استفسار عن ماطور يشغل مكيف..؟؟

[....999....]

بسم الله الرحمن الرحيم

السلام عليكم ورحمة الله وبركاته

عندي اسفسار عندي غرفه سحب وشريت مكيف فريون 18 عجزت اعرف الماطور الي يستطيع تشغيله المحلة كل محل يقولي كلام شكل والله معد ادراي صدقهم من كذبهم وشكرا على الاهتمام مقدمنا



....999....طلال

[جمعان 22]

اقرا على المكيف ..... كم واط

واذا ماهو مكتوب ..بتلقى مكتوب عليه كم امبير .... علمنا كم امبير .... وهل هو يشتغل على 220 فولت ام 110 فولت

واذا ما عرفت لا هذي ولا ذيك ...صور الورقة اللي على المكيف ...اللي فيها المواصفات وحطها لنا

وارجوا منك ذكر ما قاله اهل المحلات

[ابوسعدبدر]

اخي العزيز انا كانت عندي غرفه متحركه ومركب عليها مكيف 18000 وحده بارد فقط
ومشغله على ماطور روبين 7500 شمعه وشاريه من محلات الفانوس اللي بشارع الريل وشغله تمام ومجربه لأكثرمن سنتين والله يحفظنا واياكم والمسلمين .

[القانوص]

انصحك بشراء ماطور 6000 واط وفوق ومثل ما قال اخوي ابو سعد بدر 7500 واط الغاية.
لان حسب علمي 18000 بي تي يو (وحدة تبريد) عند التشغيل تسحب بحدود 5500 واط.
وشكرا

[....999....]

شكرا لكم ياخوان على الاهتمام ولكم جزيل شكري

[صلهامه]

فيه يا خوى مكيفات فريون صغيرة حجمها ( 12000 وحده بارد وحار ) ما تستهلك كهرب ( 1200 واط / ساعة ) ومتحركه ونفس حجم اللى يحط فيها ماء وتكفيك عن المكيف الكبير واستهلاكه وازعاجه .. تحصلها عند محلات التكييف وتحل منها أشكال وأنواع ،انا اشتريت من الكترو نفس النوعية جنرال الكتريك بـ ( 750 ) للواحد . ( فقط فكره )

[كشَات]

18000 وحده يعني 1800 واط
12000 وحده يعني 1200 واط وهكذا يعني شل صفر
ماطور 3000 واط ممتاز تقدر تشغل عليه المكيف+فريزر(70 واط)+لمبات

[ابو صاالح]

ارجو اكمال النقاش في هذا الموضوع ،، حتى يتم اختيار الماطور المناسب للأستخدام . ولا وش رايكم
----------
من عنده علم لا يبخل

[لاتكب البيالة]

المكيف يختلف من نوع الى ثاني وممكن 18000 وحدة لشركة يصرف اكثر من شركة ثانية
اعتقد ماطور 3 كيلو واط يكفي لكن مشكلة المكيف يسحب عند بدأ شغله تيار عالي والمشكلة ما نقدر نقيس قيمة هالتيار الا بأجهزة مخصصة لانه لحظي

لكن اتمنى احد يكون يعلمك من تجربة (اسأل مجرب ولا تسأل دكتور بالمكيفات)

[باوزير]

12000 و 18000 و 24000 هذي قوة تبريد المكيف و اذا تبي تعرف كم يستهلك المكيف يكون مكتوب عليه من الخلف او الجنب بالواط

[ابو صاالح]

الرجاء من اهل التجربه ،، يذكرون لنا ما لديهم من معلومات

[الميكانيكي]

جزاكم الله خير

[راعي الغاليه]

يا اخوانى جزاكم الله خير انا عندى غطاس من 5ـ5الى 6 حصان اريدمولدكهرباء مناسب له

يشغله با الراحة اللى عنده خبره جزاه الله خير لايبخل علينا ابو عبدالله

[راعي الركيات]

اعتقد ان مكيف او الغطاس مايشغلها ماطور اقل من 10000 شمعه يعني يبيلك مكينه ديزل يابانية الصنع تقوم بالواجب وزود

اما المواطير العاديه لو اشتغل فترة شهرين وحولها بعدها الله يعينك علي الصيانه
كلامي عن تجربه ايام كان عند ابوي الله يطول عمره استراحه مافيها كهرب

[ابو عبدالرحمن جدة]

انا عندي ماطور هوندا ثلاثه كيلو ونص وش رايكم فيه جديد وما اشتغل الا شويه بس وتراه للبيع

[الثويرات]

اقرا على المكيف ..... كم واط

واذا ماهو مكتوب ..بتلقى مكتوب عليه كم امبير .... علمنا كم امبير .... وهل هو يشتغل على 220 فولت ام 110 فولت

واذا ما عرفت لا هذي ولا ذيك ...صور الورقة اللي على المكيف ...اللي فيها المواصفات وحطها لنا

وارجوا منك ذكر ما قاله اهل المحلات


احب اوضع لك ان الامبير يقاس للبطاريات فقط

لاكن الاجهزه مثل المكيف التلفزيون يقاس استهلاكه بالوات او بالسيكل..

ارجو اني قد افتك عزيزي

[الشمطري]

من 6 كيلو وفوق

[altajer1]

استفسار عن الجناريتر

السلام يا الربع. اريد اشتري مكينة كهربه حق العزبه وعدي بعض الاسئله. و اتمنى الاجوبه الطيبه:
1. في العزبه مكيف طننين و تلفزيون و ليتات كم واط يبالي
2. كم ساعه اتم المكينه شغاله اذا كانت فل
3. كيف اخلي المكينه ما طلع صوت عالي
4. شو احسن البترول ولا الديزل
5. السؤال الاخير و الاهم شو احسن نوع مكاين هاديه و اتكد

[الواعد63]

حبيبي لا تأخذ ماتور أقل من 6000 لأن المكيف يسحب كهرباء كبيره بشكل لا تتصوره ولو أخذت ماتور أقل فسوف يعيش معك بألكثير 3 سنوات ويقول المثل أسأل مجرب ولا تسأل طبيب وحاسب لا تأخذ ماتور صيني وعليك بالياباني الأصلي هذا وبالله التوفيق

[زرود538]

بسم الله الرحمن الرحيم

السلام عليكم ورحمة الله وبركاته

عندي اسفسار عندي غرفه سحب وشريت مكيف فريون 18 عجزت اعرف الماطور الي يستطيع تشغيله المحلة كل محل يقولي كلام شكل والله معد ادراي صدقهم من كذبهم وشكرا على الاهتمام مقدمنا



....999....طلال
اخى انصحك لاتاخذ الامن 7500 كيلوومافوق وعند مايشتغل الكبرسر يسحب جهد اكبر مما توقع

[زرود538]

يا اخوانى جزاكم الله خير انا عندى غطاس من 5ـ5الى 6 حصان اريدمولدكهرباء مناسب له

يشغله با الراحة اللى عنده خبره جزاه الله خير لايبخل علينا ابو عبدالله
اخى لازم تاكد كم فاز لان اغلب مولدات الكهربا اثنان فاز وعندك الغطسات اكثرها ثلاث فاز

[عطيب الشوق]

-
-
-
-
السلام عليكم ورحمة الله وبركاته

أخي العزيز صاحب الموضوع ..

المكيف الـعادي يحتاج اول ما يشتغل جهد 7000 شمعه او 7 كيلو ويستقر بعد ذلك على جهد 5500 شمعه لذا عليك يا طويل العمر بماطور ينماااااااااار ديزل انا وفقني الله وشريت واحد مشغل مكيفنا وانوارنا والتلفزيون والحمدلله اخذته مستعمل بـ 8500 ريال مستخدم وموضب وشغال ميه ميه 9 كيلو لأن عندنا كشافات وانوار واجد لكن مثل شغلتك ما تحتاج إلا 7 كيلو او 7 ونص واذا بتشغل عليه اجهزه ملحقه مثل تلفزيون او لمبات بسيطه شغل المكيف اول وبعدها شغل اللمبات والتلفزيون اذا تحتاجهن

اتمنا اني افدتك يا طويل العمر

تقبل تحياتي ابوسعد

[ابو وليد55]

بينتا

انصحك بماظور ديزل 7 كيلو ممتاز ما ادري كم كيلو

لأكن انه قوي ويشغل المكيف ولنبات

بتلقاه في حراج بن قاسم قسم المواطير قيمته ما بين 5000 إلى 6000 ريال بس يعيش معك

[راعي الطلعات]

انصحك تاخذ ماطور ديزل وقوته اكثر من 5000 واط

كان عندنا ماطور 3500 وعجز يشغل مكيف صحراوي مع تلفزيون وانوار كهرب

بالتوفيق

[Magellan]

إذا تبي العلم من واحد مجرب المواطير ويعرف سنعها
أولا: لاتاخذ إلا ديزل
ثانيا: عليك بالإنقليزي وإترك الياباني اللي هو يانمار
ثالثا: عليك باللي تبريده هواء يعني مافيه راديتر ماء
رابعا: المكينة خذ من 7 كيلو فما فوق
خامسا: موضوعك قديم ولكن كتبت المشاركة لفائدة الإخوان

لأن الفريون يسحب أول ماهو 7000 واط ثم يستقر على 5500 واط
وخذ في بالك لازم المكينة ماتشتغل على أعلى طاقة يعني إذا تبي تشتري إشتر أفضل شيء مكينة ليستر 9 كيلو عشان لو شغلت المكينة ماتجهدها بالكهرب ولأن بعض الكهرب يضيع في التمديدات

وأنا عندي الآن مكينة ينمار 5 كيلو وماطور بنزين ميتسوبيشي 5800 واط

[al_brare]

ارجو من الاخوان افادتي بالمواطير ابغي اشغل غطاس 2بوصه من البير بعمق 25 متر ماهو الماطو المناسب والعملي ارجو افادتي جزاكم الله خير
وهذا بريديal_brare@hotmail.com