راعي عليّه
30/12/2003, 04:45 PM
بسم الله الرحمن الرحيم
السلام عليكم ورحمة الله وبركاته
الله يمسيكم بالخير جميعاً
يسرني الإنضمام لكم وأشكر جميع القائمين على هذا الموقع وجميع أعضائه شكراً جزيلاً على مايقدمونه من خدمات جليلة لأهل هبّات الريح .
أيها الأخوه والله أنا رجال من نجد واحب البر والمكشات وازين ماعندي والله اني أظهر عقب صلاة العصر معي عزبتي واثنين ولا ثلاثة من ربعي شرواكم في احد الشعبان الزينه اشب ضوي وازين دلتي واسولف انا وياهم على هذيك الضو اللي مالها دخان .
ثمن لي صلينا العشا طرحنا ذاك القرص في الجمر وجرينا ذيك السوالف لين يستوي ، ثمن دقيته وفركته بهاك السمن البري اللي ريحته تسحب البعيد ، ثم لين تعشينا خدّرت بريق الشاهي اللي تقول دم غزال وتقهويت انا وياهم ، ولين ارجهنينا ضفينا عزبتنا وعودنا لاهلنا ، والله انها عندي احلى من شيك يديور فيه الددسن .
المهم يالّلحوات الغانمه أنا رجّال بحكم عملي أبعدت عن نجد وجيت في المدينه المنوره الله يشرفها من فترة قصيره ولالي ربع في ذا ، بس ودي باحد يخبر لي شعيّبات قريبة من المدينه غير ذا الحرار اللي فيها ، يعني شعيبات بها طلح وسلم وبطحا نظيفة ولينه يقدر الواحد يفرع لها تالي نهار يوسع صدره ويشب ضوه .
والله يوسع صدوركم بالعافيه .
السلام عليكم ورحمة الله وبركاته
الله يمسيكم بالخير جميعاً
يسرني الإنضمام لكم وأشكر جميع القائمين على هذا الموقع وجميع أعضائه شكراً جزيلاً على مايقدمونه من خدمات جليلة لأهل هبّات الريح .
أيها الأخوه والله أنا رجال من نجد واحب البر والمكشات وازين ماعندي والله اني أظهر عقب صلاة العصر معي عزبتي واثنين ولا ثلاثة من ربعي شرواكم في احد الشعبان الزينه اشب ضوي وازين دلتي واسولف انا وياهم على هذيك الضو اللي مالها دخان .
ثمن لي صلينا العشا طرحنا ذاك القرص في الجمر وجرينا ذيك السوالف لين يستوي ، ثمن دقيته وفركته بهاك السمن البري اللي ريحته تسحب البعيد ، ثم لين تعشينا خدّرت بريق الشاهي اللي تقول دم غزال وتقهويت انا وياهم ، ولين ارجهنينا ضفينا عزبتنا وعودنا لاهلنا ، والله انها عندي احلى من شيك يديور فيه الددسن .
المهم يالّلحوات الغانمه أنا رجّال بحكم عملي أبعدت عن نجد وجيت في المدينه المنوره الله يشرفها من فترة قصيره ولالي ربع في ذا ، بس ودي باحد يخبر لي شعيّبات قريبة من المدينه غير ذا الحرار اللي فيها ، يعني شعيبات بها طلح وسلم وبطحا نظيفة ولينه يقدر الواحد يفرع لها تالي نهار يوسع صدره ويشب ضوه .
والله يوسع صدوركم بالعافيه .