ماهي طريقة تثبيت القارمن 276 بالسياره

[ابو عبد المحسن 1]

الإخوه الفاضل ،، أخوكم يجهل طريقة التثبيت ، والموضوع للفائده العامه .
نرجو ممن يعرف طريقة تثبيت جهاز القارمن 276 في السياره سواء على الزجاج أو على الطبلون دون تخريمه أو وضع لاصق يؤثر عليه ، مثل طريقة تركيب القاعده التي تأتي مع أجهزة النوفي حيث انها تثبّت على الزجاج وهي عملية جداَ
وياليت تدلونا على قاعده تنفع للقارمن 276 ، ولكم الشكر

[عبدالله الدوسري]

توجد قاعدة من شركة رام (ram)
رائعة للغاية وأستخدمها مع جهازي
تجدها عند محلات الاتصالات بالمرسلات أو مخرج 12
بس لا تأخذ غير (ram) لأن صناعة دار موجه سيئة للغاية
أنا اللي أخذتها من محل العامة في مخرج 12

[anab]

مثل ما اوضح الاخ عبدالله هناك صناعه سوريه والموجود لدى دار موجه كلها مصنوعه مفاصلها من البلاستيك وتنكسر والافضل منتج الرام وقد اشتريت واحده ب170 ريال من سوق الاتصالات با الرياض في المحلات الاولى من الجهه الشرقيه في الجهه الجنوبيه من الشارع

[ابو عبد المحسن 1]

اخوي عبدالله ، الله يجزاك خير ووالديك وجميع المسلمين
أن شاء الله بامر المحلات اللي مخرج 12 وبسأل عن قاعده ( ram )

ومشكور وماقصرت

[رحال عمان]

أخي الفاضل يوجد قاعدة دائرية ثقيله من الجارمن لونها اسود ثابته وتحركها بالراحة

[ابو عبد المحسن 1]

الله يعطيك العافيه أخوي ( anab ) على المعلومات ، وبالنسبه لسعرها ما كأنه غالي شوي وهل هي مثل قاعده النوفي تركب على الزجاج او لا .
تحياتي لك

[ابو عبد المحسن 1]

أخوي( رحال عمان ) بارك الله فيك القاعده اللي تقصدها هي نفسها اللي تجي مع الجهاز عند شراءه أو غيرها ، لأن عندي وحده جت مع الجهاز بس تحتاج الى تخريم بالطبلون وهذا اللي ما ارغب فيه وكذلك ممكن تلزق لانه يجي فيها لاصق بس ما حاولت أجرب .

[anab]

الله يعطيك العافيه أخوي ( anab ) على المعلومات ، وبالنسبه لسعرها ما كأنه غالي شوي وهل هي مثل قاعده النوفي تركب على الزجاج او لا .
تحياتي لك
نعم تركب على الزجاج اما السعر فهذا مشتراي قبل اقل من سنه ولا اعرف سعرها حاليا

[zzz714]

توجد قاعدة من شركة رام (ram)
رائعة للغاية وأستخدمها مع جهازي
تجدها عند محلات الاتصالات بالمرسلات أو مخرج 12
بس لا تأخذ غير (ram) لأن صناعة دار موجه سيئة للغاية
أنا اللي أخذتها من محل العامة في مخرج 12
أنا أخذتها مستعمله بس جديدة ما استعملت ب 80 ريال من المرسلات

[ابو عبد المحسن 1]

بارك الله فيك اخوي ( anab ) حصلتها اليوم عند العامة وشريتها ب130 ريال وصراحة القاعده قويه وتثبت على الزجاج بشكل قوي وماأقول الا جزاك الله خير أنت والأخوان اللي أفادونا بالموضوع ( عبدالله الدوسري ) و ( رحال عمان ) . ومشكورين وماقصرتوا وهذا اللي تعودناه من منتدى الرجال ،،،،

ولكم تحياتي

[ابو عبد المحسن 1]

أنا أخذتها مستعمله بس جديدة ما استعملت ب 80 ريال من المرسلات

حياك الله اخوي وعلى فكره القاعده تستاهل ولأني صار لي تقريبا سنتين استخدم القارمن 276 لكن بدون ماأركب اي قاعده وبصراحة كان متبعني جدا في البر وكل شوي حاطه بمكان وما تقدر تتابعه الا وانت ماسكه بيدك أو معطيه مساعد السواق :D ،،،

[غريب الهم]

طيب
ممكن تساعدوني في نفس الموضووع ...
انا في الغربية
ودورتها ومالقيتها وين القاها في جدة

ولك جزيل الشكر