سؤال عااام عن الشوزن أم وحده!!!

[أبوقزاز]

السلام عليكم

ياهلا والله بهل مكشات يالله ان تحييهم وش الاخبار ان شاء الله انكم بخير:cool:

والله فيه معلومه شايعه عند النااااااااس وهي عن الشوزن ام وحده

انهاااا ترجف رجف وتكسر الكتف هل هاذاا صحيح

وهل يجي ام وحده جديده الحين

وكم يجي سعرهاااا

وهل رجفهااا يثر بعد 5طلقات

وفمان الله

[باخص]

الله يحيك ويبقيك
وبالنسبة لأم وحده ترجف وترجف بالحيل بعد
وبالنسبة للجديدة ما أدري لاكن ألي أشوفه مجدد
وبالنسبة للسعر من500إلى1700على حسب
وبالنسبة للرجف أن وكتفك
أخوك أبوفهد
تحياتي

[أبوقزاز]

الله يسلمك على مرورك

[^_^]

يخوي والله يرجفه انه يهلك المخ من قوه

[ابو رمزي]

هلا بولد الديره

بعض البنادق رجفها متوسط

لاكن مع الرمي راح يتعود كتفك عليه وعقبها خلاص
ترمي بالراحة
واهم حاجة التثبيت صح على الكتف

واشوف بعض الناس حاط اسفنجه وتخخفف بنسبة 50% بالمية

[أبوقزاز]

ياهلاا ببو رمزي هاذا الكلام الي يمشي على الحاجب

[العلم1]

حط شماغ بين كتفك والبندق وسم بالله وأرم

[ابو ناصر2020]

بين ضغط وضغط يفرق الرجف

يعني كل مازاد الضغط الفشق كل مازاد رجفت البندق

والبندق اذا تعود كتفك خلاص وثبت زين وتوكل على الله ولاتنسى تسمي بالله قبل الرمي

[welder]

هلا بك .

ترى اقل من عادي .
بس كل ما زاد تثبيتك لها كل ما ابعد الرمي وهذي قاعده عامه لجميع البنادق.
لان القوة الناتجه عن الانفجار هي اللي تدف الفشق .
ولو تاخذ طلقه وتحطها في النار ماراح يجيك الا الجمر بس لان مافيه اي شي يدعم الطلقه على شان تروح....

لاحد يجرب
خخخخخ

[أبوقزاز]

ونعم والله ماتقصرون

للمعلوميه تراى مهنااا جسم يعني معصقل تنفعلي ولالاا وانا مسكتي لهااا مضبوطه

[أبوقزاز]

وعلموني وشو الفشق الي ضغطه مهوب قوي بالحيل وينفع للطيور وهل هو موجود حاليا

[مبارك م ع ق]

أحسن ضغط لشوزن أ م وحده32غرام,وهو بمثابت36 غرام بأم خمس, لأن الغاز بأم خمس يخرج بعضه مع فتحاته لدفع الخرطوش,بخلاف أم خمس الأولى. أنصحك أخوي أختصر ل أم خمس لأنها أحسن بالنسبه للجديد وإحذر من التركيه الأولى فإن حدك المور عليها فلا ترمي بها إلا 32غرام,هناك الجيد والأفضل مثل البيكال الروسيه وصاعدا كالإطالي والأمريكي ,من 5000 و...,لا أعلم جديد أم حبه إلا الروسيه وهي 2000 لا كنها ليسة كا الأولى أدق في الصيد هذا بنسبه لأم وحده,وهي قريبه بالسعر من أم خمس.

[لا يكثر]

ترجف ما يكفي بحقه ام وحده تشوت شوت

وجديده ما طنتي موجود

[أبوقزاز]

نحتري الباقين وانتو ماقصرتو بيض الله وجيهكم

[وبل نجد]

السلام عليكم أخوي أبو قزاز ومساك الله بالخير ..

أنا رميت بأم حبه واسمها وانشستر برصاص ظغط رقم 1 حجم 36غرام وكنت مثبتها صح ولله الحمد لم ترجف بقوه مع العلم أنني لم أضع الشماغ أو أي شيء ((وأنا معصقل))

لكن بأوصيك بعدة وصايا :
1-تثبيت البندق تثبيت صحيح
2-إذا كنت لاتتحمل رجف البندق فضع شماغ أو أي شيء بينك وبين البندق
3-يختلف قوة رجف البندق بحسب نوع الرصاص وقوة الضغط والحجم
4-دائما لاتضع السلاح على الكتف مباشرة وإنما في منطقة لحم بجوار عظم الكتف
5-ليس صحيحا أن الكتف ينكسر إلا إذا كان الشخص ضعيف البنيه أو أنه لم يشد جسمه والبندق بشكل قوي

أخيرا :
أتمنى أن قد أفدتك وجميع أخواني الأعضاء

تقبل مروري أخوكـ:وبل نجد

[أبوقزاز]

الله يسلمك اخوي وبل نجد

[اخو سعود]

اما الرجف ترجف وتكسر الترقات بعد
لاكن وشرايك في النص ؟؟
تراها تقوم بالغرض

[EFI.4500]

انا مجرب ستفنز الامريكيه رقم 1رجفها قوي
لاكن 6خفيف
بس زينته الرجف والله
حط لك سفنج وانتهى الموضوع
لاكن اهم شي السلاح يجي

[EFI.4500]

اما الرجف ترجف وتكسر الترقات بعد
لاكن وشرايك في النص ؟؟
تراها تقوم بالغرض
الفشق غاااااااااليه الفشقه الوحده 6ريال وييييييييييين
لالالاام حبه مزيونه

[winchester]

ترجف رجف عادي جداً جداً أرمي باأم وحده 13 عام عندي افضل من ام خمس

نفس رجف الكلاش بالضبط

دمـت بود

[أبوقزاز]

شكرا جميعااا لكل من ساهم وفزع معي وانا اتكلت على الله وبشري ام وحده