الزمن هذا ترى ماهو زماني

[جرير]

سبق ان طلب اخونا ريف النشاما التعليق علي هالصوره



وعلقنا بهالبويتات






http://www.mekshat.com/pix/upload02/images75/mk15396_aa.jpg






بالمواقف احجزوا ليه مكاني=المواتر صايرن معهم خشير


جابني في وسطهم شي حداني=كثروا الجمهمور والموقف خطير
كيف صار الوضع حالي مشبهاني=شربهم بنزين وانا اكلي شعير
موقفي هذا من تهاويل الزماني=بالزمن هذا كل شي يصير
عقب ماني ماسك حبل السواني=اروي العطشان واغيث الضرير
عقب ماني مرتعي روس المثاني=اطوي الاطعاس من طول المسير
عقب ماني صعب صاير مطوعاني=بس ادير الشبك ياشين المصير
بالملاهي صرت مثل المرجحاني=قيمة الدوره بعشره للصغير
يالطيف الطف وماجاني كفاني=مابقى لي شي غير اسمي بعير

[وَسَام!]

هههههههههههههههه
صح لسانك ولاهنت!
هذا التعليق اللي في محله!

[ابو صقر992]

صـــــــــح لسانك يامشرفنا جرير ولاهنت 00

[عرين]

صح لسانك أخي جرير أبيات معبرة عن الصورة التي سبقتها

وقد استوقفتني الذكرى والهواجيس عندما قرأت هذين البيتين


عقب ماني ماسك حبل السوانـي
اروي العطشان واغيث الضريـر
عقب ماني مرتعي روس المثاني
اطوي الاطعاس من طول المسير

[رحلة برية]

مشكور الصورة مع القصيدة شيء ثاني ههههههههه

[أبو سيف 1]

دمت ياللي ناظمٍ حلو المعاني=زانت الصورة بعد جاها جرير

[عبدالرحمن الخالدي]

ماشاء الله تبارك الله وكأن الراحلة هي التي تتحدث , صح لسانك يامشرفنا .

[قرقاص888]

تحياتي لك يااخوي جرير
وصح لسانك ابيات احرجت الصوره من جزالتهااا
والله يعطيك العافيه

[جرير]

بارك الله قي الجميع
لكم الشكر الجزيل علي المرور والكلمات الجميله

[القطاوي 2008]

صح لسانك يامشرفنا .

[الخيال2006]

صح لسانك مشرفنا الغالي على القصيدة الجميله وبارك الله فيك,,,

[ذيب عنزة]

صح لسانك يا مشرفنا الغالي ودايم على عوايدك والمنظر مضحك وجميل تقبل مروري