أرخص طير شريته حق خوي وأجمل طير !!

[المزروعي]

السلام عليكم ورحمة الله وبركاته ........

أسمحولي أزعجتكم بسوالف الطيور و مشاكلها !! لكن شو نسوي الصيف طويل وأريد أصبر نفسي لين نقلة الطيور والصراحه عندي سوالف كثيرة تقرقع في صدري !!

القصه و مافيها أني كنت قانص إيران و كان في أخر الوقت تقريبا و في عز المقناص جاني إيراني توه يتعلم شبك الطيور و قالي عندي طير صدته البارحه قلت له الصراحه أنا ما لي حاجه اللحين في الطيور لأن عندي طيور و هذا أخر الوقت و أنا إن شاء الله برجع الأمارات بعد ثلاث أيام . المهم راح الرجال و رجع ثاني يوم وقالي شو رايك تشتري الطير أنا محتاج والطير طيب . قلت له بكم الطير قالي ما بنختلف قلت له قولي قبل لا أشوف الطير قالي الطير لك أنت بثلاث الاف درهم !!!! قلت في نفسي 3000 الف درهم هذا أكيد تبع !!! سألته أنت متأكد أن الطير حر مش تبع !!! قالي أنا متأكد . المهم الرجال كسر خاطري و قلت في نفسي 3000 الف درهم إن شاء الله ما بتخسرني . المهم تذكرت واحد من الربع كان يريد حر فارسي إتصلت في من إيران قبل لا أشوف الطير و سألته إذا كان ما زال يريد طير فارسي . قالي تكفى أريده بأي سعر و لا ترجع الإمارات إلا الطير معاك قلت له إن شاء الله بس خلني أشوف الطير أول . المهم ثاني يوم وصل صاحبنا الإيراني و الطير على كفه . أول ما شفت الطير سألته مره ثانيه بكم الطير !!!!!!!!!!! قالي 3000 ألف درهم مثل ما إتفقنا !! قلت له أكيد قالي نعم قلت له والله أن الطير يسوى أكثر أنت متأكد قالي أنت سلم المبلغ و إذا طلبت منك زياده لا تعطيني .

المهم شريت الطير وسلمته حق راعي الطراد إللي بيوصله الإمارات و سافرت . بعد ثلاث أيام وصل الطير و حطيته في المجلس و إتصلت حق صاحبي إللي شريت الطير له لكن ما علمته أن الطير وصل . المهم أو ما وصل المجلس و شاف الطير قالي ما شاء الله يابو محمد شو هذا الطيرالطيب قلت له هذا طير أنا توني شاريه !!
قالي هذا الطير مش أي كلام .

المهم أنا سولف معاه و هو يناظر الطير قلت له الظاهر أن بالك عند هذا الطير . قالي والله أنه أخذ قلبي هذا الطير قلت له يا رجال إن شاء الله بيوصل طيرك و بينسيك هذا الطير !! قالي ما أظن أن طيري إللي قيمته 3000 ألف درهم مثل هذا الطير . المهم الرجال يوم شفته خلاص ما عاد فيه على السوالف الطير أخذ تفكيره وعقله قلت له ترى والله العظيم هذا هو طيرك !!!!!!! قالي يا بومحمد كيف تقسم بالله !! قلت له نعم هذا طيرك وأنا كنت أمزح معاك قالي هذا إللي شريته ب3000 الف درهم قلت له نعم قالي والله لو قلت لي 30,000 ألف درهم أني أقول لك شوي على هذا الطير .

والله لو تشوفون نظراته حق الطير يعني نظرات عشق وحب مش نظرات تعجب. الله وكيلكم كان يريد ياكل الطير من الفرحه .

الطير قنص فيه السنه إللي بعدها موريتانيا و حشر الطير عنده ثلاث سنوات وبعدها ضاع في عمان !!!

هذا هو الطير و أنا إللي صورته في إيران

http://www.mekshat.com/pix/upload02/images75/mk57508_2.jpg

http://www.mekshat.com/pix/upload02/images75/mk57508_1.jpg

[خيال الصبحا]

وعليكم السلام ورحمة الله وبركاته
الاخ ابو محمد
بيض الله وجهك والله
لايهينك ، مواضيع وقصص
جميلة(والأحمل الصور)مبدع ولو
ان شهادتي فيك مجروحة ، الله يوفقك
ويرزقك كل موسم طير اطيب من طير الموسم
الي قبله ، وشكرًا

[محمد الفهيد]

ماشالله تبارك الرحمن
هذا الطير المبروك الي سعره زين وشكله مسكت

الله يعطيك العافيه على الموضوع
والتوقيع روعه

[باتريوت596]

مشكور اخوي المزروعي على ها القصه الجميله ومكتوب لربيعك انه ياخذ ها الطير والله ماشاء الله عليه طير طيب

[سلطان 1]

ارحب يالمزروعى وانا والله صادق 0
يا ولد ذبحتنا بهالصور الا لا يهينك
انا لو احصل مثل هالطير والله لسوق الريال لين اخذه 0
بيض الله وجهك 0

[وَسَام!]

الدنيا صدف وحظوظ الله يوفقنا وياك!!!!!!!!!
لاهنت!!!!!!!!!

[المزروعي]

خيال الصبحا . وجهك أبيض الله لا يهينك وهذا من طيبك
محمد الفهيد . صدقت طير طيب ورخيص !! يوم أفكر في طيور الأولين أفكر في هذا الطير ما أدري ليش يذكرني بطيور شوابنا الاولين . الله يعطيك العافيه
باتريوت596 . الشكر لك ولمرورك الكريم
راعي فاروق . الله يرحب بك على فضله وجهك أبيض . وإن شاء الله تحصل أخو هذا الطير !!!!!!

[راعي ام عشر]

اخوي سلام عليكم000
بخاطري ادري الكلام هذا متى بالضبط 0000
يعني قبل كم سنه 0000
واذا تذكر شلون سبوق الطير00

[ابوعبدالله 3504]

يعطيك العافيه اخوي المزروعي على السوالف الي الي توسع الصدر عز الله انها غرض الصيف الي يجي وقت نقل الطير
تقبل مروي

[نايف الخالدي]

بيض الله وجهك يالمزروعي
ومشاء الله طير طيب بالحيل
بس عندي استفسار الي يبي وحوش من ايران وشلون طريقتها يعني انا خاطري بفرخ الزمان الجاي اذا الله احيانا

[alajmi110]

ما شاء الله على ها الطير
اشهد با الله ان صاحبك ما ينلام يوم انشد انظره مع ها الطير
واشهد با الله ان الطير صاااروخ موجه
لا هنت يا المزروووعي جزل وعلومك كلها وافيه

[قرناس ارامكو]

بيض الله وجهك يالمزروعي ومشاء الله طير طيب وماهي غريبة عليك الوحوش الطيبة

[القطاوي 2008]

بيض الله وجهك يالمزروعي
ومشاء الله طير طيب بالحيل
وماهو غريب الطيب يالمزروعي عليك
ودمت سالم انشالله يالغالي

[مدماك]

ما شاء عليه ويعطيك العافيه.....................مدماك

[الرقعي]

ماشاء الله علي الطير عزالله انه يستاهل فوق الثلاثين

[سبع الصحراء]

عز الله انك ما قصرت مع خويك يا المزروعي

وراعي الجمايل ما يترك عادته

وعشان كذا تراي ابوصيك لي على فرخ فارسي بـ 3000 ريال وفرق العمله عليك

هههههههههههههههههههههههههههه

الله لا يهينك يا ابو محمد على هالقصص اللي تذكرها بصراحه مونستنا بهلقيض

لكن مبطين عن سوالف مقانيصك نبي إثاره ... ما عاد نبي دراما
خخخخخخخ

تقبل تحياتي

[سنجااار]

ماشاء الله عليك يابومحمد موفق بالطيور المزايين
مشكور على السالفه والصور الطيبه

[أبو محمود 70]

تستاهل كل خير يالمزروعى وتستاهل فرخ اشقر ليبى يعطيك الف عافية

[لعّاب المنايا]

بيض الله وجهك يابومحمد
والله إنك وسعت صدورنا بذا القيض
سوالفك وعلومك دايم حيه وطيور طيبه ما شاء الله
ويستاهل ربيعك والله,,

بس شكله تفاجأ يوم إنه قلتله هذا طيرك,,

[العمدة ابو صالح]

السلام عليكم
يابو محمد انا من المعجبين والمتابعين للمواضيعك
اقول يابو محمد هذا الموقف يبين طيبك ومرجلتك وحبك لآخرين لانك تذكرت خويك ولم تأخذ الطير لك وتقول لخويك لم يأتي صاحب الطير لبيعه وبعدين تبيعه على خويك بمبلغ عالي ولو شخص ثاني كان استفاد منه وهذا الموقف يبين اخلاق الصقار الحقيقي
وماهي غريبه منك يابومحمد

[الصقاااااااار]

صراحه ماشالله على الطير
وشكرا على الصور والموضوع ولاهنت
تقبل مروري

[زناد1]

ماشاء الله على الطير الطيب والله يعقله على راعيه وبيض الله وجهك اخوي المزروعي وماهي غريبه عليك والله يرحم والديك واسمحلي على المرور

[نبع الدموع]

انا اشهد انك كفوا و خويك يستاهل عز الله ان النية الصافية هي عزوة الصقار.
على قولة اخوي سبع الصحراء ما تخبرلي طير فارسي بـ 3000 درهم يا شيخ
خلها 10000 ماهي كثيرة علية ههههههههههههههههه ما شاء الله تبارك
الله على ذا الطير عز الله انة شيخ رسالة في اذن (ابو عمارalajmi110)
مشينا نبيع حقبياتنا؟؟ هههههههههههههه

[عين الداب]

هذا من طيبك وطيب اصلك يالمزروعي لو هو واحد غيرك قال 30.000درهم لاكن بيظ الله وجهك ويكثر من امثالك

[عين الداب]

السلام عليكم

يابو محمد انا من المعجبين والمتابعين للمواضيعك
اقول يابو محمد هذا الموقف يبين طيبك ومرجلتك وحبك لآخرين لانك تذكرت خويك ولم تأخذ الطير لك وتقول لخويك لم يأتي صاحب الطير لبيعه وبعدين تبيعه على خويك بمبلغ عالي ولو شخص ثاني كان استفاد منه وهذا الموقف يبين اخلاق الصقار الحقيقي

وماهي غريبه منك يابومحمد
يستاهل ابو محمد

[فارس 74]

زانت علومك يالمزروعي والله يوسع صدرك

كل يوم نحصل لك سالفه اطيب من اللي قبلها

[أبوتركي]

سالفه حلوة يابومحمد ... واذا عندك زود لاتبخل ..

[ناصر الحمد]

بيض الله وجهك يالذيب وماقصرت

وهذا طبعك بربعك وأخوياك وماقصرت لو غيرك مثل ماتفضلو أخواني

قلت الطير ماوصل وهذا 30000 لكن الصقار يبقى بخلاقه

والمثل يقول : ماكل من يركب على الخيل خيال

وأنت صقار وعلومك باينه

[شبيه الريح 99]

ماشا الله تبارك الله الله يرزقي بحض خويك يبو محمد

[القرناس المهاجر]

علومك طيبه يالمزروعي والبيع والشرى .. حظوظ وتوافيق :D

لكن الله يعوضكم بابرك منه .. دخل عليكم ببيعه غريبه ورحل بطريقه غريبه كما دخل :j

اخوكم .. القرناس المهاجر

[بيضا القاع]

مشكورررررررررر وما قصرت والصيف وما يفعل

[المزروعي]

وسام! . الله لا يهينك
راعي أم عشر . إذا ما خاب ظني هذا الكلام كان في سنة 2002 !! والطير قنص فيه ثلاث سنوات و الطير سبوق باللحيل .
مقانيص . الله يعافيك
نايف الخالدي . وجهك أبيض . على حسب وين تريد تستلم الطير !!!!!!!!!!!!!
alajami110 . الله لا يهينك وتسلم
قرناس أرامكو . وجهك أبيض و ما عليك زود
القطاوي 2008 . وجهك أبيض وهذا من طيبك
مدماك . الله يعافيك
الرقعي . تسلم على المرور
سبع الصحراء . ما عليك زود الله لا يهينك . و أبشر !! وهذي سوالف مقدمات للي جاي !!!!!!!!!!!
سنجاااار . تسلم والتوافيق من الله
الفرادى . تستاهل الخير
لعاب المنايا . وجهك أبيض الله لا يهينك .
العمدة أبو صالح . وعليك السام ورحمة الله وبركاته . ما عليك زود الله يبارك فيك وهذا من طيبك
الصقاااار . الشكر لك
زناد1 . وجهك أبيض وشرفنا مرورك

[تالي الاولين*]

علومك وافيه يالذيب
الله يوفقنا وياك وكل مسلم
عزالله سويت خير في صاحبك وكسبت من اجر انشاءالله
سبحان الله يشبه طير انطرح في الساحل العام وبيع للشويخ بسعر مبالغ فيه
نفس ريشة الظهر والنحر ومدري عن الراس
الله يوفق الجميع ,,,,

[المزروعي]

نبع الدموع . ما عليك زود الله يبارك فيك و أبشر أنت وخويك !!!!!
عين الداب . ما عليك زود و جهك أبيض
شايف خير . تسلم الله يبارك فيك
أوتركي . أبشر وتسلم على المرور
الهدد الذهبي . وجهك أبيض و ما عليك زود يا الطيب
شبيه الريح 99 . أميين وتسلم على المرور
القرناس المهاجر . الله يبارك فيك و صدقت الدني حظوظ وتوافيق
ذيب النقيان . الشكر لك
تالي الأولين . ما عليك زود يا الطيب

[قعقاع التميمي]

بيض الله وجهك يالمزروعي على القصص والصور الجميله

[راعي عساف]

بيض الله وجهك يابومحمد انت ماقصرت والطير موقف وهذي السلعه المباركه

[ذراع الذيب]

الله يعطيك العافيه امتعتنا مازعجتنا ..قصه مابعدها عز الله ان خويك يستاهل..

[المزروعي]

قعقاع التميمي . وجهك أبيض و شرفنا مرورك
راعي عساف . تسلم الله لا يهينك
ذراع الذيب . الله يعافيك ويسلمك

[مغــادر]

بيض الله وجهك على السالفه الحلوه والله يوفقك بطيب منه وعز الله الطير مزيون,,,

[المزروعي]

مغادر . وجهك أبيض و أميين !

[اول 111]

مشكووووووووووووووووووووووووووووووووووووووووووووووو ووووووووور

[أبوحمد الشمري]

ماشاء الله علي الطير عزالله انه طيب يستاهل اكثر

[جارح العين]

مشاء الله تبارك الله
طير طيب
والله يبارك به انشاء الله

[المزروعي]

أول111 . الشكر لك
أبوحمد الشمري . تسلم
جارح العين . الله يبارك فيك

[الطبشي]

قصه مميزه من شخص مميز والله لايهينك على العلوم الغانمه ............

[المزروعي]

الطبشي . ما عليك زود الله يبارك فيك

[طيرحوران]

ماهان تبارك يالمزروعي
والنيه تكفي
مشكور

[قشاع الرمث]

السلام عليكم ورحمة الله وبركاته

مساك الله بالخير

والله هذا حقه ثلاثات مهو ثلاثه الاف .

مع الشكر .

[اعقاب]

بيض الله وجهك وعلمك غانم
حي الرجال اللي ماعنده نيتين ولا الطير ماذي بقيمته ولاحولها
واللي شدني قولتك اتقرقع الله يضحك سنكز

[شبراق]

بيض الله وجهك ماقصرت عزالله انه صيده مشاءالله شريتك للطير وانت وخويك تستاهلون ومشاءالله عليك نادر الي مثلك مايدور من وراء الطير على خويه

[سفتور]

بيظ الله ويهك يابو محمد.
كفو والله أنته كريم وأكيد أن خويك يستاهل.

[المزروعي]

طير حوران . الشكر لمرورك
قشاع الرمث . صدقت لكن هذا نصيب الشخص إللي أشتراه الله ساقه له و هو ما يدري !!
أعقاب . وجهك أبيض و ما عليك زود الله لا يهينك
شراق . ما عليك زود و هذا من طيبك
سفتور . وجهك أبيض الله يبارك فيك

[ولهان مكشات]

لاهنت يالمزروعي والله ان ذا الطير ياخذ القلب الله يبارك لكم مبطي ماشفت مثله لواطيح عليه مافكه الا لغالي من الناس والا يموت عندي

[المزروعي]

ولهان مكشات . الله لا يهينك و صدقت هذا الطير كل شخص شافه يتعلق فيه !!