,,,,الله يرحمنا برحمته ويغيثنا... قصيده تعبر عن نفسها.

[أبو فهد العيد]

السلام عليكم ورحمة الله وبركاته..
اليكم هذه القصيده للشاعر بدر الحويفي,,
وهي بصراحه حركت مشاعري,,ووافقت ان القصيده تذكرتها ,, يوم شفت منظر ,اسائني ,, وضيق صدري
مريت من عند شباب. حول الساعه 10.00 مساءً وكنت رايح الى استراحه قريبه من الرياض,,
المهم اني شفت شباب ’’ يرقصون ومعلين على صوت المسيقى والاغاني,, بشكل مزعج جدا,,
مهيب هذي المشكله!!
المشكله اني طلعت من الاستراحه ,, الساعه 2.00 صباحا, وهم على نفس حالتهم,, وفي الثلث الاخير من الليل,,((( الله سبحانه ينزل في الثلث الاخير من الليل نزولا يليق بجلاله’’ فيقول هل من داعي فاستجيب له,هل من سائل فاعطيه))
وهؤلا الشباب في سكرتهم يعمهون..
يعني لو تاملنا في حالتهم,,والله ترحمهم وبنفس الوقت تحقد عليهم,,لانهم هم السبب في حرماننا من قطر السماء,, اسال الله ان لا يؤاخذنا بفعل سفهائنا
العام ماجانا مطر,,,والوضع سئ جدا,,عجاج ,,وغبار ,, وحر ,,
والناس . لاهين ,, وفي سبات عميق ,,
الله يستر علينا ولا يؤاخذنا بذنوبنا,,
يااخوان يجب على كل شخص منا , ان يرجع الى الله , ويحاسب نفسه,, ويكثر من الاستغفار,,
فانه والله قد كثرت النذر ,, والله يستر من اللي جاي.







اللـي فقدنـا مـن نبـات ونواويـر
ماهو على المولى صعيـب رجوعـه
الله مـن قلـب هجوسـه طوابـيـر
ميعادهـن بيـن العتيـم وهجـوعـه
قالـوا تفكـر قلـت عنـدي تفاكيـر
أشوف شـئ مـن خطانـا وقوعـه
قلـت الحقيقـة يالوجيـه المسافيـر
قلبي ليـان وشـاف شـئ(ن) يروعـه
شفت الجفاف مكسر القشـع تكسيـر
والنفس ماهي من قضاء الله جزوعه
وادي الرمة جوه عجـاج ومعاصيـر
يبسـت جراجيبـه وماتـت قشوعـه
حمضه عليه من السوافـي عثاميـر
يا باعـث الأمـوات تبعـث جذوعـه
مدهـل مجاهيـم تــلاد ومغاتـيـر
وحمـر مرابيها هدايـد افـروعـه
يوم الوسـوم تنثـر الوسـم تنثيـر
والعشب ينبـت ماتكامـل اسبوعـه
ويوم القلوب نظاف مايقـف الخيـر
يطيـح وسـم ولا تقطـع تبـوعـه
واليوم وبل الغيـث مثـل الطباشيـر
قامـت تلـوث بالمناقـع انقـوعـه
الشكـوى لله صـار بالجـو تغييـر
دايـم كتـام وغيـر الجـو نـوعـه
واصل الخطا منـا تهـاون وتقصيـر
قليـل مـن يحسـن لربـه ركوعـه
نشقى ورى الدنيا وهي مابهـا خيـر
والموت يدنـي للنفـوس البشوعـه
وعنـد المحاسـب ماتفيـد المعاذيـر
ينشف جما العاصي وتطفي شموعـه
واللي غناته سحـت ومـوال تزويـر
لـه ساعـة مـاذاق حلـوه يزوعـه
يـدري بهـا لـودعـوه الحفافـيـر
والقبر ضكه مـع محانـي ضلوعـه
فـي ساعـة مابـه تقـدم وتأخيـر
يفقد بها الرحـال مجالـس ربوعـه
وعن ماعمـل مالـه مفـر ومعابيـر
ما ينفعـه جمعـه وهيبـة جموعـه
قدامـه الجنـة وقـدمـه زمهـريـر
والله يعلـم ويـن يكتـب نجـوعـه
يارب تهدينـا علـى حسـن تدبيـر
نطلب عظيم الشان خوفـه وطوعـه
يالله يــارازق عــوج المناقـيـر
ياكافـل رزق النـفـوس القنـوعـه
يامـن بتقديـره تكـون المقـاديـر
ياسمـع الداعـي وخالـق سموعـه
تزيـل شـدات السنيـن المعاسيـر
يامن لـك المسلـم يوجـه خشوعـه
تمدنـا يـارب رحـمـه وتيسـيـر
غيـث يعـم المملكـة فـي نفوعـه
يارب من قل المطـر نشفـت البيـر
نشف الثرى والدرع ماتـت زروعــه
ومات الخشاش وضاق في عشه الطير
يشكي علـى رب السمـوات جوعـه
والبـل مصارفهـا نخالـه وشعـيـر
واحوارها بالشبـك تـذرف دموعـه
مثل السجين يلوح بيـن المواصيـر
والا البهايـم للمـقـدر خضـوعـه
حاطت عليه اذنوب نـاس مباصيـر
حاله صخيـف وحنـة أمـه تلوعـه
ذنـب الأوادم لـه عواقـب وتأثيـر
والعمـر فتـرة والحيـاة مخدوعـه
وحنـا بشـر مالله خلقنـا تصاويـر
واللي يخـاف الله يطبـق شروعـه
والله محذرنـا عـن الكـذب تحذيـر
والحسـد والغيبـة وكبـر وميوعـه

[عبدالرحمن 1]

شكرا لك ابو فهد علي ايراد هذه القصيده لشاعرنا الكبير ابو سلمان اطال الله عمره على طاعته
تحياتي لك

[المان العرب]

صح الله السان شاعرو تسلم يمناك والله قسمت خير

[جرير]

لك الشكر اخوي ابو فهد علي الكلمات القيمه
التي تدل علي عقل سليم
ونسال الله الهدايه لشباب الاسلام .
والشكر ايضا لك علي نقل هذه
القصيده الجميله
من شاعر كبير

[يوسف الخليفة1]

سلمك الله أخي أبو فهد وصح لسان الشاعر بدر الحويفي ومتعه الله بالصحة والعافية ونسأل الله أن يصلح


أحوال المسلمين وأن يغيثنا بالأمطار

[أبوإبراهيم1]

صح لسانك (ايدياتك) ولسان الشاعر

[ذيب طي]

سلمت يمينك وصح لسان الشاعر والله يتوب على المسلمين ويغيثنا

[عبدالرحمن الخالدي]

صح لسانك ولسان الشاعر/ بدر الحويفي الله يصلح الحال .

[جزاء الشمري]

سلمت يمينك وصح لسان الشاعر والله يتوب علينا وعلى المسلمين ويغيثنا

[alsarm]

بيض الله وجهك وتسلم يمينك على هالقصيده

[دغيم1]

السلام عليكم ورحمة الله وبركاته
يعطيك العافية أخوي
أبو فهد
سلمت يمينك على المقدمة الجميلة
وكم نحن بحاجة دائمة ومستمرة للتذكير حتى نقيم ماعوج من أعمالنا
وصح لسان الشاعر
نعم .... لن يصيبنا إلا ماكتب الله لنا .... ولم يصيبنا إلا من سوء أعمالنا وغفلتنا عن الذكر .
نسأل الله أن يرحمنا برحمته ولايؤخذنا بما فعل السفهاء منا
تقبل تحياتي

http://www.mekshat.com/pix/upload02/images75/mk46848_meta ( 6 ).jpg

.
.

[ابو سويدان]

ابو فهد تسلم على طرح الموضوع بيض الله وجهك
الله يرحمنا برحمته ويرزقنا ويغيثنا
اللهم اهدي شباب المسلمين يا ارحم الراحمين
وصح لسان الحويفي

[أبو فهد العيد]

شكرا لك ابو فهد علي ايراد هذه القصيده لشاعرنا الكبير ابو سلمان اطال الله عمره على طاعته


تحياتي لك


لاهنت على المرور الطيب.. وماقصرت

[أبو فهد العيد]

صح الله السان شاعرو تسلم يمناك والله قسمت خير

الله يسلمك,,, وعسى الله يجيب الخير

[أبو فهد العيد]

لك الشكر اخوي ابو فهد علي الكلمات القيمه

التي تدل علي عقل سليم
ونسال الله الهدايه لشباب الاسلام .
والشكر ايضا لك علي نقل هذه
القصيده الجميله

من شاعر كبير


الله يعطيك العافيه’’ وجزاك الله خير ,, وماقصرت يالغالي

[أبو فهد العيد]

سلمك الله أخي أبو فهد وصح لسان الشاعر بدر الحويفي ومتعه الله بالصحة والعافية ونسأل الله أن يصلح




أحوال المسلمين وأن يغيثنا بالأمطار


يامرحبا بابو عبد الله,,, وينك غايبه شمسك؟
اتحراك تنزل قصيده ,,مشتاقين لقصيدك العذب..
ودنا ننبسط بوحدة من قصايدك الجديده.

[العمدة ابو صالح]

اللهم أعز الأسلام وانصر عبادك المسلمين فى كل مكان من بقاع الأرض...اللهم اجعل كيد من كادونا فى نحورهم واجعل مكر من مكروا بنا عائدا عليهم واجعل حفرة من حفروا لنا واقعون فيها.......اللهم اصلح حال الأمه ووحد صفوفها, وأيدهم بنصر من عندك..اللهم وفق ولاة أمورنا الى مافيه خير البلاد والعباد ,اللهم وحد كلمتهم واجعلهم جميعا على قلب رجل واحد مصلح............
بارك الله فيك ياأخى ابو فهد حقا مانحن فيه يستحق أن ننتبه
و نشاهد ماذا فعلت ذنوبنا بناء :eek: ....
جزاك الله خيرا ,
وتقبل مرورى المتواضع.

[أبو فهد العيد]

اللهم أعز الأسلام وانصر عبادك المسلمين فى كل مكان من بقاع الأرض...اللهم اجعل كيد من كادونا فى نحورهم واجعل مكر من مكروا بنا عائدا عليهم واجعل حفرة من حفروا لنا واقعون فيها.......اللهم اصلح حال الأمه ووحد صفوفها, وأيدهم بنصر من عندك..اللهم وفق ولاة أمورنا الى مافيه خير البلاد والعباد ,اللهم وحد كلمتهم واجعلهم جميعا على قلب رجل واحد مصلح............

بارك الله فيك ياأخى ابو فهد حقا مانحن فيه يستحق أن ننتبه
و نشاهد ماذا فعلت ذنوبنا بناء :eek: ....
جزاك الله خيرا ,

وتقبل مرورى المتواضع.


حياك الله ياعمدتنا ,, وبارك الله فيك ,, ومرورك زاد الموضوع جمالا,,لاحرمك الله الاجر

[أبو مشهور]

تسلم يمينك يا(أبو فهد) وصح لسان الشاعر( بدر الحويفي)