هذي سالفه تبين أن كل شي قسمه ونصيب

[سفتور]

أنا وأعوذ بالله من كلمة أنا في سنة 2001 نقلت تبع شاهين بس تقدر تقول خميسي لان عرظه 14.5 المهم الطير أسبق من الرصاصه و أنا ما أبالغ فهالكلمه لأن الطير كان فعلا سبوق وكنت ما أهده بس أجهزه لتلقيف في يوم من الأيام وفالمكان اللي ندعى طيورنا فيه وكالعاده كنت مجهز هالتبع طبعا لتلقيف كان بعض الربع قد صار بينهم نوع من التحدي وأنتم تعرفون هاشي وهو شي طبيعي بين الشباب طبعا كان التحدي على زاجل و مهوب أي زاجل الزاجل الأزرق بعد ما هدو الجماعه على الحمامه أنسبقت طيور الربع وبعد أخذ الأذن لقفنا على الحمامه المهم أن الطير راح مع الحمامه حتى أختفى عن الأنظار وكان أختبار قوي جدا لهالتبع الطير صاد بس لسوء الحظ صاد في محمية أحد المشايخ وللعلم الطير كان فيه جهاز المهم بتنا بالقرب من المحميه حتى تطلع الشمس يمكن الطير يطلع بس مع الأسف صادف ذاك اليوم نزول الأمطار بشكل قوي وكثيف ووقف المطر الساعه 5 العصر طبعا دخل الماء فالريشه وأنقطع الأرسال بس الطير كان فيه حجل وفيه رقم الموبايل فقدنا الأمل فالطير بعد ما أندفع فيه مبالغ كبيره و رفظت البيع وغدى الطير المهم بعد مرور سنتين أنطرح الطير في ايران وتم جلبه للأمارات والى مدينة العين بالتحديد المهم أن الشخص الجاب الطير ما قصر أتصلي على الرقم الموجود فالحجل وقالي أن الطير موجود فالمكان الفلاني وخذعلوم الطير وحده علي للبيع طبعا أشتريت الطير بس مثل ما تعرفون أن الخلوبه ماهي مثل الفرخ صقرة الطير من جديد بس سبق الطير قل بكثير عن سبقه وهو فرخ بس سبحان الله كيف دارة الدنيا ورجع الطير لصاحبه.

[باتريوت596]

سبحان الله الطير مكتوب انك انت تاخذه وخذته والله يباركلك فيه بس شو وداه ايران ههههههه

[قرناس ارامكو]

اللة يعطيك العافية
ومثل ماقلت المكتوب لك بتحصلة

[ذراع الذيب]

الله يعطيك العافيه..قصه رائعه..

[جيتك يابعد حيي]

ماشاء الله الحلال مايضيع وكاد انك شاريه من حر مالك.

[الحرالنداوي]

الله يباركلك فيه صدق قسمه ونصيب

[القطاوي 2008]

الله يعطيك العافية
ومثل ماقلت المكتوب لك بتحصلة

[ولد الجنوب]

سبحان الله الطير مكتوب انه يرجعلك

[بيضا القاع]

سبحان الله الي الله كاتبه يصير

[سفتور]

يعطيكم العافيه يا أخوان على الردود الطيبه .

[مغــادر]

الله جمع الحي بخوه سبحان الله,,,

[أبوتركي]

سفتووور ... مشكور على السالفه الحلوة ...

[صقار البحرين]

الله يعطيك العافيه وتسلم على القصه

[جارح العين]

الله يعطيك العافيه
وصدقت
قسمه ونصيب

[روثان]

السلام عليكم..

الله يعطيك العافية أخوي على هذه القصة

والحمدلله على عودة طيرك

[تالي الاولين*]

الله يعطيك العافيه اخوي سفتور
على القصة
وياجماعه فيه امور لازم ناقف عندها ونحمدالله على كل حال
عندالفرح والحزن وعندالرزق وفقدالحلال
والثقة بالله سبحانة وتعالي عند الطلب وصفاء النيه والصبر
ويسهل الله كل امر عسر انشاءالله
تقبل مروري ولك جزيل الشكر

[نايف الخالدي]

مال الحلال مايضيع

[أبوإبراهيم1]

اذا ضاع لك شيء فقل
( اللهم رب الضالة رد الضالة )

[سفتور]

ما قصرتو ياجماعه على الردود الطيبه و يعطيكم العافيه.