راعي الأوله
29/12/2003, 11:03 PM
رقيت في عالي الطويلة من الهم = والقلب يصفق ضافي الهم جاله
والجرح له في بسرة القلب ماسم = واللي جروحه كايدة عزتاله
أبكي ودمعي فوق خدي ترزم =وأجذب ونين القلب لامن طراله
على زمانٍ صار نوره مظلم = والله كريم يرحم اللي شكاله
دنيا عسى الله يفرج الضيق والغم = كم واحد تقطع رهايا حباله
تضحك وتبني ثم تخدع وتهدم = ماحدٍ زمانه يا محمد صفاله
كم من غرير غرته ما تعلم = يالله دخيلك من دروب الجهاله
من لا يحط النفس في عالي الشم = يصبح بفيٍ ما يطاول ضلاله
ومن راح عمره بالنذاله تندم = يلقى حسابه عند ربه قباله
ياما رفيت النفس عن هرجة الذم = وأكبح هوى قلبي ولا أبغا شكاله
عيني تشوف الناس كلٍ على يم = والكل منهم جايز له مجاله
عز الرفيق اللي إلى مر سلم = يجوز لي طبعه خفيف ضلاله
ما يعرف الغيبه ولا يعرف النم = صاف الضمير ويفرح القلب فاله
من لابة بالجود سيف مصرم = ومن لا جذبه العم لابد خاله
بعض العرب للروح نور وبلسم = مثل السحاب اللي صدوق خياله
يشرون بالغالي ويفدون بالدم = ومن يبذر المعروف يلقى بداله
يا ما حلا المجمار والبرد ينسم = والبرد ينسم من هبايب شماله
وجمعا ربوع بالمراجل ترسم = ودلال رسلان تلضى بجاله
ويدار فنجالٍ من البن محكم = برية محبوكة بالعماله
واللي حمسها موسع الصدر مغرم = مغرم بفن الكيف قايس دلاله
ما هوب مطفوقٍ ولا يلحقه ذم = لاشك زاد بجود جوده جزاله
ايضا إلى من الحيا بارضنا عم = تنبت ربيع زاهي في جماله
بين الزهور وعشب نجد يتبسم = فيها الغريب يعيش لحظة خياله
ناصر بن عبد الله السعيد
والجرح له في بسرة القلب ماسم = واللي جروحه كايدة عزتاله
أبكي ودمعي فوق خدي ترزم =وأجذب ونين القلب لامن طراله
على زمانٍ صار نوره مظلم = والله كريم يرحم اللي شكاله
دنيا عسى الله يفرج الضيق والغم = كم واحد تقطع رهايا حباله
تضحك وتبني ثم تخدع وتهدم = ماحدٍ زمانه يا محمد صفاله
كم من غرير غرته ما تعلم = يالله دخيلك من دروب الجهاله
من لا يحط النفس في عالي الشم = يصبح بفيٍ ما يطاول ضلاله
ومن راح عمره بالنذاله تندم = يلقى حسابه عند ربه قباله
ياما رفيت النفس عن هرجة الذم = وأكبح هوى قلبي ولا أبغا شكاله
عيني تشوف الناس كلٍ على يم = والكل منهم جايز له مجاله
عز الرفيق اللي إلى مر سلم = يجوز لي طبعه خفيف ضلاله
ما يعرف الغيبه ولا يعرف النم = صاف الضمير ويفرح القلب فاله
من لابة بالجود سيف مصرم = ومن لا جذبه العم لابد خاله
بعض العرب للروح نور وبلسم = مثل السحاب اللي صدوق خياله
يشرون بالغالي ويفدون بالدم = ومن يبذر المعروف يلقى بداله
يا ما حلا المجمار والبرد ينسم = والبرد ينسم من هبايب شماله
وجمعا ربوع بالمراجل ترسم = ودلال رسلان تلضى بجاله
ويدار فنجالٍ من البن محكم = برية محبوكة بالعماله
واللي حمسها موسع الصدر مغرم = مغرم بفن الكيف قايس دلاله
ما هوب مطفوقٍ ولا يلحقه ذم = لاشك زاد بجود جوده جزاله
ايضا إلى من الحيا بارضنا عم = تنبت ربيع زاهي في جماله
بين الزهور وعشب نجد يتبسم = فيها الغريب يعيش لحظة خياله
ناصر بن عبد الله السعيد