اخواني ابي ثلاجة تعمل علي الغاز تكفوون

[كاشت ومستانس]

اخواني لدي حلال وأريد ثلاجة تعمل علي الغاز احط فيها لحم الصبي وماء بارد وتعرفوون الحر مايخللي شي .تكفوون اللي عنده ثلاجة أو يخبر بس باالسعوديه لقيت بقطر واحد حاط بالمنتدي حاط رقمهم بس بعيدين ان حصل شين نظيف تخبرونه او جديد لاتبخلوون علينا تكفوون يالرجاال:( :( :( :(

[بيبسي]

أنا اذكرها تنباع بمحلات الاجهزه الكهربائيه شف الشتاء والصيف أو المحلات اللي بالحراج..أو اللي في البطحاء وهي نادرة الوجود بس ان شاء الله تلقاها .. انت أسأل هالمحلات وهو يدلونك وين تلقاها

[كاشت ومستانس]

جزاك الله خير بس ابي وصف لمحل درت بالريااااض لين دخت اذا اح\ يعرف محل معين يقوولي

[الفتكي]

السلام عليكم
شوف اخوي كاشت ومستانس تحصلها عند السنيدي انا شايفها يوم الخميس في 28/7/1429هـ واظن عند نثال في القصيم وتراها الصغيره تجي على كهرباء 12فولت و220 وغاز وسبق اني شفتها عند وكيلها ( نثال ) مقاس 40 و70 منذ تقريبا سنه واذا انت من غير منطقة القصيم راح اجيب لك الخبر ان شاء الله .

[كاشت ومستانس]

كثر خيرك بس ابي رقم نثاااااااااال واللي عند السنيدي وش مقاسه بالظبط

[قرقاص]

انا لقيت وحده عند محل العساكر للاجهزة الكهربائية

فرعهم اللي في الحراج اللي على الدائري الجنوبي

بالتوفيق

[كاشت ومستانس]

طيب كثر خيرك ابي رقم العساكر اللي تقوول انا من أهل عنيزة وصعبه اني ارووح للرياض لو حصلت الرقم اكوون شاكر حتي ايضا اسألهم عن ا لمقاسات وبالنسبه لخوي اللي قال عند نثال اتصلت فيهم ورد واحد وقال مافيه
:( :( :( :( :( :( :( :(
ابي ثلاجة تكفوون ضاق صدي ونا ادور

[السارحي]

شف يالغالي اذا تبي النصيحه لا تاخذ غير صناعه برازيليه هي الاصليه والا في صيني ما يطول معها الغاز واذا تبي جديده النعيريه فيها لكن اسمحلي والله ماعندي رقمهم واظنها 2400 ريال تقريبا
وماني حول النعيريه اذا تعرف احد رايح لها او قريب منها يكفيك العنوه

[الأيقونة]

http://www.mekshat.com/vb/showthread.php?t=96093

[الفتكي]

السلام عليكم
شوف اخوي كاشت ومستانس جبت لك رقم نثال ( 063939933 ) ومح السنيدي موجود في الاعلان حقهم
لعلي افدتكم وشكرا.

[كاشت ومستانس]

الايقوونه اخوي شفت موضوعك بارك الله فيك والصور الي انت حاط بس السؤال قلت من محل بالقصيم ولا حددته كما شكر كل الشكر اخويالفتكي علي رقم نثال ولاخ قرقاص مازلت انتظر رقم العساكر اذا عندك بارك الله فيك

[الأيقونة]

السعر موجود بالرابط السابق يا كاشت
اذا اعجبك عطني خبر علشان ادور لك جوال صاحب المحل واحتمال ما تحصلها لانها ما تجي بسهولة وغير متوفره بكثرة

[قرقاص]

هلا اخوي كاشت ومستانس

معليش انتهى اشتراكي ولا قدرت ادخل الا اليوم

ان شاء الله اليوم او بكره بالكثير اجيب لك الرقم

آسف عالتاخير

[كاشت ومستانس]

اشكرك يا أيقونة ومازلت انتظر الرقم...... قرقاص شاكر لك بعد ومنتظرك برقم العساكر

[abdurahman12]

اخوي كاشت ومستانس ان تساني منيب واهم تلقى طلبك عند (( ذيب الصحراء )) في الرياض شمال اسواق العويس ويوفرها لك بالطلب.
وعسى الله يعينك ويوفقك..