا كومة ريش ولاكن انا اقول الطير فيه حجل وهاذا مثل الوسم وهذا راي شخصي

[زناد1]

بيض الله وجيهكم يالربع وعزالله مايفهم الطيب الى هل الطيب

[سرهيد]

السلام عليكم

انا عني ما اقول الا بيض الله وجيهكم يالنشامى والله وكفووووووووووووووووو وهذي شيم العرب

وسواء كان الطير لكم او مو لكم فعلتكم هي اللي بتنذكر ويذكركم الناس بالخير والدعاء لكم واول من يدعو لكم بالتوفيق وان يحرم وجيهك عن النار هو انا


ولاكن انا اقول الطير فيه حجل وهاذا مثل الوسم وهذا راي شخصي

وكلامك هذا صحيح وما عليه اي غبار

تقبل احترامي والله

اخوكم

ابو عبدالله

[دابوي]

السلام عليكم ورحمة الله وبركاته صبحكم الله بألف خير بالنسبة للطير ما اعتقد ان لك حق فيه لأن لازم يدور عليه الحول وهو عندك بعد ما تعلن عنه بس الطير الي لاقيه عليه رقم يعني لو بعد حولين فهو لصاحبة وانا ما أقول الى بيظ الله وجهك وكثر الله من أمثالك

[المنصوري-قطر]

زناد بيض الله وجهك ان شاء الله انت وخويك

الحين نادر الي يسوي مثل فعايلكم

مادام الطير فيه حجل معناه الطير لين الحين حق راعيه

مثل الابل اذا ضاعت عليها وسم صح ولا انا غلطان تضيع وتنحصل بعد كم عام

الله يجزيكم خير ويعوضكم بالطير الي يطيب خاطركم بأذن الله

تقبل مروري

[ابوعبدالله 3504]

انا ماقول الى بيض الله وجهك والفعل هذ مايجي الى من رجال طيبين
والله يرزقك بالنادر الاشقر مدام نيتك طيبه ابشر بالخير من رب السموات
تقبل مروري

[ذيب صعافيق]

بيض الله وجهك وعلمك غانم 0000000 ومن الناحية الشرعية لايحل مال سوا طير أوغيره حتى يعلن عنه لمدة سنة _كماهو معلوم با لشرع_ وبعد سنة يقدر قيمته ويكون له لكن لوجائه صاحبه ولوبعد سنين:good2: دفع له القيمه

[شبراق]

اولاً ماقول الا بيض الله وجيهكم وكثر الله من امثالكم عزالله انكم ماقصرتو والله يعوضكم بخير منه ...
بعدين دعوه للنقاش الى كل من قال الطير لك اذا صار مقرنس خلاء !!!
اول شي انا سمعت كثير من الكلام هذا ان الطير اذا قرنس خلاء وشبك بعد حول يصبح الطير مهو ملك صاحبه !!
انا بسئل سؤال الحين اذا ضاع لك ناقه وعليه وسم لك ولقيته بعد سنتين مثالاً هل تعتبر الناقه للي لقاه ؟؟؟ ولا هي ماتقرنس انا استغرب من الناس الي يقولون اذا دار عليه الحول مايصبح الصاحبه الرجال دافع فيه فلوس لكن قدر الله انه يضيع خلاص مايصير من حقه وخاصه اذا صار فيه وسم او بالاصح اسمه ورقمه يعني هذا اكبر دليل
يمكن تكون هذي القناعات قديمه اي من الاجيال الي قبلانا ومشو عليها اجيالنا !
ارجو من اي خطاء في مجال الصقاره ان يعدل بترابطنا مع بعض وتوحيد كلمت الحق
انا اقول ان الطير اذا ضاع من راعيه وقرنس خلاء سواء حول او حولين او عشر احوال يرجع الصاحبه لانه حلاله ودافع فيه فلوس والطير من حقه واذا شبك من حق الشباك ياخذ قضابه مثله مثل اي طير ضايع

[فيصل الحبابي]

الله يعطيك العافيه بنسبه للطير؟؟ طير بعد سنة يعتبر لك لكن انتم كسبتوا العلم الطيب والله يكثر منكم

[محمد الفهيد]

بيض الله وجهك أنت وربعك
وانا أقول مثل كلامك


وفعلكم غانم والله يرزقكم الي أبرك منه

[الزعـبي]

بيض الله وجهك وانت ما سويت الا الصحيح ...

[نبع الدموع]

و عليكم السلام و رحمة الله وبركاتة

و حياك الله اخوي بين ربعك و اخوانك و رحم الله من عقبك و بيض الله
وجهك و قل بهالزمن الي يسون سواتكم و انا مع الي يقول ان الحجل
مثل الوسم يضمن الطير لراعية.

لا هنت

[الطبشي]

بيض الله وجيهكم ومادام الطير فيه حجل فهو ملك الرجال حتىولو بعد عشرين سنه .....

[قرناس حائل]

بيض الله وجيهكم ومادام الطير فيه حجل فهو ملك الرجال حتىولو بعد عشرين سنه .....
كلام سليم مائة بالمائة

[زناد1]

جزاكم الله خير وبيض الله وجيهكم كل(ن)باسمه ومشكور على المرور وعلى الردود الطيبه واسأل الله عز وجل ان يرينا الحق حقا والباطل باطل

[سلطان 1]

بيض الله وجه من رد الطير 0
اما من ناحيه الحق لمن فهو لراعى الطير 0 يالربع السلم او \ العرف \ القديم راح مع اهله
نعم اذا ضاع الطير ولقيته تشهر به سنه وبعدها لك الحق فيه 0
لكن وقتنا الحاضر صار الطير مثل المطيه عليه وسم وهو \ الحجل \ يعنى مالك حق فيه
لو بعد سنين 0
لانك صرت تعرف راعيه يعنى بمعنى اصح صار سرقه 0

[قعقاع التميمي]

أنا ماقول ألى بيض الله وجيهكم

[مغــادر]

بيض الله وجهك انت ورفيقك وكاسبين العلم الطيب والذكر الطيب والله بعوضكم خير,,,

[همام5]

بيض الله وجيهكم ومادام الطير فيه حجل فهو ملك الرجال حتىولو بعد عشرين سنه .....
انا معك ياخوي الطبشي وكلام سليم100%وبعدين للمعلومه لو مافيه حجل ولااحد تعرف عليه بعد الاعلان فهذا من حقك

[alajmi110]

مرحبا ومسهلا يا زناد
والعلوم الطيبه ما تستغرب من اهلها
وبيض الله وجيهكم على علمكم الغانم..... وعزالله ان راعي الطير نشمي جاب كرامتكم ونزلها على الباب
وانتم تستاهلونها

[رتقاوي]

الله يعطيك الف عافيه
فرحة راعي بالدنيا وماتدري يمكن ما توفق بالطير
والله يفرحك بفرحه مثل ما فرحت الرجال
الله يكثر من امثالك