أبي رأيكم أخواني

[أبو فهد11]

السلام عليكم ورحمة الله وبركاته

صبحكم / مساكم الله بالخير والمسرات

الوالد الله يحفظه قرر أنه يشتري سياره للعائله وهو جمس

بس الافضل وش اليوكن أو التاهو

والشيء الآخر اللون أنا قلت اللون الذهبي

بس أبي رأيكم هو زين هذا اللون

ومشكورين أخواني

[راعي بيشة]

ما بيقصرون الشباب انتظر شوي ويجيك العلم من هل الخبرة

[اسدهم]

التاهو



فل كامل بس اسود
او كحلي <<<<<جديد

[بيبسي]

كلهم حلوه وانا بصراحه معجبني التاهو ويمكن سعره اقل ,, ولا تتعدى اللون الفاتح مثل الذهبي او الفضي او الابيض

[ولدابوعبدالله]

السلام عليكم ...,,

انا من رائي يوكن فل كامل

........

[أبو فهد11]

أخوي راعي بيشه
مشكور على مروركـ

أخوي أسدهم
مشكور على مرورك وأكيد الالوان الفاتحه أفضل

أخوي بيبسي
مشكور على هذا الاقتراح

أخوي ولد أبو عبدالله
مشكور على مرورك وأنا والله أميل أكثر لليوكن

[أبو فهد11]

ما زلت أنتظر رأي الاخوه الآخرين

[راعي هوى]

والله ياخوي انا افضل التاهو خشته احلى من اليوكن
وبسبه للون خذ الي انت مقتنع فيه لانه شي انت تحس بكماليته مو الناس
وهذا راي واتمنى لك الافضل

[كاشخ 24 ساعه]

وش رايك في الاكاديا

رهيبه وكشخه

[سيف2008]

أبوفهد

أذا بتاخذ طويل يوكنxl
وإذا بتاخذ قصير تاهو

واللون حسب مزاجك لكن يفضل الألوان الفاتحه على شان ما تجذب الحراره وما تبين الخدوش والوصخ فيها

[ابوعقل]

الله يعينك ان شاء الله على اعداء الجمس

بس نصيحه مني

خذ جمس او شفر

مقاس 2500

ولا انت بنادم

انت تقول سياره للعائله

يعني تبون تسافرون عليها

وتشيلون اعراض معكم

((ركز معي بالشرح وان شاء الله ان المعلومه توصلك ))

التاهو واليوكن ضيقات من ورا والشنطه ما تشيل اغراض

وبعدين يجي يايات من ورا عند الدفرنس ((والياي معروف مع التحميل ينزل الموتر ))

اما الجمس او الشفر السوبر

مقاس 2500

الشنطه وسيعه

ويجي من ورا سست يعني مع التحميل ما راح ينزل

والخيار الأول والأخير لك انت

بس ترا الموظفين اللي بالمبيعات ماهمه انت وش تشتري

همه النسبه اللي اخر الشهر من السياره اللي باعه عليك

احرص على مصلحتك اول قبل كل شي

هو اهم شي يبيع عليك سياره

واي استفسار لا تتردد ان شاء الله افيدك

هذا اللي عندي وان شاء الله افدتك

[راعي المقانيص]

اسئل في GM خبير ولاتسئل طبيب


أخي الكريم


يوكن وتاهو نفس بعض بالضبط وبالملي من ناحية محركات والاشياء الكهربائية والمكانيكيه وايضا الحجم سواء خذت القصير والا الطويل كلها نفس مقاسات بعض


انتبهوا ياجماعه


انا اقول محركات فقط


لان فيه ناس الحين تبي تشب وتقول لا الوجه ومدري وشو فيه اختلاف واذا احد قالك ان المكينه ومدري وشو فيها اختلاف واليوكن اقوى والا التاهو اقوى جبه لي ونطلع به كشته انا وياك


الاختلاف فقط في الوجه والبعض القليل من الديكورات الداخليه


قطع الغيار كلها تركب على بعضها بشكل عام الاختلاف في العلامه والاسم هذا اسمه GMC وهذاك Chevrolet والاختلاف الي عليه الكلام في السعر واليوكن اغلى من التاهو بفرق من عشرة الاف الى خمسة عشر الف ريال اليوكن اغلى طبعًا بسبب شعبيته وله زمن وهو نازل باسواقنا واما التاهو لم يستورد للسعودية عن طريق الوكلاء الى في موديل 2007 مع اختلاف الشكل مع العلم انه مصنع منذ سنوات في الاسواق الامريكيه
واللون هذا اولا واخرا شي يرجع لكم ولكن بما انك طلبت المشوره فانا انصحك بالالوان الفاتحه لان جونا هنا تتعبك الالوان الغامقة في تبريد المكيف والتنظيف
ان شاء الله قدرت افيدك

[كاشخ 24 ساعه]

اسئل في GM خبير ولاتسئل طبيب



أخي الكريم


يوكن وتاهو نفس بعض بالضبط وبالملي من ناحية محركات والاشياء الكهربائية والمكانيكيه وايضا الحجم سواء خذت القصير والا الطويل كلها نفس مقاسات بعض


انتبهوا ياجماعه


انا اقول محركات فقط


لان فيه ناس الحين تبي تشب وتقول لا الوجه ومدري وشو فيه اختلاف واذا احد قالك ان المكينه ومدري وشو فيها اختلاف واليوكن اقوى والا التاهو اقوى جبه لي ونطلع به كشته انا وياك


الاختلاف فقط في الوجه والبعض القليل من الديكورات الداخليه


قطع الغيار كلها تركب على بعضها بشكل عام الاختلاف في العلامه والاسم هذا اسمه GMC وهذاك Chevrolet والاختلاف الي عليه الكلام في السعر واليوكن اغلى من التاهو بفرق من عشرة الاف الى خمسة عشر الف ريال اليوكن اغلى طبعًا بسبب شعبيته وله زمن وهو نازل باسواقنا واما التاهو لم يستورد للسعودية عن طريق الوكلاء الى في موديل 2007 مع اختلاف الشكل مع العلم انه مصنع منذ سنوات في الاسواق الامريكيه
واللون هذا اولا واخرا شي يرجع لكم ولكن بما انك طلبت المشوره فانا انصحك بالالوان الفاتحه لان جونا هنا تتعبك الالوان الغامقة في تبريد المكيف والتنظيف

ان شاء الله قدرت افيدك



وأزيدك من الشعر بيت

لا تنسى الكادلاك الاسكاليد

http://us.autos1.yimg.com/img.autos.yahoo.com/ag/cadillac_escalade_2wd_2009_exterior_5_346x270.jpg


http://us.autos1.yimg.com/img.autos.yahoo.com/ag/cadillac_escalade_2wd_2009_exterior_4_346x270.jpg




http://us.autos1.yimg.com/img.autos.yahoo.com/ag/cadillac_escalade_2wd_2009_exterior_2_346x270.jpg

[سيف الظفير]

جمس والا تاهو


الله يوفقك ويرزقكم



أهم شـــــــــــــئ أحرص على



الفئة الجبــــــارة


2500

[أبو فهد11]

أشكر كل من مر على موضوعي وقدم لي ما يفيدني

وهذا دليل على الاخوه والمحبه

بارك الله فيكم جميعاً أحبتي

[.أبوعبدالرحمن]

اشوف التاهو اجمل

وانا اقولك ايضا احرص على 2500 موديل 2008 لانهم غيروا جنطه وخلوا كفراته اعرض شوي وطلع شكله روووعة


اما الالوان اشووف عندك الفضي والذهبي الفاتح والذهبي المحرووق


واهم شيء يصير اللون فااااااااتح


الف مبروك مقدما


ولا تنسى انك تاخذ دفرنسين ولا تقوول وش ابي بالدبل يجي يوم الله لا يقدره عليكم وتحتاجونه وخصوصا ان

السيارة للعائلة الله يبارك فيها

[أبو فهد11]

شرفني مروركـ أخوي أبو عبدالرحمن الصفيان

ونصيحة سأخذ بها عين الاعتبار

[أبو فهد11]

up up up up

[شامخ ألهيلا]

اخوي ابحث عن السياره الى اكثر استعمال من فئتها

والاسباب كثيره
منها السياره لاكثرة في السوق صار صيانتها معروفه عند الكثير
الثاني قطع الغيار راح تتوفر عند الموزعين بكثره بعكس السياره الغير متداوله
الديكورات والاكسسورات راح تتوفر لسياره الى اكثر استخدام لشعب

وامور كثيره

بختصر عليك

يوكن xl والعادي هو الاكثر استعمال في السوق السعوديه

[احب البرواهله]

ولا تنسى تاخذ دبل لآني مليت من كثر ما اطلع الناس من الغراز وخاصة السيارات الكبار

[مكشاتينيو]

التاهو افخم شكل ولك صورةhttp://www.mekshat.com/vb/C:\Documents and Settings\Administrator\My Documents\My Pictures\1T_gallery_big5.jpg