الي عندة فكرة عن الصلال

[قرناس ارامكو]

السلام عليكم ورحمة اللة وبركاتة
أخواني صقاقير مكشات ، أسمع عن الصلال أن أهل الخليج يهدون الطير علية وأنة سبوق :confused: ، وهو غير معروف في نجد ، وهل على الطير خوف من الصلال .
ولي عندة فكرة عنة لايبخل علينا واللة لا يهينكم

[المري]

مرحبا اخوي قرناس ارامكو

الطير يهد على الصلال وغالبا يقوم الصلال بعظ الطير اما من فخذه او راس المنكب وبعض الطيور

تجلس شهر وهي تعالج من عضة الصلال .....

اما غالبة الطيور تلحق الصلال وتعلقه من عند راسه فهذه الله يستر عليه من عضة الصلال..

من ناحية سبق الصلال في نوعين : الازرق والاسود

الازرق اسبق من الأسود..

وفي انتظار باقي الأعضاء..

اخوك المري

[المان العرب]

مرحبا اخوي قرناس ارامكو

الطير يهد على الصلال وغالبا يقوم الصلال بعظ الطير اما من فخذه او راس المنكب وبعض الطيور

تجلس شهر وهي تعالج من عضة الصلال .....

اما غالبة الطيور تلحق الصلال وتعلقه من عند راسه فهذه الله يستر عليه من عضة الصلال..

من ناحية سبق الصلال في نوعين : الازرق والاسود

الازرق اسبق من الأسود..

وفي انتظار باقي الأعضاء..

اخوك المري
كلام ابو معيض صحيح وعضة صلال قويه لاكن اربط بوز صلال بتيب احسن واحسن علمت صلال للشاهين

[همام5]

الصلال وهو المعروف بالنورس في السعوديه يشكل خطر على الطير من ناحية العظ على ما قد سبق وذكره اخوي المري وهي نوعين الي راسه ازرق والاخر اسود اما من ناحية السبق ماهو بسبوق بس ارتفاع عالي ويداور وماكل طير يصيده الا الطير البصير الي يعرف له وليس بشجاعه فيه بل ياخذ الطير بالصياح والمراوقه وبعضها يرجع على الطير لعل وعسى انه يخاف منه وهذا من اشهر صيدات الشواهين وبعض الحرار يعلم عليه حق الوناسه لنه هدد عليه يونس اذا كان مرتفع واجد واذا كان في الارض حق المداوس وهذا واتمنى اني ما اطلت عليك

[نبع الدموع]

الصلال وهو المعروف بالنورس في السعوديه يشكل خطر على الطير من ناحية العظ على ما قد سبق وذكره اخوي المري وهي نوعين الي راسه ازرق والاخر اسود اما من ناحية السبق ماهو بسبوق بس ارتفاع عالي ويداور وماكل طير يصيده الا الطير البصير الي يعرف له وليس بشجاعه فيه بل ياخذ الطير بالصياح والمراوقه وبعضها يرجع على الطير لعل وعسى انه يخاف منه وهذا من اشهر صيدات الشواهين وبعض الحرار يعلم عليه حق الوناسه لنه هدد عليه يونس اذا كان مرتفع واجد واذا كان في الارض حق المداوس وهذا واتمنى اني ما اطلت عليك
:good: الرجال افادوك

[نايف الخالدي]

ماشاء الله الشباب ماقصروا
يعني مابقوا لنا شي نقوله

[قنيص غبر]

مرحبا اخوي ..

انا اهد على صلال في وقت الدعو بين فتره وفتره . كل سبوعين مره اهد الطير على الصلال لسببين ..
اولهما: اللياقه : ان حصلك صلال فلوي توه مصيود فيكون افضل . بعد ماتعلم الطير على الصلال تتطمش وتستانس في الهدد لنه الصلال يرتفع كثير . وعنده قدره في المناوره في الجو . والزين انه مايطير مسافات بعيده يتم يحوم فوقك بس حتى لو ان الطير ماقدرله الطير يحوم فوقك او قريب منك تروم تدعاه ويجيك ..
ثانيا : حجم الصلال كبير ويعود الطير على الشجاعه خاصه الجير الفرخ يرغب في هدد الصلال ..

احذر من التالي:

منقار الصلال حاد .. فيفضل انك تربط منقاره .. بأن تربط منقاره بلزقه وتلفها على الطرف الاخير المدبب بحيث لو نقر الطير ماياذيه .. واتغلي فتحت المناخر للصلال مفتوحه لكي يتنفس ويقدر يطير .

تأكد تأكد تأكد . بان الطير ماينسر من الصلال عطه اي لحمه لاكن لحمة الصلال غير مستحبه للطير . وان مافي مجال . \تاكد بان الصلال فلوي توه مصيود وخالي من الامراض تماما . اعرف ناس كثار طيورهم ماتن والسبه لحمة الصلال . الطير يرد اللحم ..

وانت صقار واعرف .. لازم اتعلم الطير اولا على الصلال كذا مره . يعني تمسك الصلال وتبرط جناحيه واتخليه في الارض وتخليه ينسر من ظهره من قطعة لحمه ثانيه . ومن ثم تعزل عنه وتهد الصلال مره ثانيه والطير غافل فتلاقيه يحرص على انه يصيده ... مره مرتين وبدون عجل بعدها لقف عليه وهو يطير ...

اتمنى اني افدتك باللي تريده

[جارح العين]

ماقصرو الاخوان
ومثل مقالو اربط منقاره ولا تخلي الطير ينسر منه

[شواهين]

كلام ابو معيض صحيح وعضة صلال قويه لاكن اربط بوز صلال


منقار الصلال حاد .. فيفضل انك تربط منقاره .. بأن تربط منقاره بلزقه وتلفها على الطرف الاخير المدبب بحيث لو نقر الطير ماياذيه .. واتغلي فتحت المناخر للصلال مفتوحه لكي يتنفس ويقدر يطير .



ومثل مقالو اربط منقاره


طيب واذا راح على الطير ؟؟؟؟

يموت جوع وعطش !!!!

[الطبشي]

الاخوان ما قصرو وكلامهم على متمه .

[قرناس ارامكو]

السلام عليكم ورحمة اللة وبركاتة
أخواني / المري
/المان العرب
/همام5
/نبع الدموع
/ نايف الخالدي
/قنيص غبر
/جارح العين
/شواهين
/الطبشي
اللة يعطيكم العافية ومشكورين وماقصرتو ، عطيتونا شرح وافي عن الصلال .
اللة لايهينكم واللة لايحرمنا منكم

[صقر20]

وبعضها يرجع على الطير لعل وعسى انه يخاف منه وهذا من اشهر صيدات الشواهين
وهذه الصوره تؤيد كلامك أخوي همام5
الصلال(النورس) رجع على الشيهانة البحرية
يبي الفكه :)
http://www.mekshat.com/pix/upload02/images75/mk18662_0fea6adf8a_o.jpg

[صقار البحرين]

الصلال افضل اعلومه ,,,,,
انا في البحرين والصلال متوفر عندنا بكثره وابرخص الاثمان 500 فلس وانقس هههههههههه يعني خمسه اريال سعودي والصلال خطير جد111111 على الطير انا عندي كذا طير ماتو من الصلال بعضهم في الحال لكن باوصيك انك تبلم الصلال بجلدت فلوص او بشي سهل ينفك لو راح الصلال على الطير لنه بيموت من الجوع ومايقدر ياكل وهو مبلوم وتراه في ذمتك ( حرام ) ....

انا اكثر اطيوري اعلمها على الصلال واهدها على الحباري وتصيدها على طول من عقب الصلال من فضل الله

واما الصلال فيه ميزه خبيذه اذا هديت عليه وهو مرتفع يلعب بالطير ويجي فوق الطير ويرتفع من عنده الين يسمح الطير منه والصلال فيه عضه خطره على الطير اطثر مايضرب الطير في نحره او عينه والله على انت وطيوررررررك ......


وسلامتك

[سفتور]

السلام عليك يا أخوي قرناس أرامكو
اما عن الصلال فهو ينقسم الى نوعين:
الأول كبير وهو الصلال نحن فالامارات نفكه فالمدعى لكن نهد عليه بعد 45 دقيقه طبعا ينفك في جو شوي حار حتى يتمكن من الارتفاع لكن ما نربط بوزه بتيب يعني لزق لانه يمكن ماتصيده الطيور وبعدها يموت من العطش حرام لكن نقوم بربط بوزه بخوصة نخيل خضرا حتى اذا ما صاده شي من الطيور تيبس الخوصه ويتمكن من ازالتها أما عن السبق فماهو بسبوق ولكن يرتفع ارتفاعات عاليه وبصير يعني ما كل طير يصيده
أما النوع الثاني: فهو صغير ويطلق عليه فالامارات الحريش فالسعوديه والله مدري وش أسمه أما النوع الثاني فهو سبوق ويرتفع أكثر من النوع الأول وما يحتاج أن تربط بوزه لان ما منه خوف يعني ما يعظ الطير لكن يعطي الطير لياقه عجيبه وأذا كان طازج يعني ما مر عليه يوم أحسن واحسن و أطيب طير للهدد عليه هو الشاهين البحري لانه يعيش على طيور البحر ومن ظمنها الصلال
هذا على حد علمي والله أعلم.