كان ياماكان .. قبل قارمن وماجلان .. مغامرات .. ومذكرات .. سرية.

[دغيم1]

السلام عليكم ورحمة الله وبركاته

أسعد الله أوقاتكم بكل خير

عندما يستطرد المحب في وصف من يعشق فبلا شك أنه سيكيل المديح ويجعل من ذلك الوصف جزء من الخيال

ولكن عندما تخالط تلك الذكريات أفراح وأحزان
هنا يختلف الأمر ويبقى فيه من الصعوبة الشيء الكثير
ونظرا لرغبة البعض في الاستطراد
وذكر بعض الأحداث
فيستحيل أن أقف أو أن أتردد لحظة
هي ذكريات إختزلتها داخل سجل حياتي فترة طويلة تجاوزت الثلاثين عاما
ولأن منتدى مكشات أعتبرته مخزن ذكرياتي وصندوق أماناتي القديمة
لأنها تساوي عندي الكثير بل تفوق في غلاها وقيمتها المال .
أحببت أن أسطر فوق صفحاته حروفي وأنثر ذلك السجل
ليطلع عليه منهم في قدرهم وغلاهم عندى يساوون الكثير
إلا أنها غير قابلة للنشر .... يعني سرية

سأقوم بطرح الذكريات على شكل سلسلة مترابطة في موضوع واحد وعلى شكل وقفات ..

وسوف أبذل جهدي على أن تكون حسب أقدمية التاريخ .

اييييييه الله يعين

ماعليه .... تفضلوا ....

تعالوا عندالمشب ونتقهوا وأقول لكم وش عندي
وما راح أطول عليكم وباختصار قدر الإمكان

http://www.mekshat.com/pix/upload02/images76/mk46848_dscf0358 (small).jpg

عشقت الصحراء بكل حالاتها عن طريق الوراثة
لأن والدي رحمة الله يحب البر وكان يطلع بنا وبعض الأقارب لأماكن كانت بعيدة عن الرياض ولكن ألآن تعتبر قريبة من الرياض
كانت في ذلك الوقت جميلة جدا ، وكان عنده وانيت – داتسون - غماره وحده - مسوي عليه شد طويل .

http://www.mekshat.com/pix/upload02/images75/mk46848_dscf0389 (small).jpg

صورة للونيت على طريق الرياض الطائف القديم عند إحدى المحطات وأعتقد انها في الدوادمي

فأحببت البر من صغري ، لأني أجد فيه الراحة وسعة الصدر والحرية والمساحة الكبيرة للتنقل بين الجبال والرمال والأشجار والطبيعة والحيوانات والحشرات ...
حتى كبرت ، وكبرت معي هذه الهواية

وكانت أول رحلاتي الخاصة .. كان معي ونيت الوالد - هايلوكس – موديل 76 – نصف شد ( نصف هانقلين )
ثم اشتريت واحد ثاني مثله مستعمل طبعا - لكن إستعمال حشمة – وكان عليه شد كامل وشراع - وجلسات فوق - وسله على التنده .
أول شيء سويته شلت نصف الشد والشراع ، وحطيت فيه العدة حقت البر.

http://www.mekshat.com/pix/upload02/images76/mk46848_14859.jpg

وبديت أروح لكل مكان أحيانا مع بعض الأخوان والأقارب وأحيانا لوحدي إذا مالقيت أحد .

ومن هنا راح أقول لكم عن مغامراتي المكشاتية ...
كان ياماكن ... قبل لايجي قارمن وماجلان ...
كان فيه منتدى أسمه مكشات .. فيه كل شيء عن الرحلات ..
وكان فيه عضو أسمه .. دغيم 1
راح أقول لكم عنه قصص كثيرة .. مغامراته .. لكن ..

..لاتقلدونه .. لأن التقليد يضر .. خذو عبره .. واستفيدوا منها .. وفي كل مره راح أقول لكم
وقفه .... وفي كل وقفه قصة ،، والغالب أنها طريفة ..
وعشان ماطول عليكم راح أبدأ بـ

الوقفة الأولى


كانت الأجواء ماطرة والأرض رويانه وروضة الخرارة مليانه مويه

وكنا في شهر رمضان المبارك – الله يلحقنا وإياكم خير – ويرزقنا صيامه وقيامه .

كان معي الونيت الهايلوكس 76 ، قلت لجاري :- ودك تروح معي للخرارة نشوف الماء ونرجع .

قال أنا عازم على الفطور رجال ، وأخاف نتأخر ، قلت : لا ياشيخ ، وينا وين الفطور ، أبد نطل على الخرارة ونرجع على طول والوقت توه طويل .

قال : توكل على الله .

ركبنا السيارة وطلعنا متجهين للخرارة ، وصلت النفود قلت له : بفرق من هنا أقرب ونزلنا في نقره الله يجيركم لاعب السيل في أطرافها ومالها مطلع إلا اللي نزلت منه ورفيع .

والله مشكلة ، حاولت أطلع بشتى الوسائل ماقدرت ، وكل شوي أسوي وزنيه للبلاتين لأنه يلذع من كثر الجور على الموتر عشان يطلع ، وإذا وصل قبل النهاية وقف ، مافيه عزم .وبنشر الكفر وغيرته مع أني أشيل معي دايم 3 استبنات

المهم جاري قرر يروح للأزفلت مع انه بعيد شوي تعرف نفود ، وصايم .

وبعد أن قررت أن تكون آخر محاوله ، وفق الله وطلعت وسبقت جاري .

المهم ركب ورحت مع الجهة الثانية ، وإلا أردى ... لكن ربك ستر ماجلست كثير .

طلعت بسرعة .

طلب جاري أروح للرياض خلاص قفلت معاه مايبي يشوف الخرارة

بعد عدة محاولات وطلبات وافق أروح للخرارة مع الطريق الممهد قبل لايسفلت

وصلناها وشفناها ورجعت على طول .

وصلنا الرياض بعد آذان المغرب بلحظات ، وكان أهل جاري منشغلين عليه وينتظرونه عند الباب ،( وأنا مسكين ماحد ينتظرني .. متعودين أطلع وارجع أي وقت ) المهم من الزعل نزل من السيارة وصك الباب بقوته التي رزقه الله إياها

وقال : الشرهة ماهي عليك الشرهة على اللي يروح معاك .

..............................

[غالي]

ماشاء الله تبارك الرحمن

ذكريات جميله وطرح وصور اجمل

سلمت يمينك اخي الكريم

تحيتي،،،،،

[القطاوي 2008]

مشكورررررررررررررررررر يالغالي

[صقر البحيرات]

الله يعطيك العافيه
امتعنا يا الغالي بهالصور والمواقف وهذا الأبداع الحرفي
مشكور وننتظر الوقفه الثانيه
تقبل مروري يااااااابعدي

[دغيم1]

ماشاء الله تبارك الرحمن
ذكريات جميله وطرح وصور اجمل
سلمت يمينك اخي الكريم
تحيتي،،،،،
حياك الله أخوي
تسلم ، وماعليك زود
شكرا على المرور



مشكورررررررررررررررررر يالغالي
العفو
وياهلا فيك


الله يعطيك العافيه
امتعنا يا الغالي بهالصور والمواقف وهذا الأبداع الحرفي
مشكور وننتظر الوقفه الثانيه
تقبل مروري يااااااابعدي
الله يعافيك ويبارك في عمرك
العفو
شرفني مرورك
تحياتي

[الدرعيه]

ماقلت لنا يا دغيم1 وش صار علي الضيف عسى مادعا عليك بشر

[الرجم العالي]

الـــ76 للبيع .. شرط المعاينه :D ..


الله يوسع صدرك بطاعته ..


أمتعتنا متعك الله بالصحه والعافيه ..


متابعين بصمت ..

.

[المشراق]

بالصراحة طلعة حلوة بس انك وهقت الرجال بضيفه وعياله مشكوووووور بارك الله فيك وننتظر الجايات

[سوبر VTC]

و الله انك اوجعت قلبي على الذكريات اللي ماتنسى
الله يرحم هالذكريات الجميلة
قلوب صافية عز و معزة و قلوب على وضح النقا
ضربت على الوتر الحساس:d :d
جاري الانتظار
متابع

[بن عاقول]

الله يعطيك العافية قصة مشوقة - واسمح لي أقولك الشرهة مهيب عليه الشرهة عليك يوم إنك تاخذ معك خوي
يفتقد للروح الرياضية والتسليم بالقضاء والقدر ، لاتزعل ، فعلا ماود الواحد ينقل معـــــه إلا الناس اللي تكون وسيعة صدر وتكون له سند في السراء والضراء ، يعني بصراحة همك إنك توسع صدره بشوفة السيل ودمرت موترك علشانه ، وهو بدال مايقول الحمدلله على السلامة ومشكور على هالتمشية يقول الشرهة مهيب عليك.

تحياتي لك

[مكتشف الأمطار]

ذكريات جميله ومواقف لا تنسى
الله يعطيك العافيه
وجزاك الله خير
متابع..........

[بارق الفجر]

السلام عليكم ورحمة الله وبركاته
أخي دغيم1
أبدعت في سردك لهذه الذكريات والقصص الجميلة والأجمل توثيقها بالصور
نحن في شوق لباقي الوقفات فلاتطيل علينا
تقبل مروري
بارق الفجر

[دغيم1]

ماقلت لنا يا دغيم1 وش صار علي الضيف عسى مادعا عليك بشر

السلام عليكم
حياك أخوي
لا مادعا
شكرا على المرور




الـــ76 للبيع .. شرط المعاينه :D ..

الله يوسع صدرك بطاعته ..
أمتعتنا متعك الله بالصحه والعافيه ..
متابعين بصمت ..

هلا فيك أخوي
الله المستعان - يطلبك الحل
وصدرك ياغالي
شكرا على المرور



بالصراحة طلعة حلوة بس انك وهقت الرجال بضيفه وعياله مشكوووووور بارك الله فيك وننتظر الجايات
هلا فيك أخوي
اي والله وهقته لكن ماحسبت حساب الظروف
لا ... ماهي أول مرة ... انتظرني في القادم القريب
وفيك
شرفني مرورك




و الله انك اوجعت قلبي على الذكريات اللي ماتنسى

الله يرحم هالذكريات الجميلة
قلوب صافية عز و معزة و قلوب على وضح النقا
ضربت على الوتر الحساس:d :d
جاري الانتظار

متابع

هلا والله بأخوي
اكيد .. القلوب صافية .. ومتحابة في الله
ابشر
شكرا على المرور

[دغيم1]

الله يعطيك العافية قصة مشوقة - واسمح لي أقولك الشرهة مهيب عليه الشرهة عليك يوم إنك تاخذ معك خوي
يفتقد للروح الرياضية والتسليم بالقضاء والقدر ، لاتزعل ، فعلا ماود الواحد ينقل معـــــه إلا الناس اللي تكون وسيعة صدر وتكون له سند في السراء والضراء ، يعني بصراحة همك إنك توسع صدره بشوفة السيل ودمرت موترك علشانه ، وهو بدال مايقول الحمدلله على السلامة ومشكور على هالتمشية يقول الشرهة مهيب عليك.
تحياتي لك

هلا فيك أخوي
ويعافيك ويبارك في عمرك
لا ماهو إلى هذى الدرجة .. لكن المشكلة انه مايتحمل التأخير .. وأهله ينزعجون عليه لو تاخر دقايق .
شكرا على المرور



ذكريات جميله ومواقف لا تنسى

الله يعطيك العافيه
وجزاك الله خير

متابع..........



هلا والله فيك
أي والله جميلة وخاصة لما تجلس تسترحعها على الفديو .. شيء ثاني
تقعد تضحك فتره ويمكن تبكي فترات
ويعافيك ويبارك في عمرك
ويجزاك بالجنة
شكرا على المرور



السلام عليكم ورحمة الله وبركاته

أخي دغيم1
أبدعت في سردك لهذه الذكريات والقصص الجميلة والأجمل توثيقها بالصور
نحن في شوق لباقي الوقفات فلاتطيل علينا
تقبل مروري

بارق الفجر

وعليكم السلام ورحمة الله وبركاته
شكرا على الإطراء ، هذا من حسن ذاتك .
أبشر ياغالي
شرفني مرورك
تحياتي

[دغيم1]

الوقفة الثانية
بسم الله الرحمن الرحيم

تعتبر المرحلة الثانوية من أفضل المراحل الدراسية من ناحية
الذكريات الجميلة والأصدقاء
وفي عام 1399 هـ .
بعد مانتهينا من مباراة كرة الطائرة

http://www.mekshat.com/pix/upload02/images76/mk46848_dscf2491.jpg

وفزنا بالكأس ، سلمه لنا مدير المدرسة وكان هذا في الفسحة ، وبحضور المعلمين والطلاب
كانت فرحتنا غامرة

http://www.mekshat.com/pix/upload02/images76/mk46848_dscf2492.jpg

رحنا للفصل ، واجتمعنا مع بعض عشان نحتفل بها المناسبة

http://www.mekshat.com/pix/upload02/images76/mk46848_dscf2488.jpg


فاقترح بعض الزملاء برحلة إلى شعيب الحيسية لأن ذاك الوقت مانعرف إلا شعيب صلبوخ وشعيب حريملاء وشعيب الحيسية
فقررنا على شعيب الحيسية ، وكلمنا بعض المعلمين
عشان يزورونا هناك وعزمناهم على الغداء
طلبنا من مدير المدرسة سلفه ( وهي مبلغ مالي يعطى للرحلة غير مسترجعه )
وأخذنا المعاميل من المدرسة وكانت في ذالك الوقت متكامله - خيام وقدور - وفرشات - وكل مايلزم للرحلة . كانت الأمور زينة أول .
وتعرفون شعيب الحيسية أنه دايم يهب فيه الهواء والغبار .
المهم وصلنا الشعيب ، ونصبنا الخيمة ، ( اللي لكم عليها ).

http://www.mekshat.com/pix/upload02/images76/mk46848_dscf2490.jpg


وتعرفون عفش العزوبية ، منثر في كل مكان
وفي آخر الليل هب علينا هواء قوي ، وطير العفش ، والخيمة ، ويالله سترك .
وعلى ها الحال إلى الصبح ، يوم أصبحنا ندور العفش إلا والله مافيه شيء ، كل شيء طار ، وندور على واحد من الزملاء ولقيناه مدفون في الرمل ، وواحد ناشب في طنب الخيمة ومنشق ثوبه .
المهم لمينا شتاتنا ، وزينا الخيمة .
يوم جاء وقت الغداء ، طلع ثلاثة من الزملاء للعيينه يدورون على مطعم يجيبون غداء للضيوف .
لأن المعاميل راحت مع الهبايب الله يعوض علينا .
وصل المعلمون وجلسوا في الخيمة ( الله ياخيام زمان جميع الألوان في الرواق )

http://www.mekshat.com/pix/upload02/images76/mk46848_dscf2489.jpg


المهم تأخروا الأخوان لأنهم ماحصلوا غداء في العيينة ، وراحوا للرياض ، والمعلمين أعتذروا ويبون يرجعون ، حاولت أخليهم يجلسون لكن قالوا وراهم أشغال.
وفي طريق الرجعة قابلوا الزملاء راجعين من الرياض ،
ومامعهم إلا سندويتشات ،
وصارت سالفة ذيك السنة ، وتفشلنا مع المعلمين ،
لكن بقيت ذكرى جميلة ، كل ماتذكرناها صرنا نضحك .
.
. وإلى وقفة أخرى
تقبلوا تحياتي

[بن عاقول]

صور حلوة صراحة الله يعطيك العافية ، أنا في هالسنة المصورة كنت في خامس إبتدائي والمدارس نفس النمط اللي في الصور كلش ولا الفنايل والترنقات الله يرحم وين التغذية الصبـــاحية ( فطور ) وكنادر الشراع حقت المعارف مشاء الله عليك أخوي دغيم1 صراحة أقل مايمكن إطلاقه عليك انك تستاهل تكون مؤرخ على هالسرد
والتصوير ، لدي سؤال السيارة إللي عليها التلفزيون كريسيدا او مازدا أو200 إل ، أو منيب حول هذي السيارات؟

تحياتي لك

[عبدالله العلاج]

هههههههههههههههههههههههههههههههههههههههههههههههههه هههه
حسبي الله ونعم الوكيل

أقولك عطنا الوقفه الثالثه وعجل بها
والله سرد قمه في الإمتاع
عافاك الله عزيزي

[سوبر VTC]

اللي نصب الخيمة شكله حول هههههههههههه:d :d
بس التلفزيون و ش فايدته بالبر يعني ماحولك شي
الا كان شكله خربان يمكن زينه ههههههههههه:d
ايام رائعة وجميلة قمة في البساطة


لكن حدى الربع نسيبه عنده صور قديمة جدا جدا لاقاربه و خواله و اصدقائه و كشتاته
ورافض اننا ننسخهن منه فقط نتفرج عليهن
جاري الانتظار للوقفة الثالثة متابع بحماس شنق حتى الموت:d
تحياتي :)

[دغيم1]

صور حلوة صراحة الله يعطيك العافية ، أنا في هالسنة المصورة كنت في خامس إبتدائي والمدارس نفس النمط اللي في الصور كلش ولا الفنايل والترنقات الله يرحم وين التغذية الصبـــاحية ( فطور ) وكنادر الشراع حقت المعارف مشاء الله عليك أخوي دغيم1 صراحة أقل مايمكن إطلاقه عليك انك تستاهل تكون مؤرخ على هالسرد
والتصوير ، لدي سؤال السيارة إللي عليها التلفزيون كريسيدا او مازدا أو200 إل ، أو منيب حول هذي السيارات؟
تحياتي لك

السلام عليكم ورحمة الله وبركاته
حياك الله أخي الكريم
نعم .. ايام زمان بالفعل حلوه وذكرياتها رائعة
فيها البساطة ، والعفوية ، وسعة الصدر
تدري ... محتفظ بعينة من الشرابات البيض وخط أخضر ( اكرمكم الله )
شكرا على المشاعر الطيبة
وأسأل الله أن يمد في عمرك على الطاعة والصحة والعافية
بالنسبة للسيارة ... 200 إل
شرفني مرورك ومتابعتك
تقبل تحياتي وتقديري وشكري

[دغيم1]

هههههههههههههههههههههههههههههههههههههههههههههههههه هههه
حسبي الله ونعم الوكيل
أقولك عطنا الوقفه الثالثه وعجل بها
والله سرد قمه في الإمتاع
عافاك الله عزيزي

السلام عليكم
هلا والله أخوي
عبد الله
أبشر
وشكرا على المتابعة والقادم أحلى .
تسلم على الثناء الطيب
شرفني مرورك
تقبل تحياتي

[دغيم1]

اللي نصب الخيمة شكله حول هههههههههههه:d :d

بس التلفزيون و ش فايدته بالبر يعني ماحولك شي
الا كان شكله خربان يمكن زينه ههههههههههه:d
ايام رائعة وجميلة قمة في البساطة
لكن حدى الربع نسيبه عنده صور قديمة جدا جدا لاقاربه و خواله و اصدقائه و كشتاته
ورافض اننا ننسخهن منه فقط نتفرج عليهن
جاري الانتظار للوقفة الثالثة متابع بحماس شنق حتى الموت:d

تحياتي :)



السلام عليكم
حياك الله أخوي
لا وانت الصادق .. واصلين بالليل .. وعجلين على المكرونه
هذا واحد حريص على الأخبار .. وحاط خشبة وأنتل وجالس يوزن .. على باله يدور إتجاه عرب سات.
الصور القديمة ... تحتاج إلى رعاية لأنها تفقد جودتها مع الزمن .. وعلى كذا أفضل شيء يصورها ماكرو بالكاميرا ويحتفظ فيها قبل لاتروح ، وهذا هو مشروعي الآن بالنسبة للفيديو والصور .
أبشر ياغالي ... إنتظارك محل إهتمامنا
شرفني مرورك
تقبل تحياتي

[نوناس]

السلام عليكم

ماشااء الله ذكريات طيبه وعاصره للقلب

:(

يعطيك العافيه ويارك لك في وقتك وعمرك

متابع عن بعد

[سفير الشمال]

السلام عليكم ورحمة الله وبركاته
مشرفنا الفاضل أبوفيصل
الله يسعد أيامك بالخيروالبركات
مثلما شوقتنا ومتعتنا بهذه الذكريات الجميله وللمواقف الطريفه
أعجبني قصتكم مع جاركم العزيز في الوقفه الأولى من سلسلتكم الرائعه :D
الوقفه الثانيه بالفعل نفس الذكريات التي عشناها وكأني بك تقوم بسردها نيابة عنا
أبوفيصل لم يكن في ذلك الوقت يتم توزيع وجبة الفطور بالمدرسه (التغذيه)وكانت عباره عن(عصيده)الخخخخ
معاد هنا قلب نسيان في نسيان:rolleyes:
متعتنا يابوفيصل بهذه الوقفات والذكريات الله يمتعك بالصحه والعافيه
بشوق ولهفه ألى باقي الوقفات الأخرى وفقك الله ورعاك
تقبل الأحترام والتقدير
أثركم متطورين أبوفيصل منول تلعبون شطرنج :)
http://www.mekshat.com/pix/upload02/images76/mk46848_dscf2489.jpg

[دغيم1]

السلام عليكم




ماشااء الله ذكريات طيبه وعاصره للقلب

:(
يعطيك العافيه ويارك لك في وقتك وعمرك
متابع عن بعد





وعليكم السلام ورحمة الله وبركاته

حياك الله أخوي
الله يعافيك ويبارك في عمرك
لا مانبي تتابع عن بعد
خلك قريب
شرفني مرورك
تقبل تحياتي






السلام عليكم ورحمة الله وبركاته



مشرفنا الفاضل أبوفيصل
الله يسعد أيامك بالخيروالبركات
مثلما شوقتنا ومتعتنا بهذه الذكريات الجميله وللمواقف الطريفه
أعجبني قصتكم مع جاركم العزيز في الوقفه الأولى من سلسلتكم الرائعه :d
الوقفه الثانيه بالفعل نفس الذكريات التي عشناها وكأني بك تقوم بسردها نيابة عنا
أبوفيصل الم يكن في ذلك الوقت يتم توزيع وجبة الفطور بالمدرسه (التغذيه)وكانت عباره عن(عصيده)الخخخخ
معاد هنا قلب نسيان في نسيان:rolleyes:
متعتنا يابوفيصل بهذه الوقفات والذكريات الله يمتعك بالصحه والعافيه
بشوق ولهفه ألى باقي الوقفات الأخرى وفقك الله ورعاك
تقبل الأحترام والتقدير
أثركم متطورين أبوفيصل منول تلعبون شطرنج :)




وعليكم السلام ورحمة الله وبركاته
حياك الله سفيرنا الغالي
ويسعدك دنيا ,آخره ويبارك في عمرك
نعم .. كانت الوجبات ( التغذية ) توزع وكنت أنا المسؤل عن فصلي في توزيعها
روفاليو .. وعصيدة .. والبسكوت اللي كنه خشبه من عرضه .. فول سوداني .. الخ
ايه متطورين بس والله ماذكر اللعبة إلا في الصورة فقط
شرفني مرورك
شاكرا لك تواصلك ودعمك
تقبل تحياتي

[بارق الفجر]

نعم .. كانت الوجبات ( التغذية ) توزع وكنت أنا المسؤل عن فصلي في توزيعها
روفاليو .. وعصيدة .. والبكسوت اللي كنه خشبه من عرضه .. فول سوداني .. الخ
[/center]


ولاتنسى ملابس الرياضة التي كانت توزع قديماً على الطلاب كان لونها طبعاً أخضر وخط أبيض الله يذكر ذيك الأيام بالخير
أخي دغيم واصل بقيت الوقفات فنحن في شوق لها

[ابوقاسم]

موضوع ولا احلى منه
اعاد لنا الذكريات واسترجعها بقوة
عساك دوم بصحة وتسترجع زيادة
لاتطول يخوك تراك شوقتنا

[دغيم1]

ولاتنسى ملابس الرياضة التي كانت توزع قديماً على الطلاب كان لونها طبعاً أخضر وخط أبيض الله يذكر ذيك الأيام بالخير


أخي دغيم واصل بقيت الوقفات فنحن في شوق لها



هلا فيك أخوي
الله الله طقم اخضر وشراب ( تكرمون ) ابيض وخطين خضر والكنادر ( تكرمون ) شراع بيض وحبل
أبشر ياغالي
متعك الله بالصحة والعافية على الطاعة
شرفني مرورك


موضوع ولا احلى منه
اعاد لنا الذكريات واسترجعها بقوة
عساك دوم بصحة وتسترجع زيادة
لاتطول يخوك تراك شوقتنا

حياك اخوي
تسلم هذا من حسن ذاتك
الذكريات زينه واسترجعها مطلب
والحفاظ على ارشيفها واجب
واياك واحبابك والجميع يارب
ابشر ياغالي
شرفني مرورك
تحياتي

[دغيم1]

السلام عليكم ورحمة الله وبركاته
حياكم الله جميع
بداية أعتذر عن التأخير وذلك أنني أقوم هذه الأيام على عمل أرشيف لرحلاتي القديمة والتي تم تصويرها عن طريق كاميرا الفديو وذلك أن الأشرطة بدأت تعاني من ظروف التغيرات المناخية ولم تعد تتحمل التأخير لقدمها ، وأن الكاميرا التي تم التصوير بها أوشكت على العطل ، وأن الأشرطة ( الأفلام ) لايمكن عرضها إلا عن طريق الكاميرا القديمة ، وقد تعطل الصوت في أحد الأفلام مما جعلني أستعجل في نسخها من الكاميرا إلى الحاسب الآلي ومن ثم تحويلها على أقراص السي دي والهارديسك الخارجي .
واستمتعت من خلال متابعتي لعملية النسخ بتلك الرحلات القديمة والصحبة الطيبة والتعليقات والمغامرات .
والبعض من تلك الرحلات قد تجاوز حدود العشرين ( 20 ) سنه
وقد نفذت حتى الآن مايقارب الـ تسع وثمانون رحلة ( 89 )
وكم تمنيت لو أنني استطعت سحب صور أكثر وضوح لتلك الرحلات حتى تستمتعون بمشاهدتها


شعيب غيانه


http://www.mekshat.com/pix/upload02/images76/mk46848_142587.jpg


تقبلوا تحياتي وشكري

[دغيم1]

الوقفة الثالثه


في إحدى رحلاتي مع أثنين من أبناء عمي وجميعنا نتفق في الاسم الأول والأخير
طلعنا إلى شعيب الأوسط في نساح يوم الخميس وكان معي سيارتي الهايلوكس الغمارة 76
وكان ولد عمي يتابع الأخبار ويحب يتسمع الراديو ، سهر على الأخبار لوحده وبعد مانام ترك الراديو شغال
وفي صباح يوم الجمعة أردنا تشغيل السيارة ولم تشتغل ،، البطارية فضت .
المشكلة السيارة وسط الشعيب وحصباء .
قمنا بدفها على الخلف بكل طاقتنا ، ثم تعديلها على الجنب باتجاه المرتفع .
وكان أمامنا حاجز ترابي (اكرمكم الله ) ولم نستطيع دفع السيارة لتطلع عليه ، فقمنا بوضع حجر خلف جميع الكفرات ، إثنان يدفعون السيارة ، وواحد يضع حجر عند أخر خطوة .
فلم بلغ التعب منا مبلغه ، توصلنا إلى عمل جسر بالحجارة .
فجمعنا حجارة كبيرة وقمنا برفع السيارة بالعفريته وعند ماتصل إلى نهايتها ، نضع الحجر تحت الكفرات الخلفية ، وهكذا حتى تساوت الكفرات ، فقمنا بدفعها إلى الأمام ، ونتشها حتى اشتغلت .
ولك أن تتصور المجهود الذي بذل حتى نصل إلى تشغيل السيارة




http://www.mekshat.com/pix/upload02/images76/mk46848_14859.jpg




تقبلوا تحياتي


وإلى وقفة أخرى

[ابوقاسم]

مراحب اخوي
والرحلة هذي كوم والباقي كوم
مجهود كبير لتشغيل السيارة
والله يهدي ولد عمك على شغلة يترك الرادو شغال ويوهقكم في التشغيل
هذا يبي له جزاء
وش سويتوا معاه
شكله هو اللي واقف ورا السيارة
تحياتي وفي انتظار الوقفة التالية

[ثعل البرد]

الله المستعان


وقفات في غاية الروعة أستاذي أبوفيصل


مواقف لا تنسى وأخرى مضحكة جدا


واصل عرض ذكرياتك الجميلة


نحن في الإنتظار

[دغيم1]

مراحب اخوي
والرحلة هذي كوم والباقي كوم
مجهود كبير لتشغيل السيارة
والله يهدي ولد عمك على شغلة يترك الرادو شغال ويوهقكم في التشغيل
هذا يبي له جزاء
وش سويتوا معاه
شكله هو اللي واقف ورا السيارة
تحياتي وفي انتظار الوقفة التالية

السلام عليكم ورحمة الله وبركاته
حياك الله أخي الكريم
أكيد والله ،، اللهم آمين
والله ماسويت له شيء يكفيه يوم جلسنا جمعه مع عيال العم ضحكنا عليه الى دخنا
شرفني مرورك
تقبل تحياتي

[دغيم1]

الله المستعان
وقفات في غاية الروعة أستاذي أبوفيصل
مواقف لا تنسى وأخرى مضحكة جدا
واصل عرض ذكرياتك الجميلة
نحن في الإنتظار


السلام عليكم ورحمة الله وبركاته
حياك الله أخوي
ابو عبد الرحمن
تسلم والله هذا من حسن ذاتك
أبشر والله
القادم يحمل ذكريات فيها من الطرافة
شرفني مرورك
تقبل تحياتي

[اول 111]

بيض الله وجهك ونتظر القادم

[عاشق الرفاليو]

حواتيت زمان لله درك مبدع

[مريقب العيفار]

اكثر من رائع اخي الكريم دغيم

استمتعت بكل وقفة من وقفاتك الجميلة

وبانتظار القادم

دمت بحفظ الله

[محمد الشاوي]

المهم من الزعل نزل من السيارة وصك الباب بقوته التي رزقه الله إياها
وقال : الشرهة ماهي عليك الشرهة على اللي يروح معاك .



ههههههههههههه

والله موقف يابو فيصل


يا الله يالذكريات

صعبة في لحظتها وكنها متعة باقي الدهر


شكرا لك أبا فيصل على هذا السرد الممتع والذكريات الجميلة


استمر فنحن متابعون يارعاك الله .

[سعيد حظ]

ابو فيصل كم اطرب لأسلوبك وطريقة سردك .. الله يا ذيك الأيام كم تمنيت ان الزمن توقف عندها . بساطة . نقاء . محبة . صداقة لا يشوبها مصالح . صفاء سريرة . والله ثم والله ان العبرة تكاد تخنقني كلما تذكرتها ... لك حبي وتقديري.

[دغيم1]

بيض الله وجهك ونتظر القادم

هلا فيك أخوي
ووجهك ياغالي
أبشر
شرفني مرورك
تحياتي لك

[دغيم1]

حواتيت زمان لله درك مبدع

حياك الله أخوي
تسلم ، هذا من حسن ذاتك
شرفني مرورك
تحياتي لك

[دغيم1]

اكثر من رائع اخي الكريم دغيم
استمتعت بكل وقفة من وقفاتك الجميلة
وبانتظار القادم
دمت بحفظ الله
هلا فيك أخوي
شكرا على الإطراء ، هذا من حسن ذاتك
الروعة مرورك الكريم
هذا المقصد والغاية ، متعك الله بالصحة والعافية على الطاعة
أبشر
شرفني مرورك
تحياتي

[دغيم1]

ههههههههههههه
والله موقف يابو فيصل
يا الله يالذكريات
صعبة في لحظتها وكنها متعة باقي الدهر
شكرا لك أبا فيصل على هذا السرد الممتع والذكريات الجميلة
استمر فنحن متابعون يارعاك الله .



حياك الله أخي
ابو فارس
ذكريات .. داعبت فكري .. وظني
توقفت عندها كثيرا ، وأحترت أكثر ، ومل الصبر مني ، وأستطرد الأمل قائلا ... لا .. ترحل
في لحظة الصمت أجلس بين ذكرياتي الشاخصة ... وكأن الزمن توقف عندها .
سنين .. وشهور .. وأيام .. وساعات .. ولحظات
تدور في مخيلتي ... وتحوم في فكري
أقلب الصور .. وأتطلع أحيانا إلى أفلام قديمة
أسترجع أصوت من ارتحلوا وودعوا الدنيا .. وأترحم .
هذه هي الذكريات
حلوة ... ومره .. مفرحة .. ومحزنة
العفو ياغالي .. والشكر لمرورك العطر
أبشر وقريبا الوقفة الثالثة
تحاتي لشخصكم الكريم

[دغيم1]

ابو فيصل كم اطرب لأسلوبك وطريقة سردك .. الله يا ذيك الأيام كم تمنيت ان الزمن توقف عندها . بساطة . نقاء . محبة . صداقة لا يشوبها مصالح . صفاء سريرة . والله ثم والله ان العبرة تكاد تخنقني كلما تذكرتها ... لك حبي وتقديري.

هلا فيك أخوي
أشكرك على إطراءك وإعجابك ، فهذا من حسن ذاتك
أعمل الآن على حفظ أرشيفي القديم
وذلك بحفظ ماتم تصويره خلال رحلاتي القديمة
وذلك حفاظا عليها من التلف
وسهولة الوصول إليها للمشاهدة
وفي حال الإنتهاء لعلي أقوم بإنزل بعض المقاطع من تلك الرحلات ولو قصيرة حتى يتسنى مشاهدتها
إذا أنت هكذا ........؟
فكيف بي الحال ......... أنا
فأنا من عاصر ماضيها ... ويعيش حاضرها .
...........
شكرا لمرورك العطر ، وإضافتك الضافية
تقبل تحياتي
ياناشد عني ترى العمر راح .... عمري سنين من حياتي قضن

[قاصد الخير]

ماشاء الله عليك أخوي دغيم1
سلسلة جميلة من الذكريات
سرد رائع ويشد الانتباه
تابع ونحن نستمتع بما تكتب
شكرا لك

[دغيم1]

ماشاء الله عليك أخوي دغيم1
سلسلة جميلة من الذكريات
سرد رائع ويشد الانتباه
تابع ونحن نستمتع بما تكتب
شكرا لك

هلا فيك أخي الكريم
تسلم هذا من حسن ذاتك
شكرا على المتابعة
ابشر
تحياتي لمرورك

[دغيم1]

الوقفة الرابعة 4

مرة أخرى مع جاري

مرة كنا طالعين عند روضة الخفس الجنوبية في شهر رمضان المبارك وكنا مجموعة من الزملاء ومعي الونيت الهايلوكس 76 .

وبعد مانزلنا العفش وبدأ البعض يرتب المعاميل ويجهز الفطور ، قلت لجاري ، (اللي معي في الوقفة الأولى )

ماودك نعس الأرض إذا فيها ضب قبل المغرب ؟
قال : توكل على الله .
لفيت في المنطقة القريبة غرب الروضة وما حصلت شيء وعند ماجيت أرجع قلت ياولد النفود زينة خلني اطلع لها والعب شوي ونوسع الصدر قبل المغرب .
لكن ... ماكل مايتمنى المرء يدركه .
غرزت ، وصايم ، ماخليت شيء ومافيه فايده الموتر ماتحرك من مكانه .
المهم انشغلوا الجماعة علينا وأخو جاري حريص مره وخاف على أخوه راح يدورنا في الخفس يقول يمكن طاحوا فيه وغرقوا في الماء ،
إنا نشوفهم من بعيد ونكبس لهم بالنور ويقولون أحنا نظن أنكم كسارة من بعيد ... شيء عجيب .
جاري ... حرارته ترتفع بسرعة مايبي لها شيء
مامعي أكل .. مافيه الا جيك أزرق فوق السلة العلوية وباقي فيه مويه .
المهم جاري يوم غابت الشمس ... حس بالمسؤليه .. ويعرف ان أخوه راح ينشغل عليه .. سبحان الله كنهم توئم .
قرر يروح على رجليه بالرغم من بعد المسافة ... ورمل ... وظلام .. والشوف الله بالخير . ( عليه نظارات )
الحقيقة أنا أنزعجت شوي مع إني متعود على المشاكل والمواقف ..
لكن سميت باسم الله .. ودعيت ربي يسلمنا ونخلص من هالمشكلة
سبحان الله .. المحاولة الأخيرة طلعت السيارة ..
وبسرعة على الزملاء .
تصوروا وش حصل .....

تخيل ....... وراجع نهاية الوقفة الأولى ......

تجد نفس النهاية

والحمد لله للمرة الثانية سلم الله القزازة مانكسرت
قال :

الشرهه ماهي عليك الشرهة على اللي يركب معك
لكن تعال ... وشف وش صار بعد هدوء العاصفة .
والله ضحك الى صلاة الفجر .
خاصة لما يكون معنا واحد يحكر التعليق على مثل ها المواقف .

http://www.mekshat.com/pix/upload02/images78/mk46848_lv01.jpg




تحياتي لمتابعتكم
وإلى الوقفة الأخرى
..

[العبد الفقير]

وسع الله صدرك كما وسعت صدورنا

[دغيم1]

وسع الله صدرك كما وسعت صدورنا
حياك الله أخوي
وصدرك ياغالي
وأغناك الله دنيا وآخره
شرفني مرورك
تقبل تحياتي

[مكشات حبرص]

الله يعافيك

[كن كن]

صور ثمينه مشكور عليها

[ولد الدواسر]

الله يوسع صدرك مثل ما وسعت صدورنا نستنى جديدك

[سيف الظفير]

الله يذكركم بالخيــــــــــــــــــر


يازين ايام اول

[دغيم1]

الله يعافيك
هلا فيك أخوي
ويعافيك ويبارك في عمرك
شرفني مرورك
تحياتي

[دغيم1]

صور ثمينه مشكور عليها
حياك الله أخي الكريم
العفو
والقادم أجمل
شكرا على المرور
تحياتي

[سوبر152]

الله يعطيك العافيه
امتعنا يا الغالي بهالصور والمواقف فعلا ماود الواحد ينقل معـــــه إلا الناس اللي تكون وسيعة صدر وتكون له سند في السراء والضراء ،

[سفير الشمال]

السلام عليكم ورحمة الله وبركاته
مشرفنا الغالي والفاضل أبوفيصل
تابعت الوقفه الثالثه وأعجبي فيها همتكم العاليه وعدم اليأس عندما حصل لكم موقف التغريز
وكذلك قصة صاحبكم مع الراديو:)
وأكملت المسيره حيث الوقفه الرابعه
ويبدوأن لجاركم العزيز مواقف أخرى ولكن أعجبني فيه هذه المره وقفته معك بعكس المره السابقه ;)
أظن أن الكثير منا قد تعرض لمثل هذه المواقف بحلاوتها ومرها ولكنها تبقي في النفس ذكريات لاتنسى
ياليت يأبو فيصل تضحي لجاركم العزيز ولاتنسى الهايلوكس الغماره 76:)
تسلم على هذه الوقفات والذكريات الجميله بسردك الرائع ومجهودك المتميز
تقبل الأحترام والتقدير

[دغيم1]

الله يوسع صدرك مثل ما وسعت صدورنا نستنى جديدك

حياك الله أخوي
وصدرك ياغالي
ابشر والله
شرفني مرورك
تقبل تحياتي

[دغيم1]

الله يذكركم بالخيــــــــــــــــــر
يازين ايام اول

هلا فيك اخوي
ويذكر بالخير ويعافيك
اي والله يازينها ، بساطه ، وعفوية
شرفني مرورك
تقبل تحياتي

[دغيم1]

الله يعطيك العافيه
امتعنا يا الغالي بهالصور والمواقف فعلا ماود الواحد ينقل معـــــه إلا الناس اللي تكون وسيعة صدر وتكون له سند في السراء والضراء ،
حياك الله اخوي
ويعافيك ويبارك في عمرك
هذى الساعة المباركه وهذى الغاية من الموضوع
شرفني مرورك
تحياتي

[محمد الرويس]

الله يوسع صدرك دنيا واخره
ماقصرت والله على هالموضوع والذكريات والتعليق الجميل

تقبل مروري

[دغيم1]

السلام عليكم ورحمة الله وبركاته

مشرفنا الغالي والفاضل أبوفيصل
تابعت الوقفه الثالثه وأعجبي فيها همتكم العاليه وعدم اليأس عندما حصل لكم موقف التغريز
وكذلك قصة صاحبكم مع الراديو:)
وأكملت المسيره حيث الوقفه الرابعه
ويبدوأن لجاركم العزيز مواقف أخرى ولكن أعجبني فيه هذه المره وقفته معك بعكس المره السابقه ;)
أظن أن الكثير منا قد تعرض لمثل هذه المواقف بحلاوتها ومرها ولكنها تبقي في النفس ذكريات لاتنسى
ياليت يأبو فيصل تضحي لجاركم العزيز ولاتنسى الهايلوكس الغماره 76:)
تسلم على هذه الوقفات والذكريات الجميله بسردك الرائع ومجهودك المتميز

تقبل الأحترام والتقدير


وعليكم السلام ورحمة الله وبركاته
حياك الله أخي الغالي
سفير الشمال
نعم - لاتخلوا الرحلات البرية للكثير من المواقف الطريفة والجميلة
جاري يستاهل من يضحي له
والهايلوكس قد فرطت فيه بسبب إحراج أحد الزملاء
شرفني مرورك العطر وتعقيبك الجميل
تقبل تحياتي

[دغيم1]

الوقفة الخامسة

كان عندي سيارة صني موديل 89
وكان وقت الصيف وصيد الطيور المهاجره ، قررت أروح للصمان
ذكر لي أحد الزملاء هناك صيد ، رحت وكان معي ولدي فيصل وكان صغير في أول أبتدائي تقريبا ، وصلت الصمان وقت الليل .
حاولنا ننوم برا السيارة كان الجو حار وحشرات كثيرة ، خليت فيصل في السيارة وشغلت له المكيف ، وفي الصباح الباكر خذيت جولة على بعض الفياض ، كان الجو هادىء جدا
وأعتقد ماكن في الصمان تقريبا إلا أنا ، وماحصلت إلا سيارة وحدة جيب ربع تويوتا ، المهم ماحصلت إلا حمامة وحده ووفقني الله وصدتها .

http://www.mekshat.com/pix/upload02/images79/mk46848_rom14 (1).jpg

بعد ذلك قررت أروح جهة الرمحية يمكن أحصل صيد .
وقبل الرمحية - على طريق الرمحية - الحفنه .
نزلت في شعيب صغير وكان شوي وعر ، جلست أدور حمام وطيور .
لكن حصل لي غراز ، وجلست أحاول أطلع ، المهم تسهيل رب العالمين طلعت ، بعد مجهود مظني وتنازلت عن جزء من فراشي حطيته تحت الكفر ، لأن السيارة طامنه ( نازله ) وهذا ماسبب لي مشكلة في الدخول للمناطق الرملية .

http://www.mekshat.com/pix/upload02/images79/mk46848_rom14 (6).jpg

المهم بعدها بشوي ظربت في حصاة شقت الكرتير وبدأ الزيت يخر ،
على طول طلعت لطريق الرمحية - بويب .
وجلست تحت كوبري ورفعت السيارة وسكرت الكرتير بخشبة ، وواصلت السير إلى الرياض .
كانت رحلة شاقة ومرهقة وحصيلتها حمامة واحدة .
لكن عشق الصحراء والصيد لايقف أمامه عائق
تقبلوا تحياتي
وإلى وقفة قادمة

[سوبر VTC]

الوقفة الخامسة






اخلص علينا انجز :D :D
تراي احتري مليت :(
اخبر قبل تقريبا اكثر من 15سنة مع عم امي الله يرحمه هايلوكس م77 و اذا صار بالليل قمنا و جبنا ملعقة:D و نقزنا السيارة و بدينا نتمشى عليه:D و عليها بوري نكته لاخر درجة:D

[ساقان]

بحط هينا شي ن يجوز لك

[دغيم1]

الله يوسع صدرك دنيا واخره
ماقصرت والله على هالموضوع والذكريات والتعليق الجميل
تقبل مروري
هلا فيك أخوي
وصدرك ياغالي ، وابرك الساعات يوم تستانس
شرفني مرورك
تقبل تحياتي

[موادع 1]

اخوي دغيم 1
والله انك فله ومواقفك بعد
ولكن فيه مشكلة بسيطة قل وش هي
طال عمرك تقصد علينا تقصيد بسوالفك
ولولا زينها ما طلبنا المزيد
تقبل تحيات اخوك / ابو نواف

[دغيم1]

اخلص علينا انجز :D :D

تراي احتري مليت :(

اخبر قبل تقريبا اكثر من 15سنة مع عم امي الله يرحمه هايلوكس م77 و اذا صار بالليل قمنا و جبنا ملعقة:D و نقزنا السيارة و بدينا نتمشى عليه:D و عليها بوري نكته لاخر درجة:D

هلا فيك أخوي
المعذرة على التأخير
لكن مشكلة الصور أحيانا تقف حائلا
لأني أحب أنزل الوقفه ومعها بعض الصور للتوضيح
وباقول لك شي عن ونيتي
طبعا يفتح بأي مفتاح
وكذلك القير إذا زحمة ركاب وعلى الطريق إذا ريحته فكيت القير وحطيته على الطبلون عشان يوسع لنا
شرفني مرورك
تقبل تحياتي

[دغيم1]

بحط هينا شي ن يجوز لك

حياك الله أخوي
بداية أشكرك على المرور
وبانتظار هديتك
تقبل تحياتي

[shadow]

ما شاء الله
متابعين معك يالغالي

[أبو محمود 70]

مواقف رائعة وممتعة يعطيك الف عافية وفى انتظار المزيد.... تحياتى

[الرسن]

دغيم1
اسعد الله جميع اوقاتك بكل خير

والله اني عدت بعد غياب طال واوشك ان يكون نهائي لمكشات لكنك اجبرتني على العوده فالله درك
اشكرك على موضوعك الرائع والذي اعادني للوراء ايام وذكريات اذا عاد لها الانسان بذاكرته يكاد يبكي
فما بالك اذا شاهدها بالصوت والصوره او حتى بالصوره فقط

حقيقة موضوعك فيه تجديد وتنشيط للاعضاء والمنتدى وهو بالفعل يستحق التثبيت حتى تكتمل سلسلته
وحاول ان تثري المواقف ببعض التفاصيل قد لاتكون مهمة بنظرك ولكنها بنظر المتابع مهمة وتعطي للموقف نكهته.

تقبل تحياتي انت وجميع الاخوة

[دغيم1]

اخوي دغيم 1
والله انك فله ومواقفك بعد
ولكن فيه مشكلة بسيطة قل وش هي
طال عمرك تقصد علينا تقصيد بسوالفك
ولولا زينها ما طلبنا المزيد
تقبل تحيات اخوك / ابو نواف

حياك الله أخوي
ماعليك زود ياغالي
لابد من عنصر الإثارة والتشويق
والمعذرة على التقسيط الغير مريح
وباحاول ان تكون الوقفات متقاربة
تسلم والله هذا من حسن ذاتك وطيب أصلك
شرفني مرورك
تقبل تحياتي ودعائي

[دغيم1]

ما شاء الله
متابعين معك يالغالي
هلا فيك أخوي
حياك الله ومتابعتك
وهذا من طيبك
شرفني مرورك
تقبل تحياتي

[دغيم1]

مواقف رائعة وممتعة يعطيك الف عافية وفى انتظار المزيد.... تحياتى
هلا فيك أخوي
ويعافيك ويبارك في عمرك
أبشر ياغالي
شرفني مرورك
تقبل تحياتي

[دغيم1]

دغيم1




اسعد الله جميع اوقاتك بكل خير



والله اني عدت بعد غياب طال واوشك ان يكون نهائي لمكشات لكنك اجبرتني على العوده فالله درك

اشكرك على موضوعك الرائع والذي اعادني للوراء ايام وذكريات اذا عاد لها الانسان بذاكرته يكاد يبكي
فما بالك اذا شاهدها بالصوت والصوره او حتى بالصوره فقط





حقيقة موضوعك فيه تجديد وتنشيط للاعضاء والمنتدى وهو بالفعل يستحق التثبيت حتى تكتمل سلسلته

وحاول ان تثري المواقف ببعض التفاصيل قد لاتكون مهمة بنظرك ولكنها بنظر المتابع مهمة وتعطي للموقف نكهته.





تقبل تحياتي انت وجميع الاخوة






السلام عليكم ورحمة الله وبركاته

حياك الله أخي الغالي

وأسعد الله أوقاتك بكل خير وجعلها عامرة بذكره
بداية أشكرك على حروفك الثمينة الغالية ، والتي شرفتني بها وتعطر الموضوع بعبقها
ورفع الله قدرك وأجل شأنك
مانرضى تترك المنتدى أبد إذا لنا حق عليك ولانسمح لك بأي شكل من الأشكال .
تسلم والله
بالنسبة للصور فهي كثيرة ولكن البعض منها يكمن في كاميراالفيديو وسوف أحاول أن تكون صوت وصورة فهناك بعض المقاطع سوف أقوم بإدراجها وهي مقاطع صغيرة حتى يتسنى مشاهدتها بسهوله
هذى هي الفكرة من طرح الموضوع أولا حتى يتسنى للأجيال الجديدة معرفة بعض الأمور القديمة وكيف كنا نعايش الرحلات السابقة ، وثانيا : لتنشيط المنتدى وطرح شيء جديد وفيه من التسليه والفائدة
بالنسبة للتفاصيل أبشر ، ولكن أحيانا أحاول الإختصار ظنا مني بأنه الأفضل .
وفي الوقفة القادمة سيكون التفصيل أشمل .
شاكرا لك مرورك العطر ، وإضافتك الساطعة
وفقك الله للخير وأدم عليك نعمه
تقبل تحياتي ودعائي

[دغيم1]

الوقفة السادسة ( 6 )
ضائع في مكاني

كانت الأمور قبل ( 27 ) سنة وقبل الاختبارات بشهر تقريبا كنا ندرس المسجد
، وكل واحد يجلس في ركن ويذاكر ، ويراجع أحيانا مع وأحد من زملاءه
وفي يوم من الأيام مرني واحد من الزملاء وقال بنطلع للفريشة طريق نساح ، إذا بتخاوينا .
قلت توكلنا على الله ،ومعه زميل له ، وكان هذا في الصبح ، المهم مرينا على الخباز ، وتذكرون خباز أول العادي ،

http://www.mekshat.com/pix/upload02/images80/mk46848_dscf0400.jpg

وخذينا فول ، ورحنا ثلاثتنا ، نزلنا من طريق ديراب ، وفرقنا مع مفرق نساح ، حتى جاتنا طلعة الفريشة – و الفريشة هذى اللي يذكرها قديما كانوا يأخذون منها البطحاء حقت الصبة – للي يعمرون بيوت . لأنها نظيفة وبحصها جيد .
المهم وصلنا للمكان اللي نبي وأفطرنا وصلحنا لنا براد الشاهي .وعينا خير .
قال زميلي نبي نطلع للقلته اللي في الجبل .
وتعرفون جبال نساح رفيعة مره والصعود لها يحتاج لمجهود قوي ،

http://www.mekshat.com/pix/upload02/images80/mk46848_img_2746 (small).jpg

وقبل ناصل للقلته ( وهي مكان يجتمع فيه الماء ، نزولا من الجبل ، ويستمر لفترة طويلة ، وينبت حوله شجرة الحماط أو التين ) ،

http://www.mekshat.com/pix/upload02/images80/mk46848_nidah (18) (small).jpg

شاف زميلي مكان جميل فوق القلته يصلح جلسة ، قلت خلاص بعد شوي أروح أشوف لكم طريق له ، وصلنا القلته وغسلنا وشربنا منها وريحنا شوي ، المهم قررت اطلع فوق ابحث عن طريق للمكان اللي يبيه زميلي ، مشيت على ساس الجبل أدور عن مكان أصعد منه ، وأثناء الطريق كان فيه شجيرات صغار وعديتها ، وحصلت مطلع وطلعت ، دورت عن طريق للجلسة ماحصلت لأنها جا ية في وسط الجبال ، المهم قال زميلي خلاص أنزل . قررت أرجع بعد أن تفكرت في خلق الله سبحانه وتعا لى ، تصور أننا في وادي وطالعين جبل رفيع جدا ، و في أعلى الجبل تحصل وادي وفيه شجر ( مثل وادي دورين ) .

http://www.mekshat.com/pix/upload02/images80/mk46848_abcd0017 (small).jpg

المهم وقعت في خطأ كلفني الوقت والجهد ، تدرون وشو ، ماحطيت علامة على مكان الصعود ، لأني يوم قررت أرجع حصلت الأماكن متشابهه ، جلست أمتر الجبل ذهاب وإياب وأركض أدور على منزل لأني تأخرت على الزملاء وصلاة الظهر حانت . و في أخر الأمر قررت أعلن الهزيمة وأرفع الرآية البيضاء ، وصوت لزميلي قلت له ضيعت المطلاع .
وجلس يدور لي مكان سهل ، و في الوقت الضائع تذكرت عدد الأشجار وعلمته ، ووقف عند الشجرة الأخيرة ونزلت .
وكانت هذه القصة عبرة لي بأن أدقق في معالم كل شيء وخاصة عند الذهاب لمكان ما .
تقبلوا تحياتي

[عاشق النفود 111]

امتعتانا وكأني معاك في تلك الايام هههه اضحك الله سنك اخي الفاضل
كم اتمنى ان اجد في هذه الايام من هو مثلك مهيم بالبر
لأن عشقي للبر بجنون مثلك
وكم من المرات لا أجد من يطلع معي فأطلع لوحدي.

سلمت يمناك على طرحك المميز وننتظر البقيه

عساك على القوه

أسأل الله أن يمد لنا ولكم في العمر على طاعته

[سوبر VTC]

ما شاء الله منتب بسيط لا و صني بعد اظن دفع امامي ؟ :D


وجلست تحت كوبري ورفعت السيارة وسكرت الكرتير بخشبة

اضحك الله سنك :D خشبة
اجل انت لاحق على عصار المخلوط اول ما طلع :D



الوقفة السادسة ( 6 )
ضائع في مكاني


نحن في الانتظار :)

[اسير الغضا]

اترك الوقفه السادسه ودي ادري وشلون تجزم تدخل الصمان بصغيره
لا والي زاد الطين بله معك ولدك الصغيرررررر
انتظر

[سفير الشمال]

السلام عليكم ورحمة الله وبركاته
مشرفنا الغالي والفاضل أبوفيصل
هذه المره صني 89وداخل فيها للصمان رغم عدم توفر الأجهزه بذلك الوقت والأدهى من ذلك معك إبنك الغالي
فيصل أسأل الله أن يحفظه لك وجميع الذريه إن شاء الله،،،
أتوقع أن عشقك للصحراء هو الذي دفع بك لتلك العشق الذي لايلومك عليه أحد
ويبدوا أن سالفة الغراز وكثرة إلإعطال مستمره معك ولكن هذه حلاة الشئ
مغامرات جريئه وشجاعه من رجل أتوقع أن له باع طويل بمداعبة عشقه الكبير الصحراء
بإنتظار باقي الوقفات القادمه بارك الله فيك
تقبل مني كل الود والتقدير والأحترام

[R B 3]

مبدع لا عدمناك

وسوالفك جميلة وشيقة

والأكيد ان ولدك فيصل الحين أكبر مني بخمس يمكن ( الله يحفظه لك )

تحياتي

[دغيم1]

امتعتانا وكأني معاك في تلك الايام هههه اضحك الله سنك اخي الفاضل
كم اتمنى ان اجد في هذه الايام من هو مثلك مهيم بالبر
لأن عشقي للبر بجنون مثلك
وكم من المرات لا أجد من يطلع معي فأطلع لوحدي.
سلمت يمناك على طرحك المميز وننتظر البقيه
عساك على القوه
أسأل الله أن يمد لنا ولكم في العمر على طاعته

هلا فيك أخوي
الله يمتعك بالصحة والعافية على طاعته
تسلم والله ، أبشرك محبين البر كثير
نعم لي رحلات ذهبت فيها لوحدي لعدم وجود الرفيق
ولي وقفة مع البعض منها
تسلم والله ، وأبشر بالخير
الله يقويك ويبارك في عمرك
اللهم آمين ويجزاك بالجنة
شرفني مرورك
تقبل تحياتي

[بن عاقول]

الله يعطيك العافية يادغيم - كالعادة تمتعنا برواياتك المصورة ، على فكرة شكل الخباز مهوب غريب علي هل هو في الملز بجانب بقالة بحي الزهراء وأبويمن ، وفيما بعد فتحت جمبه مدرسة الأصمعي الفلة المستأجرة - أو أنا غلطان ومشتبه علي

تحياتي لك

[دغيم1]

ما شاء الله منتب بسيط لا و صني بعد اظن دفع امامي ؟ :D




اضحك الله سنك :D خشبة
اجل انت لاحق على عصار المخلوط اول ما طلع :D
نحن في الانتظار :)




حياك الله أخوي
بداية أبارك لك وسام التميز وأسأل الله لك التوفيق والإعانه
نعم دفع أمامي
بس ماهوب مخلوط الوقت هذا / ولا وبعد معجون الجملكه



شرفني مرورك
تقبل تحياتي

[صدى الحادي]

يا زين سواليفك يا دغيم ,,

أثرية .. سمرة ولا أحلى مع هالسواليف ..

لا تخلينا تكفى ,, نبي السواليف إلى عام 1429 هــ

,, وسعت صدورنا الله يوسع صدرك بالعافية ..

[الرسن]

يادغيم ون
مشاء الله عليك الله اسال ان يوفقك ويرزقك ويتم نعمته عليك
حقيقة شوقتنا بهالخباز لايام مضت عندما لم تطغى الماده على حياتنا وعلاقاتنا حتى اهتماماتنا
عند مثل هالخباز كان الاباء في السرا يقفون ويتعازمون ويبثون همومهم بصوت مرتفع
فيجدون قلوبا متعاطفة متحابة باذلة ناصحة.

اتذكر سواليف ومواقف تفطس من الضحك عند خباز الحاره

تحياتي دغيم ون

[دغيم1]

اترك الوقفه السادسه ودي ادري وشلون تجزم تدخل الصمان بصغيره
لا والي زاد الطين بله معك ولدك الصغيرررررر
انتظر

السلام عليكم ورحمة الله وبركاته
تسمع بالمثل اللي يقول
المهتوي يقطع المستوي
وراعي الحاجة مايناظر لشيء
وتعرف عشق البر ماله حدود
شرفني مرورك
تحياتي

[دغيم1]

السلام عليكم ورحمة الله وبركاته

مشرفنا الغالي والفاضل أبوفيصل
هذه المره صني 89وداخل فيها للصمان رغم عدم توفر الأجهزه بذلك الوقت والأدهى من ذلك معك إبنك الغالي
فيصل أسأل الله أن يحفظه لك وجميع الذريه إن شاء الله،،،
أتوقع أن عشقك للصحراء هو الذي دفع بك لتلك العشق الذي لايلومك عليه أحد
ويبدوا أن سالفة الغراز وكثرة إلإعطال مستمره معك ولكن هذه حلاة الشئ
مغامرات جريئه وشجاعه من رجل أتوقع أن له باع طويل بمداعبة عشقه الكبير الصحراء
بإنتظار باقي الوقفات القادمه بارك الله فيك

تقبل مني كل الود والتقدير والأحترام



وعليكم السلام ورحمة الله وبركاته
حياك الله سفيرنا الغالي
مافيه أجهزة ولافيه كشاته ولافيه إتصالات
لكن العزايم تجيب الغنايم
وأنتظر القادم من الوقفات
هناك ماهو أدهى وأمر
ويحفظك ويحفظ كل غالي لك وكل مسلم
هواي البر وأهل البر
شرفني مرورك وعطر الموضوع إضافتك
تقبل تحياتي

[دغيم1]

مبدع لا عدمناك
وسوالفك جميلة وشيقة
والأكيد ان ولدك فيصل الحين أكبر مني بخمس يمكن ( الله يحفظه لك )
تحياتي

هلا فيك أخوي
ماعليك زود
شكرا على الإطراء
تسلم والله ، والله يحفظك ويخليك لعين ترجيك
شرفني مرورك
تحياتي

[دغيم1]

الله يعطيك العافية يادغيم - كالعادة تمتعنا برواياتك المصورة ، على فكرة شكل الخباز مهوب غريب علي هل هو في الملز بجانب بقالة بحي الزهراء وأبويمن ، وفيما بعد فتحت جمبه مدرسة الأصمعي الفلة المستأجرة - أو أنا غلطان ومشتبه علي
تحياتي لك

حياك الله أخوي
والله يعافيك ويبارك في عمرك
تسلم ماعليك زود
مالك لوا ... الخباز هذا على تقاطع شارع عسير مع المدينة -
شرفني مرورك
تقبل تحياتي

[دغيم1]

الوقفة السابعة ( 7 )

الفان .. والدهناء .. وانفجار .......!

أيام الربيع والحيا الله يجيب الخير طلعنا ثلاثة إلى شعيب غيانه وكان ماشاء الله مربع ، وقلنا ودنا ناصل الصمان نشوف ربيعه ، طلعنا من الشعيب ومرينا على هجرة مشلح ، قلت أقطع الدهناء أقرب ، لأن الذهاب إلى جهة أم رقيبة بعيد ،

http://www.mekshat.com/pix/upload02/images79/mk46848_dghim 1.jpg


المهم مرينا على أطراف الدهناء وصدنا لنا ضبين ، وشفت الطريق كنه سهل ومطروق ، مشيت لكن مافكرت أن السيارة طامنه ( نازله ) وأوتوماتيك ومافيها دبل ، أستمريت لكن الطريق أختفت معالمه وحسيت أني توهقت بجد ، شديت على الموتر وحاولت أرجع لأن الرجوع من البداية أسهل من التوغل ثم البقاء هناك .
رجعت وحاولت أمشي على نفس المسار لكن ماحصل لي ، وأجهني طريق وعر شوي ولابد من القرار يكون في لحظات لأن مافيه مجال للإختيار ، حطيت في بالي طريق وفيه قشعة ( شجرة صغيرة ) زدت السرعة وقلت أطلع من هنا أسهل ، اللي معي ساكتين وعارفين أني في ورطة تمسكوا ، صمت يسود ، وهددوء يشوبه حذر ،وفجأة حدث إنفجار .. داخلي ... وخارجي .
ظربت مقدمة السيارة في الشجرة والطعس ، وأنتثر الرمل على الزجاجة الأمامية وكأنه إنفجار حاصل أمامك ، والراكب طلع على الطبلون ، واللي على مرتبة وراء جاء قدام ، والخضار والمعاميل والبيض ، صارت عصير مشكل .
على طول رجعت ريوس وطفيت السيارة لأن الحرارة ارتفعت وفوح الراديتر ،
وتعال شف الضحك والتعليق ، جمعنا العفش ورتبنا وضعنا ، وسوينا تخطيط للخروج من هذه المشكلة ، دورنا على طريق سهل لأن المكان اللي وقفنا فيه عزاز ، وحطينا علامات على الطريق ، وجلس كل واحد من الزملاء في جهة لتوجية السواق على الطريق ، وبفضل الله طلعنا ، ورحنا على طريق أم الجماجم أسهل ، حتى وصلنا روضة حسناء السبق وجلسنا فيها ، ومرينا على بعض الفياض .

http://www.mekshat.com/pix/upload02/images79/mk46848_dghim 1 2.jpg


وصارت هذه الحادثة مضرب مثل بينا ، وكل ماجاء الطارى قعدنا نضحك ،
حتى وأنا أكتب القصة أخذت فاصل من الضحك
الله المستعان
وأسأل الله الكريم في هذه الليلة المباركة أن يغفر لأخي أبا فهد وأن يدخله فسيح جناته فقد كان نعم الرفيق والصديق والأخ .
وموتى المسلمين .
تقبلوا تحياتي
وإلى وقفة قادمة

[saeeeeed]

الله لايحرمنا من سواليفك وذكرياتك الحلوه ....دغيم 1

[الشوق جابه]

ذكريات جميله ممتعه
في انتظار المزيد .. الله يسعدك

[منتعش]

الله يوفقك أخوي الغالي : ابوفيصل
ووقفات حلوة وجميلة
تسلم يمينك على الصور الرائعة
وكنت متابع لوقفات بشوق وننتظر القادم
وأسأل الله أن يغفر لأخيك وأن يسكنه فسيح جناته وجميع موتى المسلمين
والله يحفظك ويرعاك في حلك وترحالك .

[سعيد حظ]

ابو فيصل الله لايحرمنا من طلاتك والله انك آنستنا برحلاتك ومغامراتك . وصدقني اول ما ادخل على مكشات على طول أروح لموضوعك اشوف فيه وقفه جديدة أو لا .بس عندي سؤال إذا ما فيها لقافة كل وقفاتك السابقة والسيارات اللي فيها دفرنس واحد يا خوي متى شريت دفرنسين اخخخخخخخخخخخ.تحمل لقافتي :j وختاما غفر الله لأبي فهد واسكنه فسيح الجنان وجميع اموات المسلمين

[مطر سهيل]

عز الله ان علومك وسواليفك زينه وغانمة اخي الكريم(دغيم1) ماشاء الله عليك ذكريات جميلة ومشوقه وصور لها قيمتها الكبيرة وماشاء الله عليك لازلت محتفظ بصورك القديمة ،واثرك من يوم انك صغير وانت مفتون بالبر الف شكر لك وتقبل سلامي وتحياتيhttp://www.mekshat.com/pix/upload02/images76/mk46848_dscf0358%20(small).jpg

[قاصد الخير]

ماشاء الله
البوم جميل من الذكريات أشبه بكتاب الف ليلية وليلة
إلا أنه يختلف عنه بأن ماتذكره حقيقة لا خيال
بارك الله في جهودك وحفظك الله
تقبل سلامي

[نجد 2007]

الله يجزاك بالخير يابو فيصل
يازين سوالفك وذكرياتك
والله أني يوم أشوف الصور القديمة إني
أخذ لي سجات وأستعيد ذكرياتي ايام المدارس
والحياة البسيطة الماضية
ما شاء الله تبارك الله عليك الى الآن محتفظ بذكرياتك
الله يمدك بالصحة والعافية ويطول في عمرك على طاعته 0
تختفي عنا فترة ثم تطل علينا مثل البدر
والله إن هذي حلات الأنترنت أن نقرأ لواحد مثلك وشرواك
لاتبخل علينا يابو فيصل بالجديد
والله كني أعرفك من سنين
ومن سوالفك وسردك الجميل كني واحد من خوياك
عايش معك لحظة بلحظه
شكراًلك مرة أخرى
وتقبل أجمل تحية
والسلام عليكم
،،،،،،،،،

[حزين الكون]

الله عليكـ تسلم انامل يديكـ يالغلا

والله مواقف يسعد الواحد وهو يقراهـ الله المستعان قبل ماطلع على الدنياء ..!

[دغيم1]

يا زين سواليفك يا دغيم ,,
أثرية .. سمرة ولا أحلى مع هالسواليف ..
لا تخلينا تكفى ,, نبي السواليف إلى عام 1429 هــ
,, وسعت صدورنا الله يوسع صدرك بالعافية ..

هلا فيك أخوي
الزين مرورك وتوقفك على الموضوع
أبشر مالك إلا مايرضيك ويرضى الجميع
تسلم والله وهذا المقصد والغاية
شرفني مرورك
تقبل تحياتي

[دغيم1]

يادغيم ون
مشاء الله عليك الله اسال ان يوفقك ويرزقك ويتم نعمته عليك
حقيقة شوقتنا بهالخباز لايام مضت عندما لم تطغى الماده على حياتنا وعلاقاتنا حتى اهتماماتنا
عند مثل هالخباز كان الاباء في السرا يقفون ويتعازمون ويبثون همومهم بصوت مرتفع
فيجدون قلوبا متعاطفة متحابة باذلة ناصحة.

اتذكر سواليف ومواقف تفطس من الضحك عند خباز الحاره

تحياتي دغيم ون

حياك الله أخوي
تسلم والله ، ويعافيك ويبارك في عمرك
الله الله ، لا والعلاقة وريحة الخبز فيها والفتات ،
أخوي
لاتبخل علينا بسواليفك ويشرفني إضافتها هنا أو تفرد لها موضوع
شرفني مرورك وتعليقك أسعدني
تقبل تحياتي ودعائي

[دغيم1]

الله لايحرمنا من سواليفك وذكرياتك الحلوه ....دغيم 1

هلا فيك أخوي
ولايحرمنا من تواجدك وإطلالتك
شرفني مرورك
تقبل تحياتي

[دغيم1]

ذكريات جميله ممتعه
في انتظار المزيد .. الله يسعدك

حياك أخوي
تسلم ، وأبشر ياطيب
ويسعدك ويبارك في عمرك
شرفني مرورك
تقبل تحياتي

[دغيم1]

الله يوفقك أخوي الغالي : ابوفيصل

ووقفات حلوة وجميلة
تسلم يمينك على الصور الرائعة
وكنت متابع لوقفات بشوق وننتظر القادم
وأسأل الله أن يغفر لأخيك وأن يسكنه فسيح جناته وجميع موتى المسلمين

والله يحفظك ويرعاك في حلك وترحالك .



هلا فيك أخي الكريم
أبو معاذ
ويوفقك ويبارك في جهودك وعمرك
الله يسلمك وشكرا على الإطراء
اللهم آمين ، وجميع موتى المسلمين
وإياك وكل مسلم
شرفني مرورك وأسعدني
شاكرا توقفك وتعقيبك

[دغيم1]

ابو فيصل الله لايحرمنا من طلاتك والله انك آنستنا برحلاتك ومغامراتك . وصدقني اول ما ادخل على مكشات على طول أروح لموضوعك اشوف فيه وقفه جديدة أو لا .بس عندي سؤال إذا ما فيها لقافة كل وقفاتك السابقة والسيارات اللي فيها دفرنس واحد يا خوي متى شريت دفرنسين اخخخخخخخخخخخ.تحمل لقافتي :j وختاما غفر الله لأبي فهد واسكنه فسيح الجنان وجميع اموات المسلمين

حياك الله أخوي
ولا يحرمنا من تواجدك ومرورك والجميع يارب
شاكرا لك هذا الإطراء فقد أسعدتني أسعدك الله وأخجلتني كثيرا
البداية كانت دفرنس لأن الأحوال كانت بسيطة ، وكانت إهتماماتي محصورة في محيطي ، وكنت أذهب حسب الموجود ،
أما بالنسبة للدفع الرباعي فقد أشتريته بعد ماستقريت أسريا وتأكدت الحاجة لذالك .
لا عادي أخوي ماهنا لقافة تمون ...........!
اللهم آمين .. وجميع المسلمين
شرفني مرورك وأسعدني تعقيبك وإضافتك
تقبل تحياتي

[دغيم1]

الوقفة الثامنة


طلعة أستكشافية وتغريزة على الكيف



كان عيال خالاتي طالعين للبر يم شعيب الأوسط في نساح ،وقت إجازة الربيع ذاك الوقت ،يعني قبل تقريبا 25 سنة وحاطين مخيم عائلي ،

وكان الوالد الله يرحمه وموتى المسلمين عنده مثل بكره عزيمة غداء

وكان معي الونيت 76م وقال ابيك تجيب الغداء من المطبخ .

المهم قلت يولد لازم أوصل لمخيم عيال خالتي أشوف مكانه وأرجع ، وإذا خلص الغداء اطلع لهم مرة ثانية وامرح معهم ، دورت أحد يروح معي ماحصلت ، المهم بعد صلاة العشاء عزمت ورحت ، وماكنت أعرف المكان بالضبط لكن أعرف وجهته .

طلعت طريق نساح ، ودخلت يسار مع هجرة الأوسط وعند آخر مزرعة دخلت يمين ، وجلست أدور المخيم ، الوقت كان ظلام جدا وماشوف أنوار ، وكل مالمحت نور رحت يمه قلت يمكن يجربعون ، والا يتمشون على الطعوس .

وبعد جهد لم أجد أحد ، ولما توسطت في الشعيب شفت من بعيد نور بسيط ، قلت هذا آخر مكان أروح له ، وفعلا يوم وصلت عرفت السيارات ، وكانوا طاقين الخيام على جال تله بجنب النفود ، مكان رائع وجميل .

حصلت ولد خالتي ( رجال أبو عيال ) جالس يتسمع الراديو ويتابع الأخبار ويشرب الشاهي ، قلت ابي العب عليه وغيرت صوتي ، وسألته عن أسماء كذا بس ، قال : مانعرف شيء ، نزلت وسلمت عليه وسألته وين الشباب : ؟

قال ناموا ، تعبوا من طق الخيام وناموا .

وراح ينوم هو بعد وقال ، إذا تبي شاهي وإلا طف النار وتعال نم ، قلت : لا انا أبي اروح واجي بكره ، حاول فيني أجلس ، لكن قلت عندنا بكره غداء وملزوم أروح الآن .

جلست عند النار شوي وخذيت لي بيالة شاهي .

وعزمت أرجع ، لكن مارجعت مع نفس الطريق ، وأطيح بالنفود ، يالله .......!

ليل ، ومتأخر ، ويالله سترك .

المهم جلست أحفر وأدفن إلى طلعت ، وأروح للبيت متأخر ، وبعد الغداء خذيت مواعين الطباخ واوديها له ، ومن هناك على البر .

وأجلس معهم تقريبا ثلاثة أيام . وكانت رحلة رائعة وجميلة ، تمشية في الشعبان ، وبالليل جرابيع وشبة نار ووناسة .



http://www.mekshat.com/pix/upload02/images81/mk46848_lv05.jpg


تقبلوا تحياتي

إلى لقاء قريب

...

[دغيم1]

المشاركة الأصلية كتبت بواسطة مطر سهيل http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1897822#post1897822)
عز الله ان علومك وسواليفك زينه وغانمة اخي الكريم(دغيم1) ماشاء الله عليك ذكريات جميلة ومشوقه وصور لها قيمتها الكبيرة وماشاء الله عليك لازلت محتفظ بصورك القديمة ،واثرك من يوم انك صغير وانت مفتون بالبر الف شكر لك وتقبل سلامي وتحياتي
هلا فيك أخوي وحياك ربي
ماعليك زود ، والغنيمة مرورك وتعقيبك
تسلم والله ، وشكرا على الإطراء
هذا قليل من كثير ، ولعل الوقت يسعفني في مقاطع الفيديو
شرفني مرورك وأسعدني
تقبل تحياتي

[هدير الموج]

يعطيك الف عافية على الصور

دمت بحفظ الرحمن

[سفير الشمال]

بسم الله الرحمن الرحيم
المشرف الغالي والفاضل أبوفيصل
السلام عليكم ورحمة الله وبركاته
أستمتع كثيرا وأنا أتابع هذه الوقفات والروايات الجميله والتي ذكرتنا فيها بماضيك المشرف الذي عبرت
من خلاله عن مدى عشقك للبر
وقفتكم السابعه في غيانه ياليتني كنت أعرفكم كان تمرون علي في ألارطاويه وكنت وقتها مقيم فيها
وخاويتكم وخليتك تشوف الددسن حقي موديل 76 وياليت عندي صور له كان أطلعتك عليها وبالفعل كان
شعيب غياناوقتها يزخر بربيع غناء نسأل الله أن يغيثنا وأن يرحمنا برحمته لتزهو مرابعنا بالربيع ان
شاء الله ...
الوقفه الثامنه عبرت فيها عن مدى طاعتك ووفائك لوالدك رحمه الله بتكبدك المخاطر والرجوع ليلا للمنزل
لتنفيذ أمر الوالد عكس مايحصل في السنوات الأخيره من عدم ولاء الابناء لوالديهم وعدم الأحساس بالمسؤليه
ننتظر القادم من الوقفات إن شاء الله
وأسأل الله أن يغفر لأخيك وأن يسكنه فسيح جناته وجميع موتى المسلمين

تقبل مني كل الود وألأحترام

[بـلـيـهـان 1]

قصص رائعه جدا ً ..

متابع إلى آخر لحظه !

[راعي الرجم]

وقفات في غاية الطرفة

ايام حلوة

والغريب على عشقك للبر
اكثر سياراتك ماهي سيارات بر
فان وصني وتروح اماكن بعيدة
مشكور يادغيم على الموضوع الرائع

[خيال نجد]

السلام عليكم ورحمة الله وبركاته


أخي الغالي


دغيم1


تحيه طيبه وبعد


بصراحه


الموضوع لم أرى له مثيل


ولا ينبغي دفنه في هذه الخيمه


وموقعه الأساسي خيمة الرحلات


ليستمتع الجميع


كما أرجو نقل ردودك


كي يكون الموضوع متسلسل


كي لا يضطر المتصفح للتنقل بين الصفحات


ودمت سالم


كم أنا أحب الذكريات


خيال نجد

[العزوم]

السلام عليكم ورحمة الله وبركاته

كل عام وانتم بخير

مشرفنا الفاضل كم هي جميله لحظات الذكريات بحلوها ومرها
يبدو اننا متقاربين فانا من الجيل الذي لحق هذه الفترة الجميله ولكن بعدكم بقليل وقد حددت بعض الصور التي تميز تلك الفتره من خلال طريقة اللباس كما في الصوره التاليه حيث كانت شائعة موضة القلاب الدائري والفانيله علاق :D وبعضهم يرص 4 ازره

http://www.mekshat.com/pix/upload02/images81/mk7063_d1.jpg




والجداريات بالمدارس من عمل الطلبه انفسهم معتمدين على الصحايف وعلبة البويه وعلبة زيت سيارات قديمه لعمل الدوائر يكتب فيها كلمة رائد الفصل او حكمة العدد :p


http://www.mekshat.com/pix/upload02/images81/mk7063_d2.jpg

[دغيم1]

ماشاء الله

البوم جميل من الذكريات أشبه بكتاب الف ليلية وليلة
إلا أنه يختلف عنه بأن ماتذكره حقيقة لا خيال
بارك الله في جهودك وحفظك الله

تقبل سلامي


حياك أخوي
تسلم هذا من حسن ذاتك
حفظك الله وبارك في عمرك
شرفني مرورك
تقبل تحياتي

[دغيم1]

الله يجزاك بالخير يابو فيصل

يازين سوالفك وذكرياتك
والله أني يوم أشوف الصور القديمة إني
أخذ لي سجات وأستعيد ذكرياتي ايام المدارس
والحياة البسيطة الماضية
ما شاء الله تبارك الله عليك الى الآن محتفظ بذكرياتك
الله يمدك بالصحة والعافية ويطول في عمرك على طاعته 0
تختفي عنا فترة ثم تطل علينا مثل البدر
والله إن هذي حلات الأنترنت أن نقرأ لواحد مثلك وشرواك
لاتبخل علينا يابو فيصل بالجديد
والله كني أعرفك من سنين
ومن سوالفك وسردك الجميل كني واحد من خوياك
عايش معك لحظة بلحظه
شكراًلك مرة أخرى
وتقبل أجمل تحية
والسلام عليكم

،،،،،،،،،


عليكم السلام
هلا فيك أخوي
ويجزاك بالجنة ووالديك
الله المستعان ، أعتبرها انا فترة نقاهه أن أبقى مع ذكرياتي في صومعتي الصغيرة أسترجع الذكريات وإن كان البعض منها صامت ولكن فيها الكثير ماهو يفي بالغرض من صوت وصورة
أحتفظ بالكثير من الذكريات ليست فقط الصور بل أشياء عينية لها في قلبي مكان .
شرواك الطيب ، وتسلم والله
أبرك الساعات يكون لي خوي مثلك وشرواك ، ولايهونون الباقين
فالجميع لهم مكانة في قلبي
أبشر بين الحينة والأخرى ستجد الجديد ومايسعدكم بإذن الله
شرفني مرورك وأسعدني تعقيبك
تقبل تحياتي وشكري ودعائي

[دغيم1]

الله عليكـ تسلم انامل يديكـ يالغلا
والله مواقف يسعد الواحد وهو يقراهـ الله المستعان قبل ماطلع على الدنياء ..!
حياك الله أخوي
ومن قال سالم وغانم
أبرك الساعات والله ، ويسعدني هذا
أسأل الله أن يمد في عمرك على الطاعة ويبارك في حياتك
شرفني مرورك
تقبل تحياتي

[دغيم1]

يعطيك الف عافية على الصور
دمت بحفظ الرحمن
هلا فيك أخوي
ويعافيك ويبارك في عمرك
حفظك الله
شرفني مرورك
تحياتي لك

[ريف النشاما]

مشاء الله عليك يابو فيصل


طلعاتك كلها تغاريز وبهذله

ترى هذا ملح الطلعات


ونشكرك على هذه الوقفات القيمة والذكريات الجميلة بحق



لقد أبحرت معك في هذا الموضوع الشيق فأنا من عشاقه


ومرررناااااابما مرررررتم به :)


تر صورك كلها نسختها للجهاز


وأعتبر حقوقها بالنسبة مفتوحه :)

[دغيم1]

بسم الله الرحمن الرحيم

المشرف الغالي والفاضل أبوفيصل
السلام عليكم ورحمة الله وبركاته
أستمتع كثيرا وأنا أتابع هذه الوقفات والروايات الجميله والتي ذكرتنا فيها بماضيك المشرف الذي عبرت
من خلاله عن مدى عشقك للبر
وقفتكم السابعه في غيانه ياليتني كنت أعرفكم كان تمرون علي في ألارطاويه وكنت وقتها مقيم فيها
وخاويتكم وخليتك تشوف الددسن حقي موديل 76 وياليت عندي صور له كان أطلعتك عليها وبالفعل كان
شعيب غياناوقتها يزخر بربيع غناء نسأل الله أن يغيثنا وأن يرحمنا برحمته لتزهو مرابعنا بالربيع ان
شاء الله ...
الوقفه الثامنه عبرت فيها عن مدى طاعتك ووفائك لوالدك رحمه الله بتكبدك المخاطر والرجوع ليلا للمنزل
لتنفيذ أمر الوالد عكس مايحصل في السنوات الأخيره من عدم ولاء الابناء لوالديهم وعدم الأحساس بالمسؤليه
ننتظر القادم من الوقفات إن شاء الله
وأسأل الله أن يغفر لأخيك وأن يسكنه فسيح جناته وجميع موتى المسلمين


تقبل مني كل الود وألأحترام



وعليكم السلام ورحمة الله وبركاته
حياك الله أخي الغالي
سفير الشمال
هذا من حسن ذاتك ، وشرف لي أن يحظى موضوعي بمتابعتكم
ياليت والله كان لنا الشرف بالتعرف عليك ومصاحبتك لتلك الأماكن الجميلة
أبشر هذى صورة مشابهة لموتركم الداتسون

http://www.mekshat.com/pix/upload02/images80/mk46848_dscf2511 (small).jpg

اللهم آمين ، ويرزقنا من خير ماعنده ويرحم المسلمين
وموتانا وموتى المسليمن ، ووالديك ، جزيت خيرا
أبشر هناك المزيد من الوقفات قريبا إن شاء الله
شاكرا لك مرورك العطر ومتابعتك الدائمة وتعليقك الرائع
تقبل تحياتي ودعائي

[دغيم1]

قصص رائعه جدا ً ..
متابع إلى آخر لحظه !

حياك الله أخوي
تسلم والله ، شاكرا لك المتابعة
متمنيا لك المتعة
شرفني مرورك
تقبل تحياتي

[دغيم1]

الوقفة التاسعة .. ( 9 )

فزعة تنتهي إلى شبه مأساة .......!!


طلب مني احد الزملاء نذهب لاحتطاب أرطى ، واتفقنا نطلع يوم خميس جهة طريق الدمام للدهناء ، وكنا أربعة أشخاص ، عديلي وولده وزميلي ، وكانت سيارتي الهايلوكس 76 م ، ، وكنت معزوم على العشاء عند واحد من أخواني ( دورية بيننا ) وقالوا لي أخواني لاتروح للبر ترى فيه دورية ، قلت لهم ماعليه أنا الأسبوع هذا ماراح أطلع ،

وفي صبحية يوم الخميس قلت لزوجتي ترى باطلع وبعد صلاة العصر إن شاء الله خلكم جاهزين نروح لبيت أخوي ،

مسكنا طريق الدمام ، وبعد كوبري الوسيع بـ ( 30 ) كيلو جانا كوبري معبر حيوانات ، طلعنا معه ونسمت كفرات الونيت وشديت عليه ، جلسنا نتمشى ونأخذ شوية أرطى ، قررنا نوقف نفطر ، وجلسنا في ذيك النقرة والونيت مرتفع شوي عشان مايغرز ، ومن بعيد وأشوف سيارة وانيت نيسان محمل أرطى قشع مالي الصندوق ، وبعد شوي وقف ، ونزل منه رجالين واحد عليه ثوب أبيض وواحد أسود ، المهم وصلوا عندنا وقالوا انهم متعطلين ، صبينا لهم شاهي وجمعت المعاميل ورحنا يم سيارتهم ، حصلنا الكلتش حرقان ، ومافيه فايده عدة محاولات ولا صلح قلت خل الموتر يبرد يمكن يصلح ، رحنا نجمع أرطى والساعة 2 الظهر نرجع لهم وحاولنا ولكن ماصلح ، طلعت أنا وزميلي وولد عديلي ، ندور على جيب يسحبهم إلى الشارع ، وعند المدخل حصلنا شباب صغار يطوون خيمتهم قلت لهم لكن واضح عليهم الخوف وحجتهم أنهم مرتبطين بموعد بالرياض ،رحت ألف شوي وأحصل رجاجيل كبار شوي ومعهم شايب ينصبون خيمتهم ، قال لهم زميلي نبي فزعتكم واحد متعطل ونبي تسحبونه إلى الشارع ، ومعهم تيس مذبوح وحاطينه على تندت الونيت الشفر حقهم ، قال الشايب وش اللي جابهم للبر دام سيارتهم ماهي زينة ، ولاعبرنا أحد ، كنت واقف في وسط النقرة جيت أحرك منهم غرزت عندهم وجلسنا نحفر وندفن ماحد منهم ساعدنا ، ويوم طولنا عندهم قال الشايب لواحد من ربعة هات المفك ، فك لوحة قدام وطلع المكرة وسحبنا إلى فوق الطعس ، كان الوقت روح وصار المغرب ، وكنت أعرف مكان عديلي مع راعي النيسان ، بسرعة وصلت لربعي وقلت لهم ماحد عطانا وجه ومالنا إلا نسحبكم نجرب ، كان معي واير وراعي الونيت واير وسحبتهم شوي ، لكن سيارتي مافيها دبل غرزت ، طلعناها وسحبنا الونيت شوي وجت نزله وتعلق الهايلوكس وياالله طلعناه ، نزلنا الونيت دف إلى تحت وقلت للشباب الدعوى ماتصلح ومالنا إلا نوديكم وبكره تجون تأخذون موتركم قالوا طيب .

ركبتهم في الصندوق وكان مليان أرطى وكل واحد معه فروه تغطى فيها ، مشينا على الطريق حتى كوبري الوسيع قلت لواحد من الشباب تعرف طريق الأحساء القديم ودنا نطلع معه عشان مانمر تفتيش طريق الدمام راح يمشكلونا على الأرطى ؟، قال ماعليك أدله ، خذيت يسار وواصلت وجلست شوي كأني تباطيت المفرق لأني أعرفه لكن من فترة طويلة مامريت عليه ،

وقفت وفتحت النافذة وقلت يالأخو ( لأني ماعرف أسمائهم ) وين الطريق ؟ قال : لفيت يمين أو يسار . قلت : لا ، قال: رح سيده .

رحت سيده ، وبعد ( 30 ) كيلو نفس الطريقة وقفت وسألته ، ونفس الجواب ، رح سيده ، شوي إلا وأشوف فليشر المركز ، قلت لهم خلاص وصلنا مركز اللي جهة مفرق رماح اللي يطلع على النسيم ، لكن للأسف ماصار هو ، تدرون وش طلع .

طلع خريص يعني مشينا ( 45 ) كيلو وقفت عند المشحمة وعبيت كفرات الموتر هواء وعايرته ورجعت إلى وصلت مفرق الرياض ، وكان الجو بارد .

لفيت مع المفرق وكانت الساعة ( 11 ) بالليل .

أول مامسكت الطريق طفأ الموتر .. لاحول ولا قوة إلا بالله .

وش القصة ... السيارة تشتغل بس تدعس أبنص ( بنزين ) تطفي ، نزلت وفتحت الكبوت وأشوف وش قصته ، غيرت الصفاية مافيه فايده ، وزنت البلاتين مافيه فايده .

حاولت أفك غطاء الكربوريتر مافتح الصامولة مجيمة ، خذيت منشار الحديد وقصيت الحديدة حقت الغطا ، وخذيت زيت فرامل على قدر غطاء العلية وصبيتها في الكربوريتر لأني قلت أخر الطب الكي ، الوقت تأخر والمشكلة وحصلت خلنا نجرب ، وفعلا مع توفيق الله صلحت السيارة ومشت بس ماعاد تسرع ، المهم وصلت الشباب لبيتهم

بالعزيزة وعديلي وصلته لبيته وقلت له وصل زميلي لبيته ، ورحت لبيتي وحصلت أخواني وأخواتي كلهم عندي شكيت أن العزيمة عندي ماهي عند أخوي ، عسى ماشر وش صار ، قلت أبد السيارة تعطلت ، وزيناها والحمد لله على السلامة ، شوية صجة وهواش والأمور زينه ،

وإلى وقفة أخرى

[دغيم1]

اقتباس:
المشاركة الأصلية كتبت بواسطة راعي الرجم http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1926147#post1926147)

وقفات في غاية الطرفة

ايام حلوة
والغريب على عشقك للبر
اكثر سياراتك ماهي سيارات بر
فان وصني وتروح اماكن بعيدة
مشكور يادغيم على الموضوع الرائع






هلا فيك أخوي
تسلم هذا من حسن ذاتك ، شاكرا لك الإطراء
نعم شيء غريب وذلك يعود إلى أن الأهل لايرغبون في ذهابي إلى البر بشكل مستمر خوفا منهم علي
حتى أن أخوي الأكبر مني قد رغبوا في شراء جيب ربع تويوتا قبل 30 سنة تقريبا
ولكن كانت هناك ظغوط في عدم الموافقة حرصا على السلامة .
تدري العزايم تجيب الغنايم ، والمهتوي يقطع المستوي
العفو ياغالي
شاكرا لك مرورك العطر وتعليقك الجميل
تقبل تحياتي

[حيمود]

ذكريات حلوه واتمنى تجمعها في موضوع وبدون ردود من الاعضاء لاني وانا اخوك وانا ادور سواليفك جتني حوله الله العالم بها من صفحة في صفحة وتعبت وتعبت عيوني صرت احذف وانا قاعد

امل تلبية الطلب

[الربذي]

ماشاء الله عليك فعلا راعي بر
وقفات زينه وطريفه وفطريه مااجملها لي عدة ملاحظات
1-جميع صور شباب او طلاب الماضي يتشابهون انواع الشعر الواحد يقعد شهور ماحلق
2-صور الطلاب بالمدرسه مافيهم واحد مخبي وجهي او متلطم لانهم رجال
بس الحين شوف صور اي صف!!!!!!! باي مدرسه وشوف اكثر من النصف طاقين الطمه كانهم حريم
مااعرف السبب
وايضا مر قدام اي مدرسه شوف 60بالميه متلطمين ليش وماهو السر !!!؟؟؟؟لانعلم
الاخيره تصدق انك فعلا مكشاتي مايردك اذا بغيت البر على اي سياره تطلع مايهمك !!! حتى على الصني والفان

احزنني موقف الانذال الي يقولوا اذا سيارتهم خربانه ليش يطلعون للبر وماعبروك صدق ماهي وقفه رجال بصراحة شكلك طحت بناس ماهو رجال ولا يعرفون من الرجوله الا ماجعلهم يطلعون للبر

انت ابداعي وقصص طريفه مختصره لكنها تمثل عشق ومغامرة شاب عشق الصحراء حتى الثماله
ربي يحفظك
ها للحين على الحاله ولا بديت تتركد شوي !!!!!!!!

الله يسعدك مثل مااسعدتنا0000000الان فقط شفت الموضوع لاني لي اكثر من 8اشهر عن هذي الخيمه العامه
لكن قريت جميييييع قصصك ومذكراتك الجميله
اخوك

[سفير الشمال]

بسم الله الرحمن الرحيم
مشرفنا الفاضل والغالي أبو فيصل سلمه الله
السلام عليكم ورحمة الله وبركاته
تشويق وإثاره لتلك القصص الجميله والتي صغتها بأسلوب جذاب ووصف أروع
سلمت يمينك عليها يالغالي
ومازلنا بإنتظار التشويق والأثاره بباقي الوقفات بارك الله فيك
تقبل مني تقديري وإحترامي
وفي رعاية الله

[أبوناصر]

تسلم والله اخوي ابو فيصل لي فتره عن النت وأوا ما بديت البحث عن مواضيعك لأنها بالفعل درر كصداقتك


الله يديم المحبة والاخاء بيننا

[دغيم1]

السلام عليكم ورحمة الله وبركاته

أخي الغالي
دغيم1
تحيه طيبه وبعد
بصراحه
الموضوع لم أرى له مثيل
ولا ينبغي دفنه في هذه الخيمه
وموقعه الأساسي خيمة الرحلات
ليستمتع الجميع
كما أرجو نقل ردودك
كي يكون الموضوع متسلسل
كي لا يضطر المتصفح للتنقل بين الصفحات
ودمت سالم
كم أنا أحب الذكريات
خيال نجد




و عليكم السلام ورحمة الله وبركاته

حياك الله أخي الحبيب

خيال نجد

أشكرك على إطراءك ومشاعرك الطيبة

من شخص أقدره وأحترمه وأعجب به وبأسلوبه

بالنسبة لطريقة الموضوع تركتها بهذا الشكل حتى يتسنى الردود من الجميع بعد كل حلقة .

وأما بالنسبة لمكان الموضوع فهذا راجع لمشرف الخيمة


تقبل تحياتي وشكري

[دغيم1]

السلام عليكم ورحمة الله وبركاته
كل عام وانتم بخير
مشرفنا الفاضل كم هي جميله لحظات الذكريات بحلوها ومرها
يبدو اننا متقاربين فانا من الجيل الذي لحق هذه الفترة الجميله ولكن بعدكم بقليل وقد حددت بعض الصور التي تميز تلك الفتره من خلال طريقة اللباس كما في الصوره التاليه حيث كانت شائعة موضة القلاب الدائري والفانيله علاق :D وبعضهم يرص 4 ازره
http://www.mekshat.com/pix/upload02/images81/mk7063_d1.jpg
والجداريات بالمدارس من عمل الطلبه انفسهم معتمدين على الصحايف وعلبة البويه وعلبة زيت سيارات قديمه لعمل الدوائر يكتب فيها كلمة رائد الفصل او حكمة العدد :p
http://www.mekshat.com/pix/upload02/images81/mk7063_d2.jpg
وعليكم السلام ورحمة الله وبركاته
حياك الله أخي الكريم
لاشك ان لحظات الذكريات تكون في غالبها جميلة ، فكثيرا ماأخلو بنفسي في غرقتي الصغيرة والتي أسميها الأرشيف ، أقلب فيها تلك الألبومات الكثيرة والتي أعيش معها في خيال بعيد يطوي لحظاتها الصمت .
نعم ، تلك الفترة كانت بعض الأمور منتشرة ولكنها لم تصل إلى الحد مثل هذا الوقت .
أما بالنسبة للمدارس فقد كانت جميلة جدا لأنها تعتمد على العمل الفردي لأو الجماعي دون الرجوع إلى خطاط أو مكتبات .
شرفني مرورك وأسعدني تعقيبك
تقبل تحياتي

[دغيم1]

مشاء الله عليك يابو فيصل
طلعاتك كلها تغاريز وبهذله


ترى هذا ملح الطلعات


ونشكرك على هذه الوقفات القيمة والذكريات الجميلة بحق
لقد أبحرت معك في هذا الموضوع الشيق فأنا من عشاقه
ومرررناااااابما مرررررتم به :)
تر صورك كلها نسختها للجهاز
وأعتبر حقوقها بالنسبة مفتوحه :)


[/quote]



السلام عليكم ورحمة الله وبركاته


حياك الله أخي الغالي
ريف النشاما
أكيد ملح الطلعات تغاريز ودف وحفر ودفن ..
العفو .. وهذا مادفعني لكتابة هذا الموضوع .
وأشاطرك الإعجاب بأنني أتابع ماتكتب من طرائف ومواقف .
أما بالنسبة للحقوق .....!
فكل ماكتبته من حروف ..
وألصقته من صور ...
فهي ملك لمكشات .. ولمن أحب مكشات .
دون الرجوع لي دوما .
فهي حق لك مكشاتي
شرفني مرورك وأسعدني
تقبل تحياتي .
مقطع لأحد رحلاتي
رحلة صيد.wmv - 10.4 Mb (http://arabsh.com/xssns6t68wsa.html)

[دغيم1]

ذكريات حلوه واتمنى تجمعها في موضوع وبدون ردود من الاعضاء لاني وانا اخوك وانا ادور سواليفك جتني حوله الله العالم بها من صفحة في صفحة وتعبت وتعبت عيوني صرت احذف وانا قاعد
امل تلبية الطلب

السلام عليكم ورحمة الله وبركاته
حياك الله أخوي
أعتذر عن ماحصل لك من مشاكل في متابعة الموضع
لكن ماتعتقد لو أني كتبتها كلها وراء بعض وش يكون شكلها ، تعرف ردود الأعضاء هو ملح الموضوع
لكن يوم يكون فيه وقفة ورد يكون أجمل صحيح بتتعب لكن حاولت أن تكون كل وقفة مع بداية الصفحة ولاتتكرر وقفتان في صفحة قدر الإمكان
شرفني مرورك
تقبل تحياتي

[سعيد حظ]

حي الله ابو فيصل هلا والف هلا تصدق وحشتني سواليفك
وين هالغيبة
ولا تتغلى على احبابك حتى تشوف غلاك عندهم
تراك غالي حيل وسواليفك تشرح الخاطر
حفظك الله لعين ترجيك

[دغيم1]

ماشاء الله عليك فعلا راعي بر
وقفات زينه وطريفه وفطريه مااجملها لي عدة ملاحظات
1-جميع صور شباب او طلاب الماضي يتشابهون انواع الشعر الواحد يقعد شهور ماحلق
2-صور الطلاب بالمدرسه مافيهم واحد مخبي وجهي او متلطم لانهم رجال
بس الحين شوف صور اي صف!!!!!!! باي مدرسه وشوف اكثر من النصف طاقين الطمه كانهم حريم
مااعرف السبب
وايضا مر قدام اي مدرسه شوف 60بالميه متلطمين ليش وماهو السر !!!؟؟؟؟لانعلم
الاخيره تصدق انك فعلا مكشاتي مايردك اذا بغيت البر على اي سياره تطلع مايهمك !!! حتى على الصني والفان

احزنني موقف الانذال الي يقولوا اذا سيارتهم خربانه ليش يطلعون للبر وماعبروك صدق ماهي وقفه رجال بصراحة شكلك طحت بناس ماهو رجال ولا يعرفون من الرجوله الا ماجعلهم يطلعون للبر

انت ابداعي وقصص طريفه مختصره لكنها تمثل عشق ومغامرة شاب عشق الصحراء حتى الثماله
ربي يحفظك
ها للحين على الحاله ولا بديت تتركد شوي !!!!!!!!

الله يسعدك مثل مااسعدتنا0000000الان فقط شفت الموضوع لاني لي اكثر من 8اشهر عن هذي الخيمه العامه
لكن قريت جميييييع قصصك ومذكراتك الجميله
اخوك
حياك الله أخي الكريم
وشكرا على الإطراء
نعم التشابه كبير ، والعادات كانت أفضل بين الطلاب .
لاتشره عليهم شباب وخايفين وفي مكان بعيد عن الديره واجد لهم العذر .
بالنسبة لأهل الونيت كانت عندهم مشكلة ببقائنا حولهم لأنهم لم يجتمعوا على طاعة وهذا ماجعلهم يستعجلون في إخراجنا .
تسلم والله على هذا الرأي .
لا زلت أعشق الصحراء فهي جزء مني حتى أنني أصاب بصداع وقلق في حال تأخرت عن الخروج في أي فصل كان .
وأنت كذلك وأسأله أن يسعدك في الدارين ، ويحفظك ويوفقك .
شرفني مرورك ، واسعدني تعقيبك
لك تقديري وإحترامي

[دغيم1]

بسم الله الرحمن الرحيم

مشرفنا الفاضل والغالي أبو فيصل سلمه الله
السلام عليكم ورحمة الله وبركاته
تشويق وإثاره لتلك القصص الجميله والتي صغتها بأسلوب جذاب ووصف أروع
سلمت يمينك عليها يالغالي
ومازلنا بإنتظار التشويق والأثاره بباقي الوقفات بارك الله فيك
تقبل مني تقديري وإحترامي

وفي رعاية الله



وعليكم السلام ورحمة الله وبركاته
حياك الله مشرفنا الغالي
سفيرنا الحبيب
شكرا على المجاملة اللطيفة ، والمشاعر الطيبة
وأبشر بالخير ، أعمل الآن على تنزيل مقاطع فديو من رحلاتي القديمة لعلها تكون أبلغ من الحروف والصور .
شرفني مرورك وأسعدني تواصلك
تقبل تحياتي

[دغيم1]

تسلم والله اخوي ابو فيصل لي فتره عن النت وأول ما بديت البحث عن مواضيعك لأنها بالفعل درر كصداقتك
الله يديم المحبة والاخاء بيننا


هلا فيك أخي الغالي
ابو ناصر
الله يسلم عمرك وغاليك
معذور والمنزل مبارك والله يجعله عون على الطاعة
المكسب الكبير هي معرفة الرجال أمثالك ، لما تتحلون به من أخوة وصدق وأمانه ومحبة .
اللهم آمين
شرفني مرورك وأسعدني تعقيبك
تقبل تحياتي وتقديري

[راجي الكريم]

تسلم يمين سطرت ذا الروائع... اتحفتنا يابوفيصل بهذه الذكريات ونفضت عن ذكرياتنا غبار السنين فجزاك الله خير ورحم امك وابيك وأصلح لك بنيك...

[8الساهر8]

تسلم أخوي كل قصة أحلى من الأخرى

[ابوباسل111]

مذكرات ولا اروع

ننتظر مواقف جديده

[ابوعدي]

قمه في الروعه
رائع ومبدع في السرد والتشويق وننتظر المزيد ولايكفيك كلمة شكر على هذه النقله النوعيه الجميله في مكشات اهنيك على الطرح الفريد
ولعل القادم احلى بانتظارك

[Qosmio]

http://www7.0zz0.com/2008/05/25/08/887326236.gif
http://www.nshj.com/up-pic/uploads/ceabe87f5a.gif

[دغــ أبومحمد ــيم]

وقفات جميله ورائعه استرسلت في قرأتها جميعاً الله يهنيك بالايمان وطاعة الرحمن استاذي الكريم

[فارس القبيلة]

الله يوسع صدرك دنيا واخره
ماقصرت والله على هالموضوع والذكريات والتعليق الجميل

دمتم بود

[المجمعه]

يا زين سواليفك يا دغيم

[دغيم1]

حي الله ابو فيصل هلا والف هلا تصدق وحشتني سواليفك

وين هالغيبة
ولا تتغلى على احبابك حتى تشوف غلاك عندهم
تراك غالي حيل وسواليفك تشرح الخاطر

حفظك الله لعين ترجيك

السلام عليكم
الله يحييك ويبارك في عمرك
بداية أعتذر عن التأخير
تسلم والله ، ومايوحشك غالي
أي غلا ، الله المستعان ، ورحم الله إمرء عرف قدر نفسه .
وبعدين مستحيل أتغلى على أحبابي أعضاء مكشات .
الله يرفع قدرك ويسلم عمرك
شرفني مرورك
تقبل تحياتي

[دغيم1]

تسلم يمين سطرت ذا الروائع... اتحفتنا يابوفيصل بهذه الذكريات ونفضت عن ذكرياتنا غبار السنين فجزاك الله خير ورحم امك وابيك وأصلح لك بنيك...
هلا فيك اخوي
الله يسلم عمرك وغاليك
هذا المقصد والغاية الله يسلمك
ويجزاك بالجنة ووالديك
اللهم آمين ، وإياك وجميع المسلمين
شاكرا مرورك العطر
ودعائك الطيب
تقبل تحياتي

[دغيم1]

تسلم أخوي كل قصة أحلى من الأخرى
حياك أخوي
الله يسلم عمرك وغاليك
الأحلى مرورك الطيب
شرفني مرورك وأسعدني
تحياتي

[دغيم1]

مذكرات ولا اروع

ننتظر مواقف جديده

هلا فيك أخوي
تسلم والله
وأبشر بالخير
شرفني مرورك
تقبل تحياتي

[دغيم1]

قمه في الروعه
رائع ومبدع في السرد والتشويق وننتظر المزيد ولايكفيك كلمة شكر على هذه النقله النوعيه الجميله في مكشات اهنيك على الطرح الفريد
ولعل القادم احلى بانتظارك
حياك الله أخوي
شاكرا لك الإطراء ، وهذا من حسن ذاتك
إن شاء الله
ومنكم نستمد الطاقة والإنطلاقة
شرفني مرورك وأسعدني
تقبل تحياتي وشكري

[دغيم1]

http://www7.0zz0.com/2008/05/25/08/887326236.gif

http://www.nshj.com/up-pic/uploads/ceabe87f5a.gif


حياك الله أخوي
شكرا على الإطراء ،
شرفني مرورك
تحياتي لك

[دغيم1]

وقفات جميله ورائعه استرسلت في قرأتها جميعاً الله يهنيك بالايمان وطاعة الرحمن استاذي الكريم
هلا والله بالسمي
الرائع طلتك الجميلة ومرورك الطيب
وشرفني مرورك على الوقفات والإستمتاع بها
وأشكرك على تحملك القراءه
اللهم آمين وإياك والجميع يارب
شرفني مرورك وأسعدني
تقبل تحياتي

[دغيم1]

الله يوسع صدرك دنيا واخره
ماقصرت والله على هالموضوع والذكريات والتعليق الجميل
دمتم بود
حياك الله أخوي
وصدرك ياغالي والجميع
تسلم والله ماعليك زود
واجبي تجاه أحبابي ، ومايسعدهم يسعدني
شرفني مرورك
تقبل تحياتي

[دغيم1]

السلام عليكم ورحمة الله وبركاته
كل عام وانتم بخير ، وتقبل الله طاعاتكم وصالح الأعمال
بداية أعتذر عن التأخير ولعل ذلك بمناسبة هطول الخيرات من رب الرحمات ، والإجازة .
وأسأل الله أن يتقبل من الحجاج حجهم

الوقفة العاشرة
10


مرة كنت طالع مع مجموعة من الزملاء ومعنا واحد متعرفين عليه من قريب وعزمناه على روضة أم القطا

وكانت تلك السنة مربعة زين ، وكان يسمع عنها وماشافها ، فقلت فرصة تكون المعرفة خضراء من البداية ويجعلها معرفة خير.

المهم أتفقنا نروح بعد الدوام ، مريت على الشباب ، وأخذنا غدانا في الحافظة ، وكل اللي يلزم .

توكلنا على الله ورحنا على طريق الدمام.

ويوم وصلنا محطة الشرق الأوسط قريب منها عبارة ( مخرج ) من تحت قلت نروح معه أقرب من مفرق الوسيع .

يوم دخلت العبارة إلا والقاها مليانه ماء ، حاولت أرجع ، قال واحد من الزملاء : أفا .....!! .

ماهقيت أنك ترجع ... والأمر شوية موية .

المهم أخذتني العزة بالأثم ورجعت شوي وعطيت السيارة عزم .

قال زميلي الثاني : يارجال أرجع وخلنا نطلع مع الطريق الزين اسلم لنا .

وبين هذا وذاك ، قررت المواصلة .

عطيت السيارة عزم ، وكانت سيارتي ونيت فورد ، يوم وصلت نصف العبارة ، قالت هذا مكاني ، لأن أرضية العبارة أسمنت ، وعليها طبقة طينية بعد المطر ، جلس الكفر يدور بوش .

المهم نزلت إلى الماء ياصل إلى نصف الساق ، وكان معي ونش على الصدام الأمامي وطول الواير حقة 30 متر ، لكن مافيه فايده أقرب حاجة يمكن نعلق الواير فيه أبعد بكثير .

الحقيقة تفشلت مع الرجال ، وضاقت الدنيا في وجهي .

قلت ياليت أجلت الشجاعة والمغامرة في حلقة ثانية ، على الأقل تصير العلاقة قد زانت ، ماهو من أولها مغامرة وبهذله .

طلع واحد من الزملاء وأتصل على أمن الطرق ، ووصف لهم المكان ، أرسلوا لنا سطحة ( بليزر ومعه قلص ) .

وأيرنا مع وايره وبعد شد ... ومد ....

طلعنا بحمد الله

عطينا الرجال المقسوم ، وكانت الشمس تأذن بالمغيب .........!

المهم نظفت رجلي بعد الطين والبهذله وركبت مستعجل لأن المسافة باقي عليها والوقت روح ، والضيف يبي يشوف الروضة في سفر .

من العجلة سقت السيارة بسرعة ومانتبهت للمطبات ،

مطب عليه الكلام ، الرؤس على التنده .

ويالله الخيره ........ طفت السيارة ..... أنفكت البطارية من مكانها .

نزلت وركبتها ....... وشبكت الأصابع ...... مشيت ..... واصلت .

بعد المغيب ...... وصلنا الروضة .....

طبعا كان حول الروضة عقم ترابي ( أجلكم الله )

بعد مانتهى في الزاوية ظنيت أنه طريق وعلى سرعتي .....

طاااااااااخ ..... طاااااااااع

وإلا أني في حفرة العقم .

لا حول ولاقوة إلا بالله

بسرعة عشقت الموتر بنمرة وسيدة وأطلع من الحفرة

وأول مكان بالروضة

نزلنا وفرشنا الفرشة

وهات الغداء ...... في الظلام

الله لايفشلنا ......

شكل الضيف قال : اللي هذا أوله .... ينعاف تاليه .

من بعدها ماركب ولا طلع معي ..

تقبلوا تحياتي

وإلى وقفة قادمة

كل عام وأنتم بخير .

دغيم 1

الرياض

[الذيب الابيض]

دغيم 1

في غاية الروعه


جعلك تسلم

[دغيم1]

يا زين سواليفك يا دغيم
هلا فيك أخوي
الزين مرورك الطيب
تسلم والله
تحياتي لك

[راع الصمان]

طبعا كان حول الروضة عقم ترابي ( أجلكم الله )
بعد مانتهى في الزاوية ظنيت أنه طريق وعلى سرعتي .....
طاااااااااخ ..... طاااااااااع
وإلا أني في حفرة العقم .
لا حول ولاقوة إلا بالله
بسرعة عشقت الموتر بنمرة وسيدة وأطلع من الحفرة
وأول مكان بالروضة
نزلنا وفرشنا الفرشة
وهات الغداء ...... في الظلام
الله لايفشلنا ......
شكل الضيف قال : اللي هذا أوله .... ينعاف تاليه .
من بعدها ماركب ولا طلع معي ..


ههههههههههه اضحك الله سنك يابوفيصل اثرك غشيم :no2: وحنا ماندري
وقفاتك كلها كوم وهالموقف كوم والله اني ضحكت من قلبي.:D :D ..واضح انك متحمس وماتدري وين الله حاطك تبي تاصل بأي طريقه..بس من جرف لدحديرا:p
لكن ربك ستر.
وبصراحه وقفات في قمة الروعه والمغامرة
بداتها بالقصص التاريخيه القديمه اللي مره تخنقني العبره ومره اسرح مع ذكرياتي الجميلة...(بس تراك اكبر مني بواجد).:) .الله يعطيك الصحه والعافيه
وأخيرا تعجز الكلمات عن التعبير والشكر على هذه الوقفات التاريخيه
ومهما قلت فهذه الكلمات البسيطة لا توفيك حقك..
لك تحياتي وبأنتظار الوقفه 11

[Ry905]

:) مواقف جميلة .. وسرد أجمل .. شكرا لك ..

[سوبر152]

http://3ashegaldam3ah.jeeran.com/سلمت%20يداك.gif

[الغريري]

الوقفة العاشرة
10
من العجلة سقت السيارة بسرعة ومانتبهت للمطبات ،
مطب عليه الكلام ، الرؤس على التنده .

ويالله الخيره ........ طفت السيارة ..... أنفكت البطارية من مكانها .

نزلت وركبتها ....... وشبكت الأصابع ...... مشيت ..... واصلت .

بعد المغيب ...... وصلنا الروضة .....

طبعا كان حول الروضة عقم ترابي ( أجلكم الله )

بعد مانتهى في الزاوية ظنيت أنه طريق وعلى سرعتي .....

طاااااااااخ ..... طاااااااااع

وإلا أني في حفرة العقم .

لا حول ولاقوة إلا بالله

بسرعة عشقت الموتر بنمرة وسيدة وأطلع من الحفرة

وأول مكان بالروضة

نزلنا وفرشنا الفرشة

وهات الغداء ...... في الظلام

الله لايفشلنا ......

شكل الضيف قال : اللي هذا أوله .... ينعاف تاليه .

من بعدها ماركب ولا طلع معي ..

تقبلوا تحياتي

وإلى وقفة قادمة

كل عام وأنتم بخير .

دغيم 1

الرياض





هههههههههههههههههههههههه

دغيم 1......

بيّض الله وجهك .. وكثر الله أمثالك ....


:D

[دهران]

الأخ الغالي / أبو فيصل




:good: :good: :good: :good: :good:



http://www.mekshat.com/pix/upload02/images79/mk17809_yasalamalaik.gif



قسم بالله إنك مبدع وومتع , شف لي هالحين أكثر من 3 ساعات أتابع هالموضوع وأقراه وقفة وقفة وكل وقفة أجمل من الأخرى .... أهنيك على هذا السرد وعلى هذا الطرح الجميل ..... وما أقول إلا الله يخليك لفيصل وإخوانه ويخيلك لعينٍ ترجيك آمين ....



موضوع يستحق كل نجوم السماء يابو فيصل :


http://www.dehraan.com/dehraan/uploads/images/domain-9b0e85f2d4.jpg


متابعين للقادم من الوقفات وعسى الله يوفقك لكل ما فيه الخير ويوسع صدرك مثل ما وسعت صدورنا ياشيخ .


وتقبل أعذب وأرق تحية .

[دغيم1]

دغيم 1
في غاية الروعه
جعلك تسلم

هلا فيك أخوي
تسلم والله ، هذا من حسن ذاتك
شرفني مرورك
وأسعدني
تقبل تحياتي

[مخاوي السيل]

يادغيم واحد للمخاليق ارسلت ... صور وقصص مضى منها كم حولي
ذكرتنا الماضي وفيها تمزحت... وفيها من العبره عسى عمرك يطولي

يعطيك العافيه يبو فيصل على السرد الشيق ومتابعين معك


مخاوي السيـــلـ،,,,

[راعي البخاخ]

ايه - ايه - ايه يــاذكــريات من اول , مواقف لاتنسى وتمتع كل
من دخل هالموضوع ويازين وياحلو كل شىء من اول , فيها والله
الجمعه والوناسه والقلوب نظيفه وعلى بعض ,
الله يجزاك ياخوي 1000 خير ويجازي والديك الجنه
حنا معك مع هالمواقف الجميلة التي لاتنسى

[دغيم1]

طبعا كان حول الروضة عقم ترابي ( أجلكم الله )

بعد مانتهى في الزاوية ظنيت أنه طريق وعلى سرعتي .....
طاااااااااخ ..... طاااااااااع
وإلا أني في حفرة العقم .
لا حول ولاقوة إلا بالله
بسرعة عشقت الموتر بنمرة وسيدة وأطلع من الحفرة
وأول مكان بالروضة
نزلنا وفرشنا الفرشة
وهات الغداء ...... في الظلام
الله لايفشلنا ......
شكل الضيف قال : اللي هذا أوله .... ينعاف تاليه .
من بعدها ماركب ولا طلع معي ..
ههههههههههه اضحك الله سنك يابوفيصل اثرك غشيم :no2: وحنا ماندري
وقفاتك كلها كوم وهالموقف كوم والله اني ضحكت من قلبي.:D :D ..واضح انك متحمس وماتدري وين الله حاطك تبي تاصل بأي طريقه..بس من جرف لدحديرا:p
لكن ربك ستر.
وبصراحه وقفات في قمة الروعه والمغامرة
بداتها بالقصص التاريخيه القديمه اللي مره تخنقني العبره ومره اسرح مع ذكرياتي الجميلة...(بس تراك اكبر مني بواجد).:) .الله يعطيك الصحه والعافيه
وأخيرا تعجز الكلمات عن التعبير والشكر على هذه الوقفات التاريخيه
ومهما قلت فهذه الكلمات البسيطة لا توفيك حقك..

لك تحياتي وبأنتظار الوقفه 11



حياك الله أخوي
مو غشامه بس .. أجتمعت .. عجلة ... وقل شوف .
صحيح .. ماتتصور لما يكون معك صديق جديد ومسوي زحمة بأنك راعي بر وتعرف الأماكن .
وهذي نهايتها ... حفرة
تسلم على الإطراء
الذكريات جميلة ... وإذا ساد الصمت .. قطع هدؤه تعاقب الأنفاس وتسارعها .
أكيد أكبر منك وشف توقيعي ذكرت فيه .......
أسأل الله أن يمتعك بالصحة والعافية على الطاعة
وجميع المسلمين
شكرا لك ، ويكفيني فخرا وشرفا مرور أمثالك على مواضيعي المتواضعة .
أبشر ياغالي
شرفني مرورك ، وأسعدني تعقيبك
لك عاطر التحايا

[دغيم1]

:) مواقف جميلة .. وسرد أجمل .. شكرا لك ..

هلا فيك أخوي
تسلم والله هذا من حسن ذاتك
العفو
والشكر موصول لمروركم الكريم
تقبل تحياتي

[دغيم1]

http://3ashegaldam3ah.jeeran.com/سلمت%20يداك.gif

حياك الله أخوي
الله يسلم عمرك وغاليك
شرفني مرورك
تقبل تحياتي

[دغيم1]

هههههههههههههههههههههههه
دغيم 1......
بيّض الله وجهك .. وكثر الله أمثالك ....
:D



هلا فيك أخوي
ووجهك ياغالي
وماعليك زود
شرفني مرورك
تحياتي

[دغيم1]

الوقفة
الحادية عشرة ( 11 )

روضة أم قرين ... وضياع دام ساعات ... ومرافقة الشيفه ( الجان ) ، في أيام رمضان.
.
http://www.mekshat.com/pix/upload02/images93/mk46848_rom14 (1).jpg
.


في أحد رحلاتي في شهر رمضان المبارك وكانت سيارتي الصني 89 م

وكان معي ولد عمي

قررنا نروح للصمان قبل مايكون مشهور والناس تقطع فياضة

المهم مشينا بعد صلاة الفجر وخذيت معي المعاميل

خيمة جحش ، وصندوق حديد للمعاميل ، وفراشي وفراش ولد عمي

توكلنا على الله وكانت آخر محطة هي محطة حفر العتش ، عبينا بنزين ، وكملنا الطريق حتى انتهى الأسفلت ، واصلنا مع الممهدة إلى وصلنا الرفيعة عبينا بنزين ، ورحنا يم العاذرية ، وكان صباح يوم جمعة ،

حصلنا شايب وسألناه عن روضة أم قرين ، لأنه ذاك الوقت أشهر فيضة والسبب أن طريق المقانيص يمر عليها ولا يضيع أحد إذا طلع في النهار

المهم لزم الشايب الفطور وتعذرنا منه ، ووصف لي قال تروح مغيب شمس ، وبعض الأوصاف ، شديت على الموتر ورحت ، لكن كني تطاولات المشوار ويقولون ( تيهة الحضري قصرته )

جلست أدور على أحد بعد التعب حصلت لي غنم ومالقيت الراعي ، وكان سوداني يدور على شاة والده ، سألته عن الروضة ووصف لي ، لكن لأني تعبت من الدوران ركبته معي قدام مع ولد عمي لأن السيارة مليانه ،إلى وقفت على الروضة ثم رجعته لغنمه ،

خذيت لفه على الروضة وكانت جميلة ومليانه ماء ،طبعا ماكان حولها مواصير ، وفي غربيها لقيت مكان مرتفع وزين ، نصبت الخيمة ، ورحت يم المرسام ( الصبة )حق الطريق وحطيت عليه زيادة علامات عشان إذا جيت أطلع أنتبه له ، وخليت وجه الموتر عليه مباشرة ،

لكن ...........!

المهم خذيت لي قيلولة ، وكان الجو بارد ، ومر علي يمكن سيارتين أو ثلاث ذاك اليوم يسألون عن ربع لهم يمكن شفتهم ، وسويت نفسي فاهم بالمنطقة وجالس أوصف الطريق ومسوي زحمة وشغله .

مع أني ماقد جيت مع طريق المقانيص للروضة .

المهم قرب المغرب وجهزت القهوة والفطور ، وعينا من الله خير ، صلينا ، قال ولد عمي ماودك نمشي ، وأنا أعرف ولد عمي أهلة يقلقون عليه لو تأخر خمس دقائق ،

قلت توكلنا على الله ، المهم فكيت الخيمة وركبت العفش ،( اللي يقرأ يعتقد أنه عفش مخيم ) ويوم ركبنا ، كانت السيارة باردة من جوا عشان كذا بخر القزاز من الداخل ، مشيت حسب الوجهه لكن مع البخار شكلي لفيت يمين أو يسار .

المهم مشيت لكن الجو بارد ومظلم ، وجلست أدور في مكاني ،

وبعض الأماكن أمرها أكثر من مره

وبديت أقلق على ولد عمي ، راح يصير له مشكلة لو تأخرنا وراح والدته تنزعج عليه ، وفي أثناء السير كان يطلع لنا نور أحمر كأنه نور خلفية سيارة ، وصرت أسرع أبي الحق عليه أسأله عن الطريق لكن مافيه فايده شوي ويختفي ، وأعتقد أنه مثل مايقولون ( شيفه ) ،

وشوي إلا وأشوف نار من بعيد وأروح لها وأحصل راعي شكله عراقي ،سألته عن الطريق قال : لو تقدمت شوي فيه ناس متعشين عندي كان تطلع معهم ، المهم وصف لي الطريق لكن مافيه فايده ،

بعد لف ودوران

طلعنا على مهده وحصلت راعي ستيك بودي لحقته وسألته عن الطريق ودلني ، والحمد لله عرفت الطريق ،

كانت الساعة تقريبا ( 11 ) بالليل وأنا على أول طريق الصمان , والمسافة طويلة ,

وفعلا وصلت الرياض وحصلت عمي وزوجة عمي منزعجين مرررره .

المهم الحمد لله على السلامة

تحياتي

وإلى وقفة جديدة

[العريني1]

بعد لف ودوران
طلعنا على مهده وحصلت راعي ستيك بودي لحقته وسألته عن الطريق ودلني ، والحمد لله عرفت الطريق ،
كانت الساعة تقريبا ( 11 ) بالليل وأنا على أول طريق الصمان , والمسافة طويلة ,
وفعلا وصلت الرياض وحصلت عمي وزوجة عمي منزعجين مرررره .
المهم الحمد لله على السلامة

-----------------------------------------------------


الحمد لله على السلامه....اقول ياابو فيصل زين ولد عمك ماكسر باب السياره واعطاك صك الطلاق مثل جارك(الشرهه ماهيب عليك على اللي يروح معك مره ثانيه):D

فعلا يازين ذيك الايام قبل الاجهزه :good: ...الرأس صاحي اذا اختلف عليك الطريق رجعت لمكانك الاول... البر زين وكل شي زين.الان قو تو انتر ..:confused:.وكل واحد صار راعي بر.:j

واصل مسلسل ابداعاتك واسلوبك الجميل...
تقبل مروري ..
ابوعلي

[ابن سليمان .]

لقد غمرتنا بكرمك الأصيل


مسلسل جدا ممتع قريته سَحْبه وحده


من الحلقة الأولى إلى الحادية عشرة وياليت ما انتهى


الكثير من المتعة والفائدة والسعادة وجدتها هنا في موضوعك


حيث أدخلت السرور إلى قلوب الجميع لا حرمك الله الأجر


شكرا لك أخي العزيز دغيم 1


فقد نفضت غبار الروتين يا مبدع !


تقبل تحيات أخيك / ابن سليمان .. أبوباسل

[المقلع 9]

ذكريات جميلة اخوي دغيم واسلوب كتابي متميز..

<<<< متابع بشغف !!

بإنتظار المزيد..

[cd0011]

من الحلقة الأولى إلى الحادية عشرة وياليت ما انتهى


الكثير من المتعة والفائدة والسعادة وجدتها هنا في موضوعك


حيث أدخلت السرور إلى قلوب الجميع لا حرمك الله الأجر


شكرا لك أخي العزيز دغيم 1
جزاك الله خير

[صقر الحراملة]

حيا الله مشرف مكشات العملاق أبو فيصل

و بدون مجاملة استمتعت بالموضوع حتى آخر وقفة و كنت أطمع بالمزيد من شدة ما أعجبني

و مواضيعك تعتبر كنز للمنتدى و لكل الأعضاء

أسأل الله أن يسعدك كما أسعدتنا

و لا تحرمنا من جديد قديمك و من جديدك الجديد

[طلحة]

تابعت الموضوع من اوله الى آخره
موضوع شيق وممتع

[يوسف الخليفة1]

متعك الله بالصحة والعافية أخي العزيز دغيم1 وبارك فيك وتقديري واحترامي والشكر الجزيل

[ابن حلاسه]

بارك الله فيك وامدك الله بثوب الصحه والعافيه

موضوع شيق جدا ومغامرات روعه وسرد للقصص ممتاز

تقبل تحياتي ودمت بحفظ المولى عز وجل

[Rahhal_xp]

ماشءا الله،
متعتنا، متعك الله بالصحة والعافية وجزاك الله كل خير.

[واثق]

الله ما أجملها من رحلات !
جمل الله أيامك أخي الكريم دغيم

[عازف القارات]

السلام عليكم

ماشااء الله ذكريات طيبه وعاصره للقلب

[الربذي]

ها متعنا اكثر وينك فيه ولاخلصت كفشاتك مااجملها

[mhm-191]

الله يوسع صدرك بطاعته .

[راع الشماليه]

تسلم يمينك؛؛؛باركـ الله فيكـ
الله يعطيكـ العافيه على الصور
تحياتي لكــ/راع الشماليه

[مدمن مرقوق]

رفعة جميلة

اتمنى ان تستمر

[دحوم سدير]

رفعتن ثانيه وعسا الله يجيب الباقي

[مقناص 20]

الله المستعان وين الصور ذكريات زمان
بارك الله فيك على هالذكريات الجميله
الف شكر على الصور

[الشيخ قوقل]

ياسلام

والله من زين الرأي ههههههه
كل الشكر لك أستاذي الفاضل
وشكلك أنت اللي تسوق ؟؟؟
http://www.mekshat.com/pix/upload02/images76/mk46848_14859.jpg

[MOHAMMED..]

لله درك يادغيم
شغل جميل ومتعوب عليه . تبي الجد
غرت منك أفكر اسوي مثلك وانزل ارشيفي البسيط
الي بدايته في عام 1399 وقتها كنت املك كامره
ابيض واسود جاتني هديه من الحج بس مستحيل الأرشيف
يجي ربع ماسويت يادغيم ولكن بنجتهد والباقي على الله ومشكور
على هذا الأرشيف الجميل المدعم بالصور الجميله والأنسان الي يملك ارشيف قديم
من الصور وتكون خاصه له ومن تصويره يزود غلاه عندي مدري ليش على العموم تقبل ودي ومروري

[دغيم1]

السلام عليكم ورحمة الله وبركاته
أشكر الجميع على مرورهم
ودعواتهم
وأسأل الله لهم دوام الصحة والعافية على طاعة
وبالنسبة لبقية الحلقات سأحاول جاهدا في البحث على
مايرتقي لذائقتكم الغالية
تقبلوا وأفر التحية وأعطرها
محبكم : أبو فيصل

[ناجل سمار]

وعليكم السلام---ذكريات جميله الله يعطيك العافيه

[قرة عينى]

:good2:الله ذكريات حلوة شوقتنا اكمل بارك الله فيك

[ذئب المدينه]

الله يا ذيك الايام ههههههههههه والله ايام ما تنسي ياليت ترجع
تحياتي

[بر الوالدين]

يازين تسطير الذكريات زيناهـ

و يازين طيبة النفس و يازين كل شي فيه ريحة زمان أول

[ابو باسل]

ا


طبعا كان حول الروضة عقم ترابي ( أجلكم الله )
بعد مانتهى في الزاوية ظنيت أنه طريق وعلى سرعتي .....
طاااااااااخ ..... طاااااااااع
وإلا أني في حفرة العقم .
لا حول ولاقوة إلا بالله
بسرعة عشقت الموتر بنمرة وسيدة وأطلع من الحفرة
وأول مكان بالروضة
نزلنا وفرشنا الفرشة
وهات الغداء ...... في الظلام
الله لايفشلنا ......
شكل الضيف قال : اللي هذا أوله .... ينعاف تاليه .
من بعدها ماركب ولا طلع معي ..






اضحك الله سنك الدموع اربع اربع من شدة الضحك :good2:

[شعيب حرم]

والله الدنيا هذي عجايب
يعطيك العافيه قلبو

[.البدراني.]

مشكووووووووووووووووووووووووووووووووووووووووووووووو ووووووووووووووووووووووووووور
هل من مزيد؟؟؟؟

[sameer_1798]

ههه اضحك الله سنك
ويني عن هالموضوع من زمان .... إبداع الله يعطيك العافيه وماقدرت اتركه إلا بعد ماقريت صفحاته .

[معهم]

ماشاء الله عليك , وسيع صدر وذكريات في غاية الروعة

[هماام]

هههههههههه


اضحك الله سنك


اخوك ومحبك



هماام

[خفوق حائل]

الله يالدنيا صور وقصص جميله الله يعطيك الصحه والعافيه

[موسع الصدر]

ههههههههه

أضحك الله سنك

موضوع رائع وسرد أروع

وكل شيء فيه حلو الحكايات والصور وراعي الموضوع وحتى ردود الأعضاء

جميل جمل الله حياتك

وترانا نحتري الباقي يازينها من أيام


دمت بحفظ الله ورعايته

[دغيم1]

السلام عليكم ورحمة الله وبركاته
أسعد الله أوقاتكم بكل خير أحبتي
بعد إنقطاع أعود إليكم مجددا وفي جعبتي القليل
وكلي امل أن يرتقي لذائقتكم الطيبة
......
إذا اردت أن أنفرد بنفسي وفي متنفس الصباح والناس لازالت نائمة
كنت أذهب إلى خيمتي والوجار وأشعل النار
وأسرح في هواجيس وأطلق للفكر العنان
يجوب بي عباب الذكريات القديمة والتي
كثيرا ماتبكيني
عندها وقفت على مفترق الطريق
أنظر من منظارين
من عجاج السنين في الثمانينات الهجرية
إلى حصاد الوقت في الثلاثينيات بعد الأربع مائة للهجرة
أين .. ذلك الزمن .. من هذا الوقت . ...؟

http://www.mekshat.com/pix/upload04/images153/mk46848_dscf0358 (small).jpg

الـــوقــــفــــة ( 12 )




في أحد الأيام ( الخميس 3 / 9 / 1418 هـ ) كانت الأجواء جميلة ، غائمة والهواء عليل ، والأرض ربيع ، والضباب يلف المكان .





http://www.mekshat.com/pix/upload04/images154/mk46848_shoky (3).jpg

http://www.mekshat.com/pix/upload04/images154/mk46848_shoky (2).jpg




قررنا نحن الأربعة الذهاب إلى شعيب الشوكي .

وكانت الراحلة سيارة هايلوكس غمارتين .





http://www.mekshat.com/pix/upload04/images154/mk46848_shoky (10).jpg



أخذنا المعاميل وكل ما نحتاج إليه .

وعلى بركة الله انطلقنا في المسير وسوالف عن بداية مشوار وإعادة لذكريات رحلات سابقة .
وماهي إلا لحظات حتى حططنا رحالنا في الشعيب في مكان جميل والأرض مربعة ولله الحمد والمنة .





http://www.mekshat.com/pix/upload04/images154/mk46848_shoky (7).jpg

.
http://www.mekshat.com/pix/upload04/images154/mk46848_shoky (5).jpg




السماء ملبدة بالغيوم ... وبدأ الأفق يميل إلى السواد

وكانت الرغبة في تجهيز الغداء بين اثنان من الزملاء وهما أخوين
الأكبر أخذ جزء من المعاميل وشرع في عمل الكبسة ، والأصغر شرع في عمل مكرونة سباكتي .
ننتظر لحظات المطبخ المكشاتي أيهم يقدم الأسرع والأفضل .
وكان التحدي على أشده وكل واحد يمهد لمشروعة وانه سوف يتصدر القائمة في اللذة والطعم .
حتى أن الوقت قاب قوسين أو أدنى من جرس الإنذار لجاهزية الغداء
إلا أن قدرة الله سبحانه وتعالى ومشيئته كانت هي الأسبق .
فهطلت الأمطار بغزارة حتى أننا لم نستطيع إدخال المعاميل وتم وضعها في صندوق الونيت وأطفأت الأمطار النار وأخذ صاحب المكرونة ووضعها في طرف الونيت وغطاها بالفرشة ، حتى أننا تداركنا أنفسنا من الخروج من الشعيب والصعود على أعلى التله .
وكانت الأجواء سوداء مظلمة ، والبرق يشق الأرض وينيرها بقوته
فسبحان الله العظيم
تحركنا محاولين الخروج إلا أننا قد أضعنا الوجهة فلم نستطيع أن نعرف أي وجهة نسير أو لأي هدف نتجه .
فكانت الأرض كأنها بحر متلاطم ولا نشاهد سوى الماء ، ومساحات السيارة على أشدها ولا نشاهد بالكاد سوى أمتار قليلة مع نور السيارة
وبما أنها ليست دفع رباعي كان الهاجس المخيف يتربص بنا وسط المياه .
فكنت أحرص السائق على عدم التهدئة أو الوقوف بأي حال من الأحوال .
وكان الخوف أن نرتطم بحجر أو نهوي من الأعلى
لانعدام الرؤية ، والشحن النفسي الكبير .
وبعد جولة طالت... حبست الأنفاس ، وخفقت لها القلوب
جاءت قدرة الله سبحانه وتعالى وجاءت بالفرج

حيث وصلنا إلى أرض سهلة توقفت السيارة فيها لارتطامها بمجرى السيل

تمكنا بعدها من إخراجها وتوجهنا إلى أم رجوم ( جلعوده ) ثم أدينا الصلاة .
بعد الشعور بالراحة وحمد الله سبحانه وتعالى على السلامة
حضرت المنافسة لتعلن الفائز بالجائزة

فقد كانت المكرونة هي الأجدر بالتقدير لملء البطون

عدنا أدراجنا إلى الرياض


وكانت المسافة حديث الرحلة والأحداث هي العنوان الأبرز
..............


تجهيز الغداء الذي لم نتناوله

http://www.mekshat.com/pix/upload04/images154/mk46848_shoky (1).jpg

هذه اللقطات تم سحبها من كامبرا الفديو

أستودعكم الله إلى وقفة قادمة لكم مني
أطيب التحيات وأعذبها

[دحوم سدير]

يعطيك العافيه
نبي زود من هالوقفات

[قاصد الصمان]

ما شاء الله
ابوفيصل
قمة في الإبداع والسرد للذكريات :good2:
لقد اعدتنا للوراء عشرات السنين انقضت من اعمارنا يالها من ذكريات جميلة :(
متعنا الله واياك بالصحة والعافية على طاعته
تقبل تحيتي وتقديري
اخوك/ ابوابراهيم

[محمد-الرس]

ذكريات سادت ثم بادت ---ولا زالت عند البعض ولا أدري هل تواظب عليها الان

[الادعج]

الله ..الله ..الله
روووووعه بمعنى الكلمه من معنى
..
..
..
ياولد وين انا ضايع طول هالمده عن هالفله والسواليف وسعه الصدر والوناسه ...اثري ضايعن بخيمه السيارات:D ...ماغير مهابد ومطامر هناك...
ماقول الا الله يوسع صدرك بالايمان وطاعه الرحمن يادغيم مثل ماوسعت صدورنا..

[ولد وايل]

دغيم يا انت شايب الحمدلله اني ما لحقت مثلك


وقت دراستك بالـ1403 وانا كنت وقتها طالب ابتدائيه

الله يحفظك ويعطيك طولت العمر
يارب



يازين عام 1418هـ

[دغيم1]

يعطيك العافيه
نبي زود من هالوقفات
حياك الله أخوي
الله يعافيك ويبارك في عمرك
أبشر والله يعين
كل ماحصلت فرصة قعدت أسترجع الماضي وأسجل
شاكرا مرورك
تحياتي

[دغيم1]

[quote=قاصد الصمان;4219930]
ما شاء الله

ابوفيصل
قمة في الإبداع والسرد للذكريات :good2:
لقد اعدتنا للوراء عشرات السنين انقضت من اعمارنا يالها من ذكريات جميلة :(
متعنا الله واياك بالصحة والعافية على طاعته
تقبل تحيتي وتقديري
اخوك/ ابوابراهيم

حياك الله أخي الغالي
أبو إبراهيم
ماعليك زود
اللهم آمين
الذكريات جميلة وفي نفس الوقت محزنة
الله المستعان
شاكرا مرورك العطر
تحياتي وتقديري

[دغيم1]

ذكريات سادت ثم بادت ---ولا زالت عند البعض ولا أدري هل تواظب عليها الان

هلا فيك أخوي
سادت ولكنها لم تبيد
ولازالت باقية
وأنا باستمرار أراجع تلك الذكريات وأستعيد شريطها
وخاصة في أوقات الخلوة
وأترحم على من فارقنا
شاكرا لك المرور
تحياتي

[دغيم1]

الله ..الله ..الله

روووووعه بمعنى الكلمه من معنى
ياولد وين انا ضايع طول هالمده عن هالفله والسواليف وسعه الصدر والوناسه ...اثري ضايعن بخيمه السيارات:D ...ماغير مهابد ومطامر هناك...


ماقول الا الله يوسع صدرك بالايمان وطاعه الرحمن يادغيم مثل ماوسعت صدورنا..


حياك الله أخوي
الروعة مرورك وتعليقك الجميل
والحمد لله أن نال الموضوع إستحسانك
مافات إلا الشر
اللهم آمين .. وإياك وأحبابك .. والجميع .. يارب .
شاكرا مرورك العطر وروحك الطيبة
تحياتي

[دغيم1]

دغيم يا انت شايب الحمدلله اني ما لحقت مثلك
وقت دراستك بالـ1403 وانا كنت وقتها طالب ابتدائيه
الله يحفظك ويعطيك طولت العمر
يارب
يازين عام 1418هـ
هلا فيك أخوي
المسأله مايحتاج لها إستدلال
ذكريات قديمة مضى عليها أكثر من ربع قرن
وتبي الراس أسود
يالله حسن الخاتمة
تلحق خير على صحة وعافية وطاعة
اللهم آمين .. وإياك وأحبابك والجميع
الله المستعان
تحياتي لشخصك الكريم

[دغيم1]

الوقفة



13



قربع ... قربع .. قربع


http://www.mekshat.com/pix/upload04/images157/mk46848_dscf4656 (small).jpg



في أحد الأيام .. طلب مني صديقي الذهاب لصيد حمام السوادي

الذي يشبه حمام الحرم
وكنا نصيده في القلبان ( البئر )
وكنت استخدم شراع لتغطية القليب وحبل طويل أربط في طرفة جالون زيت أو بوية ، وكشاف ، وكرتون أو صندوق لحفظ الحمام فيه .

توجهنا إلى مكان قريب من الرياض في ذلك الوقت أما الآن فهو من ضمن حدود الرياض وهو في هجرة قريبة .
وكنت أعرف الكثير من القلبان في تلك المنطقة ومناطق أخرى .

ولأن الأمور كانت في السابق هادئة ولا يوجد مشاكل أمنية .
وكان الصيد يتم عقب صلاة العشاء ضمانا لدخول الحمام في القليب والاستقرار وتأدية الصلاة وخلو المكان من الناس
توقفت عند القليب ومديت الشراع ( فليته ) وقمت بتغطية القليب
وأنزلت الجالون وعلمت صديقي الطريقة في تحريك الجالون .

دخلت تحت الشراع ومعي الكشاف ، الحقيقة هي مغامرة خطيرة لوجود حشرات وثعابين وعقارب في بعض الأحيان ، ولكن حب المغامرة يطغى أحيانا على المصاعب .

بدأ صديقي العمل وكانت بداياته ناجحة وشكله فهم الدرس زين ، ولكن العبرة بالخواتيم ، وكان الحمام في القليب جيد وبدأ الصيد ،
وفجأة توقف العمل فكنت أصرخ عليه ( قربع ... قربع .. قربع . )

يعني حرك الجالون يمين يسار ليصطدم بجدران القليب ويحدث صوت يخيف الحمام ويطير باتجاه نور الكشاف اعتقادا منه أنه المخرج ، وعندما يصل الحمام باتجاهي اطفي النور ويقف بالقرب مني وأصيده وأضعه في الصندوق .

ساد الصمت ولم أسمع لصديقي أي حراك

كررت عليه الكلام ، وكان الحماس يأخذ مني مأخذه وأنا أشاهد الحمام ولا أستطيع أن أعمل شيء .

خرجت من تحت الشراع ونظرت إلى صاحبي فإذا به واقف في مكانه .

وقد ألجمته الحيلة ، فالدرس لم يتضمن بعض الطرق لحفظ الجالون وكيفية التعامل معه .

سألته بغضب ... ( ورا ما تقربع ......!! )

فقال في صوت هادئ ........ !!!!

طاح الجالون في القليب .....

هنا انتهت الحفلة ... فلم يكن هناك بديل . ...

صراخ مع غضب عارم ...

والله دواك من يربطك بدال الجالون وينزلك في القليب
عشان تعرف وشلون تمسكه زين ....... !!

عدنا أدراجنا مع حصيلة الصيد البسيطة

وصديقي العزيز الحاصل على درجة الدكتوراه حاليا
أحد أعضاء هيئة التدريس

لازال يتذكر تلك الحادثة
الله المستعان

أكثر من 25 سنة مرت على تلك القصة

إلى الملتقى في وقفة قادمة
استودعكم الله
تحياتي

[عاشق القطا.]

ننتظر وقفااتك الراااااائعه
بإنتظآرك على آحر من الجمررر

[زايد بن بدران]

ماشاء الله قصص لا تمل من قراءتها
استفسار سريع الكلام وشلون من اول تاصل الفيضه اللي تبي وتاصل الشعيب وترجع ولا يضيع الواحد هل البوصله لها دور ؟؟

[ابن صقيه]

ههههههههههههه

أجل قربع قربع ولا حولك أحد

ننتظر وقفتك التالية بكل لهفة وشوق

[السنع كله]

http://www.mekshat.com/pix/upload02/images75/mk46848_dscf0389%20(small).jpgهذا ددسن 75كان معي مثله شاريه بعد ماطاف عليه موديلين اي عام 1397بسبعة الاف ريال وكان جديد بثمانية وخمس مية اعتمرنا عليه مرات عديدة كنا نروح بكامل العائلة من عمات وخالات

[برق دوس]

بصراحة سرد ولا اروع
بإنتظار الوقفات القادمة من ذكرياتك
بارك الله بعمرك

[هجير السراب]

سرد ممتع بكل مراحله

بإنتظار القادم

الله يعطيك العافية

[دكتور بر]

الحقيقة أخوي دغيم1
سرد جميل وممتع
حفظك الله يالغالي وكان عندك زود ترانا نحتريه

[المتميز999]

قصص ومواقف رائعه وممتعه
في انتظار المزيد
تقبل تحياتي ..........

[دغيم1]

السلام عليكم ورحمة الله وبركاته
أشكر للجميع تواصلهم وتفاعلهم
متمنيا للجميع
السلامة والصحة والعافية
تحياتي

[راعي طفات]

وعليكم السلام ورحمة الله وبركاته

ونشكر لك مجهودك الرائع

مقدرين لك نثر هذه الدرر والدروس والخبرات بطريقة شيّقة وبشكل مميز

أمد الله بعمرك على طاعته وجمعنا بك ووالدين والقراء بالفردوس الأعلى

واصل ونحن نتابع

ولك ارق تحيه

[قطوعه]

السلام عليكم ورحمة الله وبركاته
أخوي دغيم1:
ماشاء الله إبداع وتشويق في طرحك للموضوع
قريت الموضوع من أوله إلى آخره وأنا في شوق وانتظار للمزيد
لاتبخل علينا بما عندك من الخبرات والوقفات والذكريات الجميلة التي لاتنسى
تقبل مروري...
أخوك قطوعه ....

[وادي الأحسبة]

قل آمين

أسأل الله الذي جلت قدرته كما متعتناا معك بـ 15 صفحة دفعة وحدة

أن يمتعك بالفردوس الأعلى من الجنة

[راجي الكريم]

ابداااع وامتاااع اخوي دغيم
لا تحرمنا جزاك الله خير من هذه الروائع
يا طيب ذيك الأيام ويا اطيب اهلها الله يرحم موتانا وموتى المسلمين

[محمد-الرس]

عندي سؤالين يا دغيم
الأول -بذاك الوقت من وين شريت الكاميرا وما ماركتها -وهل كانت أيام الخوالي الماضية نفس الأجواء أم هي هي نفسها
الثاني- هل أنت من دغيم الرس أم من الرياض لأن بالرس عائلة ال دغيم كثر
الثالث الله يعافيك....شف الوجار كم عدد الأباريق الغرش ششششششش

[أبا مجاهد]

بارك الله فيك يادغيم

ذكريات والله جدا جميله ورائعه وممتعه بحق

وفقك الله ورزقك طولة العمر

[Ahmad ss]

اضحك الله سنك

<<<
موقف لاينسى

[سليمان الربيعان]

الله يعطيك العافيه

[الصياد الحافي]

دغيم

الحمد لله الى مادرو عنك حقين التراث ولا كان صرة من اجنحة الجنادريه

ههههههههههههههه

لله درك على هالقصص الى تذكرنا بالماضي الجميل بكل مايحمل من بساطه وسعة صدر

ننتظر جديدك

وياليت مثل هذا الموضوع تجمع قصصه بدون ردود ويفتح له قسم الرحلات والمقانيص التراثيه ويوثق به

جميع من لديه صور قديمه وتراثيه

تحيتي للجميع

[بلاكوتا]

عساك على القوة والأحلى توثيق تسلسلات حياتك بالصور

وهذا شي يعتبر نادر جداً

والله يوسع صدرك زود يا كريم النفس

أعجبني الموضوع ولم أتمه

ولي تعليق لربما قد سمعته كثيرا

وجدتُ في ملفك الشخصي

بيتين من الشعر الأخير منها يقول


أنا أحسب إني صغير وبالعمر توي
لاشك شيبت وأحلىالعمر عديته

أن الشباب شباب الروح

الله يرزقنا وأياك بالصحه والعافيه

معليش أحس إني أكلم شايب :D

وله فائق إحترامي

دمت بود

[دلهميز]

الله يجزاك خير اخوي بلاكوتا على رفع الموضوع

قريته وكني معهم ( على اختصار الوصف) لأن من عاش هاك الفترة يتخيل الوقايع زين

اكمل استاذنا دغيم فقد اثرت الاشجان وهيجت الذكريات

[mzarkash2000]

ماشاء الله تبارك الرحمن ذكريات جميله وطرح اجمل ,,,,

[خالداللهيبي (ابو احمد)]

هههههههههههههههههههههههه
دغيم 1......
بيّض الله وجهك ..

[RHAL82]

الا ليت الزمن يرجع....