مجلة فواصل تتكلم عن صورة نزلتها بمنتدى مكشات

[قناص حقل]

السلام عليكم ورحمه الله وبركاته

ياشباب شوروا علينا وش الحل وش اسوي


بداية السالفه
قبل فترة نزلت صورتي وانا شايل ضب وهذه نزلتها بمعنى اصح للمزح والمداعبه
واكتشفت انها نازله بمجلة فواصل وانا وعوذ بالله من كلمه انا
ما نزلت هذا الموضوع الا لاجل المزح والردود اللي بالحقيقه امتعتنا صراحه


وهذه هي رابط الصورة اللي انا منزلها
http://www.mekshat.com/vb/showthread.php?t=134080

ولقيتها نازله بمجلة فواصل
واللي قفلها معي تعالوا شوفوا وش اللي خلها تقفل معي

طبعا هذه هي الصورة وانا مصورها من المجلة
http://www5.0zz0.com/2008/07/20/17/779367042.jpg

شورتكم يالربع شوفوا وش يقولوا عني وعن الباقين
طبعا اللي يقول الكلام هذا هو دكتور
لا تنسونا بالردود

[روحي شماليه]

والله مالمنفصم شخصيا الا هم واشكالهم

الموضوع كان للضحك وبصراحه كانت ردود الشباب رووعه وامتعت الموضوع

ابو محمد لاتعديها لهم هالاشكال يبيلها تأديب!!


دمت بود

[بيبسي]

الحمد لله والشكر بس هذا الحين مسوي كاتب انا ابي اعرف وش دخل هالصور بالدين وبالتحليل النفسي هذا مع الاسف محسوب على الاعلام وهو بالعربي ((( من جنبها )))

[بيضا القاع]

الله يهديهم وش انفصام شخصيه انت مبين من كلامك رجال عاقل وش جاب الضب لانفصام الشخصيه الله يهديهم يبون بس الهرج والضحك على الناس بالكلام الفاضي الله يكون في عونك والحق يرجع لصاحبه

[قناص حقل]

والله مالمنفصم شخصيا الا هم واشكالهم

الموضوع كان للضحك وبصراحه كانت ردود الشباب رووعه وامتعت الموضوع

ابو محمد لاتعديها لهم هالاشكال يبيلها تأديب!!


دمت بود
هلا وغلا بالطيب
روحي شماليه انا عندي انفصام بالشخصيه
اشكر مرورك الرائع ويصير خير انشالله

ياويلكم منى يافواصل

[قناص حقل]

الحمد لله والشكر بس هذا الحين مسوي كاتب انا ابي اعرف وش دخل هالصور بالدين وبالتحليل النفسي هذا مع الاسف محسوب على الاعلام وهو بالعربي ((( من جنبها )))

يالله حيه بيبسي

المشكله اللي مجنني انه دكتور يعني انسان متعلم
جاب انفصام ودخل الدعوه بالدين
وهي مالها في اي شي ناس يمزحوا مع بعض بشوية صور قاللك هذولا عندهم انفصام بالشخصيه
لا ويقول ارجعوا الي دينكم
يمكنه يحسب الضب صورة وحدة عاريه

[قناص حقل]

الله يهديهم وش انفصام شخصيه انت مبين من كلامك رجال عاقل وش جاب الضب لانفصام الشخصيه الله يهديهم يبون بس الهرج والضحك على الناس بالكلام الفاضي الله يكون في عونك والحق يرجع لصاحبه
تسلم والله ياذيب والله انك ذوق
ونشوف وش اخرتها معاهم
ذيب حط نفسك بمكاني وش تسوي وكيف تتصرف

[((( الحر)))]

الحقيقه انه شي يحزن ... كيف يكون هذا تفكير كتابنا وصحفيينا ... وكيف يسمح لمثل هؤلاء المراهقين بان يكتبو في مجلات تقراء من الجميع .. وتحسب على المجتمع بالمجلات الثقافيه.... لكن اذا عرف السبب بطل العجب...

السبب ان المجله تبحث عن الاثارة في اي شي وحتى لو كان من لاشي.. فالكاتب عندما امتلاء جواله منها قرر - حفظه الله ورعاه - ان يكتب تقرير عنها ولكنه اخطاء في التعليق عليها واخذ يذكر بعض الامراض النفسيه والانفصامات الشخصيه التي اقسم بالله انه لا يعرف منها الا اسمها ...
لكن الشرهة على المسئولين عن هذه المجله الي فتحو المجال لكتاب مراهقين ..مثل (حطابين الضلما) يجمع اي شي ومن اي مكان ...
مع العلم ان كلمة دكتور اصبحت تنسب حتى لمن حصل عليها من افريقيا وفي دراسة اسبوع او اسبوعين.. ولكن الى الان لم يعترف فيها لدينا

الجميع يعلم ان هذه الصور انتشر في جميع الجوالات وتنتقل من شمال المملكه الى جنوبها في غمضة عين بواسطة رسائل الوسائط.. والجميع يعلم انها من باب التسليه والضحك... وادخال السرور على الاخرين...

لا عليك اخي قناص حقل ... فاي اثارة للموضوع يعتبر انتصار له ... فخير من ذلك تركه وسفهه ...

(اذا نطق السفيه فلا تجبه فخير من اجابته السكوت)

حفظك الله

[سليمان911]

وعليكم السلام ورحمة الله وبركاته


حياك الله أخوي ( قناص حقل )


هههههههههههههااااااااااااااااي اجل انفصام في الشخصيه ( الحمد الله والشكر بس )


انفصام في الشخصيه علشان صورة ضب خخخخخخخخخخخخخخ

يعني ذي الصوره غير مقبوله دينيا واجتماعيا << فاطس ضحك ههههههههههههههههههههههههههههههههههههه

من وجهة نظري ان الكلام هذا غير مقبول ابدا ولا ينسكت عنه

وشوري لك ان تروح لمكتب مجلة فواصل وتخلي معك المجله وتسئل عن صاحب المقال

وتقول لهم ياتعوضوني يا ارفع قضيه عليكم



احد اقاربي تم تصويره من قبل احد المستشفيات الخاصه وهو مايدري وراح لهم واشتكى عليهم وعوضوه بمبلغ وقدره



اتمنى اني افدتك

[رجل كريم]

عادي يمكن فعلا عندك انفصام وانت ماتدري وجزى الله خير الدكتور انه شخص حالتك . وعلاجه شوية حبوب مع كم جلسة وتلقى نفسك اوكيه ..:good:



هههههههههههههههههه:D

امزح اخوي وانت سيد العاقلين بس شفتك مطرطع قلت اكمل عليك ..:D

ومن رايي انك تتجاهل الموضوع لن الصورة ماتبين ملامح الوجه , يعني محد بيعرفك .. الله يحفظ ذا الوجه لعين ترجيه ..

وبعدين واحد شايل ضب يصير عنده انفصام :confused:

تقبل خالص تحياتي .,

[سيف الظفير]

هذا كاتب ودكتور متخلف وماخذ الدكتوراة من محلات ابو ريالين بأفريقيا



والا هل وصل هذا الكاتب الى هذا الحقد والحسد وليعلق على كل مايراه في الانترنت.

وين البحوث العلمية في مجال تخصصة او البحوث التخصصية بدل التعليق على الشباب وعلى ممارسه هواياتهم المحببة لهم من الصيد بالصقور و و و و و و .


تلك العادة التى اخذوها من طبيعة الجزيرة العربية ومن ابائهم ومازالوا يمارسونها بحدود شرعيه ودينية وبكل التزام سواءً مع الله ومع الدولة بالعمل بالقوانين.


سؤال لهذا الكاتب الفارغ علمياًًً //

هل تريد من الشباب السعودي التسكع في الأسواق و مضايقة النساء في الاسواق والاماكن العامة!!

وأم البقاء على الطبيعة البشرية المغروسة في نفس الرجل المسلم في هذه الجزيرة العربية والمعروفة عنه بالمعروف بالحب للهوايات البرية والصيد.

وكذلك عمل التقارير المكشاتية على الانترنت .

انا اجزم بل متأكد بأن هذا الكاتب لو رأي صورة لشاب متسكع أو من شباب
( كـدش)* الذين نسمع عنهم في هذه الاونه مقبوض عليه من قبل هيئة الامر بالمعروف والنهي عن المنكر لقامت الدنيا قياماً وقعوداً على الفعل الشنيـــــــــــع من قبل حماه الفضيلة .



يا للأســـــــف الشباب السعودي الاصيــــــل محارب من اناس وانصاف رجال لا يستثمرون اقلامهم وشهاداتهم العلمية في نفع البلد والحاكم

في الدعوة الى الخير وبذل المجهود الكبير لرد العطاء من تلك البلد المعطاء .


او القيام بعمل بحوث كثيرة تنمى هذا الوطن وترفع من شأنه من بين الدول المتقدمة .



بل يا للأســـــف كتابنا المحترمين


دكاترة / ابو ريالين /

سخروا اقلامهم للنيـــــــل من كل ماهو تقليدي وكل ماهو اصيـــــل


سخروا اقلامهم ضد اهل الفضيلة ( الهيئة ) ومن شابههم ومن عاونهم .


سخروا اقلامهم ضد الشباب المتمسك بالعادات والتقاليد

واسموهم بالرجعيون , شنوا حملة على اهل البلد واهل الجزيرة العربية عندما حاولوا اعادة تقاليد ماضية قديمة محبوووبة لدى الجميع من اهل الحاضـرة والبادية .


تلفظوا على القائمون على المهرجانات الوطنية التقليدية كـ مزاين الأبـــــل

ودعوا انه من الرجعية والتخلف القبلي والعنصـرية الجاهلية.




والأن على صورة من احد لاعضاء الفضلاء يكتبون عنه ويتكهنون بأنه يعاني من امراض نفسه وعقلية ويعانون من انفصـــــــــام بالشخصية هو ومن على شاكلته.



يا اخوااااااان لا عاد نشوف احد مسوى تقرير عن رحلته ومصـــور الكبيسة باللحم او بالدجاج
(( لأنه تخلف نفسي وعقلي وبكرة مايردك الا شهار))



ولكن في نهاية ردي ما اقول


الا حسبنـــــــــــا الله ونعـم الوكيــــــــــل



** ملاحظــة **


ذكرت في ردي اعلاه كلمة (شباب كدش)

-- وشباب كدش هم شباب سعودي وغير سعودي متخلفون نفسياًً ويتبعون الاهواء الغربية بكل شئ كل في المأكل والملبس بالذات.

هم من روج والمسوق الرئيسي لبناطيل الفاضحة المنتشره /طيحني ,بابا سامحني/ و اصحاب الشعر المنفوش:p .


نسئل الله لهم الهداية.

[A . J . A]

هذا طال عمرك دكتور فاضي ويبي يشخص بحرف (د)
وتلقاه كان سهران يو خميس وسواء بحث صور في قوقل
وطلعت صورتك :good: :good: وقال خلنا نتميلح شوي واراهن ماقراء الموضوع

وخلاك مريض نفسي :D :D لاتزعل يالغالي

[بيضا القاع]

تسلم والله ياذيب والله انك ذوق
ونشوف وش اخرتها معاهم
ذيب حط نفسك بمكاني وش تسوي وكيف تتصرف

اخليها على الله والصوره ما يبين منها شي بس على اقل كلم مكتب المجله وقولهم وش السالفه حاطين صورتي وهم يا يعوضونك او يشوفولها حل

انت مفروض تحط حقوق النشر على الصوره مثل هذه عشان ما يقدرون ينشرونها


http://www.mekshat.com/pix/upload02/images75/mk73212_abood.jpg

[القبقب]

لالا ..وش ذا الهرج ياقناص الحقل... أنفصام في الشخصية
كلام كبير.....أنا لومكانك أرفع قضية .

[أبوإبراهيم1]

هذى مثل اللي يقولون
( يبي يرقى على كتف غيره ) ويريد الشهرة فقط لاغير
والمتعارف عليه عند الناس ان هذه الاشياء من الخدع التصويرية فقط ، ولا تحتمل ما اورد الكاتب في مقاله.

[شامخ ألهيلا]

قناص حقل وانا اخووك

هذا ماحط عطاه وجه الا مجلة فواصل ولا لقاء موضوع يكتبه
وللمعلوميه اكثر اهل المجلات الشعبيه مرضى نفسين والله اني سبق وجلست مع صحفيين وشعراء للمجلات هذي تحس ان فيهم تنسيييييم وغروور وبعضهم الله لاتبالنا مبتلاء في اشياء من التعاطي نسال الله ان يزودنا فيها جهل

المهم وانا اخوك

وسع صدرك وانا بكره بسووي حركه بجربوع على الكاميرا ممكن تنزل في فواصل ولا المختلف ونطلع مشهورين

من قدك صورك في المجلات
وش رايك تصير صديقي يالمشهوور

اخوك شامخ

[طحنون]

الصحافه طبعا عندنا
اسمها خدعه ولعبه وضحك على الدقون طبعا الغلطه الصحفيه او في نقل الخبر
تعتبر من الشروط الاساسيه الاعلاميه
علشان تطول السالفه ويخرج موضوع جديد وتنشهر المجله او وسيله الاعلام او الصحفي او خلافه
على حساب غيره مع الظلم الشديد
وفي النهايه عارفين انك لا تحرك ساكن ولا لك اي حقوق فتبقى الشهره لهم وهاذا المراد من الموضوع
.................................................. ........................
لاكن انت لا تخليها لهم اعطيهم العين الحمراء واذا بغيت شهود سجل عندك طحنون شاهد ماشفش حاجه
اقصد اني ابي اشهد لك حتى لو اني ماشاهدت الموضوع لان هاذولا سفله وحراميه ياخذون حقوق الناس بغيرحق
لو انهم بدوله ثانيه كان تطلب تعويض اقل شي عشره مليون دولار والسبب عرض صوره شخصيه
والتعليق الغير لائق على الصوره
كلمني واعطيك معروض تقدم شكوى عليهم صدقني بيعطونك يمكن خمسه مليون يورو على اقل تقدير
او تدري اشتك في الامم المتحده يمكن الاخ العزيز بان كي مون يعطيك وجهه

.................................................. .................................................. ............
وبالنهايه المقصد من ردي اني امزح معك لاكن ماودي ان حقوقك تروح لا تتركهم

[طيرالفلاة]

تكرم اخوي قناص حقل......وصدقت انا شايف هالصوره الطريفه قبل كم يوم

ومن حقك تخاطب المجله وتطلب اعتذار ...والجرايد والمجلات شرهتك على اللي تدخل بيته الا النادر الرزين

لكن اشوف بعض الأخوان على الدكتور

وفيه قاعده تقول ( الحكم على الشئ فرع عن تصوره ) ونحن لم نقرا الموضوع كاملا فلعل الدكتور

يقصد بعض الشباب هداهم الله الذين يقومون بوضع بعض الصور التافهه او التي بها تعدي على الأخرين

ولم يقصد صورتك لكن وضعت صورتك بالمقال

[قناص حقل]

الحقيقه انه شي يحزن ... كيف يكون هذا تفكير كتابنا وصحفيينا ... وكيف يسمح لمثل هؤلاء المراهقين بان يكتبو في مجلات تقراء من الجميع .. وتحسب على المجتمع بالمجلات الثقافيه.... لكن اذا عرف السبب بطل العجب...

السبب ان المجله تبحث عن الاثارة في اي شي وحتى لو كان من لاشي.. فالكاتب عندما امتلاء جواله منها قرر - حفظه الله ورعاه - ان يكتب تقرير عنها ولكنه اخطاء في التعليق عليها واخذ يذكر بعض الامراض النفسيه والانفصامات الشخصيه التي اقسم بالله انه لا يعرف منها الا اسمها ...
لكن الشرهة على المسئولين عن هذه المجله الي فتحو المجال لكتاب مراهقين ..مثل (حطابين الضلما) يجمع اي شي ومن اي مكان ...
مع العلم ان كلمة دكتور اصبحت تنسب حتى لمن حصل عليها من افريقيا وفي دراسة اسبوع او اسبوعين.. ولكن الى الان لم يعترف فيها لدينا

الجميع يعلم ان هذه الصور انتشر في جميع الجوالات وتنتقل من شمال المملكه الى جنوبها في غمضة عين بواسطة رسائل الوسائط.. والجميع يعلم انها من باب التسليه والضحك... وادخال السرور على الاخرين...

لا عليك اخي قناص حقل ... فاي اثارة للموضوع يعتبر انتصار له ... فخير من ذلك تركه وسفهه ...

(اذا نطق السفيه فلا تجبه فخير من اجابته السكوت)

حفظك الله
اشكر مرورك يالغالي
وصدقت بالشي هذا
والله انا ما علي منهم ولا من اشكالهم
اهم شي وناستنا ولا علي بالباقي لا فواصل ولا غيره
فواصل هذولا ناس فاظين

[بـلـيـهـان 1]

أعلمك عين الصواب


و جاااااك العلم إلي ما بعده أبد علم

..

فيه موقع اسمه الفيس بوك ( حسب ما هو مكتوب في واجهة المجله )

يحتوي على أعضاء و مجموعات و و و

المجموعات ( القروبات ) تحتوي على كلام و مناقشات و صور

فيه قروب في الفيس بوك أسمه قروب ( وشو يحسوون الذي يصورون هاذي الصور )

القروب هذا فيه صور كثيره من صور نساء و صور ( مزح و إستهبال )

من ضمن الصور في هذا القروب .. صورتك و أنت ماسك الضب

و الكلام إلي مكتوب بالمربع البرتقالي لا يقصدك أنت .. يقصد بعض الصور التي موجوده فالقروب ( اللا نظيفه ! )



فقط لا غير
لا تزعل ولا تشيل هم
--------
إنتهت

[أبو فهد العيد]

الحين ضااااااااقت ,,,,
ومالقا الا انتم ,, يكتب عنكم موضوع,,,,,,
والشباب اللي ماعندك احد.... وانواااااااااع المغازل ,,, والوصاخه ,,,, وقلة الحيا’’’’وبعض الشباب اللي طايح بذالقصه الجديده,,, غادي كنه مكنسة مانظفت لها شهر’’’!!
سلمو. من هالدكتور السفيه,,,,
والله شي يقهر,,,, ان كان اللي عندك ياقناص حقل انفصام بالشخصيه,,,
فان الدكتور فيه جني!!!!!
,,ولا...... جني فيه انفصام بعد!!!
,

[العمدة ابو صالح]

وفيه قاعده تقول ( الحكم على الشئ فرع عن تصوره ) ونحن لم نقرا الموضوع كاملا فلعل الدكتور

يقصد بعض الشباب هداهم الله الذين يقومون بوضع بعض الصور التافهه او التي بها تعدي على الأخرين

ولم يقصد صورتك لكن وضعت صورتك بالمقال

اواقك اخوي الرأى
وفيه بعض الاخوان قال ان الكلام ليس موجه اليك وانما الى الصور الي الاخرى المخالفه للشرع هذا كلام اخوي

أعلمك عين الصواب و جاااااك العلم إلي ما بعده أبد علم فيه موقع اسمه الفيس بوك ( حسب ما هو مكتوب في واجهة المجله )يحتوي على أعضاء و مجموعات و و و المجموعات ( القروبات ) تحتوي على كلام و مناقشات و صور فيه قروب في الفيس بوك أسمه قروب ( وشو يحسوون الذي يصورون هاذي الصور )
القروب هذا فيه صور كثيره من صور نساء و صور ( مزح و إستهبال )
من ضمن الصور في هذا القروب .. صورتك و أنت ماسك الضب و الكلام إلي مكتوب بالمربع البرتقالي لا يقصدك أنت .. يقصد بعض الصور التي موجوده فالقروب ( اللا نظيفه ! )

[العرفا راعيها]

والله مشكله والصوره شفتها بجوال واحد من العيال

[ابو ضميد]

يارجال ماعليك منهم وصور لنا مثل الاوله وشف التعليق
واللي في فواصل فاصلين

[هلالي مكشاتي]

الحمد لله والشكر وش دخل التحاليل والطب النفسي بالصور

[المسااااافر]

اخوي الي كاتب هل كلام والله انه مختل عقليا
ولا تشيل همه اقنص الي برااااسك ولا عليك من احد

[القطاوي 2008]

اقول اللي مشخصك هذا هو اللي يبيلة تشخيص بنفسة

[وَسَام!]

الانفصام عند الاشخاص الذين يظهرون النساء شبه العاريات في مجلاتهم ويدعون ان
ذلك من الثقافه وانهن من وجهاء المجتمع!

[جمعان 22]

دكتور وغيرها من المسميات = لا شيئ ........ الشهادات العليا مجاملات ولا تعني رجاحة عقل او حكمة او ذكاء

[د م ق]

هذا وانا اخوك دكتور الفلوس يعني ادفع خذ الشهادة ويحط الدال قبل الاسم ويرقى بس على ضهور الناس
يعني يطلع في جريد او مجله ويهربد ويسب وياخذ شهرة
والادها والامر اللي يسب المشايخ والهيئة في الجرايد واذا كتبت مقال ترد عليه عيوا ينشرونه والشكوا على الله

[general_4u]

السلام عليكم ورحمة الله وبركاتة
اخوي قناص حقل ابعطيك رأي بس أهم شئ يكون نفسك طويييييييييل علشان يتأدب (هالدق تور) اولا : قم بتصوير المجلة وسجل رقم عددها وتاريخها وارسل شكوى بالفاكس على إدارتهم واترك لهم رقم جوالك وهاتف منزلك ومضمون هذا الفاكس بأنه إن لم يقدم اعتذار لك في نفس موقع الموضوع في العدد القادم بأنك سوف تحيل هذا الوضوع إلى القضاء الشرعي فالصورة صورتك أنت والكلام عنك فإما أن يثبت هذا ( الدق تور ) أنك حسب الأوصاف التي وصفك بها وإما يعتبر هذا الكلام من باب السب والشتم والتعريض بك والتشهير بك بدون وجه حق وبعدها لك الحرية إما التعويض مقابل التنازل أو الحكم القضائي عليه ولا تنسى أن تعرض موضوعك على محامي تراها والله جتك زينة وبتلقالك مبلغ طييييييييب ومنها يتوب ( هالدق تور ) والمجلة وأنا والله لو اني مكانك كان هذه طريقتي فيهم
وبعدين يا رجال المجلة اسمها فواصل تركوا الدنيا هذه كلها من اسماء واختاروا ،،،،،، وش الهدف من هذا الاسم ما ادري ولاحظ أن كل طبيب نفسي ( إلا من رحم الله ) أنه هو فاصل ولا بقى فية غير سلكين واحد ماسك دينه والثاني ماسك عمله ولو سألته عن أي شي خارج عن السلكين تشوف الفصلة وتسمع طقه
تكفا لا تعديها على خير ( من باب التأديب لهم ) والله يعينك.

[أبو فهد العيد]

السلام عليكم ورحمة الله وبركاتة
اخوي قناص حقل ابعطيك رأي بس أهم شئ يكون نفسك طويييييييييل علشان يتأدب (هالدق تور) اولا : قم بتصوير المجلة وسجل رقم عددها وتاريخها وارسل شكوى بالفاكس على إدارتهم واترك لهم رقم جوالك وهاتف منزلك ومضمون هذا الفاكس بأنه إن لم يقدم اعتذار لك في نفس موقع الموضوع في العدد القادم بأنك سوف تحيل هذا الوضوع إلى القضاء الشرعي فالصورة صورتك أنت والكلام عنك فإما أن يثبت هذا ( الدق تور ) أنك حسب الأوصاف التي وصفك بها وإما يعتبر هذا الكلام من باب السب والشتم والتعريض بك والتشهير بك بدون وجه حق وبعدها لك الحرية إما التعويض مقابل التنازل أو الحكم القضائي عليه ولا تنسى أن تعرض موضوعك على محامي تراها والله جتك زينة وبتلقالك مبلغ طييييييييب ومنها يتوب ( هالدق تور ) والمجلة وأنا والله لو اني مكانك كان هذه طريقتي فيهم
وبعدين يا رجال المجلة اسمها فواصل تركوا الدنيا هذه كلها من اسماء واختاروا ،،،،،، وش الهدف من هذا الاسم ما ادري ولاحظ أن كل طبيب نفسي ( إلا من رحم الله ) أنه هو فاصل ولا بقى فية غير سلكين واحد ماسك دينه والثاني ماسك عمله ولو سألته عن أي شي خارج عن السلكين تشوف الفصلة وتسمع طقهتكفا لا تعديها على خير ( من باب التأديب لهم ) والله يعينك.

صدقت والله,,وماخفي كان اعظم!!

[لعّاب المنايا]

ياجبل مايهزك ريح

هذاضعيف ولاهو بدكتور

الدختور ياخوي خابرينه هذولا عالم فاضيين ,,

بس عموما لا تخليهم عندك وزارة الإعلام ,,,

[قناص حقل]

يعطيكم العافيه
صراحه ماقصرتوا بالردود

[قناص ضريه]

السلام عليكم ياقناص حقل ماعليك منهم ولاتنسى ترفع عليهم دعوى لأن هذا من باب التشهير وعدم احترام الأخرين وصدقني راح تكسب القضيه ولا تنسى تاخذ معك شهاده صحيه تثبت عدم اصابتك بانفصام او اى مرض نفسي وشكرا ----------- تراني امزح يالغالي

[ami1948]

مع الأسف بعض المجلات تبحث عن أي موضوع فيه إثاره وتحب شحن قراءها بمثل هذا الخبر؛والرأي عندى إنك تكتب فى نفس المجله وتقول اللى أعرف إن أكثر اللى معهم دكتوراه خذوا شهاداتهم بطرق لا يجهلها أحد (يعنى بالنيابه )ولذلك لم يفيدوا مجتمعهم يوم جا الجد وأصبحوا فى مراكز قياديه ؛ وأصيبوا بالإنفصام وعندى لهم علاج فعال لمرضهم وهو الكأس اللى ترون صورته :


تم تحميل الصورة بنجاح
http://www.mekshat.com/pix/upload02/images75/mk29064_img_0078.jpg



إنسخ الرابط لإدراجه في المنتدى

http://www.mekshat.com/pix/upload02/images75/mk29064_img_0078.jpg


مرقة ضب وعلب فلفل ياخذ مع كل وجبه ملعقتين وقضمة فلفل وبإذن الله يشفى من الإنفصام .

[قناص حقل]

السلام عليكم ياقناص حقل ماعليك منهم ولاتنسى ترفع عليهم دعوى لأن هذا من باب التشهير وعدم احترام الأخرين وصدقني راح تكسب القضيه ولا تنسى تاخذ معك شهاده صحيه تثبت عدم اصابتك بانفصام او اى مرض نفسي وشكرا ----------- تراني امزح يالغالي

شهادة عدم اصابه بمرض نفسي
هذه بالذات ما اقدر عليها
من اللي شفته صار معي مرض نفسي من هالدكتور هذا
امزح وخذ راحتك جت عليك انت ماتمزح
بس انا خايف انه يجينا واحد من الدكاترة اللي مع فواصل ويقول لا احد يمزح لان اللي يمزحوا كثير معهم انفصام
بالاطراف

[قناص حقل]

مع الأسف بعض المجلات تبحث عن أي موضوع فيه إثاره وتحب شحن قراءها بمثل هذا الخبر؛والرأي عندى إنك تكتب فى نفس المجله وتقول اللى أعرف إن أكثر اللى معهم دكتوراه خذوا شهاداتهم بطرق لا يجهلها أحد (يعنى بالنيابه )ولذلك لم يفيدوا مجتمعهم يوم جا الجد وأصبحوا فى مراكز قياديه ؛ وأصيبوا بالإنفصام وعندى لهم علاج فعال لمرضهم وهو الكأس اللى ترون صورته :




تم تحميل الصورة بنجاح
http://www.mekshat.com/pix/upload02/images75/mk29064_img_0078.jpg




إنسخ الرابط لإدراجه في المنتدى


http://www.mekshat.com/pix/upload02/images75/mk29064_img_0078.jpg




مرقة ضب وعلب فلفل ياخذ مع كل وجبه ملعقتين وقضمة فلفل وبإذن الله يشفى من الإنفصام .

هههههههههههههههههههههه
الفلفل يخليهم يحتروا ويصحصحوا مع المجله

[نيار]

صحيح كلامك ياأبو فهد العيد!!
ماشاء الله كلك حكم!!

[كاشخ 24 ساعه]

انا وصلتني الصوره أمس وسائط وعليها تعليق ماله داعي


وسع صدرك يابن الحلال وخلك وائق من نفسك

[قناص حقل]

صحيح كلامك ياأبو فهد العيد!!
ماشاء الله كلك حكم!!
يعطيك العافيه على المرور الكريم

[الروقي نت]

لا لو انه ضفدع كان ماقال شي وهم يصلخونه صلخ
بس بلاه ماذاق كعرت الضب

[قناص حقل]

لا لو انه ضفدع كان ماقال شي وهم يصلخونه صلخ
بس بلاه ماذاق كعرت الضب
ولا يعرفه ولا عمرة شافه
يحسبه بنت
شاكر لك مرور الرائعووتعليقك

[غالي]

اخشى ما اخشاه ان الي كاتبه ..... معنا :(

اذا كان فعلا صحيح

فا اتق الله انت ولا تنشر وجيه الناس بالمجلات لو كان رجال ولا هو حرام

لكن نهى الله عز وجل ورسوله عن مضايقة الناس والرجال ناس منهم يرضون بالنشر واغلبهم مايرضون

ياجعلك تنحط بهالموقف وصاعين من كلامك عن اخونا

ان جيت تنصح الناس فا انصح نفسك اولا
لان النفس اولى من الناس


ــــــــــــــــــــ

أخوي صاحب الموضوع

تكفى لاتخليهم وابيك تقابله وجه بوجه هالي كاتب الموضوع عنك وتطلب منه صورته قبل لاتتحرك من عندهم شبر واحد

وحط صورته بالمنتدى خلنا نعلق عليه علشان يحس لله حق

رغم ان المجلات تنتشر اكثر من المنتدى


وان ماعطاك صورته

لايردك الا ديوان المظالم

اكتب خطاب وعطهمياه


اتمنى لك التوفيق

[محب البرق]

اي والله وسع صدرك

وماعليك منهم ..

[قناص حقل]

اخشى ما اخشاه ان الي كاتبه ..... معنا :(

اذا كان فعلا صحيح

فا اتق الله انت ولا تنشر وجيه الناس بالمجلات لو كان رجال ولا هو حرام

لكن نهى الله عز وجل ورسوله عن مضايقة الناس والرجال ناس منهم يرضون بالنشر واغلبهم مايرضون

ياجعلك تنحط بهالموقف وصاعين من كلامك عن اخونا

ان جيت تنصح الناس فا انصح نفسك اولا
لان النفس اولى من الناس


ــــــــــــــــــــ

أخوي صاحب الموضوع

تكفى لاتخليهم وابيك تقابله وجه بوجه هالي كاتب الموضوع عنك وتطلب منه صورته قبل لاتتحرك من عندهم شبر واحد

وحط صورته بالمنتدى خلنا نعلق عليه علشان يحس لله حق

رغم ان المجلات تنتشر اكثر من المنتدى


وان ماعطاك صورته

لايردك الا ديوان المظالم

اكتب خطاب وعطهمياه


اتمنى لك التوفيق
يعطيك العافيه على الرد وتعليقك
والله ياخوك احنا مانحب نشهر بالناس مثلهم
اشكر مرورك الرائع

[قناص حقل]

اي والله وسع صدرك

وماعليك منهم ..
والله ياخوي صدري كان ضايق لكن يوم شفت ردك راح الضيق كله
واشكر ردك الرائع

[العودالازرق]

ما عليك أخوي إلى الأمام ما عندهم إلا القص وللصق عشان يعبوا صفحاتهم الخايسه ودكتورهم يبغاله
عقال حسين بن عاقور يجلد به

[قناص حقل]

ما عليك أخوي إلى الأمام ما عندهم إلا القص وللصق عشان يعبوا صفحاتهم الخايسه ودكتورهم يبغاله
عقال حسين بن عاقور يجلد به

لا هنت يالغالي على مرورك

[احد يعرفني]

ماشالله عليك
عندك انفصام بالشخصيه ههههههههههههههههههههههههههه
امزح معك لا تزعل ياخي هذا الدكتور شكله مجنون او انه يبي يشتهر على حسابك ياقناص
ولا عليك منهم ماتسمعهم يقولون كلام جرايد او كلام مجلات يعني يسو من الحبه قبه
الحين انا ابي افهم وش سالفه هالضب بالانفصام