وش رايكم برد أخونا ابرق العزاف [الأرشيف]

مشاهدة النسخة كاملة : وش رايكم برد أخونا ابرق العزاف

خيال الصبحا

20/07/2008, 02:10 PM

بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟أن شاء الله بخير
قريت هالرد لأخونا ابرق العزاف وحبيت اسوي
منه موضوع جديد(على شان أزيد عدد مشاركاتي فقط
لاغير)شوفوا رده على أخونا المزروعي بموضوع الصقار الخواجة
الي يشبك طير جير كل موسم وبعد نهاية الموسم يطلقه والموسم الجاي يشبك غيره

المزروعي انت دائما :good:

اما نظرات الطير فهو يشخص قدام الكمره يقول خذلي صوره

تراي موادعك :D

وهذا الكاتب صقار شهم يشبكه ويقنص به واخر الموسم يفكه
ماشاف ربعنا يشيب الطير عندهم مافكوه ويموت
ثمن يحنطونه
ويبيعونه وهو ميت

000 اشكرك وياهلا بك

يعني حتى وهو ميت مافي خلاص

لو أن كل صقار عنده طير مايسوى(مااقول
لكم الطيور الفاعله الزينة)ولكن الطير الي مافعل
ولاله نية يفعل بنهاية الموسم بدل مايربطه وحق الربطة
ببعض الطيور خسارة لو أنه يطلقه كان ماانقرضت الطيور ،الموضوع
مجرد مشاركة لزيادة العدد فقط;) ، وشكرًا

عبدالله العلاج

20/07/2008, 02:29 PM

شكرا لك عزيزي
وعدد المشاركات ان شاء الله يزيد

نبع الدموع

20/07/2008, 02:37 PM

و عز الله انة صادق اوقات تبي تحب راس الرجال عشان يسرح طير مريض او
مالة فود ولا يفكة لو تقولة بكرى العصر بيموت بيقول اجل خلني الحق ابيعة او
اجهز عدة التحنيط

سبع الصحراء

20/07/2008, 02:54 PM

والله يا خيال الصبحا أتوقع انت ما يحتاج لزيد مشاركاتك

ما شاء الله فوق الـ 2000 مشاركة واحلالاه لو يصرفونها لك ريالات
هههههههههههههههههه

على العمووم

الفكرة جدا ممتازة ويا ليت نسويها لكن المشكل في الموضوع كله أن الصقار إذا شراله طير وما فعل معاه
يقوم يبيعه في السوق على اساس انه مجهول هذا إذا قلنا ان الطير مشري جديد
عشان يوفي على قيمته ويدور له طير اطيب .. وهكذا جرت العاده عند أغلب الصقاقير
والمجاهيل يا كثرها بالسوق دليل على كلامي هذا

لكن لا يلام صقاقيرنا على الفعل هذا واللي يلام هم التجار والامراء اللي بعد المقناص يخرج طيور على اخوياة
وهم ينزلونها السوق يبيعونها يعني همهم في الاخير الدراهم وبس
وكان من المفترض انهم يفكون الطيور اللي بيستغنون عنها والخوي الله لا يهينه يصكه بشيك مبلغ وقدره

مشكور اخوي خيال الصبحا وفعلا لو نبي نحافض على الطيور لا بد اننا نغير من تفكيرنا شوي
ولازم يكون عندنا استعداد للتضحية
بتجي سنين تلاقي فيها الصقاقير يقنصون على طيور قرانيس ام 10 و11 وشبب في طيورهم سنه 8

تقبل تحياتي
اخوك / ابوتركي

ابرق العزاف

20/07/2008, 02:57 PM

كلامي صحيح 100/ 100
ويكتب بماء الذهب ويحفظ بمكتبة الملك فهد ضمن الاراء والمقالات و
الا فكا ر النير ه
وياليته يحفظ لدى مكتبة الصقارين ويعوه ويسمعوه ويطبقوه

وهو المشاهد والمحسوس والملموس 000 لدى الصقارين هناء
وكم احزنني وهز مشاعري في شهر جماد الاولى الماضي حينما وجدة عشين
وقد شبكة الام واخذت الفرااااااااااخ ثم ماذا ماتت الفراخ لدى الصقار
لعلي اكتب موضوع مستقل

العمراني

20/07/2008, 02:59 PM

رح شووف استرااحااة الريااض ملياانه طيور كبيره بس زينه لو يفكونهاا يمكن توكر وتتزاوج بديرتناا وتطلع فروخ على كيف مخك تقبل مرووري

عبدالرحمن ‍

20/07/2008, 03:05 PM

لعّاب المنايا

20/07/2008, 03:45 PM

بيض الله وجهك خيال الصبحا ,,

وبالنسبه لي انا الطير منهو فرخ او بكر وقانص فيه إلى عمره خامس ليا وصل عمره خامس اوسادس أسافر وأقنص فيه بماكره ولا خلصت المقناص حبيت خشم طيري وقلتله بيض الله وجهك على هالعشرهـ اللي بيني وبينك وعطيته سبوقه بماكرهـ ,,

مثل هاللي بالتوقيع إن شاء الله إنه بينفك بماكرهـ ,,

المزروعي

20/07/2008, 04:29 PM

تسلم يا خيال صبحا و يسلم أبرق العزاف . العام أرسلت طيري حر فارسي لبرنامج الشيخ زايد الله يرحمله لإعادة إطلاق الطيور في البريه والسبب أن الطير قنصت فيه سنه و بعد ما قرنس رجع لونه أخضر ! طبعا كان هذا عيبه فقط و الطير طياره بالحييل طيب . وقبل سنتين أهداني واحد من الربع من قطر شاهين فرح لكن حجمه صغير و أيضا أطلقته في برنامج الشيخ زايد بعد المقناص . و أنا والله ما أقول هذا الكلام دعايه لي و لكن إن شاء الله أن أي شخص عنده طير مش عاجبه أو كبير في السن يا ليت يطلقه !!

كما أن برنامج الحباره في المغرب أطلق العام 5000 حباره في الطبيعه و قد صرح الشيخ حمدان بن زايد أن هناك إمكانيه أن يتم طرح 3000 حباره في الإمارات !!!

سبع الصحراء

21/07/2008, 03:25 AM

يالربع أنا عندي أقتراح وراي ...

لو نخلي أهتمامنا بالطيور والصيد.. يعني أهتمامنا بعد ان حن نكثر الصيد !!

يعني ياليت لو فيه مزارع للحباري بكثره !! يعني في السنه المزرعه الواحد تنتج وتفك 100 حبارى .. وتخيلوا لو 10 مزارع بتكون 1000 حبارى مفكوكين .. يعني نركز بعد على الحباري لأني وبوجهة نظري المتواضعه ان الحبارى مهدده بالانقراض أكثر من الطيور!!! ولو كانت هالفلوس من الصقار نفسه يعني كل واحد يبي يشتري طير يدفع مبلغ (خلنا نقول 1000 ريال) دعم لمزارع الصيد ((الطرايد)) ...

تقبلوا مروري

اخوي عبدالرحمن
الموضوع اكبر مما أنت تتصور لأن التزاوج بين الخرب والدجاجة ليس بالشيئ السهل

اخوياي عندهم بالاستراحه حول الست دجاجات و وخربين واحد من الخروب عود ودايم اشوفه يكوبر ويرقص

لكن سبحان الله لهم سنين بهلعشه ما تزاوجوا ولا فكروا .... يمكن الدجاجه تبي تكمل دراستها
هههههههههههههههههههههههههههههه

إذا المشروع هذا راح يتم فمن المفترض تقوم فيه جهات الدولة المختصه
وإطلاق فروخ الإنتاج في أماكن تكاثرها وليس في السعودية او المغرب

لأنها لو اطلقت هنا ولا هناك راح تنصاد إما بطير وإما ببارود

لكن الفكره الزينه اللي ممكن نطبقها حنا يا الصقاقير

ليه إذا هدينا على الحباره وعزلناها حيه ما نفكها لوجه الله

الوناسه وحصلت والهدد وصار وش نبي اكثر من كذا اما أكل والله اكثر الصقاقير ما ياكلون الحباري

والطير لو تعطيه حمامه وإلا حباره ما فرقت معه أهم شي يشبع ويزوكر

تحياتي
أبو تركي

الطبشي

21/07/2008, 05:45 AM

الله يكون في العون ... وعسا هذا يصير لاكن ما اتوقع ...................

خيال الصبحا

21/07/2008, 10:39 AM

الأخوة الأعزاء
حياكم الله جميعًا
.
.
الاخ عبدالله الحربي
الأخ نبع الدموع
الأخ سبع الصحراء
الأخ العمراني
الأخ عبدالرحمن
الأخ الطبشي
أشكر لكم مروركم وردودكم
الكريمة ، وهلا بكم
.
.
الأخ ابرق العزاف
اشكر لك مرورك وردك
الكريم ، والثقة زينة ولكن ماهو
بهالشكل ههههههههه ، وهلابك
.
.
الأخ لعاب المنايا
الأخ المزروعي
بيض الله وجيهكم ، والله
لايهينكم ، وعسى الله يرزقكم
من فروخ الطيور الي تفكونها واطيب ، وهلابكم
.
.
وهلاااااااااااااااااااااااااااااااااااابكم جميعًا

ابرق العزاف

22/07/2008, 07:37 AM

[quote=خيال الصبحا;1737646]الأخوة الأعزاء
حياكم الله جميعًا
.
.

.
.
الأخ ابرق العزاف
اشكر لك مرورك وردك
الكريم ، والثقة زينة ولكن ماهو
بهالشكل ههههههههه ، وهلابك
.
.
هلا خيال الصبحا
ما كتبته ليس غرورا او فخرا بل العكس صحيح

هي نصيحه للصقار ودعوه للوعي هذا كل ماقصدته
نعم والنصيحه غاليه وتكتب بماء الذهب
ونعم النصائح لو حفظت ولكن ربعنا مما يمسك الطير وهو يغني
((ماكو ماكو ماكو فكه )) حتى اذا مات حنطه وباعه
ياخواننا الصقر مخلوق كريم يستاهل ويستحق الاكرام
شكرا

قرناس ارامكو

23/07/2008, 02:00 AM

[quote=سبع الصحراء;1737262]اخوي عبدالرحمن
الموضوع اكبر مما أنت تتصور لأن التزاوج بين الخرب والدجاجة ليس بالشيئ السهل

اخوياي عندهم بالاستراحه حول الست دجاجات و وخربين واحد من الخروب عود ودايم اشوفه يكوبر ويرقص

لكن سبحان الله لهم سنين بهلعشه ما تزاوجوا ولا فكروا .... يمكن الدجاجه تبي تكمل دراستها
هههههههههههههههههههههههههههههه

إذا المشروع هذا راح يتم فمن المفترض تقوم فيه جهات الدولة المختصه
وإطلاق فروخ الإنتاج في أماكن تكاثرها وليس في السعودية او المغرب

لأنها لو اطلقت هنا ولا هناك راح تنصاد إما بطير وإما ببارود

لكن الفكره الزينه اللي ممكن نطبقها حنا يا الصقاقير

ليه إذا هدينا على الحباره وعزلناها حيه ما نفكها لوجه الله

الوناسه وحصلت والهدد وصار وش نبي اكثر من كذا اما أكل والله اكثر الصقاقير ما ياكلون الحباري

والطير لو تعطيه حمامه وإلا حباره ما فرقت معه أهم شي يشبع ويزوكر

تحياتي
أبو تركي[/
quote]
:good: :good: :good: عين العقل لكن وين ألي يطبق هالشيء ،

طير المري

23/07/2008, 06:41 PM

الله يكون في العون ... وعسا هذا يصير لاكن ما اتوقع ...................

ثرمداوي00

23/07/2008, 08:06 PM

شكرا لك عزيزي
وعدد المشاركات ان شاء الله يزيد