بشرى ساره ..

[عاشق الخلاء]

الحمد لله والشكر
ابشركم وجدنا السياره بمساعدة رجال الدوريات . وجدناه موقفه عند بيت في حي الازدهار ولا يخطر على بال احد .
ماقصروا الحراميه الله ياخذ حقي منهم سلبوا القارمن وجميع عدة البر مع اعطال بسيطه والحمد لله بالجيب .
الحمد لله على فضله .
اشكر اخواني اعضاء هذا المنتدى الذين دعوا الله ان يرد على ضالتي وجزاهم الله عنا كل خير

[winchester]

الحمد لله على العقلان

والحلال بأذن الله مايضيع

دمـت بود

[ابو صقر992]

الحمدلله اخوي اهم شي السياره اذا رجعت على الاغراض تتعوض لاكن السياره باكمله صعبه الله يعطيك خيرها ويكفيك شرها 00

[محمد الصرير]

الحمدلله والشكر هناك العقلان أخوي ، أهم شي إن السيارة ارجعت وغيره يتعوض ( والحمدلله إنك ما كنت فيها )وبعدين عدة البر أشتكت وهي تدور التقاعد ياخوي والقارمن خله يتعلم على تحديد مواقع الاسواق والمنتزهات وتجمع الشلل ، على العموم الحمدلله والله ياخوي زميلنا في العمل سرق منه جيب موديل 2007 ما بقى له غير الاقساط الله يعوضه خير . ودمتم سالمين

[عاشق الخلاء]

الله يعافيكم ويبارك فيكم ... انتم اخوان في السراء والضراء .
اشكركم على مشاركتي الحزن والفرح .

[عاشق الخلاء]

الحمدلله والشكر هناك العقلان أخوي ، أهم شي إن السيارة ارجعت وغيره يتعوض ( والحمدلله إنك ما كنت فيها )وبعدين عدة البر أشتكت وهي تدور التقاعد ياخوي والقارمن خله يتعلم على تحديد مواقع الاسواق والمنتزهات وتجمع الشلل ، على العموم الحمدلله والله ياخوي زميلنا في العمل سرق منه جيب موديل 2007 ما بقى له غير الاقساط الله يعوضه خير . ودمتم سالمين

محمد الصرير الله يعوض على زميلك خير ان شاء الله والله الواحد اذا سمع بعض المصايب تهون مصيبه الله يعوضه خير ويرد له موتره سالم .
وبعدين كلامك عن العزبه والله انك صادق انها استحقت التقاعد . والقارمن الله لايحللهم ولا يبيحهم وان شاء الله نتحاسب انا وهم يوم الوقوف امام رب العالمين .
الحمد لله على كل حال واشكر كل اخواني اللي دعوا بظهر الغيب وشاركوني جزيتم خيرا
وابشركم الوحش الحين يدور البر يقول ابي اغسل هاليومين اللي ذقت فيهم المر .