طيرحوران
19/07/2008, 11:26 AM
السلام عليكم ورحمة الله وبركاته
حي الله كل بإسمه
وفي الحقيقه بدا العد التنازلي لنقلة الطير
بعد حذف الموس يبداء الصقار بعد الأيام حتى تتم شهرين او سبعين يوما بالتحديد ويصك موسه او يعصب
وبعدها تبداء نقلة الطير
ويا وجد كثير من الصقاقير على نقلة الطير
لكن نطلب من الله أن يجعل هذا الموسم موسم خير وعطاء ويطيح علينا الوسمي
كما قال الشاعر مطرود المطرود
ارجي من المولى يغيث البلادِ * بوسم مبكر خيــــــر من وسمنا العام
يفــرح بها الصقار لاجل الهدادِ* ويفرح بها الكشات مع راعي الأنعام
وبالنسبه للصقار يبداء استعداده على مهل يقطع به الأيام اللي يبي يعدل في عشة الطيور الموجوده في البيت او الإستراحه او المزرعه إستعدادا لإستقبال الطيور من المربط
فتجده ينظفها ويعقمها ويغير المرابط إذا كانت متهالكه ويبداء فحص الدسوس هل هي صالحه ام تريد من يغيرها والغالب تغيرها
يبداء بشراء المسابيق ويبداء يختار النوعيه الممتازه ويحرص على السبوق الرفيعه وليست الجبره او الزائده بالعرض حتى يسهل ربطها وحلها وان تكون من الجلد الذي يلتف على ساق الطير وكذلك يحرص على الذي يوجد في آخر السبق فتحه حتى يتمكن من ربطه على التكايه بالمجول او القفل حتى يكون سريع الفك في حالة حدوث هدد( يعني وقت الربشه ) ويختار اللون على حسب لون طيره وهذه اختياريه مثلا الطير مغتر ياخذ لون ابيض
وكذلك الجرير يحاول أن لا يكون طويلا أي من 50-60سم علشان مايلتوي على الطير عند دورانه على وكره وهو بالأرض وخاصة وقت العلف
يبداء بفحص أجهزة الطيور والتشييك عليها وأختبار الريش من جديد لا سمح الله ترى هذه الأجهزه مالها امان واسأل مجرب .
بعد ماتنتهي من تلك الأمور جميعها
تلتفت على ام العيال والعيال وتصفي حساباتك معهم تصرفهم منا ولا منا مشوارين عن قولت ماوديناهم وفي الحقيقه هم دائم في فسحه اللهم لك الحمد
وتجدع في أذنها همسه إذا نقلت الطيور لا تشغلوني نبي كذا وكذا عطوني اللي عندكم الحين
وبعد مايتم الطير وصك موسه والله يعين يبي يصير في رمضان ويمكن يتهياء مقناص بالعيد أن الله لطف فينا وزان الجو
لا زم تدعي طيرك وتجهزه وفي هذا الأيام يكرم المرء ويهان ههههههه اقصد اللي رابط طلق تبي تكون عليه سهله واللي رابط ربط الله يعينه على الملوع وغيرها
(طيورنا طلق 5 ايام ونفك حمام سلم بس ماهو بقوي بالحيل )
بعد نقلة الطير
يبداء بالتشيك على الطير في المستشفى وتقليم مخالب الطير وكذلك بوز الطير او باذرة الطير
نقل الطير حتى يطيح اللي براسه علما بأن طيور الحرار البيتيه غالبيتها لا تحتاج نقل يكفي وضعه على وكره في المجلس مفرع
تبداء تقصر على الطير بالعلف حتى تجده بأنه بداء يتلهف على العلف
وبعدها تتواعد انت واربع وتتطلعون للمدعى ويفضل يكون الفجر لبرودة الجو والناس صيام كذلك
كل يعرف طيره وخاصه اول دعو له إذا كان يحتاج ربط بسبب او مايحتاج
والطيور ماهي بواحد بعضها امين وبعضها متى ينفك سبقه وياكثر الطيور اللي تغدي اول الوقت وآخر الوقت وهذي تبي تفصيل لها خاص الطير اللي يجي على طول بسبب يعتبر جاهز بس لا تزيد له بالعلف وتبداء عملية تطليق الطيور درجات يعني كل يوم تزيد شوي حتى ترى انه بداء يجهز ثم تبداء عملية الشنذره التي تجعل الطير يختلف عليك كليا من ناحية نفسية الطير ومن ناحية الجناح وشهيته للأكل
بعدها يبداء جرده على الملواح وكذلك الحمام بس حذاري تفك له حمام قوي والطير غير جاهز ممايؤدي إلى افلاس الطير وبعدها يترك الطير طرد الحمام ولا يرغبه
آمل اني قدمت بعض من مقتطفات نقلة الطير وليس بقصور فيكم او عدم معرفه ولكن جلست على الجهاز وقلت لا زم اقول شيء
اشكر الجميع
والسلام
حي الله كل بإسمه
وفي الحقيقه بدا العد التنازلي لنقلة الطير
بعد حذف الموس يبداء الصقار بعد الأيام حتى تتم شهرين او سبعين يوما بالتحديد ويصك موسه او يعصب
وبعدها تبداء نقلة الطير
ويا وجد كثير من الصقاقير على نقلة الطير
لكن نطلب من الله أن يجعل هذا الموسم موسم خير وعطاء ويطيح علينا الوسمي
كما قال الشاعر مطرود المطرود
ارجي من المولى يغيث البلادِ * بوسم مبكر خيــــــر من وسمنا العام
يفــرح بها الصقار لاجل الهدادِ* ويفرح بها الكشات مع راعي الأنعام
وبالنسبه للصقار يبداء استعداده على مهل يقطع به الأيام اللي يبي يعدل في عشة الطيور الموجوده في البيت او الإستراحه او المزرعه إستعدادا لإستقبال الطيور من المربط
فتجده ينظفها ويعقمها ويغير المرابط إذا كانت متهالكه ويبداء فحص الدسوس هل هي صالحه ام تريد من يغيرها والغالب تغيرها
يبداء بشراء المسابيق ويبداء يختار النوعيه الممتازه ويحرص على السبوق الرفيعه وليست الجبره او الزائده بالعرض حتى يسهل ربطها وحلها وان تكون من الجلد الذي يلتف على ساق الطير وكذلك يحرص على الذي يوجد في آخر السبق فتحه حتى يتمكن من ربطه على التكايه بالمجول او القفل حتى يكون سريع الفك في حالة حدوث هدد( يعني وقت الربشه ) ويختار اللون على حسب لون طيره وهذه اختياريه مثلا الطير مغتر ياخذ لون ابيض
وكذلك الجرير يحاول أن لا يكون طويلا أي من 50-60سم علشان مايلتوي على الطير عند دورانه على وكره وهو بالأرض وخاصة وقت العلف
يبداء بفحص أجهزة الطيور والتشييك عليها وأختبار الريش من جديد لا سمح الله ترى هذه الأجهزه مالها امان واسأل مجرب .
بعد ماتنتهي من تلك الأمور جميعها
تلتفت على ام العيال والعيال وتصفي حساباتك معهم تصرفهم منا ولا منا مشوارين عن قولت ماوديناهم وفي الحقيقه هم دائم في فسحه اللهم لك الحمد
وتجدع في أذنها همسه إذا نقلت الطيور لا تشغلوني نبي كذا وكذا عطوني اللي عندكم الحين
وبعد مايتم الطير وصك موسه والله يعين يبي يصير في رمضان ويمكن يتهياء مقناص بالعيد أن الله لطف فينا وزان الجو
لا زم تدعي طيرك وتجهزه وفي هذا الأيام يكرم المرء ويهان ههههههه اقصد اللي رابط طلق تبي تكون عليه سهله واللي رابط ربط الله يعينه على الملوع وغيرها
(طيورنا طلق 5 ايام ونفك حمام سلم بس ماهو بقوي بالحيل )
بعد نقلة الطير
يبداء بالتشيك على الطير في المستشفى وتقليم مخالب الطير وكذلك بوز الطير او باذرة الطير
نقل الطير حتى يطيح اللي براسه علما بأن طيور الحرار البيتيه غالبيتها لا تحتاج نقل يكفي وضعه على وكره في المجلس مفرع
تبداء تقصر على الطير بالعلف حتى تجده بأنه بداء يتلهف على العلف
وبعدها تتواعد انت واربع وتتطلعون للمدعى ويفضل يكون الفجر لبرودة الجو والناس صيام كذلك
كل يعرف طيره وخاصه اول دعو له إذا كان يحتاج ربط بسبب او مايحتاج
والطيور ماهي بواحد بعضها امين وبعضها متى ينفك سبقه وياكثر الطيور اللي تغدي اول الوقت وآخر الوقت وهذي تبي تفصيل لها خاص الطير اللي يجي على طول بسبب يعتبر جاهز بس لا تزيد له بالعلف وتبداء عملية تطليق الطيور درجات يعني كل يوم تزيد شوي حتى ترى انه بداء يجهز ثم تبداء عملية الشنذره التي تجعل الطير يختلف عليك كليا من ناحية نفسية الطير ومن ناحية الجناح وشهيته للأكل
بعدها يبداء جرده على الملواح وكذلك الحمام بس حذاري تفك له حمام قوي والطير غير جاهز ممايؤدي إلى افلاس الطير وبعدها يترك الطير طرد الحمام ولا يرغبه
آمل اني قدمت بعض من مقتطفات نقلة الطير وليس بقصور فيكم او عدم معرفه ولكن جلست على الجهاز وقلت لا زم اقول شيء
اشكر الجميع
والسلام