من عنده معلومات عن حمام الزاجل

[إجذب]

السلام عليكم
اريد ان اعمل مشروع انتاج حمام الزاجل
وقلت مالي الى مكشات هم اللي بيفيدوني عن هذا العمل
أريد من عنده معلومات عن الطرق المثلى للتربيته وبناءه بيوته
وعن سلبياته وإيجابياته
وعن الجدوى الأقتصاديه
ونريد نوعيه تصلح لأهل الصقور وكذلك للأكل وللبيع
وجزيتم خيرا
محبكم
ابو نوره

[القطاوي 2008]

ما يقصرون الاخوان انشالله

[اح ب2267]

يالغالي اولا تجهز العشه
ثانيا المحاكر والمخافق
ثالثاالعيشات والعومات
رابعا المكيف السحراوي (يكون بعيد عنهن)
خامسا ان تاتي بحمام ويفضل انك تشتري عشه كامله يعني من حوش واحد
شرط اخير انك تشرط على البائع ان يكون اغلبهن ازواج(ذكروانث)
الاكل عليك بذره والمكعبات
واخيرا يجب عليك بلاهتمام من الناحيه الصحيه
والله الموفق

[جارح العين]

القسم هذا حق قتل الطيور وتدميرها واكلها :d خخخخ لاكن لو تحط الموضوع بقسم الحياة الفطريه انسب وبيفيدونك انشاء الله
والله يوفقك بمشروعك

[هوى القرانيس]

الله يعينك ويوفقك في الانتاج
الصقاقير يريدون المحوم ( بدون عشة ) وفي هذه الحالة يقل الانتاج
تحياتي لك

[خالد الحبابي]

انا مع الاخوان اح ب 2267 و هوى القرانيس

[قنيص غبر]

هههههه جارح العين صدقت والله هنييه فيه تلقيف على الحمام الزاجل وعزل واكل .. ان كنت تسال عن التربيه فعتقد مثل ماقالو الحياة الفطريه .. بس اللي اعرفه ان احسن شي هو مايسمى باللاحم ويكون ابيض خالص ..

[إجذب]

مشكورين وجزاكم الله خير
بس ابي شرح كامل ووافي
وابشرو بالحمام اللي اتحدى طير من طيوركم يعطيها مرد واحد
وشكرا للجميع

[إجذب]

اح ب ماقصرت وشرح وافي لكن تقول مكيف صحراوي
هل هو ضروري
وشكرا

[قناص شمير]

مرحبا اخوي
اولا المكيف ماهوب ضروري واجد
ومثل ما قالوا لك الاخوان حاول تاخذهم ازواج
واهم شي ونصيحة من مجرب
الأزوج اللي شريتهم من غيرك لا تخليهم يطلعون برع العشة
واما فروخهم فالموضوع طبيعي خلهم يطيرون عادي
وسلامتك وموفق

[شبراق]

اضافه على الخوه

اذا انشااءالله على خير خل عندك عشه ثانيه للتطيير يعني اذا بداء الفرخ يطير اعزله بالشبك الثاني بس اول ماتعزله لا تقطع العلف عنهن عطهن وهن يحومن وبد قلل على اشوي اشوي عشان يبعدن ويدورن علف ويتليقن وبعد فتره من اطلاقهن امسكهن ورح مسافه تبعد حوالي 10 كيلو وفكهن وذا رجعن خذلك فتره كم يوم وسو الطريقه ثاني مره مسافه اكثر 20 كيلو وعلى الطريقه بحيث اذا فكيت بمكان بعيد يرجعن لك (وتبداء تحدا ربعك ولا تخسر حمام ) هههههههههه
ادري اني طولت عليك لكن تحملنا :d

[إجذب]

مشكورين يالربع معلومات قيمه
اشهد اني استفد منكم
شكرا

[تالي الاولين*]

حياك الله اخوي
واهل التجارب انشاءالله مايقصرون معك

وبغض النظر عن نوع الحمام اهم شي نظافة المكان
لانه من اسرع الطيور في اكتساب الامراض ونقلها
الله يوفقنا وياك وكل مسلم

[ناصر الحمد]

الله يوفقك يالغالي

[@قرناص@]

هلا أخوي,,

رح لنجار وخله يسويلك عشه . على حسب المكان والمساحه وعدد الاجواز المطلوبه..

بخصوص الأكل عندك الروز والخبز والقمح والشعير,,,

تراه مشروع ناجح لاكن يبغاله اهتمام..

وبالتوفيق

[لعّاب المنايا]

فالك الخير وإذا انتجت بلغنا نجي نآخذ منك ,,

[قرناس 14]

هلافيك اخوي

اول شي تسويه تامين المكان والمحاكر او رفوف
بعدها تجيب الحمام اللي انت تبي تربيه واحرص انه مايكون مخطلوط بطير ثاني عشان انتاجك يكون متيحتاج
والباقي معروف الاخوان ماقصروو

نتمنى لك التوفيق انشاء الله
تقبل مروري
اخوك
قرناس 14

[طمران]

الاخوان ماقصروا لكن عندي اضافة بسيطه :
1 - الحمام الزاجل سلالات مختلفه حسب السرعه والمسافه ( قصيرة ، متوسطه ، طويلة ، طويلة جدا الى 1250 كم ) ، لذا يجب ان تحدد السلاله رغبتكم حسب المسافة .
2 - يجب الحرص على شراء الازواج من هواة او محترفين مسجلين بالاندية او معروفين من الفوز ببطولات .
3- الاهتمام بنظافة المقر ( العشه او المحكر ) ، وتحديد اماكن للتفريخ والحمام الطيار .
4- الحرص على التدريب من مسافات مختلفه .
5 - الاتصال بذوي الخبرة من المربين .
6- لاتبيع حمام السرعه على هواة تربية الصقور لانهم لبيتعبون طيورهم ولاهي بلاحقته !!!!!!!!!!!!

[mish33aal]

هلا اخوي اجذب انا الحين عندي حمام زاجل شريت 40 جوز من عشه وحده قبل اربع اشهور ( للاستخدام التخصي طبعاً ) وفيه طبات ولله الحمد وانا حاط عشتين عشه للامهات مسكرها وعشه للفراخ اذا كبر الفرخ وصار يعتمد على نفسة طلعته وعشه الفراخ ما اسكرها اخليها مفتوحه ولا احوم الفراخه افضل شي انك تخليها على راحتها لاني جربت احوم اول شي لين فقت كم جوز وبديت اخليها واتابعها وهي تحوم واذا عرفن البيت وترسن مضبوط خذها لمكان بعين عن البيت من 5 كيلو وتحت واذا رجعاً ابد كل يوم او يومين بمسافات اكثر يعني تطليق الطير اذا كنت تبغاها للطيور . اتمنا اني عطيتك المعلومات الي تبحث عنها بس تراهاااااا شغله متعبة جداااااا