تكفون تكفون يارجاجيل مكشات انا محـــــتاجـــــــكم وردو عليه

[شلاش]

السلام عليكم ورحمة الله وبركاته

عندي استفسار وهو عنديkenwood 261 Tm
اذا شغلت الجهاز تقطم الفيوزات وكم مره اغير قوة الفيوز ولافيه فايده
رحت لمحل اكترونيات قال لازم تغير الايسي

ارجوا من الله ثم منكم افادتي (والسلام عليكم ورحمت الله وبركاته)

[دهران]

للرفع للمزيد من الإطلاع والتفاعل

[شلاش]

حياك ربي يادهران

[abo r3ad]

قبل الناس يشترون النصيحه بفلوس الحين ابلاش

الرجال نصحك وقالك غير الايسي ( غير الايسي )

اتبع النصيحه

وشكرا

[شلاش]

هلا بك يابو رعد طيب ياحبيب قلبي يمكن المشكله ماهيب في الايسي
يمكنها في شي ثاني وبصراحه طلب مني قيمة غااااليه مره وانا اسف كاني طولت في الكلام

وشكرا

[كاشخ 24 ساعه]

الفيوز تنقطع حمايه للجهاز من العطب والتلف الكامل

لذلك انا اشوف انك تسوي وحده من 2

يا أنك تغير الic زي ما قال لك الرجال او تحط فيوز اكبر ب1/2 امبير

[شلاش]

مرحبا بك اخوي كاشخ اخوي الحل الثاني سويته اكثر من مره ولافاد
وغيرة حجم الفيوز اكثر من5 مرات وغيرت سلك الطاقه ولافاد

وشكرا

[راعي المقانيص]

اخوي شلاش يمكن قوة الكهرب كبيره عليه واقوى منه جرب على سيارة ثانيه وشف قبل لاتغير الاي سي

[شلاش]

مرحبا مليون ياراعي المقانيص جربته على اكثر من سياره واكثر من محول
لكن نفس النتيجه (انقص الفيوز)

[راعي المقانيص]

مرحبا بك اكثر ياغالي

اجل مافيه الا تغيير الاي سي الله يكون بعونك لكن اهم شي اشرط على راعي المحل وخذ منه الضمان ان السبب من الاي سي دام انه على قولك غالي علشان اذا ماصار منه ترجع اي سيه وتاخذ دراهمك

[شلاش]

والله اني احترت يالغالي لكن يمكن يجي واحد من رجاجيل مكشات ويعلمنا السبب وانت خابر (الصبر مفتاح الفرج)

[رحال الرياض.]

اخواني
1- اتاكد من المحول الكهربا يمكن يكون يعطي قدرة كهربائية اعلى ويضرب الفيوز
2- من الخطاء وضع فيوز اكبر لان هذه الحركة تحرق باقى الحهاز بدل متحرق قطعة
3-وضع الفيوز الموجود الاصلى اللى اعتقد 15امبير اوعشرة
4- قطع الفيوز يكون فى دائرة الكهربا ء الديايود ويس فى الايسىic
وللتواصل
asdf_22@hotmail.com
فى الخدمة

[شلاش]

مرحبا مليون اخوي رحال الرياض
بالنسبه للمحول حجمه من 20 الى22 امبير
الفيوز حجمه 10 اميبر وغيرت حجم الفيوز مرات واااااااااااجد ليس هناك فائده
وشكرا

[wasal]

انتبه ,,! تحط فيوز أكبر من الازم ,, وألا يعدم عليك الشريحه ,,

[شلاش]

صراحه اخوي اكبر فيوز حطيته (50) امبير

وشكرا

[رحال الرياض.]

ياخوان وضع فيوز غير الاساسي بزيادة اونقصان
خطا خطا خطا
وثاني انا ماسئلتك عن الانبير انا سئلتك عن الكهرباء الخارج من المحول
اخشى ان يكون فيه تفويت كهرباء ويعطي اكثر من13.5فولت
اذا كان المحول سليم يوجد دايود فى دائرة الكهرباء وجنبة دابود زجاجي
لازم تغيير وic وشف فية بديرة تنوير باكستاني لاباس جنب محلات الداوود

[شلاش]

المحول سليم 100%
واظاهر اني ابي اروح وغير ايسي وشكرا على ردك

[ابو فهد 2007]

السلام عليكم ورحمة الله وبركاته

عندي استفسار وهو عنديkenwood 261 Tm
اذا شغلت الجهاز تقطم الفيوزات وكم مره اغير قوة الفيوز ولافيه فايده
رحت لمحل اكترونيات قال لازم تغير الايسي

ارجوا من الله ثم منكم افادتي (والسلام عليكم ورحمت الله وبركاته)

وعليكم السلام ورحمة الله وبركاته

أخوي شلاش
الذي فهمته من مشاركتك هذي
أن الجهاز يضرب فيه الفيوز عند بداية ما تشغل الجهاز ، يعني قبل ما تراسل فيه .

هذي المشكلة أم فهمي خطأ .

على العموم ما ودي اطول عليك فسأعرض عليك بعض الأحتمالات و أسأل الله التوفيق .

إذا كان الفيوز يضرب عند التشغيل
فأيسي الإرسال ما له علاقة لأن الجهاز يشتغل ويستقبل ولو كان أيسي الارسال عطلان بل ولو ما فيه ايسي أصلاً .

أما إذا كان الفيوز يضرب عند الإرسال
فممكن إن السبب يكون من الأيسي ولكنه أحتمال ضعيف .
لأن الأيسي العطلان يرسل ولكنه ضعيف جداً ولا يتأثر به الفيوز .
فأتوقع أنه إلتماس في أحد الخطوط .
ممكن ان الجهاز تعرض لحرارة مرتفعة جداً فذابت الخطوط في اللوحة والتمست .
لذلك حاول أن تنظر بنفسك ، أو تعرضه على مهندس الكترونيات .

وإذا كنت مركب مروحة للتبريد فحاول أن تفصلها عن الجهاز ، فممكن تكون هي السبب .

وللمعلومية أيسي الأيكوم 2100 يركب على الكنود فإذا كان عندك واحد ركبه على الجهاز وجرب .
أما عن الفيوز فلا يزيد عن 20أمبير ، وإذا ضرب ففيه مشكلة .

هذي بعض الافكار والإحتمالات وإن كان بعضها ضعيف ولكن حاول .
أسأل الله لك التوفيق .

والمعذرة .
والشباب فيهم الخير و بإذن الله ما يقصرون .

[شلاش]

مرحبا بك يابوفهد تراحيب المطر انت فهمت وش اقصد

عند تشغيل الجهاز على طووووول ينقص الفيوز ولايشتغل الجهاز ابد يعني البلا مهوب في الايسي طمنتني الله يطمن قلبك (ابو فهد حبيت اقولك شي وارجو منك المعذره ايسي الايكوم2100 مايركب على الكنود 261
السبب لاختلاف الاحجام)
وفهمك الاول صحيح 100% والله يعطيك العافيه وتسلم يالغالي
تحياتي شـــــــــلاش

[الشــامخ]

ياخي الكريم انا ماني بابخص من الربع اللي اعطوك النصايح لكن انا اقول جهازك 100% انه فيه التماس شف اقرب كهرباى وانشاء الله يصلحه لك

[شلاش]

هلا بك يالشامخ المشكله وديته لمهندس الكترونيات قال المشكله في
(الايــــــــــــــــــــــســـــــــــــــي)


تحياتي شــــــــــلاش

[ابو فهد 2007]

مرحبا بك يابوفهد تراحيب المطر انت فهمت وش اقصد

عند تشغيل الجهاز على طووووول ينقص الفيوز ولايشتغل الجهاز ابد يعني البلا مهوب في الايسي طمنتني الله يطمن قلبك (ابو فهد حبيت اقولك شي وارجو منك المعذره ايسي الايكوم2100 مايركب على الكنود 261
السبب لاختلاف الاحجام)
وفهمك الاول صحيح 100% والله يعطيك العافيه وتسلم يالغالي
تحياتي شـــــــــلاش

الله يبقيك أخوي شلاش

صحيح الايسي لا يسبب هذه المشكلة عادةً .

معذور وحنا مكملين لبعض .
لكن هذه صورة جهازي الكنودTM-261 المركب عليه آيسي الأيكوم وهو يعمل معي بكل كفاءة .

http://www.3rb-up.com/uploads/thumbs/arab-up5af8393dcd.jpg (http://www.3rb-up.com/uploads/images/arab-up5af8393dcd.jpg)


http://www.3rb-up.com/view.php?file=83700cf42a

[شلاش]

اخوي ابوفهد الي خلاني اقول ان الايسي مايركب كنا نتناقش وكان واحد من الشباب يقول ايسي الايكوم يركب على الكنود وختلفنا وصار صجه ولجه لكن انت وريتني الدليل القاطع وشكرا يابو فهد

طيب ابو فهد وشقلت اركب الايسي ولا انتظر الجواب الكافي منك ومن اخوانا الغالين عطني رايك

تحياتي شــــــلاش

[ابو فهد 2007]

لكي تتأكد من موضوع الأيسي أفصل الأيسي من الجهاز
و الطريقة سهل
خذ كاوية لحام 20 أو 30 واط و فك أرجل الأيسي الأربعة من بورد الجهاز من الجزء السفلي للجهاز .
ثم جرب وشغل الجهاز ، فإذا قص الفيوز تأكدنا أن الأيسي ليس له علاقة بالموضوع .

فحاول أن تصلح الالتماس أولاً ثم ركب الأيسي وسيتضح لك هل ستحتاج أيسي أم لا .


هذا رأيي و لك حرية الاختيار .

أكثر المهندسين هداهم الله
أول ما تجيهم بجهاز فيه عطل يقولون لك
" يحتاج أيسي إرسال " وما يخلص ألا بعد يوم أو يومين و إذا اصريت عليهم فبعد ساعتين .

والحقيقة أن الجهاز أحياناً لا يحتاج لهذا الوقت ولا لتغيير أيسي إرسال
وإنما يحتاج لديود أو أيسي كهرباء الذي سعرها لا يتجاوز الخمسة أو العشرة ريالات .

كل ذلك كي يبرر القيمة التي يطلبها مقابل الصيانة.

[شلاش]

ابو فهد الله يوفقك ويرفع من قدرك (قل امين) طرقة فك الايسي انشاء الله انها سهله ولكن عشان نتأكد ايسي الكنود هو القطعه المستطيله الموجوده في ظهر الجهاز ولا لا ولك مني جزيل الشكر يابو فهد

تحياتي شـــــــــلاش

[ابو فهد 2007]

آمين

وصحيح
ايسي الكنود هو القطعه المستطيله الموجوده في ظهر الجهاز .

[شلاش]

هلا بك ابو فهد والله اني خجلان منك لكن مالي الا الله ثم انتم يالغالين
ابو فهد الكاويه حسب ماذكرت تكون 20 او 30 واط والكاويه الي عندي مكتوب عليها230v
14w هل هي تقوم بالغرض الكافي او لا اعذرني يابو فهد

تحياتي شـــــــــــلاش

[fox1]

تاكد من الكيبل يمكن مجروح اومن الفيش الي يوصل للجهازالسالب والموجب من خارج الجهاز اومن داخل الجهاز او الكيبل معكوس في تشبيك البطاريه

[صاحي لهم 261]

انا عندي واحد وماشي معاي عليه 3.5 ويوصل الى الخبر وايام الرطوبة يجيب الرياض و قطر

[جفيل]

شف سلك الكهرباء الخارج من الجهاز ..يمكن فيه التماس ..افتح الجهاز وناظر من الداخل .

وخصوصاً ان الجهاز قديم


ياليت نسمع صوتك في الديره ..ترا قبلنا انا والعيال نجتمع.

تحياتي والله يعينك

[ابو فهد 2007]

هلا بك ابو فهد والله اني خجلان منك لكن مالي الا الله ثم انتم يالغالين
ابو فهد الكاويه حسب ماذكرت تكون 20 او 30 واط والكاويه الي عندي مكتوب عليها230v
14w هل هي تقوم بالغرض الكافي او لا اعذرني يابو فهد

تحياتي شـــــــــــلاش

المعذرة على التأخير
و حنا لبعض أن شاء الله

الكاوية الّي عندك تشتغل على كهرباء 220 فولت لكن الواط حقكها اتوقع أنه ضعيف ، لكن اشبكها في الكهرباء لمدة من 3 إلى 5 دقائق حتى تسخن و لمسها القصدير ( اللحام )
فإذا ذاب اللحام بسرعة حاول أن تفصل الأيسي القديم و ركب الجديد .

و وافينا بالأخبار الطيبه .

[شلاش]

يامرحبا تراحيب المطر من طول الغيبات جاب الغنايم
ابو فهد ابشرك ضبطنا الجهاز وهو الان بحاله جيده ومستقره

ودك تعرف السبب وش كان


طيب تعال





خلك مركز





معي اولا خلاص ياخونا لاتعصب
السبب هو (____دايـــــــود الكـــــهـــــرب_____)

[ابو فهد 2007]

يامرحبا تراحيب المطر من طول الغيبات جاب الغنايم
ابو فهد ابشرك ضبطنا الجهاز وهو الان بحاله جيده ومستقره

ودك تعرف السبب وش كان


طيب تعال





خلك مركز





معي اولا خلاص ياخونا لاتعصب
السبب هو (____دايـــــــود الكـــــهـــــرب_____)


الله يبقيك ويبارك فيك
مبروك على تصليحك الجهاز وموافاتنا بالأخبار السارة .


والحمد لله أن توقعي صحيح .


أعيد لك ما قلته في مشاركتي رقم 24
(( أكثر المهندسين هداهم الله
أول ما تجيهم بجهاز فيه عطل يقولون لك
" يحتاج أيسي إرسال " وما يخلص ألا بعد يوم أو يومين و إذا اصريت عليهم فبعد ساعتين .


والحقيقة أن الجهاز أحياناً لا يحتاج لهذا الوقت ولا لتغيير أيسي إرسال
وإنما يحتاج لديود أو أيسي كهرباء الذي سعرها لا يتجاوز الخمسة أو العشرة ريالات .


كل ذلك كي يبرر القيمة التي يطلبها مقابل الصيانة. ))