يمكن أنا أكثر شخص يطيح في هذي المشاكل

[المزروعي]

السلام عليكم ورحمة الله بركاته ...

تدرون الصيف طويل والواحد عنده من السوالف الكثيره والعبر من هذي الدنيا !!!

هذي قصه حدثت لي أيضا سنة 2003 إذا ما خاب ظني ( الذاكره ضعيفه ) وهذي القصه توضح كيف أن الدنيا صغيره وأن حبل الكذب قصير !!!

عندي صديق من دبي عزيز علي و هو معانا في هذا المنتدى وهو أيضا صديق لأبورداد إذا ما خاب ظني . والعاده كل ما يوصلني طير أرسل له صورة الطير وهو أيضا كل ما يشتري طير من إيران يرسلي صورته يعني تقدر تقول تحدي بينا من يقدر يجيب طير أطيب من إيران . المهم إتصلت فيه مره وجاوبتني بدالة إيران و عرفت أنه في مهمه لجلب الطيور في إيران. دارت الأيام ورجع صاحبنا وأتصلت فيه و سألته وين الغيبه قالي كنت في إيران أشتري طير و قالي أنه وصل طهران و من طهران أخذ سياره مسافة 1200 كيلوا حتى يشتري طير واحد . سألته شو الطير وقالي جرناس هوا بكر مواريه طيبه وحجم كبير نادر . سألته بكم قالي 65,000 ألف درهم قلت له غالي قالي أدري أنه غالي لكن بعد ما قطعت هذي المسافه ما قدرت أخلي الطير وقالي أن الطير سعره الأاصلي من 35,000 إلى 45,000 . وقالي أنه دفع المبلغ كامل والطير بيوصل بعد أسبوع . بعد هذي القصه بخمس أيام بالضبط أتصلي تاجر من إيران و قالي أنهم طرحوا طير جرناس هوا بكر كبير الحجم و سعره 35,000 ألف درهم . طلبت منه أن يرسل لي صورة الطير على الأمييل . وفعلا ثاني يوم أرسل لي الصورة وكان الطير فوق وصف التاجر . ما أطول عليكم أنا عندي رجل ثقه في إيران أرسلت له المبلغ وطلبت منه أن يروح شمال طهران ويشتري الطير من التاجر . المهم راح صاحبي الأيراني وأخذ الطير وسلم المبلغ و أرسل الطير إلى قطر حيث أن المركب إلى كنت أتعامل معاه كان في دبي . وصل الطير عند واحد من ربعي في قطر و هو من النهانده من أهل الخور وبعد ما وصل الطير إتصلي صاحبي القطري وقالي الطير وصل وبخير .

في أثناء هذي الأيام أتصلت بصاحبي في دبي أسأل عن طيره إللي أشتراه من إيران قالي أن الطير ما وصل و أنهم سرقوا الطير !!! قلت له كيف قالي هذا إللي صار . قلت له أنا أشتريت طير من إيران وهو اللحين في قطر بعد ما يوصل برسل لك صورته قالي خلاص أرسل صورتة ويمكن أشتريه عندك . قلت له إن شاء الله ما بنختلف .

بعد ما وصل الطير أرسلت الصورة حق صاحبي في دبي و أنا كنت في السوق والهاتف في السياره . بعد ما ركبت السياره حصلت يمكن 60 إتصال من صاحبي في دبي قلت الظاهر أن الطير جازل !!! بعد ما تصلت فيه صرخ في الجوال يا بومحمد هذا هو طيري إللي شريته من طهران !!! قلت له يا مسلم قول غير هذا الكلام قالي أقسم بالله أنه و أقدر أخبرك أنه كفه اليسار فيه ريش أبيض !!! وفعلا كان كلامه صحيح مثل ما قال ان في كقف الطير ريش أبيض . سألته عن أسم التاجر إللي أشترى منه الطير و طلع نفس التاجر إللي أتصل لي . المهم أتصلت في التاجر و بعد ما حكيت له القصه تدرون شو كانت ردة فعل التاجر !!! أغلق جواله في وجهي وكانت هذي أخر مكالمه بيني وبين التاجر وبعده غير رقم جواله أيضا . طبعا صارت أمور بعدها لن أذكرها .



هذا هو الطير

http://www.mekshat.com/pix/upload02/images74/mk57508_111111.jpg

[سلطان 1]

ارحب اخوى المزروعى 0
مالك الا انك تحسب عليه وان الله لا يوفقه فى الدنيا 0
حسبنا الله0

[أبو أمين]

لاحول ولاقوة الا بالله الله يعوض على خويك
وماشاء عليك وعلا سوالفك عزالله ولو اجتمعت فيك ما خليتك من طيب سواليفك

[رامى السيد]

اعزك الله اخى وبارك فيك ............. والله الدنيا ما فيها امان
والناس اصبحت تستحل الحرام ...........اعوذ بالله منهم

[نبع الدموع]

ما شاء الله تبارك الله على الطير اولا و عز الله انة شيخ.
و هذي مشكلة الشراء من ناس ماهم ثقة و البلية الاكبر
يوم يكون الشراء من واحد في دولة ثانية وين بتحصلة
هذا؟؟ حسبنا الله و نعم الوكيل.

[لعّاب المنايا]

الله يعوّض على خويّك يابومحمد ,,
والله يكفينا شر الناس اللي ماتخاف ربه ,,
وطير طيب ما شاء الله وش صار عليه بومحمد الطير فعل معكم والا بعتوه ,,,

[خيال الصبحا]

وعليكم السلام ورحمة الله وبركاته
ابو محمد
مشكور على السالفة
الي نستفيد منها ان الشخص
مايزود الثقة بالشخص الي مايعرفه
بالذات بمجال الفلوس ، وغلطة تعلم ماتضر
وخويك مانلومه يوم اتصل عليك كل هالاتصالات
1-خسر 65 الف درهم.
2-تعب بروحته لايران وتعب بسفرته من طهران
لمنطقة التاجر.
3-فقد هالمزيون(ماشاء الله تبارك الله عليه)بعد ماكان
يعد الليالي ويأمل بفعوله.
المهم يابو محمد بشر وش سويتوا مع التاجر؟؟عساكم استرديتوا
حقكم منه،وأن شاء الله أنها ماتتكر مرة ثانية مع مسلم.وشكرًا

[ناصر الحمد]

لا حول ولا قوة الا بالله

اسئل الله أن يوفقك وبيض الله وجهك وماقصرة يالذيب

[سلطان العوني]

والله لو تكلم خزيط الثقه اللي راح اشترا الطير منه وتخليه ياخ> حقكم منه اعتقد ماراح يقو شي

[المزروعي]

راعي فاروق . الله يرحب بك على فضله . صدقت حسبنا الله ونعم الوكيل
أبو أمين . الله يبارك فيك . هذا من طيبك
رامي السيد . الله يبارك فيك وتسلم على المرور
نبع الدموع . كلامك صحيح
لعاب المنايا . أميين و الطير فعله طيب بالحييل .
خيال الصبحا . وعليك السلام ورحمة الله وبركاته . التاجر أعرف أسمه لكن شو تقدر تعمل !! إذا هو مش في ديرتك ما تقدر له حيله وبعدين ما أقدر أشتكي عليه لأن تجارة الطيور أصلا ممنوعه في إيران !!
الهدد الذهبي . وجهك أبيض الله لا يهينك
سلطان العوني . صاحبي إللي في إيران من بوشهر و التاجر في شمال طهران و المسافه بينهم أكثر من 1000 كيلو !!! وحتى لو راح حق التاجر في طهران ما عنده أي دليل !! و هذي هي المشكله لأن تجارة الطيور ممنوعه أصلا !! خلها على الله

[الرقعي]

الله يعوض عليكم

[قنيص غبر]

السلام عليك المزروعي .... السالفه ياخوي من سنين تصحيحا لكلامك :) تقريبا 2005 وانا اذكر اني اول ماشفته فرحة كاني انا اللي شاري الطير .. لنها من الطيور اللي فعلا تفرح اذا شفتها على كف واحد يعز عليك ... يا بو محمد مافي مجال يرجع هالطير مره ثانيه :) شوفته دواء والله

[مغــادر]

بيض الله وجهك على السالفه,والله لايعطيه عافيه ذ النصاب والله يعوض على خويك وعز الله انك شريت طير,,,

[وَسَام!]

تكفى يابو محمد حرام عليك هذا في وقتنا الحين يسوى واجد!

[طارق الحربي]

الله يعوض على خويك ان شاء الله

وعز الله سوالفك ماتنمل يابو محمد

بس وش سوا الطير معك عساه فعل فعل طيب

[سنجااار]

الله يعوض على صاحبك وماشاء الله عليك يابومحمد ماتعرض طير ألا يكون ازين الثاني جعله تبارك ومشكور على السالفه والصوره

[أبو رداد]

ياحافظ على هالطيب ...
هذا التاجر النصاب خسر الدنيا والاخره
في الدنيا خسر سمعته الي هي راس مال تاجر الصقور
وفي الاخره تكويه فلوس الحرام الي اخذها من الرجال
عسى الله يعوض خويك خير ..
ومشكور يابومحمد على هذه السوالف الي كلها عبر ومفيده للجميع

[محمد الفهيد]

ماشالله تبارك الرحمن
هذا الطير ايهول يابومحمد
وانت فعلا ماغلطت وسبحان الله جا الطير بينك وبين خويك
والخساره الله يعوض عليه

[نايف الخالدي]

اول شي الله لايوفق التاجر
ثاني شي اشهد انه طير طيب والله اوجعني قلبي لما شفته هاذا الطيور ولا بلاش
وعز الله انه يسوى قيمته خمس مرات
وبيض الله وجهك على الصوره واذا فيه صوره ثانيه ورنا ضهره مع اني عارف ضهره وش بيكون
بس هالطير نادر وودك له اكثر من صوره

[المزروعي]

الرقعي . أميين
قنيص غبر . تسلم على التصحيح . و إن شاء الله بيجيب إللي أحسن منه
وسام! . خلها على الله و إن شاء الله الجاي أحسن .
طارق الحربي . أميين وتسلم الله يبارك فيك و الطير الشهاده لله مسكت !!
سنجااار . أمييين وتسلم الله يبارك فيك
أبو رداد . صدقت يا بورداد و إشاء الله ما بيفرح بهذي السرقه !
محمد الفهيد . تسلم و إن شاء الله بنعوضه بطير ثاني !
نايف الخالدي . وجهك أبيض وللأسف ما عندي صورة ثانيه له !

[قاصدجداكم]

الله يحيك يا بومحمد

وبيض الله ويهك على القصه

ولعوض في دهام

[المزروعي]

قاصدجداكم . يا هلا يا بومحمد وجهك أبيض و إن شاء الله البركه في دهام .

[سفتور]

السلام عليك يابومحمد وشحالك والسلامه ياخوي الأيرانيه مافيهم أمان يسرقك وأنته تظحك ما تقدر تسوي أي شي وأنت تعرف السبب بس ما باليد حيله لو التاجر هذا في دارك كان عرفت كيف تاخذ حقك منه وياما أحصلت لي أنا شخصيا بس شتقول غير حسبنا الله ونعم الوكيل

[العمراني]

علي النعمه خمسه وستين الف ماراحة هدر لحرق ايران بلي فيها واتشوا التاجر
عووض خوويك في وجه الله
لمزرووعي تقبل مرووري
ا

[قاصدجداكم]

الله يقويك انا بعد يا بو محمد عندي ثنين من الخويا الغالين عليه

كل صورة طير نادره يطرشولي اياها والله يسلم ماتصيرلي نفس السالفه

بس واحد منهم عندي صور لطيره وهو صايد وصور نادره وشو رايك فيه يا بومحمد

[بوخالد الكعبي]

يالله يالمزروعي العوض على الله

وماشاءالله عليك راعي سوالف

تصلح راوي لبرنامج مقناص على قناه الواحه

امزح معاك

جزاك الله خير

[ابوفارس 5350]

مشكور يابومحمد على هذه السوالف الي كلها عبر ومفيده للجميع
الله يعطيك الف عافيه

[قرناس ارامكو]

ما شاء الله تبارك الله على هالطير لو اللة فاكة من القوطي

[رتقاوي]

الثقه شبه ان تنعدم هالايام
اعوذ بالله

الله يطرح فيكم بالركه وموعوض خير انت يالمزروعي بتاجر شريف
وصاحبك بطير طير
ولو يتعاونون الصقاره ويتشاورون بالبيع والشراء يمكن تقل فرص النصب من اصحاب الذمم الخبيثه
ولا يكون في مجال لهم بالسوق وأوراقهم مكشوفه للكل

[المزروعي]

سفتور . وعليك السلام ورحمة الله وبركاته . صدقت
العمراني . إن شاء الله حقه ما بيضيع !
قاصدجداكم . أتحذر يا بومحمد !!!!!!!!!!!!!!
بوخالد الكعبي . تسلم على هذي المجامله !!!!!!!!!!!
أبوفارس5350 . الشكر لك والله يعافيك
قرناس أرامكو . هذي القواطي في بيت التاجر الإيراني مش عندي !!
رتقاوي . الله المستعان و شاكر لك مداخلتك القيمه

[الظغط العالي]

حسبنا الله ونعم الوكيل


الناس باعت ضمايره لجل المال


يحتسبه عند الله

وعسى ربي يعوضه ببرك منه


وهاذ نصيحه الاخوان انهم ما يشترون ولا يدفعون الا لناس الثقه ولا يكون المبلغ كامل

لنه لو ما وثق فيك بل مبلغ الباقي كيف انت توثق فيه

[winchester]

الله يعوضه خير

مشكور أخوي المزوعي على هالسالفه

دمـت بود

[المزروعي]

الظغط العالي . صدقت وتسلم على النصيحه
winchester . أميين وتسلم

[شواااش]

اسعد الله مساك اخي المزروعي .. الله يستر عليك من ذالمشاكل ويكفيك شرها انشالله .. وحسبك الله انشالله .. انا بصراحه ودي اسميك << المغامر >> على سوالفك ومقانيصك .. وانت تراك ذبحتنا بصور الوحوش الطيبه ولازم انك تراعينا وتخف علينا شوي الله يرحم والديك طال عمرك .. وشكرا على المواضيع الطيبه المتميزه دايم والله يعطيك العافيه ..

[صقار البحرين]

بومحمد اغلب الايرانين هذا تعاملهم مع العرب فيهم النادر اللي يكون صادق وامين كلهم نصابين انا تعاملت معاهم وياما قلتها منهم في مبالغ وفي طيور والله يعوضنا وياك .....

[النـادر]

الله يلوم اللي يلومك

هالطير مايفرط وانت مالك ذنب

بس عزالله انها من مصايب الزمن كان من الممكن تخلق اشكالية كبيرة بينك وبين خويك


شكرا


النادر

[قلب شاهين]

هلا بك يابو محمد ،،

ولاهنت على السالفة الطيبه والي تقهر ههههه ،،

والله يعوض خويك ان شاء الله ومبروك عليك الطير ،،

وهذي القصص نسمعها كثيير للصقارين الي يجلبون الطيور من الخارج ،،

ياحلاة الطير اذا كان مشبوك من صاحبك ،،

لاهنت والله يعوض صاحبك ان شاء الله ،،

تحياتي / قلب شاهين ،،

[عين الداب]

بيظ الله وجهك على السالفه الزينه بس زعلتني الحركت التاجر وصح لسانك يالمزروعي

[سيف الظفير]

موقف اقشــــــــر والله يعينك طحت بين نارين الاحتيال على خويك . وكشفت الايراني النصاااب اللي اعطيتوه الثقة العميااااااء



وعسى الله يوفقكم ويعوضكم خير وياخذ الله حقكم من الايرااااااني التاجر

[المزروعي]

شواااش . الله يعافيك ويسلمك
صقار البحرين . صدقت . الله ياخذ الحق منهم
نادر الجبيل . الله الستعان و تسلم على المرور
قلب شاهين . أهلا فيك . وهذي القصص تتكرر كثير للأسف
عين الداب . وجهك أبيض و العوض على الله !
سيف الظفير . أميين و تسلم على المرور

[تالي الاولين*]

سبحان الله العظيم
فعلا قصة غريبة يالمزروعي وفعلا الدنيا صغيرة
لكن ابي الصراحة منك بالذيب
يوم قال صاحبك هالكلام عن الطير وتفاجأت انه نفس الطير
وش صار بعد هالصدفة لطير

[المزروعي]

تالي الأولين . مرورك شرفنا يا الغالي !!

[تالي الاولين*]

ولو ازعجتك اخوي المزروعي
لكن مارديت وش صار في هالموقف
صاحبك سام ثانية
ولا عطيته الطير
ولا عافت نفسه وهون منه بعد فعلت هالايراني
وقنيت الطير

[بيضا القاع]

الله يعطيك افضل منه وخويك الله هداه لو انه دافع عربون والباقي بعد التوصيل لانه مبلغ مهب بسيط بس قدر الله ما شاء وان شاء الله تكون عبره للاخوان

[قعقاع التميمي]

الله يعطيك العافي يالمزروعي ويعوض صاحبك خير أنشاء الله

[أبو فهد العيد]

مالك الا تقول حسبنا الله ونعم الوكيل,,,
هذي مشكلة بعض الناس..اذا زادت الثقه فيه,,, زهد فيك,ورماك ورا ظهره,

[ذراع الذيب]

الله اكبر على السارق وين يبي يروح..الله يعوض خويك..والله يعطيك العافيه فدنا واستفدنا..

[المزروعي]

ذيب النقيان . أميين لكن الإيرانيين ما يسلمونك الطير إلا إذا سلمت المبلغ كامل !!
قعقاع التميمي . الله يعافيك و العوض إن شاء الله على الله !
أبو فهد العيد . صدقت . حسبنا الله ونعم الوكيل
ذراع الذيب . الله يعافيك