مشكــًٍـلًٌة لأهــًٍٍل الخبـًٍرهـًٍ ...

[صياد الخليج]

السلام عليكم ورحمة الله وبركاته



في عندي سؤال محيرني عن حالة نفسية للاسماك.....الهامور.


:( عملت حوض سمك الهامور في البيت وهيئت له كل المستلزمات
من صخور و اكسجين و طعـــام,

المشكلة اللتي اعاني منها ................
أن الاسماك لا تريد ان تاكل.........؟؟؟؟؟؟؟


افيدوني بما تملكون من اقتراحات و اراء



http://www.zgrti.com/uploads/zgrti-4b4137988d.jpg (http://www.zgrti.com)

[القبقب]

صعبة هامور وفى حوض في البيت أول مرة أسمع
واحد يربي هوامير فى البيت الظاهر تبي تصير هامور من ورى تربية الهوامير .
أنصحك تجرب التغذية الصناعية مع الطبيعية وبعدين ركب جهاز يقيس نسبة الملوحة
وبالتوفق ياخوي صياد الخليج .

[اااانور]

فكره حلوة عطنا اخبارك اول باول
الله يوفقك

[الدوسري6]

من وين جبت الهوامير
أخاف متعودين على الفيران.

[صياد الخليج]

الحقوني الهامور يموت جوعاااااا

[القبقب]

أنصحك نصيحة أخ لاخوه رده البحر على الفور أذا ممكن الان أحسن .
وبعدين خذ دوره في مركز متخصص في علوم البحار تعلم على كيفية تربية اسماك المياه المالحة وبالذات الهامور لانه كل نوع من الاسماك تختلف طريقة تربيتها .
ورد صيد هوامير وربيها لين تقول بس .

[alsamed]

اعتقد الهامور يخاف ياكل ممكن لو غطيت الزجاج ... عبالي مسوي اضراب

هاموووور في البيت !! يمكن تريد تتدرب عليه هههههههههه

[spearo]

مرحبا اخوي

حط لة سمك حي وخلة معاة في الحوض وبعد فترة ماراح تشوفة

واذا مانفع رجعة البحر

الله يوفقك

[abdullah5115]

أقول الهمور شكله زعلان ياخي يجبله هاموره وزوجهم
وأنشاء الله تشوف ألي يسرك ههههههههههههههههههههه

[المنتب]

احسلك اكله

[fuad 81]

وين يبو الشباب انت بتفتح بنقله فالبيت ؟
مين اعطاك هلفكره الله يصلحك

[alhaidary]

هذا الهامور يُعرف عندنا بإسم الشون
وهو أفضل الهوامير طعماً
وبالنسبة لتربيته أخي الكريم
لابد أن تتأكد من جميع العوامل المؤثرة عليه
بنسبٍ مختلفة من عاملٍ لآخر
مثل الضوء والحرارة والملوحة والضغط والتضاريس ونسبة o2 وكائنات حية أخرى إلخ إلخ إلخ
وتمثل كل هذه العوامل فيما بينها علاقات معقَّدة , قد تنجح في فك رموزها وقد لا تنجح واللهُ أعلم
وربَّنا يُوفِّقك

[ابوعيدالدوسري]

اخوي . اذا انت تبيه للزينه مشكله بصراحه . هههههه

اذا ناوي على مزارع وانتاج اسماك فهذا شي ثاني وعالم كبير اسمه
aquaculture and fish farming
ابحث عن الاسم العلمي لسمك الهامور وابحث ايضا تحت المسمى للعلم الذي اعطيتك اياه واذا حصلت على الغذاء والبيئه المناسبه فتكون قد حللت المشكله .

ومتابعين الموضوع وانشالله اذا ماكلا الهامور ، تاكله باذن الله هههههه

[صياد الخليج]

مشكورين على الاراء الطيبة

[إبراهيموفتش]

يمكن المكان ضيق



[

[باترول 82]

الله يوفقك فكره حلوه
واعتقد انه اكثر واحد يفيدك الأخ عماد

[القبقب]

بشر ايش أخر أخبار الهوامير كلوا ولاماتوا جوعا .

[معاند سيف]

اخوي صياد الخليج, أنا اول مره اسمع هامور في حوض.يمكن تصير أنت أول واحد ينجح بالتجربه.
عموماً جرب حط له سمك صغير حي , ميد صغير أو عوم صغير وعطنا الاخبار.

تحياتي.

[tawmw]

يا خوي انت في منتدى الصيد البحري...ارى انك تشترك في احد منتديات تربية وتفريخ الاسماك البحرية وستجد ما تحتاجه... بالتوفيق ان شاء الله

[هونتر]

سلام عليكم أخوي صياد الخليج
تربية الاسماك البحرية صعبة جداً جداً جداً . اول ما تصاد السمكة في الاسبوعين الاوليين لصيدها يموت ما نسبته 80% من الاسماك و في الاسبوعين التاليين يومت ما نسبته 50% من الاسماك .
اخوي اتجه نحو اقرب محل لبيع الاسماك الزينة و تربيتها ستجد عندهم بعض الادويه الضرورية للاسماك بعضها يوضع في الساعتين الاوليتين من صيد السمك لأجل يعطيها شعور أنها ليسة في الاسر و هذا مهم جدا
ويوجد ايضا بعض انواع البكتيرا الضرورية توضع في الحوض
مع الاخذ بالإعتبار وجود الطحالب البحرية و كذلك الاعشاب البحرية
تراها الشغلة صعبة
لكن بالتوفيق انشاء الله
و تقبل تحياتي

[الدوسري6]

أنا حطيت قرقفان بالحوض ، لكن ماتوا خلال ساعتين تقريبا ...