قصيده للشاعر بدر الحويفي

[ابو سويدان]

السلام عليكم يااخواني وشلونكم
شدني احد الاخوان في هذا المنتدى عندما طلب قصيده للشاعر الكبير بدر الحويفي وتذكرة له قصيده قمه بالروعه حيث انها تلامس الجرح وحبيت انزلها لكم




اشوف بعض اصحابنا مايمرو ن = وانا الجفا من صاحبي ما استحقه



عندي خبر عن غايت اللي يكنون = شافو بحالي من جفا الوقت رقه



وانا من الهجران ماني بممنون = مجفا رفيقي لوجفاني بحقه


لو انهم عن غاية القلب يدرون = مرو عليا ماعليهم مشقه



لكن مع الدنيا وهالها يميلون = ويعطون راع المال من فوق حقه



لو تنفع الدنيا نفع مال قارون = جاهه وماله ماعدل وزن بقه



الدايم اللي بقدرته كون الكون = ارسا الجبال ومجرا الانهار شقه



والادمي ماهو عن النقص مصيون = يفني ويفنا المال جله ودقه



وعمر الفتى لو طال للحق مرهون = لا يامن الديان بابه يطقه



اتلى العهد لا قالو فلان مدفون = ولفو عليه من ارخص الخام شقه



ويقرا الكتاب اللي به العبد مديون = والكل يحصد ما بذر واستحقه






ويمكن اني نسيت شي من القصيده لكن يبقى الحويفي شاعر هرم

[الذيب المغترب]

صح لسانك ولسان قايلها

[اول الوسم]

الله لايهيينك ابو سويدان وجزاك الله خير وصح السان الشاعر واختيار موفق للشاعر الكبير بدر بن عواد الحويفي الحربي

[ابو سويدان]

صح بدنك يالذيب

[ابو سويدان]

اول الوسم تسلم على الرد صح لسان الحويفي

[أبو فهد العيد]

صح لسان ابو سلمان وتسلم يمينك,,,اختيار موفق..
بيض الله وجهك.

[ابو سويدان]

ابو فهد الله لا يهينك وبيض الله وجهك
وعندي استفسار من الجميع او من يعرف الحويفي هو باقي والا لا اذا هو باقي الله يطول عمره ويرزقه الجنه ومن يسمع

[أبو فهد العيد]

ابو فهد الله لا يهينك وبيض الله وجهك
وعندي استفسار من الجميع او من يعرف الحويفي هو باقي والا لا اذا هو باقي الله يطول عمره ويرزقه الجنه ومن يسمع

حياك الله يابو سويدان,,
الشاعر بدر الحويفي.. موجود وباتم صحه وعافيه والله يعطيه طولة العمر ان شاء الله,,,وعمره والله العالم,,83 عام..
وابشرك انه العام قانص مع واحد من اخوياه,,
وما شاء الله عليه ,, شاعر بمعنى الكلمه,,الله يجزاه عنا كل خير ويختم له بالخاتمه الحسنه,,,

وهذي صوره حديثه للشاعر,,

http://www.mekshat.com/pix/upload02/images75/mk33257_jj.jpg



وادخل الرابط,, هذ بتلقى فيه البطاقة الشخصيه للشاعر وبعض القصايد

http://www.mekshat.com/vb/showthread.php?t=78517

[ابو سويدان]

الله يبيض وجهك ويرزقك الجنه ياخوي فهد ماقصرت والله كفيت وفيت والله يطول عمر الشاعر
من الصوره يبين وجه الرجل السمح ويبين الطاعه عساالله يرزقه الجنه

فيه قصيده ايضا لبدر الحوفي بها مغازي كثيره اللي يقول فيها






بالخريف وشفت لي نون تلوح بروقه= الله انه يجعله رحمه وجوه دافي




نوينشي من مناشي والرياح تسوقه= نوب ماه يصير عذب ونوب ماهو صافي



والخيال اللي نخيله وامره من فوقه= عالم اسرار العباد ومطلع بالخافي



الحكيم اللي يفكر ماتجي به توقه= يتزن بالعقل والحكمه وحق ه وافي




بالعداله والجزاله كلمته ماثوقه= والغشيم يغر ه المرباع والمصيافي




ابرته عن فتق غيره ما تخيط فتوقه= ومن يشوف عيوب غيره فيه عيب يشافي



البعير اللي يلفظ جرته بشدوقه= لو غدا كبر حلبان يعسفه العسافي



سو ضنه بالاوادم عن نحاه يعوقه= له تصور كل ساعه حذفة الحذافي




والبعوض يخوض بالما والضما بحلوقه= له على الغافل هجوم ويسرع المحرافي




الغشيم يسابق العالم على المسبوقه= والثبار يمل راعيها ويمشي حافي




يطرقه طول الطريق اللي عسار طروقه= والحمول ثقال وعقول الضعوف ضعافي




وكل رجلن يجهله حسن الكلام وذوقه= ذاك مثل اللي على اربع والكفوف ضلافي



والبحر ماكل سباحن يخض عموقه= والمناقع في مناقعها تلم السافي


والقصيده اطول من ذالك بس ختمها بيت يختصر القصيده كامه حيث يقول




ذا كلام اللي مع الطيب يعرف حقوقه =والردي فقده ونقده بالزبيل خلافي




(بدر الحويفي)

[عبدالرحمن 1]

ابو سوايدن لاهنت على الا ختيار والذوق الرفيع
تحياتي لك
ولشاعرنا الحويفي
اطال الله عمره على الطاعه

[يوسف الخليفة1]

سلمك ربي أخي أبو سويدان وصح لسان الشاعر بدر الحويفي ومتعه الله بالصحة والعافية والشكر الجزيل

[أبوإبراهيم1]

الشكر للجميــــــ والشعراء ـــــــــــــــــــــع

[عبدالرحمن الخالدي]

تسلم يا أبوسويدان على هذا النقل جعلك .

[عبدالرحمن الخالدي]

حي وسالم يا أبوسويدان

[ابو سويدان]

عبدالرحمن الله لا يهينك وتسلم

[ابو سويدان]

ابو عبدالله تسلم والله والله يطول عمر بدر الحويفي ويرزقه الصحه ومن يسمع

[ابو سويدان]

ابو براهيم الشكر لك طال عمرك

[ابو سويدان]

مذكور حياك الله
الله يسلمك افادنا اخوي ابو فهد ان الشاعر حي وسالم الله يمتعه بالعافيه ويزقه هو والدينا الجنه

[عبدالرحمن الخالدي]

ههههه أخوي أبوسويدان حي وسالم هذي دعوى مني لك ارجع إلى المشاركة ودقق .

[ابو سويدان]

مذكور ياعلك تسلم ترن على فالي بعدين لا تدقق تر اخوك مامن دبره يالله علمونن العيال على الكتب

[أبو فهد العيد]

مذكور ياعلك تسلم ترن على فالي بعدين لا تدقق تر اخوك مامن دبره يالله علمونن العيال على الكتب

هههههههههههههههه.
الحال من بعضه