المساعد الشخصي الرقمي

مشاهدة النسخة كاملة : سؤال للصقاره!!!


أبو طلال-نقوه
21/07/2008, 07:38 PM
السلام عليكم,
يا إخوان عندي شيهانه جبليه باقيلها من الريش 3في3 بس صارلها تقريبا شهرين ما حذفت ولا ريشه و أنا أعطيها فيتامينات... هل هذا عادي؟ ولا وش الحل؟....والله يعطيكم العافيه.
مغــادر
21/07/2008, 07:49 PM
السلام عليكم ورحمة الله وبركاته
طال عمرك جرب تهزلها شوي يعني تنزل من عدتها وارجع عدها مره ثانه وان شاء الله بتحذف,,,

اخوك مغـــادر,,,
الصقر البعيد
21/07/2008, 09:21 PM
عليك بالجرابيع
وَسَام!
21/07/2008, 11:34 PM
تأكد من المدهنه وياليت توريها واحد خبير!
قرناس ارامكو
21/07/2008, 11:41 PM
السلام عليكم ورحمة الله وبركاته
طال عمرك جرب تهزلها شوي يعني تنزل من عدتها وارجع عدها مره ثانه وان شاء الله بتحذف,,,

اخوك مغـــادر,,,

وأحب أضيف شي بسيط على أخوي ، وهو التنويع في العلف + البيض .
صقار البحرين
22/07/2008, 12:22 AM
ابوطلال الله يمسيك بالخير ......
حاول تفحص الطير يمكن يكون مريض واذا كان صاحي شوف المدهنه هي شغاله واذا هي شغاله حاول انك تبرقع الطير لمدة اسبوع وان شاء الله انه بيرمي .........
الشرعي1
22/07/2008, 02:54 AM
اذا كانت فرخ وتنقل بكر فهذا شي طبيعي
الحر01
22/07/2008, 03:12 AM
السلام عليكم ورحمة الله وبركاته
تاد من المدهنه اهم شي او نقص وزن الطير ثم ارفعه وشكرن
الطبشي
22/07/2008, 04:09 AM
السلام اكثر الشواهين على نفس الموال وهذا شي عادي ويمكن تنقلها مرقعه ثلاث.....والله يوفق
أبو طلال-نقوه
22/07/2008, 01:35 PM
مشكووورين و جزاكم الله خيرا على الردود...
قرناس حائل
22/07/2008, 02:41 PM
مساكم الله بالخير يالاخوان

عندي سؤال : هل حذفت شي من الذنيبا

لأن عندي ملاحظة الطير اذا حذف الرابعة يبدا بحذف العاموديات ويتوقف عن حذف ريش السبق لفتره

طبعا كلامي عن الحرار لكن الشياهين؟؟؟؟؟؟؟؟

مثل ماقالوا الاخوان اقصر عليها ثم أرفعها وتأكد من المدهنه

تقبلوا تحياتي
طير الهقاوي
22/07/2008, 05:36 PM
السلام عليكم ورحمة الله وبكاته


اخوي ابو طلال مع احترمي لشباب الي ردو عليك وعطوك ارائهم الطير الي تنشد عنه شاهين والشياهين ماتحذف بالعاده الريش الكبار الي هي السبع المعنيه باسما ئهااااا الى اذا شلع اسهيل يعني اذا طلع نجم سهيل هذا العلم الي كسبناه من الصقاقير المعنيين بالاسم اما انا هاوي وقولت اني صقار كبيره شوي



طير الهقاوي