ماكينة صنع الثلج

[عطارد]

السلام عليكم ورحمة الله وبركاته

الكل منا يحتاج للثلج في طلعاته للبر او التنزه في اي مكان سواء في الصيف أو الشتاء وعلشان يكون معك ثلج على طول وفي اي وقت تستخدمه بحثت لكم عن ماكينة صنع الثلج ولقيت نوع يشتغل على بطارية السياره وتنتج من 10 إلى 15 كيلو في اليوم يعني عمليه ومثاليه.
وتم مراسلة الشركه المصنعه في الصين لمعرفة التكلفه وحتى وصول السعر ابي منكم إبداء الرأي في السعر المعقول للبيع واللي ممكن تشتريها به.......

ودمتم

[سرهيد]

السلام عليكم

والله فكرة

وياليت تزودنا بالتفافصيل طال عمرك

تقبل احترامي

اخوك

ابو عبدالله

[مداوي جروحي]

السلام عليكم

والله فكرة

وياليت تزودنا بالتفافصيل طال عمرك

تقبل احترامي

[KEA2003]

800ريال ما ادفع زياده

[speed 557]

وياليت تزودنا بالتفصيل اكثر

[نوحان]

نتحرى منك العلوم وماتنسى

[صليب الراي]

السعر يتوقف على عدة امور

- جودة المنتج ومدة عطاءه المتوقعة
- الوقت المستهلك لانتاج الكمية التي ذكرت
- مدى تأثيره على بطارية السيارة والوقت اللازم لتشغيل السيارة عند استخدامه
- مقاساته
- وزنه
- المواد التي صنع منها

هذا ما يطرى على بالي الحين والشباب فيهم الخير والبركه
والله يوفقك ان شاء الله

[الخادم]

اخوي
ماقصرو الاخوان كل شي ذكروه
بس لا تنسى الصيانة - قطع الغيار

[المساعدي]

الفكرررررة طيبة .. وانت اطيب ان شاء الله


بس بشرنااااااااااااا وين وصلت في اتصالاتك ..


وبالتووووفيق ان شاء الله ..

[s7aab20]

ليش الفة ذي كلها و ماكينه تسوي ثلج و شيل الثلج و حطه في الثلاجة :no2:
في طال عمركم على طاعت الله ثلاجه فيها كمبريسر و تشتغل على و لاعة السيارة و تثلج البارد اذا بغيت و تحكم في درجة برودتها و ستهلاكها للبطارية جيد و سعرها 1500ريال في قطر و تجيبها شركة GMحقت الجمس و الشفر و انا شريت لي وحد من اسبوع و ممتازه شغلتها الساعة وحدة الظهر و وصلت المقوع الي انا رايح له الساعة ثلاث العصر و طفيت الموتور و هي شغاله حتى الساعة ثمان باليل سحبت شوي من البطارية و شغلت السيار لحد ما عبت البطارية و بندتها حتى الساعة وحدة و نص شغلت موتري و سريت بعد ماوصلت البيت بنت موتري و طفيت الثلاجة ونهار ثاني خذت البارد منها و مافقد برودته :D

[هـدد]

800ريال ما ادفع زياده

والله ياأنت عجل

[اول 111]

فكره حلووووووووووووووووووووه

[عطارد]

جرئ الاتصال مع الشركه المصنعه واقترحت طلب النوعية التي تعمل على كهرباء المنزل Ac ومن ثم طلب وصلة السيارة للستفاده منها في البيت والبر بس سعر الوصله 150 ريال واعتقد ان السعر مبالغ فيه

[ابوشعلة]

يلخي الله يعطيك العافية واعتقد ان الضروف الايام هذي ماتساعد لاكن 150انشاء الله انك منت خسران والدعوة لك بتوفيق افضل من الفلوس

[esaam]

المطلوب آلة صنع مكعب ثلج مالح وحلوية 60 طن
انتاجها 1200 مكعب خلال 24 ساعة
وزن المكعب الواحد خمسون كيلو
المواصفات طبق المواصفات المانية
مع المولد الكهربائي
ومهندس مخطص من قبلكم

[عزبة بر]

طيب اخوي كم سعر الماكينه
:)

[الفيصل22]

جزاك الله خير

والله يعطيك العافية

[أبو حـمد]

والله انك بطل على هالمكينة !!!

عطنا سعره بأسرع وقت . ومتى تاصل للسعودية ؟

[arrow]

الفكرة ممتازة بالحيل ..... ركز على جودة المنتج والسعر يكون بالمتناول وان شاء الله بتنجح...

ننتظر وصول المنتج ..

[esaam]

اريد منكم لن تتدلوني على شركة لصناعة آلة صنع مكعب ثلج وشكرا

[MNH]

نوع يشتغل على بطارية السياره

ياليت تزودنا بصوره لهذه الفكره الرائعه

[drive]

ولا تنسوا تلاحظوا تاريخ الموضوع

الا كم سعرها؟

[سمرقندي]

ماكينة صنع الثلج موجودة لدى المرباع للرحلات بعنيزة
وهي تعمل بكفاءة عالية والماكينة تباع بميلغ 550 ريال

[هاوي القنص505]

800ريال ما ادفع زياده

والله يا دراهمه واجد مشاء الله عليه 800 ريال ازيدها شوي واخذ ثلاجة
ولا انقصها واخذ الثلاجات الصغيره 12او18 لتر ماتعدا 500 ومع العلم ان السنيدي
عنده ثلاجه صغيره بـ 145

[MjNo0oN]

ماكينة صنع الثلج موجودة لدى المرباع للرحلات بعنيزة
وهي تعمل بكفاءة عالية والماكينة تباع بميلغ 550 ريال

ياعزيزي الثلج ماتبيه ولا تستفيد منه الا للتبريد ووضعه في القوت يعني يبيلك قوت والقوت بكم هوبه النوعيات الزينه من ال350 لل 500 ريال وانا اتكلم عن الاحجام السنعه الي تاخذ كرتون ببسي وكرتون مويه ولحمكم كله مع الثلج

يعني المجموع كله تقريباً على 1000 ريال وغير انك تقعد تنتضرها لين تطلع لك ثلج وشل وحط وبربسه لين تمل في الاخير بتجربها مره او مرتين ثم تجدعها

يعني خذلك ثلاجه سنعه عليها الكلام واذا بغيتها تثلج ثلجت واذا بغيتها تبرد بردت لك الي تبي وانت الي تتحكم بدرجة برودتها وفوق هاذا كله انس بربسة المويه وتفريغ الثلاجه ودرلك مكان تكب مويتك فيه وغير نكبتك اذا ضيعت الغطى حق البزبوز او انكسر او ماقدرت تفكه وحوسه مالها اول ولا ثاني في الاخير بتجدعها وتروح تدورلك ثلاجه

وعن نفسي عندي وحده شاريها من دبي من السوق الصيني بـ 480 درهم وماشاء الله عليها لايعلى عليها وعن نفسي افضلها عن الموجودات هنا في السعوديه الي على 2000 و 2500 ريال

وتبي تستغرب من كلامي زود اخوي راح شرا من الرمايه وحده ب 2200 ريال وخربت معه وحتقتي لين الحين شغاله وماتنزل من السياره الا للنقل من سياره لسياره اخرى وشبه ماتطفى وهاذيهي وش حليلاتها وتبريدها حلو مره وسرعته مهيب شينه ابد

[ابوعابد1]

اعطية 400 ريال وبس

[مجدولينا]

السلام عليكم ورحمة الله وبركاته

الكل منا يحتاج للثلج في طلعاته للبر او التنزه في اي مكان سواء في الصيف أو الشتاء وعلشان يكون معك ثلج على طول وفي اي وقت تستخدمه بحثت لكم عن ماكينة صنع الثلج ولقيت نوع يشتغل على بطارية السياره وتنتج من 10 إلى 15 كيلو في اليوم يعني عمليه ومثاليه.
وتم مراسلة الشركه المصنعه في الصين لمعرفة التكلفه وحتى وصول السعر ابي منكم إبداء الرأي في السعر المعقول للبيع واللي ممكن تشتريها به.......

ودمتم

10/15 كيلو (((((((((((((باليوم)))))))))))))))) قليل جدا
فسر وش قصدك ((((((((باليوم)))))))))))))) يعني كل 24 ساعه 15 كيلو




ولا تهون فيه طريقه --تقليديه -- تصدنع لك 1000 كيلو في 3 ساعات بس يكون الثلج للتبريد فقط دون الشرب نهائيا