خيام على كيفكم

[مطخطخ]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

هذي مجموعة من الخيام اللي حبيت انكم تشوفونها , الصراحه ازين من خيامنا الثقيلة واللي تاخذ وقت في حطها وشيلها وتحميلها . مدري وش رايكم ...........

مع المجموعة

http://www.expresscamping.com/Images/Products/Large/9232-379.jpg

هذي فيها بلكونة للجلسات الرومانسيه والاكل وميزتها مافي امل تجيك ذبانه :D
تشيل 8 أشخاص وسعرها 188 دولار

http://www.expresscamping.com/Images/Products/Large/WG-31203.jpg

هذي الحمرا تاخذ 9 اشخاص ولها 3 بيبان و 165 دولار بس :good: يابلاش

http://www.expresscamping.com/Images/Products/Large/WG-31209.jpg
هذي شقه عبارة عن اربعة غرف منفصله وممكن تصير غرفة وحده يعني اذا فيه أحد يشخر ولا يبي ينام بدري سكر علية السحاب وطقوا اربعة .ومهيب غاليه 232 دولار يعني ماطقت الف ريال والله بلاش وبعدين تراها ممتازة للعوايل خبرك وعلمك والبزران ماهم حولك

http://www.expresscamping.com/Images/Products/Large/9281-172.jpg

أما هذي الأخيرة فهي عبارة عن غرفتين تتسع ل 6 اشخاص وسعرها 217 دولار .
وكل الخيام اللي شفتوها عليها شبك لمنع الحشرات على الابواب والشبابيك وعليها غطاء ثاني بلاستيك ان بغيته شفاف او ملون .
والى اللقاء مع مجموعة ثانيه .

اذا اعجبتكم, من الصور اتبعوا اللنك للموقع .

مع تحياتي وتمنياتي لكم بكشته جميلة وسعيدة

[ابن سبلان]

السلام عليكم ورحمة الله وبركاته
شكرا اخوي مطخطخ على صور الخيام الي تناسب سياراتنا الناعمه الي مخشها سحب الطربال وحبيت اسأل وين تباع فيه

[أبو عليان]

شكراً أخ مطخطخ

على هالخيام

لكن من وين أقدر أشتريها في السعوديه

[الحاتمي]

مشكور وما قصرت
الله يعطيك العافيه
الحمطخطخ
اااااااااااااااتمي

[السمح]

مشكور أخي مطخطخ
على عرض هذه الخيام الجميلة
بس ياليت نقدر نلقاها عندنا هنا
اسمح لي أخي الغالي تدخلت وعدلت الروابط حتى تظهر الصور مباشرة في الموضوع
بارك الله فيك ، وننتظر المزيد

أحلى تحية

[مطخطخ]

الله يعطيكم العافيه جميعا .

أخوي السمح الله لايحرمنا هاللمسات الحلوة , انا حاولت احط الصور على طول بس ماعرفت اذا ممكن تعلمني.

أما الاخوان اللي سالوا عن مكان بيع هالخيام فهي طبعا مهيب عندنا بس ممكن طلبها عن طريق الانترنت . ممكن تلقون شبيهاتها في كل من ساكو وهوم سنتر اللي بشارع التحلية عندة شغلات حلوة للبر ويجيب ماركات معروفه مثل coleman المشهورة بادوات وعدة البر ....

وسلامة الجميع .....:light:

[العناء]

يعطيك العافية اخوي مطخطخ على هذا المجهود الرائع

ياليت تحط لنا الموقع الي ممكن نطلب منه الخيام ولك جزيل الشكر




العـــــــــــــــــــــــــــــــــــــــناء

[مطخطخ]

هذا الرابط يابعدي

http://expresscamping.com

بس كانك بتطلب منهم لاتنسانا ولك العمولة , ونا صادق
سبحان الله وبحمدة سبحان الله العظيم

:cool:

[فـ(الجـوف)ـتى]

الله يعطيك العافيه مشكووووووووووووووووووووور

[عجاج]

يعطيك العافيه اخوي مطخطخ وماقصرت

[MOR300]

صراحه خيام حلوه بس مو لجونا والله اعلم
بس لايفوتكم الموقع جداجدا راائع بمعنى الكلمه


الله لايحرمك الاجر اخوى مطخطخ

[عبدالله الصالح]

والله يبن الحلال انة زينة بس اعلمك والله به الاصوات الشينة
لهبت الشمالية والله ماتنام من صوت الهواء والا المطر ياساتر بس.
اخوكم القصمنجي..

[بركان]

اخوي مطخطخ

شكرا على هذه المعلومات المفيده والقيمه
فعلا خيام جميلة حتى وان صممت لبيئة غير بيئتنا.
عندي سؤال:

كيف يتم نصبها؟؟؟ هل عن طريق اعمدة واوتاد ام ذاتية النصب والاحتيال( حلوه احتيال) يعنى حديد مطاوع زي شماسة السياره.

تحياتي وتقديري

-----------------
بركاااااان.

[بركان]

اخوي مطخطخ

شكرا على هذه المعلومات المفيده والقيمه
فعلا خيام جميلة حتى وان صممت لبيئة غير بيئتنا.
عندي سؤال:

كيف يتم نصبها؟؟؟ هل عن طريق اعمدة واوتاد ؟؟ام ذاتية النصب والاحتيال( حلوه احتيال)
يعنى حديد مطاوع زي شماسة السياره.

تحياتي وتقديري

-----------------
بركاااااان.

[ابوقاسم]

اشكر الاخ مطخطخ على الموقع المفيد والممتاز .............
وكثر من هالمواقع

[مطخطخ]

السلام عليكم ورحمة الله وبركاته

أشكر الجميع على التكرم بالمرور وابداء الملاحظات والتعليقات واللي تعطي تفاعل للمواضيع.

أخوي بركان : هذي الخيام أغلبها مكونه من أعمدة المونيوم لخفة الوزن والصلابه . أما الاوتاد فشوفة عينك تركزة بملعقه :D يعني سهلة ولا شواكيش ولا يحزنون , لا واكثرهن من دون اوتاد وهذي الميزة تخليهن سهلات النصب والاحتيال على قولك :p

وتقبلوا تحياتي ...........

[عبد الله الفايز]

حلوة يامطخطخ مشكور والموقع جميل بس....
ماأدري أحس إن هالخيام ماتزبن مع العجاج ولا مع الح ولا مع البرد لأنها مصنوعة من البلاستيك الخفيف
هذا طبعا إذا هي مثل اللي عندنا

[مهراس]

السلام عليكم:
نعم تصميم الخيام وخفة الوزن هو الميزه الوحيده لهذا النوع من الخيام ولكن ليس لبيئتنا الصحراويه.
هذا التصميم فقط للمناطق ذات الكثافه النباتيه والأشجار الكبيره ( تحد من سرعة الرياح) واللتي تغطي ارضها النجيله الطبيعيه والأرض الناعمه السهل تثبيت اوتاد الخيام فيها الخفيفة الوزن والمصنوعه من الألمونيوم .
ولو ان عليها طلب وسوق كن شفت ياكثرها في المحلات الشعبيه عندنا.
وفي الواقع ان الخيام الخفيفه (بلاستيك أو غيره) هي أفضل من الخيام التقليديه الموجوده في السوق ولكن لم ارى الكثير منها.
عند الجميح دعايه في جريدة عكاظ عن خيمه ظريفة الشكل تكفي لأربعة اشخاص تقريبا ومن صنع القاضي على ما أظن تجي هديه مع بعض أغراض النزهـه أذا اشتريت السياره السوبربان. وأنا شفت الخيمه أمام معرض الجميح على طريق المدينه بجده.

[الخشكاري]

الله يمسيكم أو يصبحكم بالخير...
:)


من واقع تجربة.... الخيام هذي ممتازة جدا من ناحية خفة الوزن و سرعة النصب و حجم التخزين

لكن عمليا و مقارنة بالخيام التقليدية أقدم لكم هذه الملا حظات بناء على تجربة عدة أنواع:

1- مزعجة من ناحية الصوت و خصوصا و قت النوم... أقل هبة ريح تشكل خشخشة عالية!
2- غير ثابتة و معرضة انها تنصفط في حالة الريح الشديدة (و ياكثر ما تصير)
3- تتحول الى فرن في النهار! خصوصا اذا كان فرق درجات الحرارة كبير بين الليل و الظهر!
4- عديمة الفائدة اذا فقدت قطعة منها! لا يوجد في السوق محل يبيعك أجزاء منها... الله يخلف عليك اذا انكسر جزء من الهيكل الالومنيوم أو العواميد الصغار...!


انا شخصيا احتفظ بخيمة صغيرة جدا (شخصين) من هذه النوعية (للطواريء) ما تحتاج اطناب و لا حبال ياما فكيت لي أزمات.... دايم مصفطها بالشنطة حجمها أصغر من كيس النوم الصغير....

لكن للكشتات و الطلعات المرتبة .. مالك غنى عن الوطنيات....

و دمتم

[مشغول]

هذه الخيام لقيتها في الامارات في محل متخصص للخيام الخفيفة

ولقيت عنده انواع كثيرة وشريت نوعين إن شاء الله بنزل صورها حجم كبير وحده بلاستك والثانية قماش

والاسعار خيال

[القانوص]

الله يعطيك العافيه يا المطخطخ
ولا هانوا الجميع
الخيمة الاخير ام 217 دولار موجود بالكويت عند سيتي سنتر بالسالمية وسعرها 68 دينار وحجمها
3م فى 3م .
وهناك انواع اخرى مثل 205 سم فى 205 سم.
و200 سم فى 140 سم.

[نقا هشال]

مطخطخ
يعطيك العافيه خيام شكلها ممتاز

بس هل ستتحمل هذه الخيام حرارة الصيف او العواصف الرمليه او العواصف الممطره!!!

لااتوقع.....

[صفوان]

حيّاك الله يا أخ/ مطخطخ .. والله الاسم صعب! ما يُمكن تغييره؟:)

مشاركة وإفادة جميلة جداً.. والدليل على ذلك سؤال بعض الأخوان عن مكانها!!:rolleyes:

هذي يا أخوان لها سنين تُباع عند محلات ساكو المنتشرة في أنحاء المملكة والدول الأخرى.. عادةً تكون في الدور الثاني بجوار أدوات الألعاب وأدوات المنزل ومشابهة للأسعار المذكورة.:good:

وأنا شخصياً عندي من النوع الأخيرة قريبا منها بس تشيل أربع أشخاص أو ثلاثة ما خذين راحتهم. وتقدر تصفطها وتصير مثل ذراح اليد وبدون أوتاد! وينصح استخدامها وقت الحاجة خاصةً في وقت الصيف إذا قمزن العقارب:eek: وأيضاً تنفع في الحج.. لا يفوتكم ها السنة "اللي لها الحين ما عزم للحج" اعقل وتوكل وخلها رحلة حج وصيدك يكون الأجر باذن الله.

وأخيراً من حسن المصادفة اني جاني صور على بريدي.. يمكن تناسب للموضوع، دون معرفة مين صاحبها "ما أعرفه" ولا المكان.. لكنها واصلة اليوم عندي:
طلعة متحضرين "ولا يهون الجميع" المتحضرين وغيرهم! يعني مزحة لا أحد يزعل منها:D

http://www.mekshat.com/pix/upload/images3/kkkk.jpg
http://www.mekshat.com/pix/upload/images3/kkkk1.jpg
http://www.mekshat.com/pix/upload/images3/kkkk2.jpg
http://www.mekshat.com/pix/upload/images3/kkkk3.jpg

لا تنسون الحج لها السنة.. تراها أيام معدودة وتنقضي! طبعاً لا تقول: تراني قد حجّيت! ما يمنع تحج مرة ثانية
ترانا نطلع مراة عديدة للبر ما نقول ترا قد طلعنا.. بس إذا جينا عند الطاعة واللي يبقى لنا بعد الموت يصير لنا كلام ثاني.. تقوم عاد الأعذار اللي يقول ما عندي قروش واللي ربعي بيطلعون للبر واللي ما لقيت ربع.. الخ
والكشتات ملحوق عليها! في أي وقت.. بس الحج؟

أدري مهو مجاله.. بس ذكرتني الخيمة وفوائدها خاصةً في مزدلفة.. كلن مفترش الأرض إلاّ أخوك نايم في فلة!:good:
لأن اللي عنده مثل هاذي كن معه قصر!

أخوكم الصغيّر
صفوان

[majed]

مساكم الله بالخير

مادري اخوي مطخطخ الخيام هذي فيها شبك عن البرد بعد

يعطيك العافيه العافيه اخوي .

[ابو شكاع]

مشكوووووووووووووور مطخطخ


باريفت صفوان

اجل طلعة حضران ههههههههههههههههههههههههه

ضحكت

لكنلاحظ انهم محافظين على نظافة المكان وهذي ميزة لهم

[ابو مساعد]

السلام عليكم ورحمة الله وبركاته

والله تشكر على هذا الجهد الطيب اخ مطخطخ ..

تحياتي .

[كرينكوف]

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
كل عام وانت بخير
اخوانى الكرام..........................................
هذة الخيام تفشل حمراء زرقاء
بعدين لى هب الهواء رح الحقها تصير كانها كيس شعير
والسلام عليكم ورحمة الله وبركاته

[rhhn]

اخوي مشغول
انا في ابوظبي وين احصل خيام زينه وخفيفه جزاك الله خير
rhhn

[الوانيت1]

للرفع ............ ////.