أبو سيف 1
27/07/2008, 10:39 PM
بسم الله الرحمن الرحيم
الإخوة الكرام , أتشرف بوضع أوّل مشاركة لي في هذا المنتدى , بعد طول متابعة ....
الله من طارٍ طرا تالي الليل=يقدح بجاشي مثل قدح الزنادِ
لا زان نوم العين جتها الغرابيل=ما كنّها إلا تكتحل بالسهاد
(يا وين أبلقى من يحب التعاليل)=اللي بمضمار المثايل جوادِ
نسلى عن همومٍ وكربْ وبهاذيل=قبل إن همّي يحترق به فوادي
وش عندنا يا كود نظم التماثيل=أونس لها وسط اللهايب برادي
من حمسةٍ من دون بن ومعاميل=ومن جمرةٍ عيّت تروّح رمادِ
ويا طير ياللي بهذلته المحابيل=محبالته تتناه في كل وادي
قصّت من النسرة وقصّت من الذيل=ما عاد يصفق يوم زان الهدادِ
حامت بجوّ الطير مثل الابابيل=غربان ورخومٍ غدا الجو هادي
ولّى زمانٍ للرجال المشاكيل=واقبل زمن هتان ورمزي وشادي
الله على جوّ خلا يشعبه سيل=لا ياصله جوال ولا به منادي
مسقيه من فصل الولي غبّة سهيل=مروّحات المزن عقب الغوادي
ما دوّجت فيه الحلال المطافيل=ولا حوله معبد ولا صوت رادي
ما غير ربعٍ من خيار الرجاجيل=متخيرنن طيّب الهرج زادي
هذا هوى قلبي ويالله بتسهيل=نسرق من الايام وقت البرادي
خل أهل الاسهم والشرا والمحاصيل=تنشب بهالدنيا سواة القرادِ
(وصلاة ربي عد ما عسعس الليل)=وعداد سكّان الحضر والبوادي
على الذي بالوحي ناجاه جبريل=المصطفى الهادي دليل الرشاد
الشطرين التي بين الأقواس مقتبسة .
وسلامتكم
الإخوة الكرام , أتشرف بوضع أوّل مشاركة لي في هذا المنتدى , بعد طول متابعة ....
الله من طارٍ طرا تالي الليل=يقدح بجاشي مثل قدح الزنادِ
لا زان نوم العين جتها الغرابيل=ما كنّها إلا تكتحل بالسهاد
(يا وين أبلقى من يحب التعاليل)=اللي بمضمار المثايل جوادِ
نسلى عن همومٍ وكربْ وبهاذيل=قبل إن همّي يحترق به فوادي
وش عندنا يا كود نظم التماثيل=أونس لها وسط اللهايب برادي
من حمسةٍ من دون بن ومعاميل=ومن جمرةٍ عيّت تروّح رمادِ
ويا طير ياللي بهذلته المحابيل=محبالته تتناه في كل وادي
قصّت من النسرة وقصّت من الذيل=ما عاد يصفق يوم زان الهدادِ
حامت بجوّ الطير مثل الابابيل=غربان ورخومٍ غدا الجو هادي
ولّى زمانٍ للرجال المشاكيل=واقبل زمن هتان ورمزي وشادي
الله على جوّ خلا يشعبه سيل=لا ياصله جوال ولا به منادي
مسقيه من فصل الولي غبّة سهيل=مروّحات المزن عقب الغوادي
ما دوّجت فيه الحلال المطافيل=ولا حوله معبد ولا صوت رادي
ما غير ربعٍ من خيار الرجاجيل=متخيرنن طيّب الهرج زادي
هذا هوى قلبي ويالله بتسهيل=نسرق من الايام وقت البرادي
خل أهل الاسهم والشرا والمحاصيل=تنشب بهالدنيا سواة القرادِ
(وصلاة ربي عد ما عسعس الليل)=وعداد سكّان الحضر والبوادي
على الذي بالوحي ناجاه جبريل=المصطفى الهادي دليل الرشاد
الشطرين التي بين الأقواس مقتبسة .
وسلامتكم