قلبي تهيض كنه اللي تعذب 0000000 وابديت من خافي ضميري جوابه

[يوسف الخليفة1]

http://www.mekshat.com/pix/upload02/images75/mk67513_20070605.jpg



قلبي تهيض كنه اللي تعذب=وابديت من خافي ضميري جوابه
جمر الغضى في داخل الجوف يلهب=احس به نفخن يزيد التهابه
واثره حرارة شوق للنار تشتب=واعمال ذاك الكيف واللي سعابه
يا حلو عرن السمر من شعلتن قب=في جال عنقورن رفاعن هضابه
مركابن ومحماس فوقه توثب=يصالي لسان اللهب ما درابه
في داخله بنن نظيفن يقلب=بنن جديدن ما عثابه خرابه
كنه فريقين المبارات تلعب=تنافسوا للكاس من فاز جابه
تقرش على بطنه مع قشوره الحب=لما شقار الحب لونه بدابه
ولا بده يبرد بنسناس لا هب=ثم يرجف بنجرن قوين ضرابه
وبالملقمه يطبخ الينه يخضب=خضاب كفن لايقن له خضابه
ويكب في دلة كريمن لها رب=كنه سريب السيل حز انسكابه
وبقاعة الفنجال يرغي ويسكب=ويقدم لقرمن عزيزن جنابه
عنده غلامن للسنايع تدرب=تبين فيه رسوم ذيك النجابه
قرمن سنيع الحال شبلن مهذب=ضاري على الضيفان فيه الحبابه
تلقا معاميله وشغله مرتب=مطنوخ لجا الضيف حاسب حسابه
يا زين ذاك الدو خالي ومعشب=رمثن ونوارن قليلن سرابه
يحوي كثير الصيد من ضب وارنب=حتى الحباري والقطا ينلقابه




( يوسف الخليفة )

[أبو فهد العيد]

يا زين ذاك الدو خالـي ومعشـب

رمثـن ونـوارن قليلـن سرابـه



عز الله انك جبت شفي وهواي يابوعبد الله,, صح لسانك وبيض الله وجهك

[عبدالرحمن الخالدي]

صح لسانك يا أبوعبدالله عزالله أجدت الوصف ماشاء الله عليك .

[ذيب طي]

صح لسانك وبيض الله وجهك - والله انك تهيض اللي في الخاطر يابو عبدالله - لكن الواحد وين يروح في هالقيض الله يجلاه - لاعدمناك يالغالي

[يوسف الخليفة1]

يا زين ذاك الدو خالـي ومعشـب


رمثـن ونـوارن قليلـن سرابـه



عز الله انك جبت شفي وهواي يابوعبد الله,, صح لسانك وبيض الله وجهك



مرحبا بالغالي أبو فهد وصح بدنك وأنار الله طريقك في الدارين ولك احترامي

[يوسف الخليفة1]

صح لسانك يا أبوعبدالله عزالله أجدت الوصف ماشاء الله عليك .


حياك ربي أخي عبد الرحمن ومبارك عليك المعرف الجديد وأسعدك الله ولا بد لكما أنت والعيد من وليمة بمناسبة

المعرفات الجديدة التي تبيض الوجه ولك تقديري واحترامي

[يوسف الخليفة1]

صح لسانك وبيض الله وجهك - والله انك تهيض اللي في الخاطر يابو عبدالله - لكن الواحد وين يروح في هالقيض الله يجلاه - لاعدمناك يالغالي

أخي العزيز الغالي ذيب طي مرحبا بهذا المحيا وأنار الله طريقك وصح بدنك وعندي لك مشورة لماذا لا تذهب


على السيارة لأعلى جبل سلمى في المساء وتشعل النار وتعمل القهوة والعشاء برفقة أصحابك اعتقد بإذن الله أنها


ستكون ليلة جميلة وهادئة ولن تنساها وفقك الله وحفظك وأسعدك في الدارين ونسأل الله الغيث العميم

[جرير]

يابو خليفه ابشر سهيل قرب=وكل ن بهالايام يحسب حسابه
ومن بعده الوسمي له النفس تطرب= تنشي من الغربي عوالي سحابه
تلمع بروقه تقل ماس كهرب=من قو رعاده يزلزل هضابه
تعل من جمة قراحه وتشرب=ويسر عين الي عصير ن مشابه
وتبهر الدله منقي لها الحب=والكيف كار اهل الكرم والنجابه
لمثلك وشرواكم علي طول تنصب=اوالفضل بعد الله للي سعابه

[ابو سويدان]

يا زين ذاك الدو خالـي ومعشـب

رمثـن ونـوارن قليلـن سرابـه

يحوي كثير الصيد من ضب وارنب

حتى الحبـاري والقطـا ينلقابـه
صح لسانك يابوعبدالله ابداع×ابداع
وصح لسان جرير على الرد

[الشاهد1]

ابو عبد الله 1
صح لسانك وسلم بنانك
والظاهر ان حلها بهالوقت ماهوب حاصل الا بأبها

[فهد الهلالي]

صح السانك يابوعبدالله على هذه القصيده الجزله بارك الله فيك واطال الله بعمرك تحياتي لك
اخيك الشيخ مسكين

[يوسف الخليفة1]

يابو خليفه ابشر سهيل قرب=وكل ن بهالايام يحسب حسابه
ومن بعده الوسمي له النفس تطرب= تنشي من الغربي عوالي سحابه
تلمع بروقه تقل ماس كهرب=من قو رعاده يزلزل هضابه
تعل من جمة قراحه وتشرب=ويسر عين الي عصير مشابه





حي الجواب اللي نظامه معرب=جابه عزيزن يا هلا ومرحبا به
مثل القراح اللي علينا تسرب=يا مرحبا واهلا هلا باللي جابه
والصدر ما هو شرط يثبت على رب=ما دام ساكن يا سليل الذيابه
يا عل غيمن باول الوسم كهرب=تشوف برقه ملتوي في ربابه
والطعس من عقب الليان يتكرب=واتربع الاوطان عقب الشهابه
وصقارها طيره سليمن مجرب=اشقر مقيظه في عوالي هضابه
قرناس ثالث للحباري مدرب=يكفخ على خرب السهل ما يهابه
يلطه بكفن شطيرن ويضرب=يبذ ريشه ما يحسب حسابه
يصيد الارنب ويضا يكفخ على خرب=الدم باكفوفه تسايح خضابه
راعيه قرمن يعرف قراه والدرب=ضاري على فجن بعيدن مشابه
واللي هوا الطلعات شرق وغرب=كلن طلع للدو وافي زهابه
عينه اليا شافت مدا العشب تطرب=بين الفياض اللي تنامت اعشابه
هذي هي الدنيا زمانن وتخرب=يا رب عفوك نرجي منك الاجابه




( أبو عبد الله )

[يوسف الخليفة1]

يا زين ذاك الدو خالـي ومعشـب


رمثـن ونـوارن قليلـن سرابـه

يحوي كثير الصيد من ضب وارنب

حتى الحبـاري والقطـا ينلقابـه
صح لسانك يابوعبدالله ابداع×ابداع
وصح لسان جرير على الرد


أخي العزيز الغالي أبو سويدان مرحبا بك وبردك وصح بدنك ورفع الله مقدارك ولك تقديري واحترامي

[فهد الهلالي]

مجاراه سريعه لقصيدة اخوي ابو عبد الله كتبتها واناء على عجل واسف اذا ماجت على المطلوب

يابو خليفه اوجس القلب عطب
والعقل مني غادي عن صوابه
يوم الليالي حرها سم عقرب
يزبد من المعلوق شي سطابه
القيض حره يقنب الذيب الاشهب
عند المقيله غير يكشر بنابه
لابالهيب القيض جرحك ولاصعب
خمسه اشهورغير ينقل صوابه
اليا هرف للشرق عود وغرب
ماغير يجول بين سميره وطابه
لاياليالي القيض مانتيب مطلب
لراعي الولع ماجابه الصوت جاءبه

الشيخ مسكين

[عبدالرحمن الخالدي]

أبشر والله بالوليمة يا أبوعبدالله ويامرحبا بك تراحيب المطر .

[الظغط العالي]

صح الله السانك ياخوي

وتقبل مروري

[يوسف الخليفة1]

ابو عبد الله 1
صح لسانك وسلم بنانك
والظاهر ان حلها بهالوقت ماهوب حاصل الا بأبها


مرحبا بأخي العزيز الشاهد1 وصحك بدنك وأنار الله محياك وحفظك الله في حلك وترحالك

[يوسف الخليفة1]

صح السانك يابوعبدالله على هذه القصيده الجزله بارك الله فيك واطال الله بعمرك تحياتي لك


اخيك الشيخ مسكين



تقف الكتابة احتراما للشيخ مسكين فمرحبا بك أخي العزيز الفاضل وأنار الله طريقك في الدارين وأجزل الله لك من

كل خير وصح بدنك ولك تقديري والشكر الجزيل

[يوسف الخليفة1]

[quote=الشيخ مسكين;1746477]
مجاراه سريعه لقصيدة اخوي ابو عبد الله كتبتها واناء على عجل واسف اذا ماجت على المطلوب







يابو خليفه اوجس القلب عطب
والعقل مني غادي عن صوابه
يوم الليالي حرها سم عقرب
يزبد من المعلوق شي سطابه
القيض حره يقنب الذيب الاشهب
عند المقيله غير يكشر بنابه
لابالهيب القيض جرحك ولاصعب
خمسه اشهورغير ينقل صوابه
اليا هرف للشرق عود وغرب
ماغير يجول بين سميره وطابه
لاياليالي القيض مانتيب مطلب
لراعي الولع ماجابه الصوت جاءبه


الشيخ مسكين


صح لسانك يا شيخ مسكين وسلم بنانك وسلمت أفكارك ولك تقديري واحترامي وإليك الرد


حي العزيز اللي جوابه مرطب=ديقان ربعه ما خبرنا الردا به
مع لفحة الرمضا بدا اللال يلهب=يا قاه فريونن قوين صلابه
يدمك طوال الليل يصبح معذب=ويمسي وماطوره يزيد اختبابه
هذي حياة القيض يشقا بها الضب=وحتى الطيور الخادره في هضابه
وابن ادم مسير على اليوم الاعصب=والصبر بيطار القدر والرضا به
الجو في بيدا الجزيره مقلب=هذا حصاد الكف واللي سعابه
يوم الكرايب في ذرا الناس تنشب=فعل الذنوب جهار مبدا خرابه
وجه الوطا مغبر والباذر اشهب=صار الحلا مرن هماجن شرابه
والوجه من بعد البشاشه مكنهب=الا الكريم المقتدي بالصحابه
هذاك وجه الخير للرب يرقب=يطلب رضا الرحمن فيه الحبابه
انا ادري ان الحر صلفن ومشتب=منهو تلقا واهجه واعذابه
امواهنا غارت عن العد والجب=ما باقي الا ربنا والرجا به
يا رب انا طالبك يا فالق الحب=يا فاتق القاع لبذاير ترابه
انت المسبب ترسل الغيث يا رب=ما غيرك اللي ساق وبل السحابه
عجف البهايم تشكي الحال الاجدب=التيس في رمل الصحاري ثغا به
ما باقي الا العوشقه باخر الدعب=والعشرقه بانت عليها الشهابه
والجرذي خلا الحزم ما عاد يلعب=حتى الحمام تقول ينقل صوابه
ربي الهي سامع الذر لادب=انت الغني كف الفقير التجا به
نرجيك همالن بروقه تلاسب=تشوف دون المزن طافح ربابه






( أبو عبد الله )

[يوسف الخليفة1]

أبشر والله بالوليمة يا أبوعبدالله ويامرحبا بك تراحيب المطر .


ما شاء الله أخي العزيز عبد الرحمن ما أسرعك في قلبها علي فأدام الله فضلك والحق لكم وليس لي واعتبرها

واصلة وأغناك الله من فضله ولك تقديري واحترامي والشكر الجزيل

[يوسف الخليفة1]

صح الله السانك ياخوي

وتقبل مروري


أخي العزيز الظغط العالي صح بدنك وأنار الله محياك وحياك ربي

[فهد الهلالي]

صح بدنك يابو عبد الله على هذا الرد الطيب ماشاء الله تبارك الله قمه ولا اروع من البيت الا البيت الذي يليه
بارك الله لك وحفظك من كل مكروه
تحياتي

[يوسف الخليفة1]

صح بدنك يابو عبد الله على هذا الرد الطيب ماشاء الله تبارك الله قمه ولا اروع من البيت الا البيت الذي يليه

بارك الله لك وحفظك من كل مكروه

تحياتي



الشيخ مسكين صح بدنك وأنار الله محياك ورفع الله قددرك ولك تقديري واحترامي وحياك ربي

[المان العرب]

صح الله االسانك يابو عبدالله وبيض الله وجهك ياشاعر مكشات

[يوسف الخليفة1]

صح الله االسانك يابو عبدالله وبيض الله وجهك ياشاعر مكشات


مرحبا بأخي الغالي المان العرب وصح بدنك وأنار الله محياك ورفع الله قدرك ولك احترامي

[عرين]

صح لسانك أخوي أبوعبدالله ولافض فوك

ولا أقول إلا ماشاء الله القاف عندك جزل ومتمكن وافي حتى لمن يرد عليك أو يجاريك وقد كنت أنوي ذلك لكن تهيبت قليلا لما رأيت من جزالة قي القاف وغزارة في المعنى وتمكن الحرف

لا أقول ذلك مجاملة ولكن هي خواطر إعجاب صادقة بالقافية وصاحبها

وفقك الله وأنار دربك ونفع بك وبقافيتك أمتك ودينك

وتقبل تحياتي وإعجابي بما يمليه فلبك وفكرك وتخطه يمينك

[يوسف الخليفة1]

صح لسانك أخوي أبوعبدالله ولافض فوك

ولا أقول إلا ماشاء الله القاف عندك جزل ومتمكن وافي حتى لمن يرد عليك أو يجاريك وقد كنت أنوي ذلك لكن تهيبت قليلا لما رأيت من جزالة قي القاف وغزارة في المعنى وتمكن الحرف

لا أقول ذلك مجاملة ولكن هي خواطر إعجاب صادقة بالقافية وصاحبها

وفقك الله وأنار دربك ونفع بك وبقافيتك أمتك ودينك

وتقبل تحياتي وإعجابي بما يمليه فلبك وفكرك وتخطه يمينك


مرحبا بك أخي عرين وعلى الرحب والسعة وطابت أيامك وأنار الله محياك ورفع قدرك والشكر الجزيل على

لطافة القول وحسن الرد وأعطنا ما عندك أخي العزيز فما كان منك فهو مبارك بإذن الله ونرحب به وفقك الله لكل

خير وأنار طريقك في الدارين وسلمت وسلم قلبك وفكرك ولك تقديري واحترامي